皇玥

营业中

休息中

最初認識皇玥係佢嘅皇牌流心奶皇月餅🥮每年都必買😍其實佢仲有出蝴蝶酥、曲奇、蛋捲等禮盒~都好好食而且禮盒包裝精美得體~每逢過節送俾長輩都好適合🫶🏻杏仁蝴蝶酥🦋蝴蝶酥好香脆可口, 牛油味香濃但唔會覺得膩🧈甜度適中, 酥鬆脆口, 層次分明✨呢次揀左杏仁蝴蝶酥, 上面滿滿嘅小杏仁粒, 同蝴蝶酥嘅酥脆好match, 仲好有口感🫶🏻另外~皇玥嘅蛋捲同曲奇🍪都👍🏻趁著端午節屋企人做節食飯~就買左咖啡蛋卷☕️同椰絲脆曲奇🍪送俾長輩🫶🏻

🇭🇰香港必买超好吃的手信！ 作为香港本土品牌以及香港最著名的伴手礼和手信，香港皇玥的知名度可以说不要太高，其中最为出名的便是著名港星古天乐代言的蝴蝶酥～（我一定不会告诉是我是古天乐的铁粉哈哈哈） 位于黄埔的这家皇玥，紧邻地铁口黄埔站，交通非常方便，一出地铁口就能看到！店面的装修非常Nice！富丽堂皇有没有！！！而且店员小姐姐也超级热情～ 当然作为一个吃货，还是要对食物做一个点评滴～他们家的蝴蝶酥这么出名是有原因的～甜甜的但不是很腻，酥脆可口，而且特别香，就是那种糕点的香气，真的绝了！ 对了，他们家现在还有中秋的早鸟优惠～另外所有商品买4送1，有准备提前采购的小伙伴也可以提前看一看哦～ 当然，一定要试一下最棒的蝴蝶酥嘿嘿嘿～

皇玥開到嚟黃埔😍仲要喺地鐵口行1分鐘就到，好方便❤️好容易搵到🏃‍♀️～有月餅喇😍仲有個幾月就中秋節，上年賣到斷哂貨嘅皇玥月餅最近有貨番了。🙌🏻🥰見到仲有做緊早鳥優惠添～係7月31號前買，有買四送一優惠，店員話全部到期日都係可以擺到10月。低糖醇香雙輝月餅 (低糖綠茶 + 低糖烏龍) ～店員話佢哋月餅🥮師傅用咗個技術，無需叮熱，都會流心😍，咬落去要小心啲，好juicy！屋企人鍾意飲茶，所以買咗呢款茶味配合下😋，牛油酥皮一如既往嘅鬆化，而且低糖口味，注重健康嘅大人小朋友老人家都啱食🙌🏻🔆趁住優惠，月尾過嚟數多幾盒就啱晒✌🏻✌🏻

茶香濃郁流心綠茶月餅～～～每年嘅中秋節都係我最鍾意嘅日子之一，因為中秋節有我最鍾意食嘅月餅。～～～好多月餅公司都會有早鳥優惠，所以今年七月尾，我已經買定左月餅，諗住一路食，食到中秋節。（因為除咗中秋節之外，想食月餅真係好少地方有得買，所以中秋節一定要食個夠本）😆～～～喺朋友推介下今年就試咗呢一個好出名嘅月餅品牌，印象中佢哋係出名奶黃月，不過我哋就想搞搞新意思試吓啲唔同嘅口味，所以就試咗佢嘅流心綠茶月餅～～～紅磡分店望落幾新淨，服務員態度都唔錯，行經呢邊就順道係到買，不過因為第一次食嘅關係，暫時只買一盒小試牛刀。～～～買完返屋企，大家都被佢嘅靚靚包裝盒折服，搞到我地好高期望。～～～一切落去，抹茶流心緩緩流出，令我地倒吞一口口水。🍵～～～味道方面，月餅皮酥香，抹茶濃郁，唔算好甜，加上茶味輔助底下，食完兩件滯膩感覺都唔重，全家人一人啪一件迅速就清咗盒野。

靚媽我一向都係皇玥鐵粉，一知道最近出咗月餅，而且仲有早鳥優惠添，有買4送1😍正😍即刻去買返幾盒孝敬下老爺奶奶先。今年仲新出左低糖口味，我留返盒 低糖經典雙輝月餅 (低糖奶黃 + 低糖芝麻) 俾自己嘆下先😆～橙色嘅皮盒有別於傳統月餅盒，靚到可以留返來做首飾盒🥰阿女一見到就忍唔住即刻攞嚟，話要食。牛油皮又酥又香，好juicy，低糖口味，有流心，食落甘甘地，芝麻味仲食到芝麻碎添，好足料。作為茶點都幾健康，兩個女都超鍾意，同我一樣咁有品味😆

但願人長久，不斷吃月餅。月餅🥮，呢個中秋節一定要食嘅食物，之所以鍾意食，除咗味道之外，亦都因為每次食嘅時候都可以同屋企人一齊分享。.一家人齊齊整整坐埋一台檯，兩刀下去，分為四件，一人一小件，然後談天說地一齊品嚐，嗰種美好同幸福係言語難述嘅。.經典流心雙輝月餅 (流心奶黃 + 流心芝麻) $348：一盒有兩種口味嘅月餅，啱晒我呢啲三心兩意嘅人，經典嘅奶黃月餅，食落香香甜甜，一切開中間就係流心狀態。.我哋分別試咗就咁食，同埋加熱嚟食，感覺各有千秋，就咁食流心嘅程度會高啲。而加熱後，出面嘅餅皮就會更重牛油香氣，流心程度雖然減低少少，但仍有流心狀態，所以個人較愛加熱嘅食飯。另外個人感覺佢哋嘅奶黃月餅，相對半島黎講，甜度冇咁高，亦都冇咁滯膩，整體係唔錯。.而芝麻口味亦都出色，一入口，芝麻香氣就湧襲而來，少有嘅獨特月餅口味，令屋企人都覺得耳目一新，可encore。.PS：包裝盒好精緻，係Tiffany blue色，食完啲月餅之後我仲留返佢嚟做口罩盒😁。

