皇室冰廳

营业中

休息中

話說近排去長沙灣搵個朋友食飯，佢介紹左一間幾有鑊氣既茶記食小菜，裝修環境幾新淨。-✨ 魚香茄子煲 ($62) (⭐⭐⭐⭐️✨/5🌟)魚香茄子煲最重要係咩呀? 係個魚香茨汁呀! 呢到既魚香茄子汁食到咸魚既味道，香得黎又唔會過咸~加上個煲熱辣辣，夠哂惹味~-✨ 沙拉豬排 ($65) (⭐⭐⭐️⭐✨/5🌟)自己本身茶餐廳豬排冇咩興趣，因為好多時候都會做得太Un，好難咬開塊排。但呢份豬排應該特別調制過，食落幾淋，沙拉醬酸酸地好開胃~-味道比一般茶記好，勝在份量大價錢平，同埋餐廳好細心咁有提供口罩收納袋，係難得有抗疫意識既茶記。

收工食過美味醫肚的晚餐下班時間肚餓，等車人流又多，吃個晚餐才回家吧，這家皇室冰廳人流未算太多，看門面相算企理衛生，而且餐牌作價也不算貴。餐廳有提供消毒紙巾和裝口罩的膠袋。粟米蘿蔔火腿湯跟餐有白飯有餐湯，湯足料，有粟米，也有蘿蔔。柱侯蘿蔔炆牛腩煲 ($68)常見的經典菜式，牛腩數量絕對夠，放滿在整個煲上，牛腩煮至軟腍但味偏淡。蘿蔔都充滿了醬汁的味道。雖然不算是特別的晚餐，總算好味抵食，而且以茶餐廳而言還算乾淨衛生，還算值得跟大家分享。

朋友群組呢排多咗幾個熱門話題 就係宅在家解悶方法 煲緊乜嘢劇 同埋晚飯食乜餸 邊度小菜平靚正 互通消息-🥣是日例湯 (跟晚巿套餐免費)保持喉嚨濕潤嘅理想做法 係多飲湯水 粉葛赤小豆煲豬展老火湯 清熱下火 不二之選-🐟黃金煎封黃立倉 (小菜套餐連例湯白飯熱飲 $68）鍾意食煎魚 但唔想搞到屋企咁多油煙 最好就係出街食 搵人代勞 或者趁佢外賣九折 買返屋企加餸 雖然係街坊小店 小本經營 份量依然做到足 條魚大大條 煎得金黃色 外脆內熱 非常香口 加埋鼓油香蔥 下飯一流 黃立倉魚骨少而大條 啱小朋友食 唔怕啃骨-🍆🥩日式燒汁茄子牛肉煲 (小菜套餐連例湯白飯熱飲 $68)魚香茄子煲食得多 燒汁版本嘅茄子 比較有新意 用油較少之餘 茄子熱騰騰 結實有咬口 牛肉多而大塊 裹腹又味美 平平實實嘅街坊小菜 經濟實惠 食得滿足-📍九龍長沙灣元州街482號金碧閣地下

過到嚟長沙灣估唔到有好多嘢食嘅選擇，周圍睇下見到呢間皇室冰廳，竟然有避風塘雞扒嘅午餐， 咁特別就走入去試下避風塘雞扒飯有少少辣 ，好惹味，平時夜晚先食到， 今次我仲配埋紅豆冰，勁香煉奶味，同辣辣地嘅雞扒， 配襯得啱啱好， 唯一係覺得如果多少少汁就好啦， 因為配住個飯有少少乾， 如果呢個 避風塘雞扒係夜晚嘅一個餸就真係一流而家疫症期間佢哋仲會提供消毒濕紙巾去清潔餐具，都幾窩心呀平時去啲茶餐廳啲阿姐都會好鬼嘈，我鍾意佢哋 真係幫客人去做嘢， 全部做嘢都好快手， 餐廳嚟講服務都算幾好

在長沙灣元州街482-492號金碧閣地下14號舖的皇室冰廳吃晚餐， 防疫措施做得非常足的一間冰廳， 首先體溫量度、派發口罩袋和消毒碗筷的濕紙巾。 然後送上兩碗清甜好飲的粟米蘿蔔例湯給我們，二人再簡簡單單點了兩個餐～粟米滑蛋斑腩飯$59+ oreo特濃阿華田$8 、皇牌菠蘿芝士鮮茄焗豬扒飯$58＋ 椰汁紅豆冰$8。皇牌菠蘿芝士鮮茄焗豬扒飯～酥香的豬扒厚度適中， 配上番茄醬汁、菠蘿和芝士， 簡單又美味。粟米滑蛋斑腩飯～魚塊的粉不會太厚， 魚肉入口嫩滑， 粟米汁也好好送飯。Oreo特濃阿華田～ 阿華田一向好飲， 加上oreo，味道更加濃郁。椰汁紅豆冰～ 熟透軟身的紅豆和香甜的椰汁，超美味。茶餐廳一向都是香港市民最喜愛又方便的食肆， 皇室冰廳食物質素不錯，到長沙灣可以一試。

