皇室冰廳

营业中

休息中

聽朋友說呢間餐廳食物份量大，味道又唔差。今日無食午飯，經過見到有不少下午茶選擇，就入來試試。叫了一個吉列豬扒包配凍檸茶。豬扒包叫了少醬，果然是少醬。上枱已切好分半，真係幾大份，拿上手看見豬扒橫切面已知道好食，配上軟熟豬仔包，呢份餐只要35元，性價比真係好高。

佢嘅場面裝飾係我最鍾意嘅地方，上面寫咗一啲香港地道嘅街道名稱仲寫住香港味道，茶餐廳嘅格局加上特別嘅場面裝飾令到成個氣氛好唔錯，茶餐廳就該有茶餐廳嘅味道。是日午餐超級抵食49至52蚊就有得食，加8蚊就有阿媽靚湯，我地就揀咗杯Oreo朱古力同埋Oreo阿華田，意外地好好飲，阿華田真係茶餐廳必叫，d orea碎好脆好好味，阿華田味好香濃，即使溝左冰都唔會好淡，無唸過mix埋都真係幾好飲。叫左常餐沙嗲牛肉公仔麵加奄列多士、午餐嘅鹽酥雞球飯同日式鰻魚炒飯，我自己係食日式鰻魚炒飯，$50水準真係好唔錯，份量算多但我都成碟食曬一粒都冇食淨😂。

今日小胖和朋友去長沙灣，午餐時經過呢間冰室就入去試下。佢食物的種類都幾多，有飯，意粉，麵，包，基本上多到選擇困難症會發作😂作為選擇困難症患者的小胖和友人最後叫咗佢的日式鰻魚炒飯和台式肉燥鹽酥雞球飯。佢飯的份量都頗多，加埋飲品都好飽，日式鰻魚炒飯的味道都唔錯，但鰻魚肉就少咗d 唔係太食到。台式肉燥鹽酥雞球飯就普通咗d, 唔可以話難食，但又唔算好味, 佢的肉燥味道唔係好台式，但唔差，佢肉燥的肥瘦比例偏瘦肉多，但小胖認為食台式肉燥就係想食佢帶有微微肥油的口感，唔可以全肥肉，因爲會好肥膩，但偏瘦的話又好似無咗台式肉燥的風味，呢個可能適合d 想食肉燥飯但又唔想食肥膩的人,佢的鹽酥雞球好大件，但唔係台式鹽酥。食物整體還可以，中等，不過坐位有d 逼，但如果午餐諗唔到有咩食，都可以一試。

平時好少去長沙灣 諗住頹頹地同朋友食一餐 比我地搵到呢間性價比唔錯嘅皇室冰廳! 餐廳環境光猛 裝飾亦都好特別 白色磚牆上掛住路牌 感覺新淨企理叫左個$52嘅日式鰻魚炒飯🤤🤤 真係一試難忘 食落鹹香 啖啖都有椰菜絲 蔥 仲有就係主角鰻魚粒 令到成碟飯口感非常豐富 成碟飯份量亦都頗大 一定食得飽足!嘢飲方面就+$8叫咗個oreo阿華田特飲😝😝 冰凍嘅阿華田 飲落唔會好似出面某啲茶記好稀 甜度足夠之餘 加上oreo碎 真係每一啖都係享受 消暑一流!!

肉燥鹽酥雞👍今日放lunch跟同事搵食，呢間茶記裝修設計幾得意，有啲香港街道既名，細得黎整體黎講都算企理，等位留意到唔少捧場客都叫外賣。我試左午餐A台式肉燥鹽酥雞球飯，份量都幾多下，鹽酥雞幾大件，肉質都幾嫩滑，鹹度剛剛好，平時最驚就係雞肉太多鹽好鹹，肉燥汁都係好惹味，撈飯一流，仲有搭配椰菜食下，一開始想配意粉，職員特意提我味道可能會有啲奇怪因為係中式菜，我都無唸到呢樣野所以好彩職員提一提就即刻轉返飯，成個味道配搭都正路好多😹其他姐姐又有禮貌耐性，就算午市好忙都比我地慢慢唸😹

係附近返工同同事搵間茶記食下，另一位同事推介又近又好食就試下，因為肺炎餐廳都有做好防範意識擺曬膠板隔開枱。我叫左個全日餐有沙嗲牛麵搭配牛油多士同火腿奄列，沙嗲牛份量都幾多，而且個牛肉汁好香濃，撈埋湯麵都唔會溝淡曬仲係好有味，麵質中意佢淥到啱啱好，唔好稔到一pat嘢咁仲有啲口感，麵餅份量都ok，麵包有烘底所以巿脆邊，脆卜卜好味啲，奄列啲蛋好香滑，另外叫左個椰汁紅豆冰小冰多奶，夠曬甜，加冰好爽，紅豆都幾多下，22蚊都幾大杯，飲到飽曬！

