盛八食堂 (已結業)

星期五晚上和男友逛完誠品已是8時，突然很想念蛋包飯的味道，便與他到了我心目中的食堂—盛八。盛八位置比較偏僻，在維園旁邊、Aeon裡面，所以我們只需等一張枱便可入座。每次到盛八我都會點它的招牌Hayashi牛肉蛋包飯，但這次在門外看到它的二人dinner set便決定一試😜 從相片可見，以兩人$338加一來說有完整的前菜、餐湯、主菜、甜品和飲品，算是相當划算👍🏼前菜拼盤： 牛油果龍蝦沙律多士三款前菜中最得我歡心，可能因為同時有我喜歡的牛油果、龍蝦和車厘茄😋特別的是它加了薄荷葉，口感很match和清新。另外兩款比較油膩亦非特別美味。紅酒啫哩味道酸酸甜甜，有稍為抵銷了油膩感😓餐湯：黑松露伊勢海老濃湯足料，但偏鹹。 主菜：極上厚切黑毛和牛西冷男友怕吃太生的牛扒，所以叫了七成熟，不得不讚大廚火候控制得剛剛好👍🏼 吉列車海老帆立貝蛋包飯車海老即是中文的花蝦或竹節蝦，大大隻很適合製成天婦羅蝦。番茄汁和蛋包飯亦是絕配，味道維持一貫的水準。 甜品：焦糖燉蛋上面的焦糖太甜，吃了幾口已不敢再吃，男友反而不太介意，把兩瓶燉蛋都吃光了😂總括來說，如果是為不同口味的蛋包飯而來，單點蛋包飯配一

是日同朋友去銅鑼灣行街，見好耐無食過蛋包飯，諗住黎「盛八食堂」試下，點知........我地叫左二樣野share，一個鐵板一個蛋包飯，鐵板餐有包一個餐湯同一杯飲品，蛋包飯就無。餐湯: 餐湯係忌廉湯，湯面放左D香草，賣相同味道都唔錯，亦都係成個晚餐最正常不過既食物。煎日本蛋芝士菇黑豚漢堡: 日本蛋係流心既太陽蛋，賣相好靚，旨因煎隻蛋真係唔需要D 咩skills ，所以味道都正正常常。薯角方面都應該係買返黎，無咩特別。至於塊黑豚漢堡真係經典，我真係從來無食過D咁乾既漢堡，咬落無汁，完全唔juicy，唔好味。吉列極上蟹餅滑蛋包飯: 呢個蛋包飯既賣相都算吸引，但係炸蟹餅外面既炸粉比較似吉列豬扒既質地，裡面既餡料雖然好多，係薯蓉混左D蟹肉咁，但係食落真係無咩蟹味。蛋包飯方面用左一D都唔滑既蛋包住D有所謂既茄汁味既茄汁飯，配埋D忌廉汁之後味道有少少不輪不類。最後餐飲叫左熱檸水，熱檸水好難整得難飲都可以令我難以下嚥，真係想知佢D檸檬係邊到買返黎架。服務態度亦都非常差，問佢拎2隻碟又無人理，最後要自己要拎，個蛋包飯等左十世都未有催完佢好似都唔多理咁，真係無下次呀。

同同事無聊經團購買了現金劵, 諗住去試吓食lee間蛋包飯去到唔洗等位, 睇menu都有好多款唔同ge蛋包飯!我地叫左1人1個飯, 再叫左少少小食.賣相都幾好, 餐湯忌廉湯都唔錯!盛八名物牛肉飯, 個汁咸左少少....駌鴦汁的咖喱雞扒蛋包飯, 都唔錯, 其實份量都幾多再叫左個大阪燒風味的蛋包飯, 個味道好似食緊章魚小丸子咁~lee個小食幾特別!温泉蛋炸腐皮~~~再叫左個意大利香草雞翼, 都幾香

