皇室甜品 (城南道)

营业中

休息中

这家店两周去了两次，跟几个朋友一起，朋友们认为这是九龙城最好吃的糖水，如果想去九龙城吃夜宵，选他错不了，他家糖水种类超级超级多，完全可以每次来尝试不同的糖水，我两次来，分别吃了花样年华草莓系和香蕉船配雪糕都非常赞，朋友点的这些甜品，也都是可以推荐的。

中秋節無去玩，不如叫個甜品慶祝，外賣自取都幾方便下。一貫鐘意食呢度既宇治金時淡淡的綠茶冰沙加上甜甜的紅豆同有咬口的丸子，係我最鐘意的搭配平時會點綠茶雪糕，今次試左個朱古力雪糕，有滴太甜啦。一睇個榴蓮銷魂，賣相無咩食慾甘，但係其實裡面真係有榴蓮的，而且好好味。不過可能堂食賣相會好滴？其實價錢同味道，個人覺得係比較合理的

第一次來食系因為同一班朋友食完飯，路過見到店鋪門面裝修好似几高檔，於是入去食個甜品。點左先發覺甜品顏值可以哦，看著就很想吃。我本身食甜品就五中意太甜，就點左宇治金時，想著綠茶應該五會太甜。後來食落又真係OK喔 滴芋丸比較有咬口同有少少甜味，配上綠茶冰沙，多重口感，好食到我五識形容。從此我就愛上左皇室的宇治金時，圖中就係半夜都要打包翻屋企食既證據。黃色的是芒果撈河，朋友話好好食

天氣咁熱 🥵當然要食冰降溫啦🥶呢間皇室甜品長期都咁多人因為足料價錢又唔貴值得推介比大家 🍧🌟 炭燒咖啡奇趣 $42✨香濃炭燒咖啡味，仲有紅豆小丸子及咖啡啫喱😋我朋友食其他甜品，味道一流，個個都讚😍芒果🥭無得輸，另外榴槤都超級有水準，真係啖啖都有榴槤，非常足料，非常滿足，因為朋友生日關係，叫咗個心太軟做生日蛋糕🎂🤣🤣 主員仲好好👍🏻 幫我地加埋蠟燭，心太軟唔會太甜同太實，質感唔錯值得推介。

去到九龍城 唔少得食完晚餐要食糖水就揀左間叫皇室甜品係住九龍城既朋友仔推薦個到既甜品就真係平靚正呀當中都推介個糖不甩 同芒果腸粉另外佢個巨峰提子紅豆都好正好正叫左咁多樣就覺得芒果班戟一般 其他都十分出色不過值得一提 佢個班戟係大份 都係值得去食

今日屋企人話想去食一食飯後甜品，所以就帶咗佢地去我平時去開嘅嗰間甜品店-皇室甜品。我哋叫咗一個宇治金時，一個士多啤梨奇冰同一支椰青水。宇治金時係我每一次黎都必食嘅，佢上面嘅雪糕係嗰種奶味比較重嘅抹茶雪糕， 中間嘅刨冰都有啲抹茶嘅味道，有少少抹茶嘅苦味，但係因為佢有啲甜嘅紅豆，所以可以中和翻，成個甜品唔會話太甜，加上有啲小丸子，煙煙韌韌，真系好好食。除咗個宇治金時之外呢，椰青水我都好推薦大家試一試，六蚊一支，個椰青味好重好清甜，應該係冇溝過水/糖，百分百椰青水， 六蚊一支，又唔使去整，真系平過你去買椰青。最後一款甜品系士多啤梨奇冰，個士多啤梨味我就唔係太鍾意，而且系比較甜，可能適合啲好鍾意食甜嘢嘅人。

逢星期一三五都要去九龍仔公園游泳池上堂，落堂後就會同班同學一齊去食糖水。今日去咗試「皇室甜品」。選擇好似唔夠隔離嘅金滿堂同埋附近嘅小方糖多， 但價錢唔算貴， 同埋味道都ok.🥢鋒芒必露 - 果肉份量多， 配水晶珠、蒟蒻（類似）、 另加8蚊加一球芒果雪糕。 甜品唔算太甜， 配料亦充足！整體感覺可以， 會再幫襯試下其他甜品！

突然好想去九龍城食甜品，行勻哂成個九龍城，都冇咩西式甜品選擇，所以一於去呢間食。入到去要預左同人搭枱，不過D店員都好醒目，所以好快就可以落order。另外，呢間甜品名好得意，都有好多款選擇，好有gimmick。想試一試下西式甜品可以try try。(1)心太軟 $48 呢個心太軟可以揀兩個唔同味的雪糕 (出面甜品店只可以揀一款)，朱古力漿有小小偏甜，可能係我平時食開純度比較高的朱古力，overall黎講呢款心太軟係可以過一過口瘾的甜品。(2)蛋白杏仁茶呢個杏仁茶味道比蛋白更濃，岩哂D鍾意食的朋友!

