百芳池上便當 (V City)

营业中

休息中

百芳池上便當 係香港有七間分店,主要係FOOD COURT既商場內開店主打性價比高水準既台式美食,飲品,例如牛肉麵,便當炸雞炸豬扒等等今次試左牛肉麵同鹽酥雞,炸排骨牛肉麵 2款台式飲品紅燒牛肉麵, 配以滷蛋,小堂菜,滷牛腩,台灣日曬麵條濃郁既牛骨湯底,加辣椒辣油既紅燒牛骨湯,入口濃辣,慢慢會品嚐到牛骨湯既鮮甜滷蛋好入味,牛腩份量非常多,原件剪也有6-7件,放滿湯麵上 好軟淋入味味道雖辣但係惹味個種辣 所以越食越好食,習慣個辣味就覺得好好食另一款都係牛肉麵但改用牛展片,滷牛展片厚切肉質有彈性,滷得入味但口感相對彈牙鹽酥雞包上炸粉,無骨雞肉炸到好脆口又嫩又多肉汁,好食,惹味香口炸排骨配紅燒湯麵,配以小碗湯麵,都係紅燒辣湯底,麵條彈牙煙韌吸湯整體上CP值高,60蚊左右一個人就能吃飽,選擇也多,有飯,麵選擇台式特飲,今期推介係鮮牛奶抹茶冰沙 口感幾滑,好濃茶香味屯門屯門鄉事會路83號V City1樓L1-12號舖消費$200

好似都開咗幾耐下，但一次都未食過！今次去到Vcity唔知食咩好，見到無人等位就去試下。選擇有好多，最後揀咗鹽酥雞便當。配有半隻滷蛋，4款小菜同一杯飲品。個鹽酥雞皮好厚，好粉！而且都唔似鹽酥雞嘅味！！至於小菜有煮到好淋嘅大白菜，正常嘅粟米炒肉碎，我覺得最好食嘅脆菜圃同埋好辣嘅炒粉絲。另外佢有芫荽係到做裝飾，佢餐單都無寫會有同無得揀走青⋯所以唔食嘅人就要自己夾開！依點都幾唔貼心！！不過真係唔會再食，而且都唔算好便宜！

話說今日經過v city，見有d餓就同太太去好鍾意食既百芳食晚餐。排左陣隊就入場，冇人招呼，見到有位自己行去坐低，填完野食比個女店員，佢一手搶走張紙就掉頭走，已經開始覺得唔對路。我點左個牛肉麵，我太太就點左個豬扒便當，唔洗3分鐘便當就上桌，女店員一野掉個餐落枱，我太太比佢嚇一嚇，不過算，幾廿蚊都唔要求有咩服務。我太太個豬扒便當，塊扒好明顯係收到柯打掉落炸爐度翻熱，仲要唔撈上黎滴走緊d油先，直接上菜，咬落去好似食緊油咁，杯芝士奶蓋茶，奶蓋真心頂唔緊，飲兩啖成杯掉左。而我個牛肉麵另上，$72完全係超市幾十蚊冷凍牛肉麵水準，個湯冇甜味，牛肉牛丸普通貨，算叫可以醫肚。因為我地9點05分入座，店員一開始已經話40分要離開，我地都ok，食左唔夠十分鐘，成間舖既員工已經開始清場，又掃地又抹枱櫈，最離譜係反晒櫈上枱，問題係隔離客人仲食緊野，係想請食客食塵嗎？之後大概30分我同太太都食完，諗住飲多兩啖野就走，之後個女店員無啦啦走埋黎話：如果你地坐得耐，轉出門口位果幾張枱啦。我當場嚇一跳，然後得啖笑。舖頭堂食收10點，要人9點40離開已經怪，依家30分已經覺得客人阻你收工？講真我成日幫襯希慎分店，雖然都唔

