皇室冰廳

营业中

休息中

武漢肺炎下，對飲食業既打擊好大，所以間間餐廳都推出唔少飲食優惠，學生就可以享有八折，而外賣自取就可以有九折優惠是日午餐都係大概$50，仲有花生眉豆雞腳湯送添最後我就俾呢兩個餐牌吸引左，就係佢既蕃茄濃湯特餐仲有皇牌焗野炒蛋夠滑，我最欣賞係佢既吉列豬扒，成隻手掌咁大，夠哂鬆脆足料，又有豬味，仲要係一d都唔鞋，估唔到係茶餐廳食到咁高水準既炸豬扒如果烏冬可以轉做稻庭烏冬效果會更加理想焗豬扒意粉就要等大概四個字到，豬扒焗完一d都唔乾架

自從解封運動場之後，總算有空間運動一下，到深水埗運動場跑之前要醫醫肚，來到元洲街門面幾搶眼的皇室冰廳，第一時間已被鎮店特餐所吸引，餐廳標榜用新鮮蕃茄打出茄湯的精華，再加埋個招牌牛乳炒蛋，即炸大吉列豬扒的話，就是運動前應有的特餐之選。真．叉下電嘆番陣的晚餐前，先來杯雪山特濃朱古力，滑溜的忌廉加入濃濃朱古力上，點上朱古力醬，大杯可口又邪惡，飲完要落力跑多幾圈。主餐來到，蕃茄湯伴烏冬較通粉少見，茄湯真心係濃，碗邊的鮮茄紋層可見真章，小粒蕃茄清甜可口，烏冬有彈性。滑蛋炒得也不錯，金黄色炒蛋，口感有著知名級茶餐廳的質素。最欣賞的想不到是大吉列豬扒，咬落非常香口，即炸的熱氣湧入口中，炸熟度剛到位，表皮酥香有傳統茶記的回味。老闆娘與員工關係打成一片，是一間貼地又以禮待客的親民茶記。👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️⭐️/5

閒日嘅晚市時間黎到，可能時間早客人唔算多，店員好親切主動帶位餐嘅選擇都唔少，最後揀左個好常見嘅飯，廚師推介餐牌上面嘅揚州炒飯，飯粒粒粒分明，夠乾身唔油膩，配料份量充足夠入味，食每啖飯都有配料呢日例湯係豬骨蘿蔔南北杏，真材實料，蘿蔔煲得夠曬林，平時唔鐘意飲肉湯因為驚會飲到肉腥味,但呢個湯無肉腥味,而且飲完唔會口乾跟餐飲品要加錢可以加$12轉特飲揀左椰汁紅飲品紅豆冰，紅豆有咬口，椰奶稍為淡左少少，整體唔錯朋友叫左個馬來炒貴刁同埋加左錢要個oreo特濃朱古力,賣相都相當唔錯

今日在附近食午餐，呢間冰廳有款特餐好吸引，真材實料又好味，用新鮮蕃茄製成濃湯，而且炸豬扒也非常香脆肉嫩。特餐有真。蕃茄濃湯烏冬、招牌牛乳炒滑蛋、即叫即炸大塊吉列豬扒，仲有餐湯同熱飲，好豐富好飽肚。全部都即叫即整，但又好快可以上到餐俾客人，呢d就係茶記嘅快靚正特色，好味又快速又夠飽肚。先來碗例湯，節瓜湯清甜暖胃，仲好多節瓜料。招牌牛乳滑蛋，真係超嫩滑，有牛奶香滑感，而蛋味濃郁，見到蛋汁都知嫩滑程度，亦好夾蕃茄濃湯烏冬。即叫即炸豬扒熱辣辣，店只7還細心提醒小心燙咀。金黃色炸衣好香脆可口，而且唔油膩，豬扒鬆化且肉嫩多肉汁，做得好出色。真。蕃茄濃湯是每日用新鮮蕃茄煮成濃湯，真材實料，啖啖蕃茄肉同鮮甜蕃茄味，微酸更令人開胃，配彈牙滑溜烏冬，係餐廳誠意之作。最後嘆埋個香滑熱奶茶，茶底好正，濃郁再茶香，奶茶亦好滑口。除左特餐，見menu仲有幾款午餐、焗飯、茶餐……同樣吸引好味，又多個食午餐的好地方。

今日嚟咗長沙灣見客, 見完已經7點幾, 就喺元州街搵食, 經過見到 門外見餐牌都幾多選擇, 最後就入咗去食晚餐餐廳細細, 但座位都算闊落, 燈光亦非常光猛, 雖然返完一日工仲見完客好攰, 但入到去人都醒晨咗d😅一坐野食都未叫, 丫, 應該係餐牌都未拎嚟睇, 就嚟碗例湯例湯 - 木瓜豬骨湯 (應該是😂)平時茶餐廳例湯多數都好清無乜料, 呢度嘅例湯真材實料, 老火湯味道 👍🏾🐷招牌椒鹽蒜香豬扒配白飯+熱飲 ($62)好抵食, 份量大, 加碗白飯兩個人其實都夠哂飽有驚喜, 色香味俱全, 一上枱已經聞到香噴噴, 豬扒唔乾仲非常juicy, 加埋d洋蔥同炸蒜撈飯, 正🤤

