百芳池上便當 (太古城中心)

营业中

休息中

要找一間又快又好吃的食店，在太古這間是不二之選，精巧便當在此尋。台灣焢肉便當，這個便當有菜有肉有飯，還有蛋和粉絲，腩肉在口內化開，那種油份滿口的感覺使人滿足，滷蛋味道香濃，粉絲配菜脯令人開胃。紅燒牛丸牛筋麵，牛丸不是普通貨色，每啖也充滿牛肉的肉味，而且非常彈牙，牛筋更是亮點，因炆得軟滑入味，面質彈牙可口。夜市花枝丸，花枝丸炸得外脆內軟，落了一些椒鹽更是惹味。芋頭豆乳小芋圓，可以用真材實料來形容這一杯飲品，內裏的芋泥真的多，但這店可做到 綿滑，又可用飲管飲用，豆乳味濃郁，芋圓一粒一粒滿滿的使人非常滿足。黑糖珍珠仙草鮮奶，味道非常甜美，珍珠也是特多的，而且是質素高的那一種。味道: 值得一試環境: 舒適衛生: 整潔服務: 尚可價錢: 超值

有時返工真係無時間食晏，想快快趣買一個有質嘅便當🍱，可以試試呢一間台式料理。一個經濟價錢連台式飲品都可以有好多款套餐可以選擇，味道還不錯☺️———————————————————————————🥢百芳豬扒便當🍱➕🧋💬外表其實都幾普通，但其實都好豐富，台式豬扒大大塊，配有粟米🌽、炒粉絲、椰菜🥬、滷蛋🥚，令人太掛住去台灣旅行🧳搭台鐵🚉嗰種懷舊便當🍱嘅感覺，加埋杯台式飲品就啱晒☺️

#灰到太古 #灰到食台灣菜🔻百芳滷雞扒便當 配碳焙烏龍 $63便當份量好多，除左雞扒同飯之外仲有好多配菜(粉絲、粟米、滷蛋、菜脯)，外食嚟講算比較健康🤣雞扒滷得入味，而我就將所有配菜撈埋一齊食，有更多味道變化。烏龍茶偏淡同順口。-👅食後感：食物味道係唔錯，堂食環境普通，適合外賣拎走，不過唔建議叫熱飲，因為個杯完全唔隔熱，熱到完全拎唔到😳-👀個人喜愛度：6.5/10-🚩百芳池上便當 (太古城中心)太古太古城道18號太古城中心1期1樓誠品生活L111號舖-#美食 #香港美食 #hk #hkfood #foodie #hkfoodie #香港 #홍콩 #맛집 #음식 #台灣 #便當

啱啱陪個朋友去太古城shopping！首先梗係去醫肚啦⋯⋯啱啱行過誠品聞到一陣陣嘅香氣！咁就俾佢吸咗入去！原來呢度有台灣嘅便當🍱仲有特色飲品⋯⋯🍱🍱百芳池上便當🍱🍱首先餐廳非常闊落！一啲都冇逼夾嘅感覺⋯⋯非常自在！而且身處喺誠品真係覺得自己係個文清🥰😍慢煮豬手便當🍱便當非常豐富！豬手炆得非常入味⋯⋯而且份量超大⋯⋯有菜丶粟米🌽粉絲丶仲有半隻滷水蛋丶榨菜⋯⋯啲飯非常香軟硬適中！加埋獨有嘅醬汁好惹味！香酥豬扒肉燥拌麵豬扒超大塊！仲好嫩滑添⋯⋯肉操拌麵非常香濃！肉燥入口即溶⋯⋯仲有半隻滷水蛋添⋯⋯加了辣椒油超正🙆‍♀️皮蛋豆腐價錢便宜！豆腐又滑！而且清清地撈埋啲飯一齊食真係好好味😋⋯⋯芋頭鮮奶小芋圓芋頭非常香滑⋯⋯原本叫店員少甜⋯⋯原來已經調校好不可加多或減少！但係覺得啱啱好！😍😍黑糖珍珠仙草鮮奶真係好足料！差唔多半杯都係珍珠仙草🤩而且黑糖仲好香添😬仲有佢嘅鮮奶係好香滑嘅😍收錢嘅服務員一定要讚一讚😍之前請一個顧客改完又再改改完又再改🙆‍♀️仍然有好嘅服務態度🥰真犀利🙆‍♀️