上次食完覺得個鹵脾便當好正，所以再黎，點知中伏，個杯飲品簡直失望，好難飲，加左糖先飲到，仲要冇玫瑰味，同普通烏龍茶一樣。好彩個鹵脾同炸脾加返分，不過服務就唔太好，無咩客人都好想趕客走咁，我食完都唔敢坐咁耐，急急走人。百芳炸雞腿便當炸脾幾吸引，都炸得好香脆，特別係邊位，唔算油膩，而且雞肉嫩有肉汁，都幾好味，有3款配菜同半隻鹵蛋。粉絲一樣咁入味同香，菜也乾淨好味，辣菜圃好脆口，拌飯好味。百芳鹵雞排便當同上次一樣咁正，雞排鹵得入味，肉質嫩滑，連皮都爽滑不膩。炸花枝丸普通左d，炸得好乾硬，味道偏咸，也唔抵食。玫瑰鐵觀音茶拿鐵我要正常甜的凍飲，但飲左2啖都唔覺甜，係無糖咁嘅味，問完再次確認呢杯飲品正常係甜。但店員無換俾我，我就擔心被加料，所以接受左佢俾一杯糖漿我，自行加甜。甜度都可以接受佢整錯，但完全無玫瑰味。南投桂花烏龍好香清新桂花香，有淡淡烏龍茶香，無糖都好飲，微微茶甘。

星期五想搵野食 但周圍都排長龍😣 見到呢間少d人等 就試試佢🤪 室內環境～ 主要分3類主食 都算多選擇🤨 飲品都好多😂仲多過手搖店😂😂 肉燥乾拌麵拼鹽酥雞 ✌🏻 肉燥都有台灣味 但味道偏淡 肉燥份量都唔夠 食到最後個半 幾乎係乾住咁食🥺🥲 鹽酥雞新鮮炸 不過不失😄 另外叫左紅燒湯麵拼酥炸豬扒 都好普通.. 佢話會有小小辣 但我就食唔出😂 麵煮到太淋 無咩口感.. 豬扒幾重椒鹽味 肉質麵算鬆軟 😌 飲左杯珍奶 偏似港式奶茶🤨 無特別.. Overall 好普通.. 唔會再試了 😣

屯馬開通真的好興奮，開通左又真係幾方便嘅，啱晒鍾意周圍食嘢嘅我。今次嚟到屯門站V City行吓，行到攰攰哋就想搵個位坐低食下嘢丶飲下嘢，就被我搵到呢間百芳池上便當嘅餐廳，台灣嘢一定啱晒我啦。介紹一下：池上係位於台灣台東縣嘅一個地方，池上米，池上便當好出名。等咗10分鐘左右就有位，餐廳有台式便當，台式小食，牛肉麵，肉燥乾拌麵，台式飲品等可選擇我哋點咗個牛肉麵、台式小食併盤，仲有幾杯飲品，埋單$215台式小食併盤有鹽酥雞丶花枝丸丶台式香腸味道都算OK紅燒半筋半肉牛肉麵(可選粗/幼麵) - 有白蘿蔔丶紅蘿蔔丶幾舊牛肉、牛筋等。白蘿蔔夠林，但唔夠甜。紅蘿蔔就夠甜，牛肉牛筋都林，但湯底爭啲啲，略嫌唔夠濃。飲品就一般般啦，冇什麼特別😅

去完屯門staycation後中午醫肚仔，喺商場行咗一圈都好似冇咩啱食咁，行行下來到呢一間台灣嘢食門口，睇完個餐牌就決定試下。鋪頭都比較細，位置似特登間出黎咁，座位都唔太多，而且店舗內都比較熱，完全feel唔到冷氣（用商場中央空調），食湯面時比較辛苦，食到出晒汗。落完單之後都好快可以上菜，係估唔到味道都唔差，份量都算適中，價錢方面都算係中等（如果係v city黎講），但飲品方面有待改善，叫咗個茉香珍珠奶茶完全唔似平時飲開個味道，怪怪地，但下次會再黎試下其他菜色。

