百芳池上便當 (希慎廣場)

营业中

休息中

外賣自取，過了原定時間也不能提取，聲稱豬扒在炸，製作過程中。最後比原定時間遲了10分鐘先可以拎。進食時發現，豬扒是凍的。體驗好差，好差。建議兩樣嘢:1. 製作完成後先顯示可以提取，我情願你同我講遲少少先拎到。2. 請用心製作，時間唔係問題，但係凍冰冰嘅炸豬扒真係接受唔到( ps : 期間係冇不斷催促的，我是耐心等候真係拎得先拎)。

多數人都覺得Food Court冇乜好選擇, 今日來到希慎廣場的 Food court, 我一向都會選擇百芳池上便當 , 台灣菜，水準穩定，有飯，湯麵和撈麵，仲有好多小食選擇，係有質素的food court 選擇。選了鹽酥雞便當， 鹽酥雞調味不會太濃味，我個人覺得 配菜更加重要， 有五樣配菜，適合我呢啲貪心嘅食客，有粉絲，椰菜，鹵蛋，粟米，最愛的菜甫，很惹味，送飯一流。包紅茶或綠茶，冷熱同價。店內有很多飲品選擇，下次要試下😁

铜锣湾希慎广场里面性价比很高的台湾便当。60左右有饭➕饮料。我点的盐酥鸡便当🍱，鸡肉给了挺多块，但感觉里面半生半熟😅，小菜给了包菜、玉米和榨菜，外加半个卤蛋。整体份量是很足的，性价比高。五分钟不到就出餐了，高峰期也不用等很久，推荐

今日午餐食台灣鹽酥雞便當，其實我幫襯百芳池上便當好多次，一直都無寫過評語，今日寫吓我食後感，令多啲人知道e間便當值得一試，便當裏除左鹽酥雞，配菜有粉絲，椰菜，粟米粒，菜脯粒及半隻蛋，整碗便當睇落好豐富，味道很好，還送一杯茶，冷熱都可以。

百芳池上已經可以係我lunch既食堂, 當唔知想食咩既時候就會諗起, 所以都食過好多次。多數都會外賣返去食, 而食得最多既係豬扒便當🍱午餐價錢$63, 又低食又好味😋呢間便當飯量可以選擇, 方便胃口唔同既人揀, 而且仲有好多配料。有滷粉絲、粟米肉碎、半粒滷蛋、菜同醃辣菜脯, 所以每次都可以食到好飽🤤而豬扒既味道同係台灣食既味道一樣, 肉質唔肥, 帶點乾身又唔柴, 而且冇骨, 可以大啖大啖食。最值得一贊既係辣菜脯, 微辣脆口, 撈飯食一流。跟餐配左一杯微甜熱紅茶🧋係台灣早餐店既味道, 正好可以解膩。

很喜歡那些便當，入面有各款材料，包括粉絲、肉碎等等。我選了雞扒肉躁飯，雞扒很滑，份量也足夠。美中不足的地方是這間分店的人手較少，等候時間會比較長，但整體來說是好吃的！

先唔討論啲野好唔好食你去到餐廳，就算個餐唔跟嘢飲，人地問你攞水都要俾杯水人係基本。我去茶餐廳都會俾茶你，去西餐都可以叫tap water。態度連茶餐廳都不如。收人75蚊一碗麵，一杯水都唔俾人。一碗牛肉麵等左好耐，個職員淨係話牛肉麵要等耐啲。碗麵味道普通到不能再普通，味精湯底。牛肉韌，牛丸唔彈牙,可一不可再。

喺銅鑼灣希慎分店OpenRice落單外賣自取，好彩攞完有即刻check 吓發現俾錯order我哋，即刻返轉頭同counter紮馬尾女員工講，見到佢同廚房講，我哋就繼續等啦。結果出咗勁多外賣，都未叫返我哋去攞，我哋去問張單出返未，佢一句「唔知喎」，我哋話咁你可唔可以去睇吓，頭先已經俾錯嘢我哋，佢先肯去睇吓，結果個啱嘅餐已經出咗。等order期間見佢對其他客人嘅態度都唔多好，特別係有嘢問佢嗰啲，呢個員工簡直係極度趕客！

Lunch同同事去食，仲有好大進步空間嘅台灣嘢🥴🥴人生之中都係第一次嘗試有如此特別嘅滷水蛋😵‍💫😵‍💫最要改善係佢裝熱嘢飲嘅杯，超級危險🚨🚨好鬆，同事一拎起，已經倒到成手都係！！！問題係佢好相當地熱😒😒但呢個問題其實好嚴重！如果係小朋友咁會點算？但我覺得呢樣嘢應該唔單只得嗰一個人發生！但係佢都冇解決！咁就唔值得再去食！