呢間招牌係真蕃茄湯就緊係一定要試下啦, 呢到服務算係比較熱情,卡位坐得都舒服, 整體店唔算大間, 未必坐到太多人!味道的確比出面一般既濃同埋甜, 自己都有研究過蕃茄湯,如果將蕃茄打碎D, 個湯就會更濃都更妹味. 麵都幾爽口彈牙.豬扒係可以轉煎豬扒就唔一定要選吉烈因為有D人覺得太熱氣, 豬扒煎得岩岩好, 肉質唔會太老.沙爹牛麵, 牛肉份量算多, 味道正常, 牛肉小硬, 沙爹醬汁比較濃.最期待係火腿奄列, 腿量夠多, 咬落口感就會好爽口, 蛋都算整得比較滑身, 有d人可能中意連埋個包食變成腿蛋包都可以的, 如果加小小甜醬油落去會更好食!特飲,雪山朱古力, 姐係面頭係cream 入面係濃濃既朱古力, 其實如果自己打均小小,朱古力會有陣奶香味,個人覺我會更佳, 味道濃可以一試.

今日陪朋友去長沙灣睇貓仔，睇完見隔離間冰室好似唔錯就入去試下。第1次食就叫兩個招牌飯試下。坐低冇耐就有兩碗中湯送上，係栗米蘿蔔湯，飲落冇味精十足住家湯既味，清甜得黎飲完唔會口渴。招牌芝士鮮茄焗雞扒飯係晚餐set其中一款，＄59有湯有飯有野飲，晚餐黎講都幾抵！飯面有溶左既芝士，拉絲效果唔錯，醬汁好多，新鮮焗起熱辣辣，每啖都食到醬汁，雞扒應該係先煎過再拎去焗，好香口，好快清哂成兜。招牌椒鹽蒜香豬扒豬扒份量都幾多，兩個人都夠食，蒜香味十足，每件豬扒都炸得好香脆而且冇乜骨，好多肉食。椒鹽令整個餸咸咸地，撈白飯食一流！飲品方面加8蚊叫左杯特飲Oreo特濃阿華田,同一杯凍奶茶。前者比較特別，面層鋪左oreo碎甜甜地好有咬口，不過有d沉左底，如果面層再鋪多d碎碎就勁滿足喇!

今日黎左長沙灣皇室冰廳，入到黎量度體溫，仲有消毒碗筷的濕紙巾叫餐後會有例湯，側湯好足料，都唔算有好多味精。唔錯。今日星期二，叫左個魚香茄子煲，唔算好辣，味道香濃。每一塊茄子都有好多醬汁，餸飯好正。 特餐炸吉列豬扒拼蕃茄濃湯烏冬，配牛乳炒蛋。吉列豬扒好大塊，仲要皮唔厚，皮好香脆，蕃茄濃湯烏冬湯底有粒粒蕃茄肉，牛乳炒蛋好滑。Oreo特濃阿華田真係好濃味，加上oreo碎賣相更吸引。雪山特濃朱古力好多Cream，仲好濃既朱古力味，呢杯比起Oreo特濃阿華田甜D同埋濃D。

又係到咗夜晚諗食乜嘅時間，今次就想食茶餐廳美食，叫幾個小菜一齊share嚟食。社會肺炎疫情關係，所以餐廳嘅清潔消毒意識很高，不戴口罩或者佩戴隔離手帶的人士是不招待的，令我哋可以安心享用晚餐。這裏實在太多美食選擇，還有很多晚市小菜套餐，相當超值。確實比餐牌上嘅食物圖片吸引住左，食肉獸的我當然要叫呢度嘅招牌有鑊氣小菜-椒鹽蒜香豬扒，成個套餐好超值，都只係$62。等緊小菜期間，仲有好滋潤嘅中湯飲，入面仲好足料，有雞腳、蘿蔔及豬肉等等，飲落去仲好鮮甜！唔夠10分鐘就有得食了，用洋蔥同埋辣椒炒真係好香，最鍾意佢嘅味道係有少少辣辣地好滋味，亦都好開胃，而且豬扒好多件，豬肉肉質鮮嫩，仲好入味添，我這個大胃王一碗白飯簡直不足夠🙈。不過朋友點左的醬爆茄子脆魚柳煲亦都好吸引，即叫即做，能夠食到鮮味，令我食得比平時份量更多。最後叫番杯凍檸茶爽一爽喉嚨，今晚餐飯滿足晒！

平時都冇乜住家飯食，又咁夜收工，就去到長沙灣搵美食，經過見到間茶鐺，個招牌好耀目搶眼，吸引左我入去食晚飯。由於疫情關係職員做足防禦安全措施，先幫我地量體溫然，之後俾個口罩袋我哋裝住，整個過程關懷體貼，仲可以比到客人食得安心。餐牌有多款選擇，仲有超抵嘅晚飯套餐添！最後我揀選了醬爆茄子脆魚柳煲，加$19有一份清灼時菜，夠晒飽肚。遠處已經聞到好香，熱辣辣嘅茄子魚柳煲用瓦煲上菜，入面嘅茄子、魚柳份量都幾多，而且茄子好林好入味，將啲汁撈埋白飯一齊食好滋味呀！平時喺屋企好少食菜，我就叫咗西蘭花🥦，有益又健康，根據我喜歡吃的口感廚師將西蘭花炒得好林，清清地好健康又美味。餐飲就是我最喜歡的熱華田，味道又濃郁，飲完暖肚好舒服。朋友就點了招牌椒鹽蒜香豬扒，都讚好有鑊氣，我都忍唔住偷食咗一塊，確實好滋味。最後我哋兩人每人一個晚市套餐，食到好飽肚好滿足都只係$160左右，確實性價比很高的冰廳呢！

