皇廷工房點心專門店 (已結業)

喺觀塘返工 ，平時lunch食飯 周圍都係人山人海 ，今日朋友介紹呢間巧手點心， lunch又多咗個好去處!必叫點心： 燒汁釀茄子 本身好鍾意食茄子，所以去到邊度食點心都會點的， 呢度嘅茄子釀得好入味，不會感覺油膩 ，配埋燒汁好夾! 食過咁多間酒樓同點心餐廳，呢度嘅釀茄子 做得最出色叉燒腸又係必點菜色 腸粉皮薄夠滑 ，裏面嘅叉燒肥瘦恰到好處。 由於太鍾意食腸粉，我哋一共食咗兩碟。。松露野菌餃松露野菌餃皮薄餡料多 一咬落去充滿好香的 嘅黑松露味 好想encore 多一龍喇沙牛柏葉喇沙牛柏葉味道非常特別 ，原來牛柏葉同喇沙味道咁夾! 牛柏葉入味而且軟韌度啱啱好! 都係第一次食 喇沙味嘅牛柏葉, 極力推介秘製鹵水蛋鹵水野味 ，看似普通的菜式卻非常好食豉汁蒸鳳爪醃得入味 ，不會淋身， 很有咬感熱咖啡另外早晨外賣孖兄弟孖寶超抵食 ， 兩款點心加熱飲只係28蚊 ! 系$28 👀👀 供應到上午十一點半， 咁抵食邊度搵??觀塘附近嘅打工仔記得留意喇!!.

最近公司搬左去觀塘碼頭⛵️原來依邊有好多餐廳！但依到食飯既價錢同尖沙咀都差不多長期糧尾既我，我緊係想搵樣抵食既野啦同事帶我去左依間皇廷工房點心專門店，佢好近我公司佢lunch set由$45已經有，包左一個飯、點心及飲品。個飯重要吾係細個，好彩我都係大胃王 有一樣真係好值得嘉許嘅就係， 佢哋所有點心都係即叫即蒸，但係時間又唔會太長點心大約10分鐘左右已經上齊本來想食套餐，但係因為朋友減肥介緊澱粉質所以最後我哋揀咗食點心蝦餃 $26每客3粒，蝦餃皮叫做皮薄餡靚，蝦肉彈牙唔會梅。蟹子皇廷燒賣 $24每客4粒，每次食點心，我都一定會食燒賣，因為可以試到餐廳師傅的功力！燒賣蒸得脹卜卜，肥豬肉份量適中。蜜汁叉燒腸粉 $28耐心等待10分鐘，熱辣辣滑溜溜的腸粉登場。米漿幾滑溜，但唔會一夾就散。汁燒釀茄子🍆 $26呢個真係大熱推薦，茄子即叫即炸，每件都係大大件，汁燒做得很出色。希望小店能夠繼續保持出色的水準。

第一次係個度買外賣早餐幫襯左個黑松露餃 ，燒賣 鳳爪 ，排骨，☺️超正 不過唔記得影相😓😓。2個人早餐都係$70好扺仲包嘢飲😛值得再去過🥳🥳我見lunch都好抵食👍🏻推薦觀塘友可以去try try 😌😌黑松露餃必試，黑松露餃必試，黑松露餃必試，重要事情要講三次😂😂🤪個味好濃 一個人食一籠都好似唔夠🤣🤣🤣🤣另外熱奶茶竟然有驚喜，少飲奶茶嘅我都覺得唔錯。整體來講🧐🧐價錢抵食有質素。

特別假期一天，相約老媽子去觀塘買電腦和飲茶。中午來到工廠區，人來人往，香港人真的好勤奮還活力，媽媽行動比較慢，終於來到皇廷廣場。望望餐牌，主打點心，都有點心套餐,價錢當然經濟實惠，主要做工廠區上班人士。先說說餃子，一籠三顆，蝦餃皮薄蝦肉新鮮料足.松露野菌餃，松露微香，皮晶瑩剔透。韭王鮮蝦腸粉，腸粉滑，蝦肉鮮味。豉汁蒸鳳爪和蒜蓉蝦春卷不錯，春卷皮脆。最後香煎豬扒有驚喜，賣相吸引，扒面鋪綴了蒜蔥。肉質嫩香，前備功夫做得好。整體而言，工廈飲茶好地方，環境設計時尚feel,但偏暗，有特色。