朋友移居，同事升遷，滿月之喜，總有千萬個理由買盒靚曲奇餅送人送己，皇玥新推出牛油脆曲奇精裝禮盒同芝士薄脆精裝禮盒，牛油脆曲奇精裝禮盒包裝簡約得黎大方得體不在話下，內裡牛油脆曲奇塊塊獨立包裝，唔怕食唔曬會疏氣，做零食零咀送朋友同事下午茶亦方便衛生，滿口鬆化牛油酥香味。至於另一款芝士薄脆精裝禮盒，芝士薄脆真的做到十分薄及脆身，就像薯片一樣，有芝士咸香味，而且一塊Size 放入口剛剛好，這真的會讓人停不了口。

早幾日去開黃埔嗰邊，順便探舊同事，於是就買少少嘢上去，廢事兩手空空啦。黃埔有「皇玥」餅店，咁就啱哂啦，唔使煩買乜😛。一入到去我經已鎖定目標🔒，皆因之前食過佢嘅薄脆，覺得超正！我有晚喺公司加班，自己一條友啪咗三包😋，勁誇張，因為真係食到上癮呢。薄脆有四款口味，兩鹹兩甜，包括檸檬、蕃茄、芝士同伯爵茶。對我而言，每款都各有特色，全部都鍾意❤️，打和！價錢方面，幾款口味劃一價，不過多買多平。每包獨立包裝大概有八塊薄脆(掛住食無特別數…)，🎁唔同禮盒就分別有二包、四包或者八包。薄脆其實即係餅乾🍪，但主要分別在於個口感。薄脆有如薯片咁脆，有過之而無不及。每一塊都好輕盈，目測厚度不足2毫米，呢個絕對係爽脆嘅關鍵😋。同時，非油炸亦感覺健康啲。不過留意返，開咗就要即刻食哂，唔好就咁放喺度，或者等遲啲先再食，否則就會變淋、變到唔好食。伯爵茶薄脆精選禮盒($68)，一盒兩包，佢無同另一隻味做孖裝登場。伯爵茶係幾款當中味道最濃郁的，茶味好突出🌱。我感覺佢係落咗茶葉碎去製作，但你就唔會食到茶渣。整體係幾出色，不過偏甜少少，我自己就覺得無問題。蕃茄·芝士薄脆精選禮盒($118)，一盒四包，兩款口味各二。包裝上有用貼

皇玥 係紅磡黃埔新邨開左分店呀，不嬲好鍾意食佢哋嘅奶黃月餅，今次我就試吓新野牛油脆曲奇精裝禮盒 + 芝士薄脆精裝禮盒。先講個牛油曲奇，每塊都獨立包裝唔使驚開咗成盒林晒，都幾重牛油味，幾香，曲奇質感唔會好趣嗰隻，都有啲咬口。至於芝士薄脆，口感都幾特別，唔係勁脆果隻，但好重芝士味，中意食好甜餅既人岩哂👀一盒有兩包獨立裝，都幾得意，細細盒隨時收埋食都得👅香港品牌 皇玥餅藝，香港製造，走時尚品味路線於全港新開了六間分店(紅磡 尖沙咀 北角 佐敦 觀塘 鑽石山)，地方就腳到爆呀！快d去買啦地址：紅磡德民街37號黃埔新邨樂華樓(I座)地下H2號舖

今天響黃埔行街，途經皇玥，係新開嘅，見有各式酥餅糕點，入去睇吓有咩零食買。同其他分店一樣，呢度裝修都好靚。之前買過皇玥出品嘅奶黃月餅送禮，朋友讚口不絕。金玥囍餅禮盒 （$138）本身打算買蝴蝶酥，然後被櫥窗入邊顏色鮮艷，造型可愛嘅唐果子吸引。呢個禮合有兩款口味嘅蝴蝶酥（原味及伯爵茶味），同兩款口味嘅唐果子（豆沙及柚子味），一次可以試晒4款，啱晒貪心嘅我。唐果子係唐代的宮廷傳統特色糕點。經過改良嘅唐果子，用上了牛油、雞蛋、麵粉、蓮子等不同食材。一口咬下去，口感鬆化，餡料滿滿，甜度適中，豆沙餡綿密，而柚子口味則果香清新。唐果子表面的裝飾花係曲奇，好精緻，睇得又食得。職員介紹每一件唐果子都是人手搓皮包餡，絕對係一件手工藝作品。呢度嘅蝴蝶酥係由米芝蓮師傅主理，採用法國天然牛油。聞落下牛油香味自然，咬下去口感酥香鬆脆，食落唔會好膩，會令人一個接一個咁食，原味同伯爵茶都好味，鍾意伯爵茶嘅朋友一定唔可以錯過呢款伯爵茶口味嘅蝴蝶酥。伯爵茶薄脆精裝禮盒 （$68）每一塊薄脆都金黃香脆，纖薄的厚度令口感更為輕盈脆口，每一口都散發著牛油香，加上伯爵茶嘅香氣，我個人好鍾意，呢款薄脆絕對係下午茶嘅首選。