大概6:30嘅時候，呢間冰廳已經坐滿人，老闆娘親切嘅態度令我好似返咗屋企咁 因為每個客人一坐低即刻有碗熱辣辣嘅愛心靚湯！今日係青紅蘿蔔豬骨湯，飲完夠晒平和滋潤呀，佢哋仲標榜呢度嘅靚湯絕無味精添加。魚柳鮮茄意粉有兩大塊魚柳咁多。塊魚柳真係好大塊，大塊到好似魚扒咁！魚柳腍身。意粉軟硬適中，口感彈牙。茄醬混入切碎嘅洋蔥，特別香。除左魚柳，重有切成薄片嘅蘑菇同切成粒嘅紅蘿蔔。茄醬同意粉嘅份量互相配合，啱啱好，食得好滋味呀！另外飲品方面可以加$8轉一啲特飲，例如朱古力同埋椰汁涼粉冰，如果夏天食到成身汗，呢款涼透心嘅飲品就最好不過啦。

冇諗過食一間普通嘅茶室或者冰廳會有咁回味無窮嘅享受，經過荔枝角同埋長沙灣嘅朋友，返工返學一族都要留意，呢間皇室冰廳絕對係平靚正選擇！呢度嘅晚餐真係超平呀，除咗有精選套餐逢星期一至日都唔同之外，仲有獨立嘅晚餐，自己想食乜嗌乜隨便揀。一條豉汁黃立倉都係60幾蚊落到樓，仲有靚湯白飯嘢飲送，個飯仲要裝滿。黃立倉蒸得剛剛好，上面嘅豉汁辣椒夠我用嚟送飯，豆豉好香，配埋嫩口的魚肉，正中下懷，個胃好似得到釋放一樣，好正。另外我哋仲叫咗黃金避風塘炒雞球，炒得好香，雞肉熱辣辣，加上避風塘炒法，重口味得令人難以抗拒。

今日返工返左全日，超級疲累又勁肚餓，今日唔使煮飯啦，出街食。茶餐廳晚市我通常會揀雞或者魚黎食，比較鍾意食白肉😁收工遲咗又好肚餓，所以老公幫我叫定嘢食先。我揀咗一條豉汁蒸王立倉魚嚟食，比起我平時食嘅，呢度既倉魚仲要大條少少👍🏻雖然條魚擺咗10分鐘我先嚟到，但係條魚依然暖笠笠，太肚餓嘅我食埋魚腩，沒有腥臭味喎。👏🏻超大碗飯食唔哂 唔記得左叫少飯，有咁多飯男人都食得飽😁阿華田特飲乾炒牛河🙂🙂

今日晚餐同屋企人黎食，呢度麻雀雖小，不過嘢食俱全，餐牌上好多款式都啱我口味，乾炒牛河、星洲炒米等等。最後我叫咗一碟楊州炒飯，配特飲，加$12嘅紅豆冰😍呢碟楊州炒飯有蝦仁、叉燒、蛋、椰菜絲等等，材料豐富，而且飯炒得夠乾身，粒粒分明，調味亦剛剛好，不會過淡或者過咸😋仲大大碟，一定食得飽。炸魚塊都幾好味，煮既芡汁唔錯，有菜心可以平衡下食炸嘢嘅罪惡感呢到服務都好好，好有笑容😊黎幫襯都幫襯得開心！🥳

簡簡單單又一餐，今日去深水埗探朋友，本身諗住叫外賣喺屋企食，朋友就話落街食，反正而家疫情啲人外賣多，餐廳反而多位少人。朋友就帶我食呢間皇室冰廳，冰廳入面又真係無乜人。我地各自叫左個晚餐，我叫左菠蘿焗豬扒飯，朋友就叫左條蒸魚。等食期間又真係好多外賣單，做過不停。晚餐有個西洋菜湯飲，清肺熱, 化痰止咳，仲有洗腸功效，能帶走腸壁髒物🤣，正。我地兩個都加錢轉特飲，我既雪山特濃朱古力，朋友紅荳冰，兩杯都好味，未食飯前都差唔多飲哂。呢度幾抵食，焗豬飯多汁，大大份，好飽下。

