皇茶冰室 (已結業)

今日同朋友去荃灣行街，周圍搵下啦! 發現附近有一間鋪個名叫皇茶冰室，食物相又好吸引，大家就決定不如今晚的晚餐就入去試試啦！個日有小小落雨天有D凍，想食雞煲先，於是叫左個袐製麻辣雞煲 既小辣版，雞肉份量好多，而且好嫩滑，囗感豐富，又鮮味，值得一試！再加埋,新鮮 肥牛, 蟹柳, 粉絲,都係三百蚊左右,  超抵食!! 又大滿足!   飲品方面叫左西洋菜蜜比較清新，都唔錯, 唔會太甜 !正呀! 同埋 龍鳳檸樂， 罐裝可樂 Nice!　

每逢冬天都一定要食羊腩煲！呢間茶餐廳除咗小菜仲有羊腩煲同雞煲供應！羊腩煲好足料，大量配菜如冬筍、冬菇、枝竹、馬蹄，羊腩仲肥瘦適中，肉質夠嫩而且唔會太酥，忍唔住一舊接一舊，正！羊腩煲 ($168) 非常足料，配菜有大量冬筍、冬菇、枝竹同馬蹄，而主角羊腩分量亦好多，兩個人食，好似食極都有咁！重點羊腩酥味岩岩好，唔會太勁，肉同脂肪比例適中，仲好嫩滑，勁正！同雞煲一樣，食完羊腩可以加湯打邊爐，貪心地加咗五樣野！生菜係跟羊腩煲送的，響鈴 ($35) 有8條，份量夠幾多。烏冬 ($20) 有兩個，估唔到用羊腩汁送烏冬係咁好味，每條烏冬都掛滿汁料，超正！鮮魷 ($50) 有好多片，無部都界曬花，而且仲切得好厚身，食落夠曬爽口！愛肉之人梗係點多兩份肉啦，分別係肥牛和鮮雞件。肥牛 ($55) 睇落脂肪比例睇落有點兒過多，但淥完出黎又唔覺得太肥，而且仲幾有牛味添！雞件 ($55) 大大件，大部分係雞脾的位置，啖啖肉又夠滑！配料選擇其實不算多，而且比較大路，不過份量真係幾多，建議兩個人食加兩至三樣已經足夠！

今日同屋企人去荃灣行街，突然想食小菜，去路德圍皇室冰室食晚飯。晚餐小菜很多選擇，而且價錢很經濟，每個小菜包湯同白飯一碗。小菜叫咗黃金蝦、椒鹽鮮尤，麵漿粉絲蒸鯇魚腩，碟碟粉量非常多又好食。黃金蝦外層香脆可口，蝦肉很爽口，而且有大隻，粉量有半斤以上椒鹽鮮尤每次食小菜，媽咪必叫椒鹽鮮尤，佢大讚炸粉不太厚，而且鮮尤很彈牙，食到Lam Lam 脷麵醬粉絲蒸鯇魚腩鯇魚腩非常新鮮，配上麵醬蒸，非常惹味很有水準，送飯一流。跟餐加12蚊點咗杯什果賓治 ，味道不錯。

呢間餐廳最大特色係, 除左有茶餐廳既菜之外,仲有大排檔,酒樓等既小炒/小菜.同樣小菜仲有送飯同野飲 都係around 70-80$認真好抵!講下d特色先, 呢到既薯仔牛仔骨,有小小萬發既風味, 都係用蜜糖炒為主, 薯仔係幾好食的,牛仔骨易入口, 比較軟, 牛味都好重, 作為小菜黎講味道一流,而焗豬呢, 就飯底我覺得比較香, 比出面既我覺得係比較甜.最好食既位我覺得唔係豬到, 反而係個飯底, 小小甜加好香既炒底飯!呢到牛肉夠軟, 份量都好大, 其實佢每樣小菜份量都ok大, 但真係估唔到有70蚊到既價錢就可以買到同埋有埋飯送, 宜加出面食小菜閒閒地都要一百蚊碟!焗豬等既茶餐廳飯只需要50多到!認真平靚正! 我會再黎食!

朋友相約荃灣度食飯，自己一早出咗去喺荃灣度行一陣街先， 去到下午茶時間梗係要搵嘢食， 一個人都唔知食咩好， 最後選擇去茶記解決。我點了招牌芝士流心西多士下午茶餐， 坐低一陣就落單 ，冇諗過咁快就到， 用咗短短嘅十分鐘就上枱， 廚房做嘢都幾快手， 外表同傳統嘅西多士冇咩分別 ，都係牛油煉奶糖漿啲例牌嘢， 外表炸到金黃色， 用刀一切開， 就發現精髓所在 ，芝士流心名不虛傳， 切開已經流出來， 食落口外脆內軟，芝味甚濃， 估唔到西多士夾芝士， 都有咁出色嘅效果。飲品方面點了龍鳳檸樂， 罐裝可樂合理水平。

