百芳池上便當 (V City)

营业中

休息中

收工約老友食晚餐，佢推薦食呢間台式便當餐廳，話晒都好耐無食過台灣野，試下都好，行到門口都好多人賣外賣，店員都好忙，堂食都幾多人，去到見到有位但又唔見店員安排坐位，見佢地都好忙所以都唔怪得咁多既。入去坐底位與位之間都算迫，睇下餐牌主要都真係台式便當風格，都係炸豬排雞排，雞腿同鹽酥雞之類。鹽酥雞肉燥熱伴麵，麵偏腍，肉燥都係台式魯肉果隻半肥瘦，味道還可以，鹽酥雞粉幾厚，無乜味，椒鹽落得唔多夠，幾油膩。半筋半肉牛肉米粉，用返台灣新竹米粉，湯底少少辣，老友話唔錯。叫滷水小食拼盤，有2隻滷蛋，3隻雞翼同d豬手，豬手細舊骨多無乜肉食，雞翼同滷蛋普通無咩特別。整體上一般般，價錢當然就比較貴，食台灣野可以有更多更好既選擇。

放咗工想食啲快靚正嘅嘢，見到Vcity嘅百芳池上，好似幾正咁，睇吓有咩好食先！台灣鹽酥雞肉燥乾拌麵，鹽酥雞大大舊，外表脆卜卜，咬落去啖啖肉，而且好多汁。肉燥調味得宜，麵條彈牙唔會黏，撈埋一齊食唔錯，但肉燥份量少咗啲。台灣焢肉便當，便當入面有好多配菜，有葉有粉絲，而且每一樣都好俾心機整，焢肉炆得好腍好入味，送飯一流！皮蛋豆腐，兩種食材出奇地好夾，豆腐食落有豆香味。黑糖珍珠鮮奶，食飽飽之後飲返杯珍奶，黑糖同珍珠果然係perfect match，珍珠咬落彈牙，爽！

店內主打台式便當，門面可以買台式飲品，餐牌選項頗夠，上菜速度快捷方便，店員有禮友善。店內開揚有自然光，感覺更悠閑。👍🏻百芳牛肉麵試一下招牌牛肉麵，湯頭濃郁帶香味，牛肉軟淋入味，幼麵彈牙不過淋，有大量蔬菜一起吃更滋味。🥬台灣鹽酥雞便當鹽酥雞肉舖滿便當盒，炸得金黃香脆又能保持肉汁，便當夠豐富，有入味粉絲，咸香榨菜加上白飯，肉碎粟米多汁送飯一流，加上蔬菜底，健康又惹味。台灣古早味香腸外觀色澤分明肥瘦剛好，肥肉帶出鮮甜香味，口感紮實帶嚼勁，是台灣夜市的味道😍荔枝紅茶用上台式外賣杯更有風味，荔枝果香濃厚，清新宜人，紅茶回味又回甘。芝士奶蓋紅莓果茶特飲以優惠價加購，芝士奶蓋香滑濃稠，加上酸甜紅莓，開胃又滋味。😋意想不到的台式味道，掛念旅行的感覺時來一個便當，份外親切😙

「我的天空今天有點灰」想到台灣美食，不得不提便當!這家很有台味，需要止渴的時候真的不錯選!台灣焢肉便當每次都必點的，作為國民美食，真的當之無愧!大塊的豬五花肉，用上醬油、糖及香料等材料，皮Q肉軟鬆化又帶滷香，配上米飯粉絲和粟米粒，每口都滋味。香酥豬扒肉燥乾拌麵，豬扒都炸得幾香脆, 肉質鬆化，配上肉燥，拌麵味道剛好，濕度也恰好，不會太乾，每條麵條都掛了些醬汁，彈牙又煙韌。香口的花枝丸，一口一粒，好吃!台式飲品大熱芋頭鮮奶配上小芋圓，芋頭蓉香滑，芋圓煙煙韌韌，入口後還能吃到淡淡的芋頭清香，多層次的口感，Q彈有嚼勁的小芋圓真是太幸福!紅豆鮮乳冰沙也很有驚喜!紅豆蓉有質感，冰沙很滑很濃郁，像流質的紅豆雪條，既冰涼又潤喉。天色不好，就吃些好吃的吧!