今天去到長沙灣，見到有好多冰室，所以lunch 搵間試下。疫情期間，入店前望望間店係咪跟足規定，食得安全先。冇問題，入得！睇佢地餐牌，野食好似幾特別，随便叫左個焗豬扒飯試下。落完order,準備自己抹餐具，發覺原來佢地有提供一次性消毒紙巾，真夠心思，令人感到安全放心。等左一陣主角上枱，賣相十分吸引。碟頭亦足。食落味道尚可。疫情期間，味道不是重點，安全衛生才是首選。

呢個冰廳店舖少少，起初我以為會被武漢肺炎影響生意大受打擊啦，但點知幫襯嘅人好似仲多左， 外賣生意接唔停蕃茄濃湯烏冬湯底係用上新鮮蕃茄製成，所以蕃茄味道相當濃郁。唯一美中不足嘅就係用左普通烏冬，如果用上讚歧/真打烏冬就更好。吉列豬扒炒滑蛋豬扒勁大塊，比我嘅面仲要大，而且炸得岩岩好，外脆內嫩。滑蛋質素正常，未至於驚為天人係屬於正常冰廳水平。懷舊椰汁紅豆冰同場加映美亞電影台周星馳嘅算死草，符合懷舊冰廳嘅感覺。（而家仲會播電影嘅餐廳已經買少見少啦）

芝士黑椒牛魔王焗飯🐮$52咁啱行過，見到牛魔王三個字就呼喚咗我去食😎的確無揀錯，真係好好食😛焗飯即叫即焗，熱辣辣😋超多芝士，完全做到拉絲嘅效果😁黑椒味非常香濃😚牛肉完全鋪滿整個焗飯😊仲要係厚砌，份量十足🤩牛味濃，勁有咬口😆完全合乎我心意，非常抵食😏OREO特濃朱古力🍫跟餐特飲加$8朱古力味道夠晒濃👍見到滿滿嘅OREO碎😍啖啖都食到OERO味道😘完全係雙重享受😚皇室冰廳 (長沙灣)長沙灣元州街482-492號金碧閣地下14號舖

以茶餐廳的質素來說，他的服務比較不錯，侍應們都帶着笑容和有禮貌的，今天晚餐吃了蒸豉汁倉魚配白飯，倉魚蒸得剛剛好不會太老，一大碗白飯一個女生吃不完呢～朋友吃楊州炒飯他說也很好味。

皇室冰廳今日森仔去左長沙灣食左個靚靚下午茶。餐廳係正我轉車位，又睇佢個裝潢又有特色。就去試一試！雖然餐廳空間不大，但係正在枱也不多，令人坐得舒適為主。而內在裝修時尚得體，乾淨光猛！所以森仔係入面慢慢享受了近2小時的tea break。至於食物方面，森仔叫左一個皇室推介特餐:真蕃茄濃湯烏冬拼牛乳炒蛋和吉列豬扒。蕃茄濃湯烏冬，個湯底還算不錯👍🏼真係食到d原汁原味的蕃茄。味道亦不太濃，而烏冬亦有咬口。味精應該都少落，因為飲完也不大口渴。不過，鍾愛濃味朋友可能會失望。牛乳炒蛋這個炒蛋炒得不錯！現時很多荼餐廳都有牛乳炒蛋。但這個也算係炒得夠滑同有蛋味！值得一試丫！吉列豬扒。這個吉豬真係大大塊，有一隻半手掌✋🏻甘大。而佢真係即叫即炸，所以上碟時，外脆內軟，滿有肉汁👍🏼👍🏼👍🏼再配上沙律🥗醬真係美味加倍😍餐飲方面，我叫了茶走。茶走口感滑滑的，而且富有濃濃的茶味🍵！正正子。價錢56元來說，不太貴也不太平。可以一試👍🏼👍🏼👍🏼

這間冰室雖然地方細細，但餐牌卻有不少選擇，星期一至六每晚都有提供五款不同的晚餐配撘，另有十多款的廚師推介，包餐湯及餐飲，價錢最貴都只是六十多，份量大，十分抵食。未點餐，已每人送上無味精的中湯一碗。晚餐中的蒜蓉九菜花炒魚鬆，雖然這個小菜平時在家都會整得到，但鑊氣總是欠奉，而這裡鑊氣十足，九菜花脆綠爽甜，加上煎得金黃的魚鬆，用蒜蓉，洋蔥及紅椒一齊炒，惹味又很好送飯。另外點了一個真。蕃茄濃湯烏冬特餐，拼招牌牛乳炒蛋及吉烈豬扒。標榜"真"湯底用新鮮蕃茄每日新鮮製造，而不是坊間用茄汁加水，飲落的味道跟屋企煲的蕃茄薯仔湯有點相似，飲完沒有口乾的感覺，而招牌牛乳炒蛋及吉烈豬扒的份量跟圖片對比更要大份，吉烈豬扒的脆漿薄身，炸得金黃脆口。