行開街去太古城誠品買完野，入面都有食店見到間食台灣店舖食便當就去左食個中午，位置都幾方便由地鐵站過去都唔太遠。台式便有滷肉飯、小食同飲品仲有下午茶鹽酥雞便當 HK $59鹽酥雞新鮮炸起又香脆同肉嫩，咬落好鬆軟，而且鹽酥雞份量都算多呀配菜有粟米、粉絲同半隻滷水蛋，由其用粉絲同飯撈埋一齊食，真係越食壞吃得多。佢地採用左台灣木盒一次性用既，好有台式風味。皮蛋豆腐 HK$20小食有個甜甜咸咸有木魚絲同皮蛋有醬汁配起凍豆腐一齊食好開胃呢乾拌麵套餐香酥豬扒肉燥乾拌麵 HK$64豬扒大大塊切開有幾舊同時都分開用碟另上豬扒炸得酥脆肉質都幾軟淋，肉燥同拌麵一起吃都幾夾。乾拌麵彈牙醬汁就未夠豐富金桔檸檬 +$12 一般我都會少冰，味道甜酸的好珍珠奶茶+$12 珍珠粒味道比較甜，而奶茶還可以地方位置幾方便，而且價錢相宜都唔錯呀【百芳池上便當】 (太古城中心)太古太古城道18號太古城中心1樓誠品生活L111號舖

以前搭長途台鐵，總會買份便當，喺㗎火車度欣賞風景，然後會有一個台灣靚仔行埋嚟同我打招呼，問我目的地去邊......發完白日夢喇，原來坐我隔離嘅唔係台灣靚仔，只係M佬；火車嘅風景亦只係太古城誠品嘅畫面；但好彩仍然有份百芳池上便當，滿足了。皮蛋豆腐豆腐香滑，醬汁濃郁，仲有Q彈皮蛋，絕對係最佳配搭。香酥炸雞腿便當雞髀即叫即炸，雞髀成隻手掌咁大，炸到金黃鬆脆，雞肉嫩滑夠Juicy。店員細心地將飯同雞髀分開上，令雞髀嘅油分唔會流晒落個飯度，飯面仲要鋪滿炒粉絲、菜甫、栗米粒、椰菜、 紅蘿蔔絲同滷水蛋，分量十足，亦令食飯嘅時候多咗口感。香酥豬扒肉燥乾拌麵豬扒醃得入味，炸粉唔厚，成塊豬扒夠大塊又無骨，最愛就係啖啖肉。拌麵上有好好肉燥，有肥有瘦，比例啱啱好。芋頭豆乳小芋圓充滿豐富芋頭香味，除咗芋熔，仲有芋頭粒，芋香濃郁，勁有口感。伴隨住芋頭仲有豆乳，口味濃郁，同芋頭非常之match。珍珠奶茶奶滑茶香，勁多珍珠，好解渴。

星期五和同事到太古城食lunch。去到時已經見到有好多人排緊隊，但我之前試過堂食，唔洗5分鐘就有得食，所以就照排隊購買。下單後已有心理準備至少要等15分鐘左右，但係今次我們等了超過30分鐘先有得攞！當然其中一個原因是太多人食，但我地認為取餐時有D混亂。見佢地將即場落單既同網上下單既貨放埋一齊，每次有人問既時候要浪費少少時搵餐......如果可以諗下方法提高效率就好喇~不過~~佢既便當真係好好味今次點了百芳滷雞翼便當和綠茶。雞翼好入味，綠茶有點甜。朋友給了一塊豬扒我試~肉質軟腍，好味~不得不提便當的配料十分豐富，而已亦都好好味！有甜栗米、入味既粉絲和口感滿足既蛋~仲有D菜~成個便當好豐富和飽肚- 抵食~

2021/3/12百芳池上便當由於疫情關係，都好耐無同老公出去食飯！今日經過太古城中心，喺誠品行完之後，發現入邊有一間叫做百芳池上便當！原來係台式餐廳！睇中左佢杯黑糖珍珠仙草奶茶！所以決定入去試下😆😆我地點左一碗豬手便當 + 台式香腸同埋豬扒麵☺️☺️☺️台式香腸🥲一食就有種台灣味道好掛住去旅行既日子！豬扒麵個湯底好濃味！😍😍😍而豬扒都好香口！最重要係佢唔多骨，可以大口大口咁樣食，好鬼爽！食到停唔到口！！飲埋杯黑糖奶茶 真係飽到頂點！！

今日都喺呢頭做嘢，搵咗呢間叫做平平地嘅餐廳解決午餐就算12點零左右去到，座位唔多，我諗得廿個位，不過暫時冇乜人，拿拿林嗌嘢食～因為我係堂食，喺收銀到要邊嗌嘢食邊登記，收銀姐姐都唔算催我嘅跟住拎咗個咇咇機，自己搵位坐就得我揀咗台灣鹽酥雞便當，配凍茉香綠茶成個便當好豐富，有好多菜、蛋、粉絲同飯，而主角鹽酥雞都好多舊～呢個價錢嚟講係幾抵食味道都正正常常，但有幾舊鹽酥雞入面都好似有啲肥膏，同埋鹽酥雞唔夠脆，似係一早炸好再整返熱，不過都可以接受，平呀嘛綠茶正常，我覺得甜咗少少，唔知有冇得揀少甜呢同埋後尾都好多人等緊外賣睇嚟呢間都幾受歡迎～