之前都吃過好幾次百芳池上，都係吃炸雞腿便當，今日唔想食得太飽，就叫左豬排便當加茉香綠茶(跟餐送)。這裏的便當都很有份量，佢的飯都已經有好多配料，有半顆滷蛋、滷粉絲、滷肉躁、粟米、黃牙白、醃咸菜、蘿蔔絲，有時候我只吃飯都已經夠了。不過今天要嚐嚐他的豬排，感覺挺瘦而且肉質白嫩，我喜歡的那種豬排，帶點乾身的，沒有肥膏，也沒有骨。大大塊吃着吃着真的很飽。跟餐的茉香綠茶好夠冰凍，大大一杯，跟面要$20幾的手搖茶一樣大杯，而且茶香十足，就算無得選甜度不會太甜，清清甜甜的，好解膩，又消暑。

投訴，銅鑼灣希慎分店。堂食點咗兩杯餐飲，其中一大陸口音店員把一支桂花烏龍躺平擺放，導致我拎起餐盤一行，另一杯杯裝紅茶就倒瀉。同店員反映，店員堅持話係我問題！1/店員態度非常有問題，堅持係客人捧餐行先導致茶倒瀉！2/ 我要求換另一杯，店員堅持冇錯，唔匯報上司，導致後來店長/高級員工（聲稱係全店最大）責罵我冇同佢講有呢個問題3/ 聲稱係全店最大既員工亦堅稱打橫攞支茶係冇錯！唔會導致正常擺既茶倒瀉！但佢冇預計過係food court 客人係要捧餐行回座位！4/ 如果咁擺法係冇問題，當捧餐既係小朋友，或者點既係熱飲，是咪會導致另一安全問題？！但聲種係全店最大既員工亦繼續堅持自己冇錯！

9月8號1:39 買咗一個台灣熔肉便當加珍珠奶茶，甜度冰度正常個飯就冇乜嘢嘅！正正常常啦！杯嘢飲出晒事，唔知以為自己飲緊糖水。不以為意。搖勻再飲多幾次。點知都係冇分別，好啦我返去好聲好氣同佢講問題嘅存在。咁佢都有問我有冇搖勻，有冇少糖少冰！咁呢啲都係好正常嘅問答。之後上一句埋黎！我哋冇得咁換俾你！大佬你明唔明呀！係甜到好似直接飲糖水呀！之後佢先話幫我加番啲冰。成個過程非常不愉快！以前我經過銅鑼灣食嘢都係首選，同女朋友都真係幾鍾意食！今次之後，餓死都唔會再食。或者大家唔好飲佢嘅珍珠奶茶，想去14樓買臭臭鍋嘅珍珠奶茶超級好飲💕💕

嚴重人手不足，出餐勁慢，唔催都唔出，等左成半個鐘，遲過自己點餐仲快過自己拎，呢樣係最嬲！知道職員辛苦，但唔該真係檢討下出餐程序，眼見個個買完都等到一肚火，真係買難受！

百芳池上便當 • 銅鑼灣銅鑼灣有好多好野食就係人都知，但如果想食平D，希慎廣場入面嘅Food Court 就係其中一個選擇。呢間台灣料理除左便當，仲有牛肉麵等嘅麵食，提供嘅飲品亦都算多選擇~台灣焢肉便當$61焢肉肥瘦適宜，燉煮得入味，不過肉質有D鞋，比較難咬，而肥肉部分偏油。飯入面有其他配菜同埋炒粉絲，但都比較淡味，不過不失。今次我地配咗綠茶，無另外加錢要佢其他手搖飲品。不過唔好睇佢係免費，甜度同冰都可以揀，值得一讚。

係銅鑼灣返工，最近經常去Hysan Place foodcourt食飯。發現新開左幾間幾有特色既餐廳，日韓台風格餐廳齊曬，岩曬口味唔同既朋友。位置好多，台與台之間有卡板分隔，防疫方面做得幾好。試過假期黎食飯，好多時候要等位，平日就唔使等。今日open rice外賣左百芳池上便當，最鍾意台灣鹽酥鷄便當同埋百芳豬扒便當。今日叫左鹽酥鷄便當，鹽酥鷄有6-7粒，勁惹味。配菜十分豐富，有玉米粒、白菜、粉絲、滷蛋等餸料，食完真心超飽，跟餐仲會送紅茶、綠茶或者烏龍茶。