盤浦

营业中

休息中

喺北角搵到一間超抵食嘅韓國餐廳，見到佢門面$99任食五花肉🈹🈹，即刻約朋友去試！餐廳夠晒地道正宗，由韓國人親手主理，都好受韓國食客嘅歡迎！店內裝修用上傳統韓式大排檔嘅圓枱，最近天氣開始轉涼，一齊圍爐燒肉，飲返兩杯燒酒，當堂暖笠笠☺️～——————————🥓◖無限量五花肉◗ $99 pp人均$100唔使，就可以五花肉食到飽，性價比超高！🤩一碟嘅肉量都唔少，肥瘦相間啱啱好，燒到燶燶地夠晒香，再包埋個生菜一齊食，真係超正！食肉獸至愛！🥘◖泡菜湯◗ $118泡菜湯會跟一碗白飯，加咗啲豆腐去煮湯，味道夠晒酸辣🌶️🍜◖冷麵◗ $118水冷麵味道正宗，湯汁有啲冰碴，食落涼浸浸，麵條煙韌有韌勁，味道調製得啱啱好，微甜酸爽，清爽開胃～🌟Encore指數：8.8/10

平時小編都好鐘意食韓燒，今次就去左北角「盤浦」，餐廳主打地道韓式燒肉，亦有多款韓式料理! 值得一讚韓籍staff好有禮貌，食燒肉佢地都有主動幫手燒埋，好似去咗韓國一樣一坐底店員會上小菜，種類都好豐富醬醃牛五花肉見做緊半價 $79，最少叫兩人份，醬料香甜惹味，牛五花肉肥瘦均勻，帶有肉香，大滿足另外仲加左份生菜，清脆配上配菜及肉一齊食有助解膩泡菜煎餅嚟食韓國嘢當然要試下煎餅🥞外皮香脆內裏鬆軟，食既時候啖啖泡菜夠曬香口泡菜湯上枱熱辣辣，入面勁足料，有大量泡菜、洋蔥及肉粒，酸甜配飯一流韓國提子汁酸酸甜甜好開胃，有助解膩

🔶🔷🔶韓燒任食五花腩 每人只係$99🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。呢間位於北角，連平日都爆場嘅韓燒，當中有唔少客人係韓國人，老闆又係韓國人，成件事勁正宗。佢地有唔少食品優惠，當中最抵就係任食五花腩，每人只係$99！beef loin都有半價，勁抵食！。最開心係有韓國老闆親自過黎傳授正宗韓燒秘訣，佢燒出黎嘅五花腩係真係特別juicy同淋！好犀利呀～。另外仲叫左碗水冷麵（$118），連埋燒肉一齊食，感覺無咁熱氣，落埋醋一齊食直頭好開胃添。📍盤浦 (北角)北角蜆殼街18號嘉昌商業中心地舖。@banpohk 。#gpignorthpoint

韓式烤肉店已經喺北角蜆殼街開業左一年多，每次去到都好多oppa喺度食燒肉，真係好有氣氛!😌我今日就專程同一個女仔朋友嚟食晚餐。我就最鍾意係佢哋老闆非常熱情好客，每次嚟到都會主動幫我哋整燒肉，有非常賓至如歸嘅感覺!😝我本身今晚諗住嚟試吓佢哋新推出嘅Pork Belly $99任食優惠，可惜今晚已經售罄!下次一定要早啲嚟😆最後我哋今晚就叫咗🥩梅花肉$188- 梅花肉指豬後背靠頭,肩前端的腿肉, 肥肉與瘦肉的分布更為均勻,所以每啖都嫩滑好味🥓烤雞肉$138- 雖然只係叫咗180克，但雞肉又滿滿嘅一碟，而且醃醃得好入味，我哋兩個女仔食份量啱啱好。🥗老闆仲非常好人， 除咗幫我哋整燒肉之外，仲送咗一兜生菜俾我哋包住啲肉嚟食，真係夠曬窩心!🍶覆盆子酒$150- 我就最鍾意喺食韓燒嘅時候飲覆盆子酒，酸酸甜甜非常開胃!我個女仔朋友今晚第一次嚟食完飯之後，讚我冇介紹錯✌🏻。佢都話呢度食物質素同服務態度都好好，下次都會要介紹朋友過嚟食飯添!

如果係豬肉控，來到餐廳一定係大滿足，因為任食燒肉都係99元一位，仲要係必點快上菜❤️不過，👦🏻係牛控，話一定要食牛石鍋牛肉拌飯熱騰騰嘅石鍋上，牛肉炒至嫩滑，加上有很多配菜，又有焦香嘅鍋巴，配上少少辣醬，很有地道韓味醬醃牛五花肉肉質非常鮮嫩，經過燒烤後，表面微微焦香，肉汁滿滿。唔洗點醬汁都好有味，最正係老闆燒韓燒秘制無骨牛排骨無骨牛排骨口感滑嫩，醃製過嘅肉質吸收咗香料嘅味道，食落有咬口，最正係👦🏻係甘食👍好少餐廳有韓啤Kelly，又可以一試