在觀塘商業工廈裡面 藏著一家新派裝修的茶樓環境是現代風格的西餐廳 但裡面竟然是食點心挻特別的感覺 坐位有普通餐桌和吧枱位置選擇就算一個人來飲茶食點心也不用怕看到對面食客這裡除了有點心可以選擇 另外也有港式飲品供應還有午市套餐 主食+點心+飲品只是HKD$54起🤭價錢比散叫的便宜 性價比挻不錯吧 看到不少人點呢·皇廷蝦餃皇 HKD$26 ·豉汁蒸鳳爪 HKD$22·安蝦咸水角 HKD$22·蜜汁叉燒腸 HKD$28 ·養顏紅棗糕 HKD$22·熱咖啡/熱柚子蜜 HKD$16 我們沒有點到套餐 因為我們也只想食點心嘆茶😋食物即叫即蒸 所以送到來新鮮熱辣辣傳來陣陣香味食物味道/賣相不錯 跟平常食開的素質差不多挻好我覺得腸粉有驚喜 腸粉做到很滑身而且材料很多🥰

觀塘區仲有良心平民小店，呢間主打手工點心，裝修比較新式。最重要嘅係竟然$54就有一人餐‼️一人餐包自選一個飯或米線、一個點心及飲品😮開頭以為個飯相對地會比較細適合一人份量，嚟到原來足夠兩人食！我哋仲叫咗兩個一人餐🙈飯揀咗蟲草花蒸雞飯及鳳爪排骨飯。蒸飯熱辣辣，豉油自己落，可調校味道。鳳爪排骨飯排骨夠林；蟲草花雞飯雞夠嫩滑，足料！真係超值！跟餐點心揀左茄子及燒賣。燒賣大大粒，而且豬肉同蝦都爽口。茄子夠林，面上仲有啲柴魚，賣相唔錯。另外散叫咗蒸叉燒腸粉，腸粉熱辣辣夠嫩滑，好食！蝦餃亦都大大粒，好新鮮，蝦好爽口。鮮蝦春卷炸得夠脆，好香口。呢個價錢有咁高嘅食物質素，真係超值！窮人恩物！

我嗰日去到觀塘，難得泊得低部車，當然要喺附近醫肚，仲要望住部車啦！我就發覺呢間野，可能佢屬於觀塘邊位，間野本身幾大間，但我回了半個鐘，竟然只有一台客下午茶真係好抵食，我真心評論冇收錢㗎，如果我冇估計可能中間有段時候做差咗。我都係叫下午茶叫豬扒包，30頭抵食到爛。仲要由於又香又好食，忘記影相，講真真心推介不妨去試吓依間都屬於行過路過唔好錯過有機會我去試吓嗰啲飯真係冇理由咁清靜如果喺觀塘想靜靜地搵呢一間都可以

看見這個有趣的名字便入去吃她的早餐。竟然找到我喜歡的松露野菌炒蛋焗豆多士早餐加杯凍奶茶。炒蛋因有松露野菌，所以美味。焗豆加添美味，多士份量足夠，只是凍奶茶不夠滑雖然茶味夠濃。整體抵食好味。

此店位於東九龍觀塘區, 位置有點偏僻!亦可能因地點問題, 所以點心早餐套餐亦算抵食!!!!!基本上點心早餐包括了一杯飲品和2款點心! 至於點心有什麼款式配搭, 可以睇圖片! 自己就叫了鮮竹牛肉球和燒賣! 基本上味道正常, 不會是驚喜之作, 亦不是好難食,不過size就細了一點! 大食的話可以會不飽, 但女孩子應該會夠飽! 由於是夏天的關係，所以想轉杯凍飲, 合理地也是加2元! 其實2款點心加杯凍飲只是30元, 算是抵食!同場介紹，此店亦有三文治早餐, 唔貴! 但自己就無食過!