今日去到屯門一間台灣野食估唔到係市中心都有台式野食叫左兩個主食同一杯珍珠奶茶餐牌就係咁喇 都算幾台式 選擇不少 叫左個鹽酥雞肉燥伴麵佢個賣相都還好 雞是新鮮炸 但不太似鹽酥 只係純粹炸雞個麵係好伏 肉燥伴但好少份量 完全撈唔到成個麵 好似食緊靜麵咁麵質都係一pat咁 唔夠出色紅燒湯麵拼炸豬排 不過不失 個麵既湯係幾好 入味 但份量都算小 另外炸豬排係好伏 好似食緊炸又唔係煎又唔係既漢堡咁仲有叫左杯珍珠奶茶 半甜 不過不失 茶同奶味都唔濃 加上半甜後 唔係咁好飲

實不相瞞~哩間位於vcity~主打台灣便當既百芳池上便當我已經食過好多次🤤🤤~堂食~外賣都試過~▶️香酥炸雞腿便當($65)▶️台灣鹽酥雞便堂($61)▶️阿薩姆紅茶/茉香綠茶/碳焙烏龍~3選1~我地揀左阿薩姆紅茶兩款便當~就算外賣一樣咁好食~😋😋😋不過要留意返~因為即叫即整~叫炸雞腿的話真係要預留返D製作時間~炸雞腿同鹽酥雞都炸得夠哂酥脆惹味~成個便當~有肉有菜咁~夠哂均勻營養呀~至於杯阿薩姆紅茶~真係台灣的味道黎架~一飲令我唸起高雄呀~🥰🥰可能係因為係高雄飲阿薩姆紅茶既機會比較多~🤭而且又唔會太甜~正呀!!!▶️夜市花枝丸($22)花枝丸大大粒而且皮脆內軟咁~又點會唔好食呢~

假日周圍都超多人，上次見呢間台灣菜幾吸引，食物同飲品都多選擇，亦好快上菜，連外賣都好快有，而價錢吸引，原來份量都很足，難怪長期都咁多人。百芳鹵雞扒便當雞扒相當大塊抵食，鹵得入味又唔過咸，有鹵汁香味，雞肉厚身有彈性，肉質也嫩滑多汁。配菜有肉碎粉絲，入味又彈牙，椰菜甜美多汁，菜圃咸甜好送飯，鹵蛋也夠味。豐盛三品牛肉麵（牛、牛腩、牛丸）湯頭都濃郁唔算好油，微辣不帶甜，再多點牛味更好。白蘿蔔入味多汁仲好清甜，紅蘿蔔同菜都爽甜。牛超厚身啖啖肉，牛腩炆得鬆化易咬，兩者都入味。牛丸超彈仲咬落爆汁。粗麵幾滑身，掛到湯汁，份量足夠。酥炸鹽酥雞上菜就傳來好香嘅味，夠哂熱辣辣香口，炸衣都薄身唔膩。雞肉偏大塊，唔係細細粒嘅款，所以雞塊保持多汁嫩腍，仲有雞油香。芝士奶蓋夏日荔枝紅茶少甜味道剛好，有荔枝清甜同果香，加上甘醇紅茶香，先飲到芝士奶蓋嘅咸香同微甜，奶味香濃，再飲果茶清爽感，味道都好平衡。黑糖珍珠鮮奶黑糖超香甜，有濃郁奶味，同煙韌W彈珍珠，十分軟滑好咬，邪惡難忍唔住飲哂。