📍𝙱𝚊𝚗𝚙𝚘 盤蒲 最近喺北角發現呢間由韓國人主理嘅餐廳， 推出左𝙿𝚘𝚛𝚔 𝙱𝚎𝚕𝚕𝚢 $𝟿𝟿任食優惠， 身為食肉獸即刻試試佢😼 老闆仲勁𝚗𝚒𝚌𝚎仲教我地用韓文點餐🤣 ⇰𝚄𝚗𝚕𝚒𝚖𝚒𝚝𝚎𝚍 𝙿𝚘𝚛𝚔 𝙱𝚎𝚕𝚕𝚢 $𝟿𝟿/𝚙𝚎𝚛𝚜𝚘𝚗 ⇰無限生菜$𝟹𝟾豬腩肉肉質鮮嫩帶有少少脂肪，入口時油香四溢，皮脆肉滑🐷搭配幾款韓式小食包埋生菜一齊食，清新又解膩～ ⇰炒粉絲$𝟷𝟸𝟾炒粉絲鋪滿蛋絲、蔥花、青椒、洋蔥同牛肉， 賣相勁吸引🤩 味道方面粉絲口感柔軟有咬口， 吸哂醬汁同配料嘅味道，係好好味嘅韓式炒粉絲🫶 ⇰冷麵 $𝟷𝟷𝟾 份量勁多嘅冷麵‼️ 麵條彈牙、爽口， 配料有黃瓜片、白蘿蔔片、半顆熟蛋， 配埋酸酸甜甜嘅湯底，夠哂開胃🤤

前排收工經過見到呢間地道韓國餐廳🍴，店員都係韓國人😃，之前係比佢$99/1人 UNLIMITED PORK BELLY 吸引左，好抵食咁❤️，但黎到見到隔離枱食緊啲韓國飯湯又勁正咁，就轉軚食😂牛骨湯 配飯 $138牛骨湯湯頭勁鮮，牛骨肉煮得好軟腍，唔洗點用牙力就食到，份量好足料😍炒粉絲 $128口感好豐富，配料多多咁，好惹味，粉絲口感軟軟糯糯咁，好好食年糕餃子湯🥟 $128餃子有2款，都係大大隻，餡料滿滿咁，啖啖滿足，湯頭好清甜，年糕份量勁多，厚薄適中，口感煙靭，好有咬口🤩Cass Beer🍺 $38點可以少得啤酒配韓菜🤩

今次去咗食豬腩肉任食Set，真係食肉獸必去！最正係生菜可以加錢任嗌，夾住豬腩肉食，滋味無窮。雖然最近天氣熱，我叫咗兩輪就停手，但天氣凍時嚟食應該更加抵。配菜方面，真係好食，有酸蘿蔔、豆芽、泡菜等，全部都好開胃。唔使提，店員會定時定候主動嚟問需唔需要refill，服務一流。另外，叫咗一碟牛肉，切法似打邊爐嗰啲肥牛，輕輕落去燒兩燒就食得，唔會好老，油脂味夠，令人回味無窮。仲有叫咗一碗涼麵，入面有冰，食完都仲係好凍，個汁底酸酸地，食到滯滯地就解油膩感一流。飲品方面，叫咗啤酒同埋有氣米酒。有氣米酒飲落去感覺似果汁sake，細細支易入口，幾特別。整體嚟講，店員要用英語溝通，不過佢哋熱情好客，令到用餐體驗好愉快。下次一定要再嚟試其他菜式！

🐖任食豬五花腩 $99每位只係$99就可以任食任叫豬五花腩90分鐘，加多$38一台仲可以任添生菜，豬五花腩厚薄適中，切到一片片上枱唔使自己剪，油花好靚，食落去Juicy外脆內軟，就咁夾生菜同埋韓式泡菜蘿蔔食，或者就咁叫碗白飯餸飯都好濃肉香，韓國老闆會四圍行見到你唔識燒仲會親自幫你燒教你點樣燒好Nice, 另外前菜款式有六款一樣可以無限任添，叫碗白飯都好多嘢餸，最鍾意食佢嗰碟魚仔前菜好香魚味🍲韓式泡菜豆腐湯 $118呢個湯會送一碗飯，泡菜湯好正宗，飲得出個湯冇加太多其他調味，純粹用泡菜去煲出個鮮味，入邊有豆腐同埋金菇，仲有得揀自己嘅辣度，食完燒肉不玩湯飲就最啱啦🍚白飯 $15🍇韓國提子汁 $20/罐📍盤浦 北角蜆殼街18號嘉昌商業中心地舖

炮台山有一間韓國餐廳Banpo Korean BBQ，最近做緊醃製豬肋骨$99，同埋pork berry $99無限任食，講到咁吸引，去試下啲嘢食先一開始店員會先上五款小菜包括有魚餅、泡菜、蘿蔔等，食完仲可以refill純豆腐湯 $118朋友腸胃唔係幾舒服，所以冇叫到燒肉，叫咗款純豆腐湯，跟白飯。辣度可以調整，湯底有蜆、豆腐、洋蔥等配料，味道香濃牛骨湯 $138另外叫咗牛骨湯，同樣有跟白飯，配料除咗有牛肉，仲有洋蔥、黑木耳、牛骨等等，牛骨湯味道濃厚，牛肉煮得軟淋入味蒸蛋 $158蒸蛋好大份，咬落質地結實，同時亦保留濕潤嘅口感，表面有椰菜絲同埋加咗番茄醬同埋蛋黃醬，食落清爽美味氣泡水 $40/2