今日行太古誠品，當然唔少得要醫吓肚，吹吓水百芳池上便當就適合我同friend了紅燒牛丸牛筋麵，牛丸超讚😍好有牛味而且肉汁豐富，好彈口。牛筋好淋而且不膩配搭紅燒湯底一流！麵質好Q彈yummy台灣滷雞扒便當雞扒好入味，旁邊有爽口粉絲，粟米粒等配菜，這個飯，真係好飽肚😋炸花枝丸，好有鮮味，必選嘅小吃金桔檸檬🍋，酸酸甜甜好醒胃芋頭鮮奶小芋圓，芋香奶濃，口感好滑，小芋圓好有咬口，直頭係一杯甜品，cheers

今日早咗放工，諗住去太古城吃下午茶，點知見到八芳嘅晚餐都好抵，就決定食便當🍱慢滷豬手便當🍱這個豬手很入味，很香，令人食慾大增，便當內的配菜很多，有粟米、菜脯、滷水蛋、粉絲，所以口感好多，但是對我來說豬手就硬咗少少🤏如果能夠腍一些就一百分💯紅燒湯麵拼炸豬扒面底很滑，炸豬扒入味，肉質鬆軟，配合湯麵來吃真的一流。台灣夜市香腸呢個腸真係好惹味，令我有回到台灣的感覺。芋頭豆乳小芋圓比我預期仲要好飲，豆乳有啲似豆腐花咁，好滑，芋頭味濃，芋圓好煙韌😋😋總括來講，這台式餐廳的食物是水準之作，下次會再嘗試其他，尤其我看到下午茶都好吸引好抵食。

CP值：4/5價錢 Price: - 百芳豬扒便當Fried Pork Chop Bento：$59- 滷肉飯便當 Braised Pork Mince Bento：$55- 台灣古早味香腸 Traditional Taiwanese Sausages: $25(包配菜3款、飲品一杯）（With 3 daily selected side dishes and a drink)我真係好掛住台灣啊疫情之前，我每年起碼都會去一次台灣因為嗰度啲嘢食真係好好味，我亦都好鍾意嗰邊嘅旅遊景點同人情味☺️雖然而家冇得去台灣，但都可以喺香港食住台灣嘢食先嘅呢度嘅便當真係好抵，份量又多又多配料炸豬扒肉質好軟熟，調味啱啱好滷肉其實係有少少肥肉嘅肉條，但有啲鹹所以用嚟送飯就啱啱好啦其實可以加大約10-20蚊轉飲珍珠奶茶但記得要少甜，如果唔係真係會勁甜😣同埋佢勁大杯，飲完之後真係飽到傻左😂I miss Taiwan badly🥺Before pandemic, I visited Taiwan at least once a year because I really like the tasty food,

呢間台灣野係行街無意中發現嘅 係痞街食嘅日子入面好似已經食第三次 堂食都食過兩次 證明我係喜歡的🥰🥰佢有多款便當俾你揀 價錢係介乎$53-$63，可以接受😆🍱鹽酥雞便當 $59痴線真係超級大份😂數唔到有幾多粒鹽酥雞 便當🍱入面有粟米🌽滷水蛋、粉絲、菜🥬同埋飯🍚大份到我要同男朋友share先得😂佢個粉絲超級惹味😋粟米🌽份量又多又甜😍仲有主角鹽酥雞🍗炸得好香脆 咬落去索索聲 而且嫩滑 充滿肉汁😍 下次去可能都係嗌返同一款嘅便當😂🥤另外佢係有飲品隨餐附送嘅 我就揀咗紅茶。佢茶味幾濃 不過佢係有落糖 我鍾意飲無糖嘅茶多啲 唔記得叫佢走甜😅

依間百芳勁方便 就係太古城間誠品入邊🤣台灣夜市香腸 - 勁好食😂 台灣腸最正就係每一啖都帶點甜味 而且要烤得夠香 外皮夠脆先叫整得好 而依間我都真係比九分十分雖然只係25蚊 但份量好大兜 邊食邊講好好味 下次一定要再叫😂肉燥鹽酥雞乾拌面 - 面質較軟身 但軟得黎有咬口 唔係一pat野 而肉燥份量都幾多 同個面好夾香酥炸雞腿便當 - 飯量比面多 粉絲入晒醬油味 粟米係甜嫁😍 雞腿成隻手咁大舊 啖啖肉🤣🤣🤣 而肉質都算鮮嫩 唔係hea做😏黑糖珍珠鮮奶 - 今次破戒無叫小糖想試下佢原味 黑糖味好濃 珍珠口感中間偏硬 奶味唔算好濃 但叫佢黎送飯都唔錯👍🏻芋頭鮮奶 - 香濃芋頭味 飲落口感都滑身

混乱，错单！ 好甜也没少到！ 印象差，不会再去原本order滷雞扒肉燥拌面，最後給我兩份麵是怎麼回事？ 我的雞扒飛走啦！ 外賣就可以馬虎不check單嗎？Who’s gonna cover my lost ? Not reaching the standards Disappointing!!