皇室甜品 (城南道)

营业中

休息中

在”泰式素食”食唔飽出嚟，走去食串燒，再嚟皇室食甜品，之前都嚟過，印象唔差。我們5個人叫了芒果拿破崙(味道ok)，榴槤唔知乜嘢(忘記名稱，但姨甥仔話好味)，兩個童趣(水果份量比大角咀貴族少很多，其中一個，家姐食食吓話，奇異果苦既?第二件也一樣，很奇怪!姐夫食果個就冇事)。另叫了酒釀小丸子(家人話唔好味)。相信經過今次，對皇室甜品改觀，係時候去試其他甜品店試試新嘢了。這店的水準太不穩定，一時好，一時唔好的。

又來到九龍城掃街，吃過一堆咸食後想吃個甜品，作為一個小社區，九龍城的甜品店也頗多，我們看到皇室甜品的芒果系列似乎很吸引，便決定試試。週末中午時段的人流也算多，入店後大約有四五枱在用餐，我們二話不說點了白雪黃金卷。上枱時黃金卷賣相看來沒有餐牌上的吸引，面層的是芒果沙冰，沒太大的芒果味。白雪是椰汁腸粉皮，包著金黃色的芒果粒，白雪皮很香滑，芒果肉甜絲絲的，很不錯！全碟有三條粉卷，切開九小粒，二人份量剛剛好！

食過其實好多次，係中學時期已經成日黎食！今次食左我必食嘅宇治金時，另外叫左意味情濃,兩個都好正！宇治金時吾會太甜，好好食，又大杯，有冰，有雪粒，有小丸子同紅豆！意味情濃就有雪糕，有涼粉，有布甸，味道超夾，係甜左d

入去食前見到門口無咩人排隊，啲服務員又係咁叫人入去食，根據食野經驗其實知道呢間一定唔係旺鋪黎。但今日身體唔咁舒服想食啲潤既野補一補，又咁岩見呢間係有燕窩，就諗住試一試！其實見到$78呢個價錢都唔平，膽粗粗博一博，點知黎到竟然會係燕窩碎！仲要超碎果隻！個人已經唔係特別鐘意椰汁既野（咁佢得杏汁同椰汁唯有揀椰汁），但佢呢個直頭無椰汁味咁，食得出溝好多水，又稀又難食！連我呢個唔鐘意椰汁味都覺得離譜左！其實都無expect會係好好食，但無諗過差成咁囉，始終都成$78，真心超級嬲！！食完即刻上黎打返負評！

來九龍城食糖水，係我地班同學仔嘅讀書回憶，所以久唔久，都會call齊一班朋友，山長水遠去九龍城食個飯，無論幾飽，都一定要去皇室甜品食個宇治金時。一切如舊，每次食甜品，總有啲朋友，識咗10幾年，都淨係食宇治金時。的確係好足料，對到成座山咁高，由於我哋食得太飽，所以兩個人share都好足夠。而我永遠都只係食芒果黑馬王子，因為好鍾意佢呢度嘅芒果底，啲芒果一年四季都係咁甜，加埋啲龍眼肉同埋珍珠，食落口非常開胃開心。

位於九龍城都有很多甜品選擇，朋友介紹呢間 「皇室甜品」就即興去試試，座位都幾寬闊，服務員落單都好快整體都不錯👍芒芒小丸子，芒果汁沙冰酸酸甜甜，小丸子咬感煙韌芒果河粉撈芒果香甜，河粉爽爽滑滑同其他甜品店舖所提供的一樣。杏汁蓮子燉雪耳呢款甜品一定要熱食，杏汁香濃，蓮子已煲得好綿好鬆化，配上雪耳同燉甜度適中，有種好滋潤感覺！天使之戀 （香芒拿破倫）賣相吸引，咬落一陣風過後留在口裡的就是油，酥皮欠層次感

今天晚上特登撘車去九龍城買個榴連公主外賣，再撘車返屋企，點知打開個份量少一半！值$25都比多佢！但我比左$54 ，完全感到極度失望和被騙，本人經常堂食，外賣是第一次。但日得堂食都唔會再去，因為感覺被欺騙，不好受。

一想食糖水 就諗起九龍城今日唔食中式 食皇室甜品外帶去曬住月光食椰王3.6牛乳燉蛋白口感非常滑 由於3.6牛乳本身味道較淡所以呢個甜品嘅味道都只有輕輕牛乳味而主要都係椰奶味較重北海道牛乳燉蛋白+紅豆睇餐牌仲以為得小小紅豆襯托下誰不知 一拎出黎 原來舖滿碗面牛奶味比3.6重得多 好香 再加埋微甜嘅紅豆 絕配！重點係 唔會甜到過左龍綠豆沙涼粉雖然唔係熱食 但綠豆都已經被煮得好淋好溶相信熱食都係一個幾好嘅選擇配上大粒涼粉 幾有𡁻口 沒有忽略口感不太甜 好岩用黎消暑

