影片
以上资料只供参考，请与餐厅确认详情
招牌菜
今日去洪水桥做嘢，实在辛苦。收工太肚饿同拍档谂住食埋嘢先走。见呢间茶记坐满人应该唔错，出便露天茶座坐满人，我哋拣咗室内。拍档叫咗个星洲炒米加热柠茶。我就叫咗个洋葱猪扒饭配热斋啡。洋葱猪扒饭，有细个读书嘅味道。猪扒算多，亦好味。拍档话个星洲炒米都唔错，即叫即炒有镬气之余亦多料，埋单百零蚊，听日再努力过。
继续阅读
今日想食个饱早餐，所以黎左皇都，d阿姐服务态度好好，会同d客人讲笑。我叫左个沙爹牛肉米线、火腿奄列、热奶茶。始终都系觉得茶餐厅的奶茶比快餐店好饮好多。牛肉都几多，味道亦不错！会多些光顾！
继续阅读
5年前嚟过，记得还是正正常常一间茶餐厅。估唔到.....罗宋汤：室温，无法入口椒盐猪扒饭：食咗几十年...活到老学到老。纸皮盘厚嘅下价猪扒。以神奇嘅方法煮到好似化石，冇味冇道。椒盐？热柠茶够热有茶香，柠檬份量足够⋯⋯我就系俾杯茶吸引住，俾多次机会佢，叫多碟干炒牛河试一下⋯⋯点知，出事啦。成碌粉未分开，牛肉干硬，河粉唔够身。都够热，但见到都唔开胃。$91 换来一小时前所未有嘅经验，系值得嘅。我下次应该系5年之后先会再挑战自己嘅味蕾
继续阅读
今晚走左去洪水桥揾食，一入洪水桥当然去皇都啦！我好记得细细个佢已经有系到，到现在都屹立不倒，一定👍🏻！我入到去都已经坐无虚席，要等位呀！但都等啦都入到黎点都等下。大约等左半个钟左右就有位，一入到去就二话不说就叫德国原只咸猪手，美式什扒餐（铁板上），先黎餐汤有白有红两款，我地选左红汤，好汤好多料，再黎过蒜蓉包普普通通，我唔明点解都用排包🤔，猪手黎啦！超大只，睇👀都开心😋，只猪手外脆内软，好食，不过太大只食唔哂，美式什扒不过不失，一样超多超大份，男士食一定足够！最后黎多杯甜品🍮雪糕🍦，我以食唔落了，超满足！
继续阅读
假日训到黄朝白晏，起床第一件事就系揾野食。系洪水桥兜左一阵，见到皇都既环境似乎唔错，所以就入几试下。叫左个午餐，咸蛋蒸肉饼饭，$47。上菜速度：够晒快，5分钟就黎左味道：肉饼好大块，又juicy服务：阿姐手脚快
继续阅读