喝了那麽多洒就會想要吃些甜的回家前大半夜中找找有什麼能放進口裡在這區住30餘年也不知道有沒有吃過一些多年的店就試試這家有選擇困難症的我拿著餐牌隨便一指 指上了這個 原盅椰皇敦雪夾膏原粒拿去敦的所以 連椰子肉在下也不會放過多年沒嘗過雪夾膏這東西小時候因為覺得嘔心長大了也沒這感覺了吃下去其實也沒什麼特別味道大概是身為一個中女 補補身子比什麼都重要吧吃不夠喉就再加點一個在下愛的榴蓮光是榴槤也三款天啊 絕對有選擇困難店員也不敢替在下作主最後他說到一個重點除了榴槤公主外其他兩個都有雪糕底立即就選了。。好懷念這味道吃了果王 其實是不是要找果后呢 🤣飽飽便回家或許在下間中真的應該去吃點甜品另一番感受和回味 ❤

話說今晚食团年飯，梗係要食餐好架勒，係九龍城黃珍珍食完飯，無理由唔食埋甜品丫，講到食甜品，我朋友就堅持要食皇室甜品。雖然裝修唔算好豪華，但幸好侍應都好有禮貌，店內氣氛祥和。我就㨂左我最愛既紅豆丸子做我的飯後甜品了，食飽飯再來一碗凍凍的，感覺十分滿足。又可以有更多時間同朋友相聚，因為淨係傾一餐飯時間既計，根本唔夠我吹水，吹水最少都要兩餐吧，加埋呢个甜甜紅豆就啱啱好。而我朋友就㨂左旁邊那个好似腸粉既野，其實都係凍甜點，唔知咩整出黎，有點像椰果之類勒，入面係芒果，所以我叫佢做芒果腸粉。希望各位都支持下呢類特色小店，老闆工作辛苦了。

✨甜品河粉一定好食✨甜品鋪芒果一年四季都咁甜 🧐✨北海道牛奶燉蛋白 $23 其實好香牛奶味，食一兩啖好開心，但食晒成碗就好漏 😖 如果大家share唔同甜品會好啲☁白雪公主 $32 同 芒果河粉撈 $30 多$2多左舊雪糕 🤣 應該都係雀巢咁上下level但呢排太凍唔想食雪糕，好似好唔抵咁 🤣 但唔食就無謂晒野啦☁鋒芒必露 $32 名就改得好聽，但係唔知道有咖啡點子，夜晚食咗驚瞓唔着🤣 其他材料都冇咩特別心太軟配雪糕2球$48 就正常味，冇咩特別

第一次坐上P牌仔既車去九龍城食糖水…….求其簡左間甜品店食, 一共叫左4個甜品1.     養顏杏仁糊(熱)幸好味道不太甜, 但杏仁味唔突出2.     白雪公主芒果肉加芒果雪糕加椰汁粉條…….唔明點解叫白雪公主,但整體都OK, 芒果肉都算新鮮3.     字治金時味道一般, 抺茶味不太濃郁4.     榴槤班戟超好味, 榴槤肉十足, 無渣,食落口好順滑! 十分推薦

同一班朋友食完飯，最好既下半場就係去食甜品尤其係志同道合既朋友，九龍城實在太多人食飯，所以慢一步都無位，去到老板娘問我地可唔可以坐出面，天氣涼涼地都可以接受店舖有好多選擇，同朋友諗左勁耐先揀到，真係有選擇困難症點知我地揀既野一模一樣榴槤公主好味推介，但有啲飽肚既，好勁榴槤味佢本身係跟個綠色既啫喱定唔知咩，但店舖好識做，可以轉，我轉左水晶珠，而另一個就轉焦糖布甸有我中意既芋圓，但一般般，又有榴槤肉、冰、中間有球雲呢拿雪糕，夾埋好正雪糕心太軟可以揀兩球雪糕既心太軟，但心太軟唔夠流心，亦都唔太熱，唔知係咪急得制，但味道正常既。大家都係$48個，可以試試。

夏天真喺日日都想食冰凍嘅甜品先滿足，食完lunｃｈ即刻就搵甜品店，啱好喺附近就睇到呢間甜品店。食咗一個名好特別嘅甜品，傾城之戀，喺一個朱古力味嘅布甸來嘅，上邊有一個朱古力味嘅雪糕球仲加埋切片香蕉。布甸ＱＱ哋，朱古力味好濃郁，我好中意。白雪黃金卷咧都唔差，薄薄嘅椰汁皮包住一大塊芒果，芒果超甜夠新鮮，卷上邊淋咗好多芒果醬，喺真實Ｄ芒果打出來嘅，真材實料。

喺屋企瞓唔着開電視嚟睇，睇睇下又覺得有啲肚餓啊，但係又唔係好肚餓，只係想食下野，於是又落街搵嘢食啦。😂行行吓經過呢間甜品舖，心思思就入咗去。不過因為得我自己一個，唔好意思坐低食，於是就打算外賣拎返屋企食。打開份Menu，見到其中一款甜品個名叫做「龍珠二世」，好似幾得意咁，就想試吓啲新奇野啦。原來係由芒果粒、龍眼、西米露、爆珠、雪糕組成嘅甜品，食落去都唔錯！同埋啲芒果一啲都唔酸，好甜。夾埋其他配料一齊食，口感十足！而且個雪糕係朱古力味雪糕，入面有啲朱古力粒粒，食落去真係超級好食！仲有最利害嘅一點就係，個雪糕拎到返屋企係仲未融架，可以係屋企舒舒服服咁食住呢個甜品，真係一件好開心嘅事。下次夜晚喺屋企肚餓又諗唔到食咩嘅時候，真係可以去呢間試吓，充滿驚喜。