突然心思思想食蛋包飯，問左朋友好耐都唔知究竟附近邊度有好味既蛋包飯，結果終於揾到呢見盛八食堂啦！佢位於fashion walk 既Aeon上面，其實都算幾隱蔽下，朋友唔講真係唔知裏面原來有間餐廳。一入到去就見到佢係半開放式，雖然唔使等位，不過淨係得一兩個staff 搞到係門口企左一陣先有人招呼我地，而且waiter既態度有d冷淡，有待改進 雖然服務唔係十分好，不過餐廳裝修同擺設就頗有心思，大家睇下呢個鷄蛋，估唔估到係咩黎架呢？其實佢係鹽同胡椒樽黎架！真係好有心思好得意。我地叫左兩個套餐包沙律/湯同野飲，不過我對佢個沙律好友保留 ...菜都算新鮮，不過上面加左椰果，同沙律格格不入，因爲個沙律醬加左wasabi，食落去有陣幾濃既味道，個人真係唔係好接受到椰果加沙律加wasabi醬...不過呢個豚肉白蛋包飯非常有意思，旁邊陪左燒汁同芝士忌廉汁，淨係賣相已經覺得非常精緻同有心思，飯既分量好多而且係用番茄飯，煮得剛剛好，而上面既豚肉漢堡非常厚，食落有d似豬肉丸味，不過我略嫌有少少偏乾，但係醬汁好多，味道方面燒汁較濃，而忌廉汁較甜，我覺得拌匀兩種一齊食就最正啦！我地仲叫左個普通款式既蛋包飯，上

第一次蛋包飯的照片被翻了出來，趕快添評！最好味的蛋包飯，蛋香滑但不覺油膩，幾乎全熟但入口細嫩。特別是兩種口味拼在一起的，很適合我這種糾結不定的人。大阪燒蛋包飯沒有那麼多汁，適合怕膩的人。

朋友見到餐廳名盛八，應該會有番相應既質素。去到先知焗爐壞左，所有焗既菜式都冇得試，真可惜。菜單上推薦雞扒蛋包飯就叫左，再加半價餐飲。外貌不錯，頗吸引。雞扒不過不失，正常味道，又唔老。雞扒上有蘿蔔蓉，但可能分量少，食唔到有咩味。有分兩邊汁，白汁普通，菇菌都不錯，燒汁較合我口味。蛋冇流心，好似一塊炒煎蛋包住而已。而且飯有部分較硬，較為失望。餐飲叫左凍檸檬茶，我估應該加左少許青檸汁？入口都幾爽幾特別，但應該未必人人鐘意。另外叫多左杯凍奶茶，反而喜出望外，茶同奶味剛剛好。餐廳環境都ok,坐得都舒服，兩人都俾四人桌。桌上面既蛋型調味樽幾得意。

最近朋友係銅鑼灣發現一間又抵食又好味既蛋包飯餐廳，一試回味無窮!HAYASHI牛肉滑蛋包飯Lunch set 十分豐富，仲有餐湯、沙律、炸薯角同牛油餐包。餐包唔算好熱，但暖暖地令牛油呈半溶狀態，入口軟綿!主角蛋包飯既賣相十分吸引，醬汁既份量同飯既份量都配合得十分好。醬汁帶酸甜，十分開胃!牛肉入口味道濃郁，牛肉夠腍之餘蛋亦十分嫩滑。嫩滑既蛋配上幼嫩既牛肉， 回味無窮!

家中大少一向崇日，提出了西餐或日式西餐，大少立即選了後者。在openrice 找到盛八食堂，看到是供應日式西餐，又有大少最愛的日式咖哩，就選了這裡。大少點了咖哩牛肉蛋包飯 (真正菜名忘記了）蛋很滑、咖哩汁是日式那種甜咖哩，不辣、牛肉和紅蘿蔔等配菜都十分入味👍惟蛋包著的炒飯有點硬，像沒有熟透而我就點了焗飯 芝士忌廉汁吉列豚肉焗飯蛋沒有大少那個滑，但裡面的飯比大少那個好吃，較軟熟又有蛋汁，再配上芝士忌廉汁👍👍吉列豚肉炸得很香口很脆，沒有平時吃的炸粉感覺，但豚肉我覺得有點"老"後記：剛到餐廳的時候，我看見沒有人在等位，所以直接走進店裡示意兩位，豈不知我只踏進兩步，有一位staff 用停的手勢禁止我進入，更指著餐廳外面示意我站在外面，然後給我一張紙叫我等叫號碼...當下真的覺得不快，客人進入店裡，如店裡沒有位了有必要這樣手指指驅趕客人出去，不可以禮貌地告知暫時沒有位要稍等嗎？！