夜晚工作完係長沙灣，見到皇室冰廳門口幾光猛，又見到佢啲晚飯小炒都幾平，就同老公入去試吓啦。地方雖然唔大但都光鮮乾淨，以冰室嚟講都幾多選擇，中式小菜有10幾款選擇，想簡單啲嘅是日晚餐都有6款，仲有焗飯、蕃茄湯底嘅麵，我哋揀咗好耐先揀到😂😂我哋點咗招牌蜜椒薯仔炒牛肉同埋鹹蛋蒸肉餅。我坐嘅位置都近廚房，聽到火喉鑊氣冚冚聲，好期待！結果完全無令我失望，非常好食！首先牛肉份量多，而且一點都唔軔，淋得嚟但唔會入口散晒，有口感又唔會有渣。醬汁略甜但唔會蓋過牛肉香味，配上黑椒蜜汁好惹味，送飯一流！薯仔都係好值得介紹，我本身好討厭食薯仔，但呢個餸上面的薯仔切到好似薯角咁，而且好似炸過咁，入口好香口，好似食緊快餐店的脆薯角。鹹蛋蒸肉餅亦都水準一流，肉餅肥瘦適中，一上檯已經好靚仔。肉同水嘅比例做得剛好，入口好juicy，調味適中唔會過鹹，配埋鹹蛋食好開胃，又係送飯之選！我自己入開廚房，都知要做出一碟好食嘅肉餅唔容易，生粉、水、肉、肥膏嘅比例一控制得唔好就會好難食，但皇室嘅肉餅真係好食，我會俾90分！例湯係青紅蘿蔔豬骨湯，食得出真材實料無味精，雖然鹽重手咗小小，但食完唔會有口渴感。飲品我哋點咗涼粉冰同檸檬茶，

位於元州街嘅皇室冰廳相信好多長沙灣街坊都聽過, menu有傳統冰廳特餐亦有好吸引嘅特飲系列, 牛乳炒滑蛋更係必食item之一, 早餐已經食左, 所以go for豐富晚飯小菜🥢. >例湯- 青紅蘿蔔煲豬骨😋完全無落味精嘅青紅蘿蔔煲豬骨湯好好味, 我地碗有好幾件豬骨食, 送嘅湯都咁足料Good.>招牌椒鹽蒜香豬扒 (HKD62)係爆多嘅脆炸蒜粒呢!! 豬扒件件都厚切啖啖肉, 有鑊氣得黎, 肉質非常juicy唔係乾柴👍🏻, 紫洋葱同辣椒炒埋真係勁惹味呢, 送飯(勁大碗)一流!>黃金粟米魚柳 (HKD62)撈飯perfect嘅蛋花粟米芡汁濃稠適中, 魚柳首先炸脆, 咬落先係脆口, 魚肉意想不到嘅滑, 完全唔dry, 又係件件啖啖肉, 好抵食呀.>椰汁紅豆冰, Oero特濃阿華田 (+HKD8)加8蚊就可享特飲一杯, 紅豆冰充滿椰香, 凍飲嘅阿華田都感受到特濃嘅味道👍🏻.>走嗰陣見到li排外賣自取有9折優惠, 樓上街坊拎返屋企慢慢嘆, 幾個小菜有湯有飯開心share😋.

今日懶得煮飯所以落咗樓下茶餐廳食嘢，見對面茶餐廳嘅晚餐價錢同款式都唔錯所以就試吓啦如果食炒粉麵$50左右都有交易，小菜就大概$60左右老公就要左一個小菜，我就要咗個焗意粉一坐低就即刻有兩碗例湯，仲有豬骨架，冇味精，而且好足料好好飲京蔥炒牛肉，個份量都唔細，啲蔥勁多，好有鑊氣，配埋個飯食就啱啱好，不過油咗少少我就要左一個焗蕃茄豬扒意粉，豬扒好大塊，同隻碟一樣大，而且仲幫我切好，值得一讚，蕃茄味道夠出，撈埋啲意粉就啱啱好我哋兩個都嗌咗特飲，一個要紅豆冰另外一個係Oreo朱古力

去開青山道做野，做完野就簡簡單單食埋個飯至返屋企。食物選擇唔少，見都幾肚餓所以揀咗焗豬扒飯＄58，飲雪山特濃朱古力（加＄12）。先嚟咗特濃朱古力，上面有層我好鍾意既cream，而朱古力味都頗為濃郁。至於焗豬扒飯就等咗一陣，因為係即叫即整，所以新鮮熱辣。飯底炒到金黃色，粒粒分明。豬扒肉質鬆嫩，咬落唔會嚡口，配埋酸酸甜甜既番茄醬汁，好開胃！成個飯份量都唔少，食完都好飽肚。叫埋特飲埋單都係＄70，以晚餐嚟講好抵食。