皇室甜品 (城南道)

营业中

休息中

👭皇室甜品(九龍城)👭1⃣即撞木桶豆腐花 $30豆腐花口感滑，可惜好多倒汗水，每啖豆腐花都有大量倒汗水夾雜其中，導致味道變得有啲奇怪。呢到既黃糖粉味道比一般既淡，所以要落好多先夠甜🤔2⃣芒芒奇冰 $42即係芒果綿綿冰再加上配料，當中包括紅豆、小丸子同芒果塊。綿綿冰似係雀巢雪糕做成，係個種假假的芒果味🤢小丸子口感煙韌，紅豆過甜，芒果塊偏酸。推薦度：6/10🏠九龍城城南道15號🕐3:00pm-2:00am

今晚喺九龍城食完晚飯，當然要喺呢個“美食之城”揾飯後甜品食啦！最後揀咗皇室甜品，因為未試過呢間甜品店，只係知道佢成日有做“團購”。另外等位的人相對較少。咁唔知係好抑或壞，反正都抱住試新野嘅心態一試！店内的間格長長，座位也不算少，但坐落很擠逼，唔會令人覺得舒適。屬於食完要即走的經營模式！甜品的款式及種類很多，看得眼花缭亂，患上選擇困難症的人可痛苦了！呢度嘅楊枝金露可算是近年試過較為失色的甜品。本身選用的芒果不太夠味，加上沒有加入芒果汁底，使底下的西米淡而無味，與其他甜品店的製法有很大的出入。劣！西米露雙球雪糕相對是穩陣之選，沒有太多工序需要製作，大多食材均是來貨製成品，所以不會有太大問題出現。坦白講: 喺九龍城咁多甜品店林立的地區，要生存必定要做到精益求精，無可能常靠僥倖過關！因為實在太多選擇，而食客的眼光及舌尖總是雪亮和準確的。

因為住得近九龍城，所以之前已經幫襯過，好抵食。外賣叫左朱古力心太軟再加兩球冰淇淋，仲有多芒小丸子！黎到仲係流心架，雪糕亦冇融！芒芒好多丸子。。。。總括黎講滿意抵食。。。。要黎多啲推介俾大家。

以前好中意來九龍城食泰菜再食糖水呢幾年少來左。今日突然出左九龍城就幫襯返食開既糖水鋪。以前坐無虛席，今日去有一半吉位，諗住閒日姐，中途有客人，都系有7成滿左右。諗住都ok na😆同男友1人叫1個。芒果小丸子⭐️⭐️首先個賣相真系一般，但我不嬲唔睇樣既🤔（我去大部分地方都系中意點小丸子食）試下先，啲丸好硬，都食得落肚既，不過偏硬。所以真系好一般🤷🏻‍♀️芒果奶凍👍🏻👍🏻👍🏻芒果，雪糕，奶凍，芒果汁4樣野加埋點都唔會難食但全部味道都好普通即系食完就會忘記左個味個種。大把甜品店好過佢。所以之後不會再幫襯了。❌❌❌

今晚同幾位好友食完晚餐。按完摩想食糖水。差不多成點鐘。以前出車經常去食皇室搬左入新界真的好小出來食。但故地重遊多了好多不同款式。特別有個天使之戀令人眼亮好好食必定推薦。個杏汁雪燕亦要一嘗一試的必定佳品。冬天係好好的補品

杏仁茶來了個啡色嘅物體。成為三十幾大元。一打開知道溝超多水又已經細碗。食落去勁難食。真係未試過。垃圾一間。價錢貴加超細碗。不會再去。杏仁茶來了個啡色嘅物體。成為三十幾大元。一打開知道溝超多水又已經細碗。食落去勁難食。真係未試過。垃圾一間。價錢貴加超細碗。不會再去。杏仁茶來了個啡色嘅物體。成為三十幾大元。一打開知道溝超多水又已經細碗。食落去勁難食。真係未試過。垃圾一間。價錢貴加超細碗。不會再去。

4人行食完越南粉嚟食返個甜品先～呢條街有三間甜品店～最終都係揀咗依間可能有D凍啊～都唔係太多人嚟食甜品白雪黃金卷係一陣白色椰汁嘅皮包住一舊芒果肉上面有芒果汁～咬落濃濃芒果味芒果涼粉呢個冇乜特別～但勝在芒果肉都算多～仲要大大舊上都幾吸引比利時士多啤梨窩夫～窩夫餅即叫即做～一碟有¾個窩夫餅～食落好重雞蛋味～上面仲有custard可惜打得唔夠硬身～加上得小小唔太夠味～配以半舊士多啤梨同雪糕～有D孤寒囉～雪糕球可以自己選味道～