天氣凍，不想煮飯洗碗，又去左食完野先返屋企，去左新開不久的皇茶冰室，同事食過話幾好喎，試下佢先。點了小菜套餐，每款小菜送例湯及白飯一碗，餐飲要另外加錢。先送上是日餐湯，紅蘿蔔湯來的，幾清甜。椒鹽鮮魷（$75）出街食小菜最鍾意叫炸野，屋企整麻煩吖嘛。炸得好香口，炸粉不算太厚，椒鹽亦下得夠多，彈牙魷魚好味喎。芝士魚柳扒西蘭花（$78）西蘭花出水太多溝稀哂啲芝士汁添，味道都ok嘅，魚柳同西蘭花都好多，份量撘救。沙嗲金菇肥牛粉絲煲（$68）朋友話好想食肥牛而點左呢樣，嘩，超大煲呀！肥牛粉絲椰菜等樣樣都好多，沙嗲汁幾惹味，有加菠蘿係入面㗎，正喎。熱奶茶（+$6）朋友追加了熱奶茶，茶香奶滑又夠熱，好飲。奶茶紅豆冰（+$12）自己想食下甜野要左紅豆冰，紅豆煮得軟腍不過甜，冰奶茶又正，好好飲！兩個人叫左三樣小菜，多左碗飯食唔哂添呀…

最近冰室有愈開愈多的趨勢不知道是否潮流興復古懷舊今次去拜訪一家在荃灣的冰室主打焗飯正合我河車不考慮就點了鮮茄焗豬排飯等了十多分鐘終於上場新鮮焗制果然零舍不同上面鋪上了微溶芝士炒飯底更香口更惹味豬排肉質嫩口軟腍是十分高質的焗豬排飯加九元可配一杯凍檸茶你點了最愛的福建炒飯配料特多更有蠔豉魷魚等海味不消十分鐘就把全盤KO掉意猶未盡再加點椒鹽雞翼即炸熱辣辣非常燙口冰室潮未有減退跡象期待更多新兵加入戰團造就百花齊放的繁華盛世

西餐速食有麥當勞，KFC，港式速食就有茶餐廳，冰室，而媽媽今天只想快快吃完晚飯回家，所以選擇去便宜快捷的冰室吃飯。皇茶冰室7時多已經有不少一家大小在用餐，當然也包括我們。這裡小菜普遍大約六，七元左右，免加一，可算經濟實惠。點小菜的話，還附送中湯一碗，是晚中湯合掌瓜湯，非常清甜。媽媽說枝竹勝瓜炒斑片挺清甜不膩，斑片亦是貨真價實，可不是魚柳濫竽充數。斑片亳無魚刺，飽滿極致，充斥魚肉的鮮美，勝瓜配斑片可謂絕配。西檸雞原來是原塊雞扒酥炸再切成塊狀，再灑上酸甜的檸檬汁，雞塊有著檸檬的清香，也保有酥酥的外皮，以及多汁鮮嫩的肉質，不會因為油炸關係而覺得膩口。我和媽媽都覺得蜜椒薯仔牛仔骨百分百是必吃之一，牛仔骨醃得相當入味，黑椒汁都滲進肉裡，且熟度剛好，肉質軟嫩，加上微焦的蜜糖薯仔粒香炒，鹹中帶甜頗惹味。美極大蝦碌也是我的心頭好，蝦碌裡裡外外都是美極豉油與蔥花，椒粒的香味，尤其是熱騰騰的時候品嚐，蝦肉的甜味更為顯現，鮮嫩爽彈，讓人不禁吮指回味。來到冰室媽媽不免想喝杯懷舊紅豆冰，椰汁的香甜，紅豆的綿密，加上絲滑的忌廉，三者真是絕配，難怪媽媽一直這麼愛喝紅豆冰。至於我嘛，都是鹹檸七好，酸酸甜甜可解膩之餘，

當晚叫左三個小菜，每碟都好大份，感覺經濟實惠。芝士魚柳扒西蘭花大大舊魚柳，成碟有起碼7件！魚柳唔會好乾，無炸過火，我覺得調味適中但母親覺得偏鹹左啲。椒鹽鮮魷呢個係三款小菜中最好，炸粉唔算厚，魷魚唔會味如嚼蠟亦唔韌，不錯。豆腐斑腩煲 $68食到呢個餸個時我已經好飽，所以無食到，不過呀媽話正常水準，唔同既就係比其他餐廳更大碟啲飯都幾大碗奶茶紅豆冰 (+$12)紅豆既甜同埋茶味幾balanced，甜度適中，幾好飲吖杏仁霜（加＄6)呢杯就同其他茶餐廳差唔多啦，無乜特別。

呢碟乾牛河夠色水、唔會太乾身，而且味道剛剛好，唔會太咸最緊要係佢唔油膩！牛肉亦都唔會有陣梳打味，唔錯！炸雞脾有少少太乾身，味道ok，無咩特別.....牛角酥太重牛油味(因為我本身唔中意牛油)，而且個酥唔夠熱，唔太好食！個飲品好普通，太甜!

