皇茶冰室 (已結業)

前日(18-12-2017 Mon)同老公放假,晏晝o黎前一日睇到o既呢間,我o地去到係lunch hour,應該多人,但唔係,仍然有幾多位吓,而咁o岩又有張卡位,侍應重冇叫我o地坐埋一邊.坐低後,我見set lunch幾抵,$48.00就有黑椒牛脷炒意粉同o野飲,就推薦老公食呢個啦.而我呢,我就試佢o既焗飯/意粉,揀o左$56.00o既焗芝士雞扒意粉,加$6.00要茶走.老公就要熱檸水.再想試埋佢$28.00o既招牌芝士流心西多士,落單時問可唔可以後上,侍應答唔會o架,落o左單會即做.啊,咁我o地後加啦.好快,兩杯o野飲到o黎,攪吓杯茶走先,好少鍊奶,飲落,茶味淡同唔係咁甜,同普通奶茶冇乜分別.如果佢係普通奶茶,會係2.5分,但因為係茶走,所以味道係1分.之後老公o既黑椒牛脷炒意粉到o黎,我試吓,好夠鑊氣同香,牛脷條爽同夠味.黑椒而唔會辣.味道: 5分冇耐,我o既焗芝士雞扒意粉到o黎,睇到水汪汪,攪咩?睇吓件雞扒,只有一件唔大件,食落,意粉冇味,連芝士味都冇,煎過o既雞扒香脆同夠味.食到最後睇到呢碟o野根本焗唔夠,甚至係預先焗定,攪到有倒汗水.味道: 2.17分食到差唔多,就決定叫埋

有晚十點未食飯，去到路德圍覓食，行到黎茶皇冰室門口，有位呀姐見我同朋友猶豫不決，就禮貌地出黎sale下師傅煮野好食。見未食過，就即管試下。入去睇左陣，叫野食，同一位呀姐態度就開始奇怪，同我地講野又望住牆，講野態度開始串，面部表情都感覺到佢既不滿。加上見佢同其他客人講野都係咁。唔係覺得要好好態度，而係佢店內店外既態度分別，好似要氹左人入去先，之後就理得你咁多。本身想俾負評，但杯熱奶茶同焗咖哩牛脷飯好好味。所以拉返中評

荃灣路德圍又有新餐廳，除左好多米線鋪外，呢邊餐廳種類愈黎愈多。係呢個光棍節下午，就係去左試試呢間新冰室 <皇茶冰室 King Cafe>。可能比較晏先食Lunch唔駛等位就入左去。入到去鋪面整淨，光猛，坐位屬於舒適。我地分別叫左兩款茶餐，首先肥妹叫左King餐 A。四款King餐由11:30AM - 11:30PM都有，餐牌內容類似茶餐廳既常餐。火腿奄列:-大份、蛋滑、火腿好多，好足料既火腿奄列。厚多士:-真係好厚，但多士邊較為燶左少少。招牌沙嗲牛肉麵:- 沙嗲味濃，牛肉淋身入味，但對麵身失望，放入口嘴饞兩啖，麵身未淋，感覺係岩岩煮開左個麵既硬度。另外，肥仔叫左個下午茶餐，忘記影餐牌，記得係有頗多款式選擇。乾炒牛河:-河份量大，牛肉一樣淋身，美中不足係偏咸少少。整體黎講食物賣相、份量、味道唔差。但價錢偏高。

路德圍一向都是飲食戰區，各式餐廳百花齊放，某天媽媽推介有間新餐廳的早餐不錯，所以星期天我們便來這間新開的「皇茶冰室」一試。對比起旁邊的樓下冰室，這裡的空間感實在好太多了，早上約十一時，餐廳已經幾乎坐滿人，幸好我們趕及最後的位子，不用等位。▼早餐價錢由$30-$39不等，算經濟實惠，重點是早餐時段至十一時半，適合「懶訓鬼」。▼「沙爹牛肉麵」沙爹味頗濃，屬正常味道，可是「秘製榨菜雞肉絲湯米線」，味道卻出奇地淡（在座的家人朋友都認同），說到秘製…令人難免有點失望。▼「鮮味仿鮑魚絲火腿通」味道濃郁，火腿絲仿鮑魚絲份量亦多，每一啖都口感十足，非常滋味！▼每個套餐都配上牛油厚多士，店家亦很豪爽，包的確夠厚，牛油也算多，配上蛋汁一起吃簡直一流！▼結果三人早餐，一百元有找。個人覺得還算是值回票價的，特別是那厚多士。如果秘製榨菜肉絲能夠真的做到「秘製」般令人有驚艷的感覺，相信會令整個用餐體驗加分不少。