今日，同朋友睇完戲就去醫肚...入到去坐低，人流唔算多；侍立應都總不太忙。地方都算乾淨，一坐低侍應就俾水俾我地三個：服務態度都好好。當叫野食的時侯，佢地侍應用手寫落單：我比較喜鍾意。 5分鐘之後嚟左忌廉湯,個湯好淡、好稀；好明顯無落奶。前後15分鐘先上哂全部食物，今餐我最欣賞黑松露野菌地雞長通粉,原因佢除左好熱之外，聞到好香松露味。通粉都好軟，睇嚟佢焗得剛好。初時食個個陣唔太有松露,食到中途就有啦...忌廉味都幾足。之後西西里香草焗長通粉，聞就唔太有蕃味；食落去有雞肉味、蕃茄味都好濃郁。雞肉好有雞味而且佢吸到雞味度。 蕃茄醬唔不太酸、甜呢? 我就不覺得太甜...所以我覺得幾好。另外一個黑松露野菌蛋包飯，我會欣賞個蛋，夠哂滑。而且好有蛋汁。反而個香草汁的味道就無咩味啦。賣相就咁多樣野食裡最靚本人今日推介：黑松露野菌地雞長通粉

銅鑼灣食lunch選擇多, 不過唔係間間抵食星期五想食好少少, 同事搵咗呢間餐廳, 有得用coupon $150減$60 六折食lunch幾抵食!Lunch set都幾豐富 仲有餐湯 不過咸咗d 個餐包睇落以為會好硬 但食落原來好軟熟 而且暖暖地 吉列蠔咖哩蛋包飯 - 蛋包飯做得唔錯 d蛋幾滑 而且裡面既飯亦係咖哩飯 咖哩汁略嫌咸咗少少 不過overall唔錯 值得再食😋

每次去日本都會食蛋包飯，今次朋友話想食咁就去試下盛八食堂啦~好多朋友都話盛八好味聽咗咁多次係時侯去食下啦!! 可能我地早去所以唔洗等位可以直入。Menu入面有好多種蛋包飯嘅選擇，真係唔知叫咩好最後叫咗個HAYASHI牛肉滑蛋包飯同關西大阪燒蛋包飯。HAYASHI牛肉滑蛋包飯，滑蛋夠滑，牛肉煮得好淋又入味，食落口味道濃郁關西大阪燒蛋包飯，蛋夠滑，蛋包飯上面鋪滿柴魚，飯加入咗番茄汁一齊煮，食落有甜甜既味道，再同沙律醬和大板燒醬一齊食味道一流。

早前買了團購就快到期，一個人晚飯就決定來試一下。之前未黎過食，搵間餐廳時搵左一段時間，原來係aeon入面。去到八點幾，即時有位。老實說，服務態度一般。侍應的對答中顯然有點不耐煩。反正有優惠，就算了。是次叫了一個蛋白咖喱牛肉飯。 蛋白味清清地，比起外面的蛋白飯會覺得蛋白較健康得多，而且亦很少地方有蛋白吧？所以很值得一試。牛肉是牛腩肉粒，夠淋，份量都足夠，不會得很少。有磨姑，洋蔥等。咖喱汁很香甜，很想吃掉所有，但略嫌汁太多。當我把咖喱汁和飯一起吃掉後，發現飽得很。咖喱汁令人覺得很濟，建議食客不要像我般吃掉所有汁，結果要捧著肚子回家。因買了團購關係，最後只需補回幾十元。