26.07.2021百芳池上便當 （V City)今日同事提議試新食肆叫外賣，佢曾經堂食呢間「百芳池上便當」好味，所以今日打算試吓。百芳滷雞扒便當+泡菜：好大份便當！滷水雞扒超級大塊、仲要有紹菜、粉絲、炸菜、粟米、滷水蛋…..加埋超好味泡菜送飯，正呀！台灣焢肉便當：呢份係我同事叫，佢話之前試過好味，所以encore。「焢肉」原來係五花腩，據說加入蒜瓣、冰糖、米酒和醬油之類調配而成。黑糖冬瓜茶：呢個係熱飲，會偏甜啲，嗜甜嘅會喜歡。黑糖冬瓜檸檬：多檸檬味，少冬瓜味。無得去台灣，惟有叫個便當就當去咗一轉，嘻嘻！百芳池上便當 (V City) 網址: https://s.openrice.com/QrbS0dBCA00~uMDTuAw地址: 屯門屯門鄉事會路83號V City1樓L1-12號舖電話: 27712086

今日放工喺屯門搵嘢食，見到有間台灣嘅便當店舖未食過，門口亦都有唔少人排隊，相信都唔會中大伏，所以就去咗試一試，然後發現非常有驚喜！叫咗個豬扒便當，啲豬扒非常之爽口鬆脆，唔會有油膩嘅感覺，亦都食得出豬扒入邊嘅肉汁，食完一舊會想再食多舊，簡直係停唔到手呀！呢個係我未食過嘅味道，非常之有驚喜！除此之外，舖頭都有啲飲品，主要係台式嘅款，飲品嘅選擇都多元化，味道就不過不失對得起個價錢！總括而言，以呢個性價比來講都可以值得再試嘅。

行行下街見到哩間連鎖既台式便當店，令我諗起好掛住既台灣，所以決定入去試下，雖然感覺係主要做外賣/手搖，但都有位比你坐低食👍🏻☑️滷肉飯便當 $55食親台灣野我都一定會叫滷肉飯，今次都唔例外，啲滷肉雖然偏肥，但食落又唔會話好有肥膩感，而且好入味，啲滷肉汁亦夠撈哂成盒飯👅每款便當都會跟幾款配菜，除咗有半邊滷水蛋之外，仲有粟米粒，菜甫，粉絲同津白，送飯一流👍🏻跟餐野飲可以簡紅茶/綠茶/烏龍，亦可以補錢轉特色手搖🧋

因為實在太想念台灣嘅便當🥺 同屋企人行街經過屯門V city嘅百芳池上便當，便決定買一個返屋企試吓🤩 有好多款唔同嘅便當，有唔同嘅配料 令人好難作出決定🥺～ 好想買曬佢返嚟試!!今次我揀咗 滷肉飯便當 $55滷肉嘅份量唔多🥲 但係肥瘦均勻!! 食落口好有滿足感，油脂味滿滿的～雖然滷肉嘅份量唔多而且滷肉汁只集中在便當嘅正中間，但係好彩有其他配料搭救💛 配料超豐富，有炒粉絲，粟米肉粒，菜脯，娃娃菜同埋滷水蛋!!! 我好鍾意佢嘅菜脯，送飯一流超好食❤️ 成個便當份量一啲都唔小，仲要有菜有肉，十分豐富🤣

香港人餓咗咁耐冇得去旅行，除咗可以staycation外，就唯有係『食』。今日係屯門食下台灣嘢，百芳池上便當。一個便當台灣就賣79至99台幣，喺香港都係差唔多，不過就換算咗港幣。除了便當，仲有牛肉麵、拌麵嘅。所謂嘅便當都比台灣嘅份量大咗少少，不過男仕們見到都會『嘩！咁細份嘅』。但女仕們應該就剛剛好。前菜皮蛋豆腐，就係皮蛋豆腐咁簡單。要講就係啲木魚有啲硬！便當用木盒盛裝著米飯，除了主食外，便當仲有粟米/粉絲/鹵蛋/娃娃菜/醃菜。漫滷豬手便當，食唔到有台灣滷水味，亦都冇香港醬油豉油味，而且件豬手都冇肉食嘅。我個人覺得香港雲呑麵鋪嘅滷豬手及南乳豬手更勝一籌！台灣焢肉便當一樣無咩特色，亦冇任何美味嘅詞彙可以形容及比喻。試過就算，未食過嘅就麻煩你再另覓一間