聽🐧🐧 buddy 講，係炮台山有間韓國餐廳可以任食豬五花🤩 唔使諗即刻仆去食餐勁😈 餐廳採用鮮豔奪目嘅鮮黃色做主調，離遠都好搶眼👍 內裡裝修好有韓國地道大排檔feel😍 風味十足❤️ 第一時間當然㨂咗佢哋新推出嘅Pork Belly 任食優惠😋 每位只需俾$99, 就可以無限任添任食🤤 一黎就大大盆送上❤️ 真係好足本🌟 豬五花唔算太肥，食落油香滿溢，肉味濃香🤤 燒得卜卜脆好香口✅ 隨豬五花附有多款地道調味料，配搭好出色📍 另外㨂多咗個韓國傳統鍋馬鈴薯湯😘 跟湯會配上白飯✅ 湯品好濃郁，啖啖辛香帶辣，刺激又惹味🤭 馬鈴薯盡吸湯底嘅精華，滋味滿分🤤

原來有$99任食五花腩😩由韓國人主理，韓國人都去的韓式料理全場超過9成都是韓國人後來仲有一大枱韓國oppa ，睇到姐姐眼金金😍韓式燒肉店裝潢，除咗烤肉，亦有好多韓式料理揀，包括人蔘雞湯、韓式炒粉絲、泡菜煎餅等當日想食韓國料理，無為意原來有任食五花腩😆但三款料理都相當唔錯😋韓式牛肋骨肉質鮮嫩，醬汁香濃帶甜，連蘿蔔都吸收了醬汁，超好味，配白飯一流！韓式炒粉絲口感爽順，搭配的蔬菜與香料增添了層次感，味道恰到好處。韓式冷麵則清爽可口，涼麵的Q彈與辛辣醬料相互融合，非常適合炎熱的夏天。

門口廣告吸引到🤩新推出既Pork Belly$99任食優惠食韓燒最緊要好多前菜任食👍🏻每樣可以食少少好滿足🙆🏽‍♀️pork Belly$99x2 任食啱曬大食嘅我🤩🙆🏽‍♀️水冷麵$118 咁熱嘅天氣真係冇乜胃口😅冰冰涼涼韓國麵啱晒我啲煙靭控😋🙆🏽‍♀️蔥煎餅$138🥙有蝦魷魚粒🐙微微脆口感好豐富😋真係超級飽🤤連甜品都唔使食🫠仲有好多嘢食想試呀🤭唯有留返下次啦👫人均消費$250

今日我哋嚟到炮台山呢邊嘅盤浦！我哋平日夜晚時段嚟到，都好熱鬧，幾乎滿座！而家做緊$99任食五花腩，同埋半價折實$79嘅牛五花肉！我哋嗌咗個$99五花腩set，可以90分鐘內任嗌，每次比嘅份量都好多，絕對唔會話偷工減料嗰啲！我哋亦另外加咗$38生菜！店員嘅服務亦都好貼心，會時不時就過嚟睇吓你有咩需要，主動提供圍裙，廢事油彈到啲衫～牛五花肉亦都好出色，份量多，每一片都醃製得好入味！另外我哋仲嗌咗個大醬湯，非常之足料，有蜆、豆腐、菇等，湯亦都好入味，推介！

今日同大家去炮台山食嘢！蜆殼街都係比較多，食肆林立。最近呢度新開左一間韓式燒肉店。入邊嘅裝修呢都幾現代感。入邊可以叫各種牛肉豬肉，例如牛排、五花肉，豬手，同埋各款肉類拼盤。不過我地發現呢度有兩款好抵食既燒肉，就係$99一碟嘅「豬腩肉」同埋$79一碟嘅「醬醃牛五花肉」。（豬腩肉要至少叫兩份）。兩碟肉呢落都好肥美，煎出嚟都豐有油香。牛肉有醃過，但惹味D，建議兩款肉配生菜🥬食，感覺會清爽啲。不過呢個價錢可以食到燒肉都真係幾抵👍🏻。跟住我哋仲叫咗個「泡菜煎餅」同埋「冷麵」。「泡菜煎餅」煎得好脆身，唔會好粉，中間呢就夾咗啲泡菜啦，識落會帶點爽口。佢仲附上一個辣醬，點埋會更香辣。食完辣嘢一定要配返個冷麵🍜。除咗冰鎮嘅冷麵之外，入邊仲放咗梨，醃青瓜，食完會更加清爽。整體嚟講，我覺得呢度野食都唔錯👍🏻，環境都幾地道，店員又Nice，想嚟韓燒都不妨嚟試下～