今晚去左荃灣搵朋友借note, 之後佢帶我黎左皇茶冰室食晚飯~ 落雨天咁凍，好想食雞煲，於是叫左個小辣，雞肉份量好多，而且都好嫩滑，成個煲都係hkd 138, 超抵!! 之後我地仲一人一個KING 餐hkd 46，有特濃番茄薯仔豬軟骨通粉，配黃金3.6牛乳炒蛋＋牛角酥，番茄湯底味道濃郁，豬軟骨啖啖肉，而個炒蛋真係無得頂，好滑！而另外一個KING 餐就係懷舊公仔麵，有勁多料，eg. 香腸、午餐肉、煎蛋、火腿、沙嗲牛肉。。。好正，將所以想食既野放左一起！！個餐配咖啡/茶，加hk3 有凍飲/ or hk6 有特飲. 最後叫左碟菜心, 健健康康 =]

網上有人話過希望女朋友有劉心悠嘅面孔、陳法拉嘅笑容、雷凱欣嘅身材、何家淑女嘅後台......而我家嘅A姐當然就有齊以上嘅所有嘢喇，雖然後台就無何家咁勁，但都叫做有我M佬幫佢撐腰架！而更好嘅係去邊食飯佢都無所謂，就算叫佢陪我食茶餐廳快餐店大排檔，佢食嘢個樣都好滿足架（當然我就知佢最鍾意日韓菜啦），而今日我哋就去咗荃灣食皇茶冰室，試吓久違嘅港式味道。鮮茄焗豬扒飯焗豬扒飯可以話係港式餐廳必有嘅名菜，即叫即焗，上枱熱辣辣，而份量一啲都唔少，豬扒夠腍又唔會焗到乾晒，而茄汁味夠開胃，唔錯！法蘭西多士除咗焗豬扒飯，西多士都可以話係港式餐廳嘅另一代表作，又係即叫即炸，食落好香口又唔會話油淋淋，正！椒鹽雞翼雞翼表面好脆口，椒鹽味夠晒，不過，肉質就相對較淡，可能要醃耐啲喇。龍鳳檸樂以前去冰室茶記都離不開奶茶、咖啡同鴛鴦，但近年就多咗好多花款，好似龍鳳檸樂，酸酸甜甜，係我的最愛。熱奶茶呀爸教落，冰室茶記留唔留得住客人，最重要就係杯奶茶，鍾意茶味夠濃嘅我，呢間絕對留得住我！

點了早餐B 沙嗲牛肉麵及炒蛋多士 等待期間叫呀姐抹枱 態度十分惡劣求其抹兩下就走左 上手食完野啲野食碎仲係度 運作又混亂 岩岩上完炒蛋多士 轉頭又有人問上左未 炒蛋幾好但多士好難食 沙嗲牛肉麵個麵底好淋 完全唔好食

年尾公司萬歲，立即蛇出去買下午茶，自己就和拍檔堂食嘆一嘆。有大食大今天落單不用看價錢～不過看著餐牌，覺得蠻抵食，咖喱豬扒撈丁，$36包餐茶（凍飲加3）價錢合理。豬扒有碟這麼大塊，咖喱汁夠香，微辣，不吝嗇，撈起來夠飽住每條公仔麵～為節省成本所以公仔麵非出前一丁，少少可惜，不過路德圍租金價值不菲，明白的（苦笑）我就不跟老細客氣，點了一份公司治，非下午茶餐，$48。比起super sandwich依然是抵食到爆！單看賣相都知道足料，午餐肉、火腿、芝士、生菜、咸牛肉蛋、青瓜、蕃茄、烘底方包，厚過老麥縮水巨無霸，一口絕對咬不下！還配薯角和車厘茄，真心有誠意！麻甩小女子認為，茶記成敗看水吧，茶底靚，已經贏成條街。檸茶走甜依然不澀，證明紅茶夠新鮮！特飲紅豆奶茶少甜，因為紅豆本身已經甜，怕甜人士即使走甜也可。奶茶夠滑，茶味奶味balance好好，現在有靚茶的茶記真是買少見少，飲到好茶非常開心啊！順帶一讚，紅豆煮得夠綿，是我喜歡的口感！因為公司治不是下午茶餐，散點$22。呵呵，一年到晚做到冇停手，抵請啦老細！

最愛焗豬扒飯今日去左荃灣行街，見到呢間冰室，係，又係冰室而家真係越開越多冰室咁入去試下啦～諗極都諗唔到食咩有個女職員見我咁苦惱就推介佢地嘅焗豬扒飯喎，佢話好好食喎咁一於試一試啦！個飯黎到，份量都唔少，熱辣辣，豬扒唔會硬，都無焗到乾晒茄汁味好夠，唔會酸，送飯一流