皇后餃子 (已結業)

價錢貴左，但餃子細粒左開頭十幾蚊買隻 大大粒而加20蚊勁細粒！好失望啊～～～～～～～之前宵夜成日食 而加不了～～～～～～～～～佢個醋 以前好多料而加得返好似水嘅汁有次宵夜時段去買佢直接倒落啲餃子度⋯⋯⋯

今日放假，就去左竹園街市搵吃，唔太肚餓，就去左皇后餃子食。2個人叫左一個狗仔粉，椒鹽燒賣、蘿蔔糕、豆漿。坐係到食，人多等左好耐都未有，明明64號，點解叫左65號我地都未有叫呢？以為狗仔粉要煮所以耐d，但裝入去又唔見阿姐整緊喎？！於是咪問下囉，個阿姐好串咁話，咪呢份囉（堂食唔知做乜要入哂袋），仲要話叫左好多次都冇人應！what? 我坐正係到，聽住你叫62、63、65都冇叫64！明明就係你掛住落其他人單，就咁放左係到冇叫，見我企係到咁耐，又望左我幾次，都可以唔睇下既，仲要整差態度！幾好食都以後唔會再幫襯！

最近得知竹園街市翻新左，領展打做咗一個好穷的竹園夜市，特意慕名而來！呢度大部份嘅食店都會營業至凌晨一點鐘，而呢間皇后餃子亦都唔例外。皇后餃子總共有七間分店，連埋黃大仙竹園，總共有四間都係新開嘅。能夠係短時間之內開咁多間分店，相信質素應該唔會太差。但由於對佢哋嘅餃子唔算好大興趣，所以就決定試吓其他嘢。望到店員翻滾緊狗仔粉，所以都想叫一碗。狗仔粉$25呢度嘅狗仔粉好大一碗，上面鋪上自家製的辣菜甫。粉仔質地唔會好軟爛，而且湯底好香蝦米冬菇味。自家細嘅辣菜甫辣嘅後勁都幾犀利。但無論質素同份量都比好出名嗰間十x座好得多。