最近黎開長沙灣整啲嘢，所以求其喺附近食啲嘢。竟然唔誤打誤撞比我發現到呢間唔錯嘅冰室。-⭐️蜜糖黑椒薯仔牛肉不嬲薯仔牛肉嘅薯仔先係主角，薯仔炸過再炒，好香口，所以食落特別好味。牛肉份量都幾多，有鑊氣，送飯一流。-⭐️咖喱魚柳飯星期一至六都會有唔同嘅晚飯餐牌，見到隔離枱食緊咖喱，賣相好似好吸引所以叫咗個。咖喱香濃，朋友唔食得辣覺得幾辣，魚柳都幾大塊。-⭐️ Oreo特濃阿華田茶餐廳新主義，有呢啲特色飲品都幾好，唔使因為飲去都係檸檬茶、奶茶。________________________食物：⭐️⭐️⭐️⭐️環境：⭐️⭐️⭐️服務：⭐️⭐️⭐️抵食：⭐️⭐️⭐️⭐️________________________

上個星期喺長沙灣做完嘢，又到食晏時間就喺附近搵左哩一間叫皇室冰廳嘅餐廳試吓。入座時間係大約兩點幾但係餐廳仍然做緊好多外賣單。估到好多街坊應該唔想落街食嘢就叫咗外賣。食落就明白點解咁多街坊都會叫啲外賣啦。是日午餐有四種選擇，兩種中式兩種西式選擇。今日我就想食個芝士青咖喱豬八戒焗飯，豬八戒個名都幾得意。每位食客叫咗午餐嘅都會跟返個冇味精嘅老火湯，今日就係節瓜眉豆豬骨湯🙈。飲完個湯真係唔會口渴，應該真係冇放精。飲完個湯個飯就差唔多焗好，原來豬八戒嘅意思就係豬扒加腩肉一齊再落啲芝士同青咖喱汁一齊上去焗！呢個配搭都幾新鮮唔係剩係得豬扒焗飯咁單調。大家可以睇到芝士真係啱啱焗出嚟識得拉斯絲架😍個飯底就係用蛋炒飯，一齊焗咁樣成個口感同埋味道都會突出好多。只要個青咖喱汁一樣好好送飯搞到我食晒😆除此之外間冰室個位置都幾就腳，下次喺長沙灣深水埗一帶做完野都可以再過嚟試吓其他唔同嘅午餐。

都好耐無食過茶記 特別掛住咖啡奶茶同常餐 同朋友起長沙灣既呢間皇室冰廳食返個止下癮😌見到個鮮紅色既menu 叫左款鎮店特餐 一於就叫呢款招牌真蕃茄濃湯特餐試下😌呢個餐有招牌真蕃茄濃湯烏冬 即炸厚切吉烈炸豬扒同埋牛乳炒滑蛋招牌真蕃茄濃湯烏冬 幾濃郁鮮甜 食得出係蕃茄既原味 烏冬彈滑 牛乳炒滑蛋幾香濃嫩滑 炸厚切吉烈炸豬扒份量足 幾脆口 唔錯 我叫左杯奶滑咖啡 飲落相對多奶 都幾岩我口味朋友就叫左個全日餐C 金寶雞湯香煎豬扒意粉 金寶雞湯香煎豬扒意粉 牛乳炒滑蛋 同牛油厚多士 金寶雞湯香煎豬扒意粉 金寶雞湯底味道調得剛剛好 意粉彈滑 煎豬扒幾香口惹味 牛乳炒滑蛋同樣係幾香濃嫩滑 牛油厚多士 塗上左滿滿既牛油再烘底 加埋杯Oreo朱古力夠濃夠曬邪惡 😌

自從肺炎疫情都搞到我呢個行街精要做宅女，眼見呢排疫情好似開始收控架要出去找下好野食啦，加上今日要去長沙灣整野，架順便在長沙灣找野食啦，行過元洲街有間叫皇室冰廳咁就去試下啦。咁我地就叫魚香茄子煲及黃金粟米魚柳，每個都只係$62已包白飯一碗，例湯及熱飲，係呢個市道來講真係好抵食。在我公司樓下食果午餐都要成六十幾元。唔好以為咁平份量一定好少啦，份量都一啲都唔少，魚香茄子煲好有鑊氣及好香咸魚味，勁好餸飯。惹味都我食左兩碗飯，我雖然好鐘意食魚，但好怕食出面D魚柳，因通常都會落D梳打粉魚，搞到冇晒啲魚味，但呢個黃金粟米魚柳食落有魚味又炒得好香脆可口，架要叫杯凍飲🥤涼爽一下啦，我哋就叫左椰汁🥥涼粉冰及朱古力🍫雪山🏔️冰做埋尾😋