很久沒有吃台灣菜了，第一次來百芳池上便當，找回去台灣旅行的感覺✈️✈️餐廳環境乾淨，牆上畫、燈挺特色。慢滷豬手便當豬手很軟滑，最棒是沒有豬毛。整個飯偏向清淡，所以有醃菜甜甜辣辣，便當馬上變得很惹味。紅燒牛丸牛筋麵沒想到份量不少，麵多很夠飽，牛筋也超多。牛丸多汁。牛筋入口溶化，膠質豐富。餐單上寫一隻辣椒🌶️，是微辣的。地瓜丸炸得很脆，即時炸的。甜度和餡料跟平時吃到的不同，像是自己做的。古早味香腸有點偏咸，像臘腸，皮很薄 不會咬得痛苦芋頭鮮奶小芋圓（熱）點了微糖剛好適合我不太喜歡喝太甜的，鮮奶中有芋泥，很香。小芋圓十分足料 有很多，而且芋圓真材實料，很有芋頭味道，不是只有粉做成的👍芝士奶蓋紅莓果茶 （點了少糖👍）紅莓茶清新，吃完膠質豐富的牛筋，喝這個很清爽😝😝奶蓋微微咸的，沒有太多芝士味道還可以外賣飲料，邊走邊喝😋😋

自從疫情開始，都有一段長時間沒有去旅行唯有在本地消費，見vcity有新開一間便當，而經常也有很多人叫外賣而我同老公就選擇堂食我們點了一人一便當🍱1. 百芳豬扒便當 $61豬扒好鬆脆，不硬，很有口感而飯的配料也有很多而我因為食，所以略認為飯份量未足夠2. 台灣鹽酥雞肉燥干拌麵 $64麵為干拌麵，肉粒大粒，未有溶入麵當中而鹽酥雞即脆口份量剛好干拌麵有點咸，減少醬汁就剛剛好3. 豆腐皮蛋外貌幾好，但醬汁太多，減少一點就會剛好而不會太咸4. 飲品兩杯都是荔枝口味味道清新有叫少甜，所以感覺良好

放假和家人到這間台式店吃個便當，選了附近的餐廳簡單吃個午餐。午餐時段有很多人買外賣便當回去吃。紅燒牛丸牛筋麵($64)，大量軟腍的牛筋和非常彈牙爽口的牛丸，配上煙靭的麵條，份量跟便當一樣大份。湯底頗惹味，麵條略略掛上湯底，能輕嚐湯底的鹹香味。牛肉湯麵可追加飲品正價減$5，選了芋頭鮮奶小芋圓($32)。鮮奶的甜度固定，小芋圓量極多，煮得軟稔之餘又帶嚼勁，大粒芋圓有時候堵塞在飲管，整杯飲品份量大，喝完一杯基本上已非常飽肚。家人對這杯飲品讚不絕口，說這杯台式飲品比外邊的台式飲品專賣店味道更好。台式鹽酥雞便當($61)，大件新鮮香熱的脆鹽酥雞，鋪在飯上。便當除了有肉類，還有不少伴菜。清甜的粟米、小唐菜、軟稔的紅蘿蔔和白蘿蔔、半隻彈牙入味的滷水蛋，加上爽口的粉絲，吃了大半伴菜已覺得非常飽肚。便當轉其它飲品正價減$8，選了芋頭豆乳小芋圓($24)，因應豆乳本身的甜味，這次飲品走甜。相較鮮奶，我更喜歡豆乳醇厚的豆味，芋圓更突顯豆乳的醇厚。地瓜丸(5粒)($27)，香脆的地瓜丸放了兩分鐘才吃，以免燙口。香脆的炸皮包着軟糯的芋泥，做到內脆外軟的效果。內餡不太甜，芋香味重，有點像吃炸版芋圓一樣。總的來說，

路過搵食，店舖唔算大間，座位有啲迫，價錢中等，一般都係$6-80咁上下。飲品選擇好多。.滷豬手便當 - 豬手炆得好淋，飯略嫌太多汁，但配菜好味嘅粉絲好入味，唔會太咸。菜圃少辣但可接受，好香口。蛋都唔會太熟。份量黎講都算幾蛋，豬手唔係兩三舊，所以都抵食！.鹽酥豬扒麵 - 好鍾意個麵質，煙韌彈牙。豬扒麵炸得鬆軟.粒粒紅豆豆乳 - 唔算太甜，好多紅豆，豆乳麵幾香同滑！.碳焙鐵觀音拿鐵 - 叫左少甜，但真係好似完全冇甜味咁，太淡鐵觀音味唔太突出，冇乜香味，好似飲緊加咗水嘅鮮奶加茶咁。

今日lunch去咗 VCity搵嘢食 這間百芳池上便當其實都已經食過好幾次 食物質素不錯 價錢合理 台式便當配上台式飲品 不錯選擇香酥豬扒肉燥乾拌麵 肉燥肉味濃郁 好啱我口味 幾乎每次都會點肉燥乾拌麵 豬扒炸得十分鬆脆 好有台式風味至於同事點咗 台灣鹽酥雞便當配黑糖珍珠鮮奶 鹽酥雞做得好正宗 雞肉好juicy 便當飯配菜都有好幾款 好有誠意我哋仲點咗花枝丸小食開心share 可以食得到粒粒爽脆花枝粒 用料很足芝士奶蓋夏日荔枝紅茶這杯是餐廳其中一款推薦產品 濃郁芝士配搭清甜荔枝紅茶 正好在這個夏日炎炎時間飲用