去得九龍城相聚晚飯當然要有個甜品直落啦。食開隔離同後面某間既，因為皇室個人感覺佢裝修同食物都唔太特別吸引，但總要輪流食下先有新鮮麻..唔洗等位就有得入，佢好處係岩哂大伙人去圍威喂，氣氛唔錯。又於飽同熱就嗌左個醒腦提神既薄荷特飲，好特別，科學實驗既顏色，入口苦苦怪怪，飲落喉嚨有鼓薄荷既涼爽直流身到咁，啖啖都好苦唔想入口，但涼入心既感覺又好鬼正，再加個榴槤班cake好正，好夠cream夠榴槤，冇蛋糕響入面，齒甲留香，好想叫多盒，實在太飽。下次要留胃比佢先

實在太好味na!!! 我系個好yim尖ge人 但佢地完全無覺得我麻煩 服務態度又好好 我一個星期至少去3次至5次 我每次去都只會食2樣野 碗野叫 伊甸園走耶條走水晶珠加珍珠加芋圓再要個綠茶雪糕另上 我仲要講明多芋圓多珍珠 如果下次有朋友仔去 不坊試下依味野 賣相又好好 芋圓點都要加 系我食過最出色既芋圓

：比利時窩夫 (士多啤梨) Belgium Waffles (Strawberry) $43 8.5/10 (試食活動窩夫宜家越黎越普及 周圍都好容易就搵到🙆有人鍾意食脆身既有人鍾意食冧 皇室甜品呢個正合我心意😍 外面少少脆 個餡就超級soft好軟熟重點係上檯既時候waffle仲係微溫 配上凍冰冰既strawberry雪糕好特別❄️waffle除左口感之外 蛋味道都好緊要 呢個蛋味好香～ even有🍓汁都唔係好掩蓋到個蛋香味😂但唯一食既時候我覺得有d乾😣 雖然suppose係會同雪糕一齊食 但如果唔同雪糕 剩係靠🍓汁絕對唔夠 如果有多d🍓汁我會滿足d😂😂 因為酸酸地超好味🍓🍓🍓永遠都係覺得berries配waffle好食過朱古力系列（個人口味🙈）：椰王燉雙丸 熱/凍雖然老闆話冰好賣 但我想食個熱既 就叫左呢個😍黎到見到入面d料好豐富 超多西米 紫色既係芋圓 白色個粒係芝麻湯圓 湯圓皮薄而且粒粒size剛剛好 食落去芝麻味都好濃好正 而且好軟熟👍 至於芋圓當然好有口感😂西米冇咩特別但志在好多 至於椰汁都好香 熱辣辣拎上檯好遠就聞到陣椰香味👻 食完好暖胃😀：天使之戀👼 Angel Heart

抵食甜品店也😋芒果系列有好多選擇我呢個有龍眼，芒果，水晶珠，黑珍珠同一球雪糕雪糕可以自選口味我揀既係曲奇味 冇得輸🍪🍪芒果唔酸 但又唔係太甜 ok吧以$33黎講都算唔錯 大大杯2人share冇難度👭龍眼我就一向一般般 我眼𥚃只有芒果😎🤓又有大大黑珍珠 又有細粒既水晶珠咬下咬下 口感十足😗menu上都有好多款以芒果為主既甜品

有日同友人行街，友人話肚餓提議食呢間。叫左下午茶多士條同埋芒果腸粉。多士條好脆，有d乾。食得出好濃既蜜糖味同牛油味，有d漏。 配埋士多啤梨中和返。芒果腸粉係椰子果凍包住芒果，淋d芒果沙冰。沙冰好淡。d腸粉一叉就皮同餡分開左。味道岩岩好，唔會話椰子味蓋過芒果味，或者芒果味蓋過椰子味。

中秋節晚上， 我跟朋友到九龍城食甜品。 每年這個時候， 九龍城都會有好多人， 食完飯食番碗甜品。九龍城的甜品店林立， 充斥每條橫街窄巷。 皇室甜品店是比較有名的一間， 店外有人群聚集等位。店舖有一個開放式廚房， 服務員笑容可掬。 以甜品舖頭來說， 這間甜品店比較大， 枱與枱之間的距離較遠， 地方闊落。宇治紅豆雪糕的紅豆軟綿綿， 可以配上抹茶雪糕或者抹茶沙冰食用， 兩者都好味。 抹茶及沙冰的比例恰到好處， 既有濃濃的抹茶味，又有爽涼的冰感。

之前見過有下午茶，一於泥試下。叫左士多啤梨同朱古力窩夫，朱古力綿花冰，同花生綿花冰。上次試過但覺得超級麻麻(接近難食)所以今次想睇下有無改進。今次比上次好dd(唔係好多)。窩夫:蛋太多，搞到口感好實唔夠鬆軟。吉士起唔到咩作用。之後，朱古力綿花冰超淡無朱古力味，又唔夠綿！最後，花生綿花冰有少少花生味，可以再濃d。仲有d味唔咸唔淡有d怪。 下次真係唔泥