喺九龍城食完酥皮蛋撻做下午茶，有啲頸渴好想買杯野飲，見到依間甜品店竟然有外賣椰青水$6一杯做推廣，非常抵喎，感覺健康又可以清下熱氣，叫咗一杯，好清甜，正健康，清甜可口解渴

喺九龍城食飽飽晚餐，周圍行行，見到依間甜品店竟然有外賣椰青水$6一杯做推廣，好似好抵咁喎，有健康又可以清下熱氣，叫咗一杯，好清甜，正健康野飲之選，黎開九龍城推介推介，又大杯，清甜可口解渴

皇室甜品椰王燉蛋白雙丸呢個真係次次去都必食 熱食同凍食都好正又夠飽！首先椰汁味十足 入面有啲蛋白好滑 重頭戲係啲芋丸好好食！好有咬口 再食埋芝麻湯圓 成個甜品都好足料 好滿足😋薄荷金時薄荷味刨冰 加埋小丸子 紅豆同雪糕球味道無咩特別 不過夏天食冰凍甜品就加分！白馬王子可能係因為白白淨 所以叫白馬王子😂 椰子味刨冰 有椰果 芒果 雲呢拿雪糕 西瓜消暑一流配料冇乜特別 主要係刨冰特別出色 唔似其他嗰啲刨冰食落無乜味道 呢個椰子味都算濃！

好耐冇食過皇室甜品了，對上一次，係團購度買嘅任食。都有一，兩年前了。。。今日再來，即管睇下有咩唔同咗先。。。首先，係menu 唔同咗🤔款式多咗少少，但味道冇變😃我地今日叫咗4款唔同嘅甜品🍧🍨🍭🍹1. 意味情濃耶汁榚耶汁味好濃😋2. 精靈西瓜🍉唔甜3. 珠圓玉潤點解同menu 張相。。。差咁遠🤣Btw, 耶汁冇耶汁味🤦🏻‍♀️4. 龍珠二世芒果超酸🤢總結， 其實咁多年，味道依舊，冇變過。。。我只可以話，質素一般，其實應該可以改進吓！

晚飯過後同朋友一齊再食個甜品先，九龍城出名多嘢食而皇室甜品都開左唔少年，耐唔時都會去食，今次就試左窩芙同椰皇。窩芙一上㴝仲暖，口感唔錯，但可能醬太過多，好甜啊，如果可以另上，比食家自己落比較好同健康椰皇入面有個小小嘅椰香布甸，好香滑。熱同凍都有食過，個人認為熱香濃好多芋圓無咩香芋味，驚喜不大

九龍城唔止多泰國野食，仲有好多甜品店。今日食完晚飯就黎到九龍城既皇室甜品食個甜品呢度既選擇都好多元化，不過就以西式甜品為主，中式糖水就比較少。今次我點左一個意味情濃，材料超級豐盛，有意式涼粉條、牛奶味奶凍、紅豆、曲奇味雪糕同埋椰子味冰涼粉條爽口帶點苦，加埋冰同奶凍一齊食就中和左個苦味，口感層次亦好豐富以$32既價錢可以食到咁豐富既甜品，的確係大件夾抵食。黎九龍城一定要食埋個甜品先番屋企阿*意味情濃 $32*

食完好滿足嘅韓國野後，就去屋企樓下食甜品。我叫左杏汁蓮子雪耳，唔知係未有雪耳，成個糖水都好杰身，杏仁味好重，不過雪耳份量少，好細舊，味道其實唔錯老公食呢個，我試食一口，都係好杰身，奶味重，老公話好食

填滿咗正餐個胃之後，就繼續去覓食。比利時朱古力窩夫🍫食窩夫最鍾意就係佢外脆內軟嘅口感，加上雪糕，一冷一熱既對比。依個窩夫就略嫌唔夠脆口。雪糕就唔錯，朱古力味夠晒濃郁，入面仲有朱古力粒粒。Double chocolate。🍫🍫值得一提係窩夫上面係custard而唔係cream。怕食cream的人可以一試。童趣如其名，好似細個去雪糕屋食的甜品。水果新鮮，其中芒果特別甜，其餘仲有士多啤梨、火龍果。朱古力雪榚同頭先介紹的窩夫一樣，抹茶味都唔錯，好milky。不過本來就expect個甜品會多啲水果。下次試下其他甜品先😋