百芳池上便當，來自台灣的經典風味鐵路便當。多款台式便當、湯麵、乾伴麵可供選擇，數十元就有交易。炸雞髀便當雞髀炸得非常香脆，外脆內嫰，用上台灣米，配上半隻蛋、粉絲、粟米、椰菜等，配料豐富又健康。肉燥鹽酥雞乾拌麵鹽酥雞外脆內軟好有咬口!味道剛好，如果多一啲肉操汁會更加完美！芋頭鮮奶小芋圓 好滑嘅鮮奶，加上厚厚的芋泥再配上煙韌嘅小芋圓!真係飲得又食得!黑糖珍珠鮮奶，珍珠彈牙。除了堂食，外賣更可感受到台灣嘅風味。

今日放工唔想煮，就去咗呢一間台式餐廳叫外賣返屋企食。門口已經見到有啲人喺度排緊隊，睇嚟應該唔錯。我叫咗個紅燒牛肉麵套餐同埋台式鹽酥雞飯套餐。值得一讚嘅係台式牛肉麵有分開湯，將面同埋肉放去一個盒度，另外啲湯都仲係熱辣辣，牛肉味非常之出眾，加埋本身熬製嘅湯底，個人覺得牛肉麵來講算做得好好。而且佢啲麵質好彈牙，咬落去唔會話淋晒，有口感。台式鹽酥雞飯個飯已經做到流晒口水，佢喺飯上面鋪咗粉絲、菜譜、滷蛋、粟米、仲有菜，就咁撈埋一齊食已經好似伴飯咁樣，鹽酥雞炸得好香，一路上我都聞到啲炸雞香味，超級似台式炸雞扒店嗰種香味。大概有六至七舊，送飯來講都幾滿足。仲叫咗一個古早味香腸做小食，古早味香腸真係一定要叫，佢有啲肥膏係入邊食落好香口，而且好夠味。飲品方面我覺得不過不失，抹香奶綠加埋珍珠非常之夾，至於仙草奶茶亦都發揮正常，整餐飯都好有喺台灣食飯嘅感覺。

今日係5月11號，星期三，好掛住台灣味道，今晚放工突然之間好想食台灣嘢，係屯門V city落一層有間叫做（百芳池上便當），係食台灣野食，平時經過都聞到好香，咁今晚就試吓，我今日都係咁外賣拎咗返屋企食，嗌咗二人兩份，一個係台灣焢肉便當，配呢個台灣古早味紅茶（凍）而我就叫咗個香酥豬扒肉操乾拌麵，我叫咗個黑糖珍珠仙草鮮奶（熱）見到個花枝丸，叫埋個花枝丸先講講我嗰個香酥豬扒肉操乾拌麵塊豬扒炸得啱啱好好大塊好厚實，好好好味仲有埋半隻蛋個黑糖珍珠仙草鮮奶都係好好味好有仙草味另外有個焢肉便當焢肉整到啱啱好有半隻蛋入邊仲有啲粉絲有啲酸菜都可以解下膩好味另外個花枝丸都炸得啱啱好好好味

雖然已經可以堂食，但今日仍選外賣，因為佢堂食 full 左要等位要左個牛肉麵，滷肉便當飯，再加小食古早腸牛肉麵湯底香濃，麵質爽滑，牛展厚切算淋身，牛腩入味鬆化。整體好好味！如果返屋企先加熱再食應該更正～～滷肉便當，料十足，菜甫粟米蛋粉絲加上入味的滷肉～～～每啖飯混有不同餸菜，口感好豐富！肥？預左小食來個台灣腸，烤得邊香脆肉 juicy 飲品叫了紅豆鮮乳沙冰，濃濃囗味，有點似紅豆冰，但多了厚實用感。另一杯紅茶豆乳，可以少甜最愛收銀哥哥待客有禮，呢間可以encore ～～～

買個套餐，杯嘢飲茉香奶綠 ，加咗10蚊 ，拎餐裹陣時唔記得check ，一打開杯嘢飲得半杯 ！（六成左右 ）好離譜 ！！同埋個雞翼餐 ，雞翼同個飯都已經凍曬 。唔知擺咗幾耐。好差嘅體驗 。

認真覺得呢間嘢質素越嚟越差，之前買套餐，就沖錯杯嘢，問返職員可以換返？職員態度不耐煩。咁第二次食，啲嘢食返到去凍晒（利申：外賣到食～15min）。應該冇下次再食😂😂