收工食個快飯，入左黎呢間小店。可能疫情關係啦，人真係唔算多，但又充滿人情味。呢度晚餐都幾多選擇，仲可以揀食焗飯。我就揀左個芝士鮮茄焗雞扒飯試試。餐牌無話有餐湯，但呀姐問我飲唔飲，然後又比一碗比我。個飯都算有心機整，飯底係炒底，好過好多一般茶餐廳嘅白飯底。上面一大塊雞扒鋪到成座山咁，再加上個蕃茄汁同幾塊菠蘿，真心算係茶餐廳嘅中上水準。最後想講講間小店，都幾有人情味，有好幾個熟客食慣食熟真係會行黎行去自己招呼自己，甚至行去水吧位拎番自己杯野飲咁樣。難得難得！

同屋企人食飯，簡簡單單就可以好開心。今日同大肚嘅妹妹食飯， 梗係揀返就佢腳既深水埗"皇室冰廳"食飯。我哋兩個人兩味餸share食，叫左招牌蜜椒薯仔炒牛肉同埋西蘭花炒肉片， 妹妹只可以飲熱飲，而我就試左呢度既特飲 Oreo 特濃阿華田。Oreo 特濃阿華田， 香濃幼滑，同上面既oreo 一齊飲，有咬口。😋晚餐包野飲，西洋菜湯同白飯，好抵食。 兩味餸我都好滿意，一度惹味，一度健康。呢度嘅店員好有禮貌，食飯期間見到留意到有個侍應因為要外出唱散錢，唔記得咗幫個客人嗰個餸走花生。佢返黎即刻同個客人講對唔住，仲主動話要幫佢換過， 我覺得真係做得好好，勇於承擔。

今日胃口唔多好，想搵醒胃又提神的食物，我就到元洲街近荔枝角一間「皇室冰廳Royal Cafe」,食咗一個【鎮店特餐：真。番茄濃湯特餐】，仲要全日供應(時間由早上11點30至晚上9:30分)。究竟呢個特餐有幾「真。番茄」，原定招牌「真。番茄濃湯是配烏冬」，但我轉了通粉，因為可以啖啖都飲到湯，而冰廳的通粉是大大粒有坑紋的，口感剛好軟硬兼施。不得不讚，番茄湯堅香濃，入口後番茄味酸甜，認真不錯。特餐是配即炸厚切吉烈炸豬扒，厚切吉烈炸豬扒，是即叫即炸，上枱時豬扒表面得油也跳下跳下，真係好熱辣辣，而且不會油泣泣，旁邊仲有沙律醬，沾上沙律醬令炸豬扒味道更提升，如果炸豬扒再厚一點就更好。以及牛乳炒滑蛋，滑蛋好香滑，仲有蛋汁，味道很好，讚。特餐連餐飲一杯，我選擇了熱檸檬茶，質素不過不失啦！

嗰日去長沙環睇明愛醫院之後同嘛嘛好肚餓見到呢間茶餐廳講得唔錯。首先入到去場景比較乾淨環境衛生服務周到餐牌又多有好選擇。嫲嫲同我叫咗個西蘭花炒牛肉。牛肉非常新鮮好有牛肉味西蘭花都係新鮮嘅知道係外國入口。食得好放心。成日留意佢哋嘅白分係用泰國絲苗米泰國入口非常之好。跟住見到佢嘅例湯例湯係青紅蘿蔔瘦肉湯。佢哋煲湯煲到同阿媽出嘅一模一樣冇加味精。無論服務嘅態度環境嘅衛生程度都值得滿意。每年嘅情人節都會同阿媽嚟試下。

平時真的不會經過長沙灣，但今次為咗交收口罩，就順便係附近食埋飯～行行下發現這裏有不少小店，價錢都唔算貴，啱晒我鍾意試新嘢嘅性格🤪見到呢間有唔少客人等外賣，我和朋友又好耐冇食冰室嘢，就入去試試～～——————————🔹招牌蜜糖薯仔炒牛肉 $68起初想食常餐，但見唔少客人叫小菜食，我都叫番個招牌菜🥰，這個蜜糖薯仔炒牛肉，賣相和味道都要讚👍🏼薯仔和牛肉份量很多，每嚿都有滿滿的蜜糖和濃郁的黑椒味，最重要炒到好有鑊氣，食完都唔會有油膩，餸飯一流🥰🔸鎮店特餐 $56朋友就叫咗特餐，分別有牛乳炒蛋、炸吉列豬扒和蕃茄濃湯烏冬，份量一啲都唔少～ 特別喜歡食吉列豬扒，外皮炸粉唔厚，豬扒肉質紮實而不鞋口，食完都唔會好油好熱氣，不錯🥰牛乳炒蛋很香滑，是半山熟滑蛋；蕃茄濃湯烏冬湯底唔算太濃郁，但見到有粒粒蕃茄肉，彷彿是媽媽煮的味道，夠健康☺🔹雪山特濃朱古力 $22這杯朱古力上有很多Cream，有濃濃朱古力味，但越飲越甜，可能cream溶化後令整杯味道變得更濃厚～🔸Oreo特濃阿華田 $22這杯比較冇咁濃和甜，而阿華田味好突出，飲到最後都唔會有肥嘅感覺☺