原本想去華嫂冰室，但睇一睇menu ,覺得唔係太啱食同埋好多人等位，就行前多一條街，見到間飲茶嘅餐廳，佢有一款飯或米線加一款點心，加餐茶，都係$60左右，茗茶另計（每人$5），不用加一，不用等位，決定一試我和同事兩人每人叫左碗米線，有豬扒，有牛展等,點心方面再叫左奶黃包加鳳瓜，但其實碗米線都好大碗，我地食完之後都飽了，由於鳳瓜不能留，唯有打包奶皇包。評價飲茶來説算平同一定飽，埋單時發現原來是皇廷集團，下次沒位子可再來

一早去食個早餐，叫左幾個中式點心試下，水平一般但未至於失望。每籠有3件點心，其中有籠咩松露餃，最後一隻松露餃有隻迷你小強在餃皮，立即飽晒。廚房清潔度令人失望，不會再去。

剛剛做完表現評估，今年應該唔會加得多，一般都是跟政府公佈那些差不多。都是慳啲使,所以走落街買外賣回公司食。去餐廳堂食，一般要加10%的服務費。我估是用來補貼舖租的租金，這樣想比較合理。從這個方向去想，不難發現近年多了樓上的食肆，我估是為了慳租金，可以容易些做到收之平衡。外賣套餐單我今次買了鳳爪排骨飯, 豉油其實你可以叫佢唔好落，這樣比較健康，鳳爪多汁而夠滑，排骨多肉而新鮮，真是十分滋味。點心是燒賣，多肉而鲜甜，回味無窮。飲品叫做紙包維他奶。餐具。下次太忙的時候，都會再叫外賣回公司食。這樣不但可以慳錢,亦可以慳時間。

行過見到廿三蚊個早餐，咁抵，食個早餐先啦。叫咗個餐蛋麵，茶走，店員話俾我知無茶走，吓我心諗有奶多無茶走，玩我咩？我都算無講咩要奶茶。轉頭呀店員放扺張單，哇做乜26蚊？再望下個餐牌，原來得米粉通粉，麵就得出前一丁所以叫得麵就加三蚊，你好嘢係香港茶記食早餐無麵強迫人加錢昆水，怪就怪自己無睇清楚，我都算。三分鐘唔洗，麵到茶到。一食個麵，大佬唔熱架喂，啲麵生骨架喂！我話你知點解，一般垃圾茶記驚做唔切，求其倒啲熱水落麵到，跟住有單就扔落啲水到煮，一散就起，咪咁囉，衰過自己煮呀，湯又唔熱，蛋就乾到展品咁，餐肉就烚架啦唔洗講。杯奶茶好少少，不過就鞋囉。總括來說，點心咪賣點心囉，做乜賣垃圾？不過都因為呢碗麵，我唔會再去囉，26蚊買覺訓，抵架！

Last day同同事去食最後一餐，唔想食好貴，因為始終十幾個人去食，每個人嘅經濟能力都唔同。 所以我揀咗呢一間餐廳，佢一個lunch set 都係50蚊左右，包一個蒸飯同一籠點心。我哋十幾個人去，自然就有十幾個蒸飯，同埋十幾籠點心，每個人都係50蚊，好抵食。如果唔想食蒸飯，可以食米線，個價錢都係一樣。食物質素方面，其實同一般嘅茶樓係一模一樣嘅，所以成件事，計個cost，計起上嚟係冇得彈。入面個老闆好好，見我哋咁多人嚟食，仲送咗兩碟咋藕餅畀我哋，好有小店嗰種人情味。以後我有機會經過觀塘都會返嚟食嘢

食物好味，賣相ok，格錢抵食，最重要是服務貼心細心。食飽叫侍應姐姐要牙簽(當時侍應姐姐係隔裡枱執緊枱)，侍應姐姐答我哋話：好啲，請稍等，我洗咗手就攞俾你。然後侍應姐姐就行咗去洗手，再攞牙簽(獨立包裝)俾我哋啦。當時聽到佢的回答好出奇，好窩心，好少有咁好的服務態度，抵俾個