張愛玲說：「我們對於生命的感受是二手的。」我們活着的是資訊澎湃的時代，吃的東西先要上去看了食評才決定，看的是「一本讀通易經」、「談論語」、「二十五歲你必須要做的一百件事」，是感動落淚的愛情韓劇，浪漫喜悅的愛情台劇，我們幾乎都在吃前看了評論，在理解前知道道理，在初戀前明瞭愛情。在跑前到達終點。沒有瘀青，沒有紅腫，沒有汗流，沒有千錘百鍊，沒有自我砥礪。你的人生是一場漫長的電影，而你被強逼性地劇透了一半。就像長輩常說，查字典不是用字典而是幾個鍵盤上的敲打，最後連成果也特別容易忘記。我一愛蛋，二愛薯仔，只是愛不了薯蛋頭而已。聽聞了銅鑼灣的盛八食堂蛋包飯實在不錯，結果大出意料之外，不過Fashion Walk實在是銅鑼灣很值得一逛的地方，小而別緻卻很有個性，或許有時如朋友所說，期望越大失望越大。盛八食堂在銅鑼灣轉角的京士頓街，比之大街霓虹光影，這裹一反銅鑼灣常態地冷清，在昏暗的燈光下，每間舖面都有各自的傲氣，不與世俗為伍，孤芳自賞，而盛八，其實就在Pacific Coffee旁邊的，一上電梯就會看到的位置。舖面我本身還挺喜歡的，水泥的牆頂，為襯托出周邊復古的風味而低調着，鐵椅子和掛牆花狀燈飾，最

之前，聽聞 <盛八食堂> 出品的蛋包飯很受歡迎！ 記得好幾年前，到 <生原創蛋包飯專門店> 為一位朋友慶祝生日！  她喜歡食蛋包飯！反正半年無見，一於約她去 <盛八食堂> 啦！ 我不太熟悉銅鑼灣京士頓街這一帶，去到 Fashion Walk 都不知道店子在哪兒？  致電問店員，才得知在吉之島同層，幸好，她識路去吉之島，還是由她帶路吧！ 我們終於找到 <盛八食堂>，當時在 7:30 walk in 也不用等位，實在太好嘞！ 這裡的壁畫，甚至桌上的調味樽及餐碟，總是離不開跟蛋有關！ 打開印刷精美的餐牌，單是蛋包飯的選擇，足以令我們花多眼亂！  還有小食，炸物...及選擇不少的飲品！  (另設加一服務費)熱宇洽綠茶泡沫咖啡 $38賣相不錯！ 綠茶與咖啡的融和，未嚐已散發濃厚咖啡香，兩者比較之下，入口咖啡味較濃郁， 綠茶味較輕微；原來兩者混合起來並非預期的夾配，卻是甘苦與共！吉列廣島蠔盛合 $63包括：吉列廣島蠔、炸洋蔥圈、炸香草薯角 炸洋蔥圈~金黃鬆脆又巨型，洋蔥清甜又爽口！吉列廣島蠔~一客三件，我淺嚐一件，另外兩

見到團購網有呢間日式西餐優惠券之後我就想openrice睇吓其他人嘅食評我見到好多人都讚所以我都買咗兩張嚟試吓呢單嘢嘅位置其實都幾難搵佢喺吉之島嘅一角所以臨食飯之前 我都行左成粒鐘吉之島坐左落去之後 我睇下個Menu其實如果正價食都唔平一個飯平均都要＄100山葵海鮮焗飯原本我都想食蛋包飯但係我本身好鍾意食Wasabi而且好少地方有呢一類焗飯所以沒就算蛋包我都照叫第一啖食落去 真係好重Wasabi味不過我嫌飯太少汁 所以有幾啖飯食落去都係乾真真係用料方面 都ok有唔同類型嘅海鮮 唔會好似其他餐廳咁 加多啲魚柳就當係海鮮😂呢個飯整體嚟講 我會比個七分佢😚 呢個飯真係幾創新 相信其他地方都冇可能食到😂呢個寫住佢嘅招牌好似叫牛肉蛋包飯第一啖就試吓隻蛋 咬落去真係半山熟喎!而唔係蛋餅 喺香港真係難得食到呢一類蛋包跟住再試吓個汁嘩個汁好惹味啊! 好重牛味同雜菜甜甜地咁真係令我食過返尋味仲有啲牛腩 我就覺得普通啦 唔係用啲乜嘢好特別嘅牛.... 蛋包入邊嘅飯 唔係炒底 有啲失望因為每個飯都係百幾蚊嘅緣故我哋冇再叫其他小食或者飲品啦埋單計 平均每個人食咗75蚊到啦 (計埋團購嘅優惠)你一餐我都食得好滿