真心泰國菜館 (已結業)

今日去朗豪坊做facial 做完近近哋去咗隔離呢棟朗晴坊度食dinner我同男友叫咗兩個晚餐套餐 $69一個Set包埋飲品同甜品咖哩雞扒炒河食落其實幾似星洲炒米嘅炒河版本 呢度用嘅河粉係粗而大片所以食落口感幾好 淡淡咖哩味有啲炒蛋粒 加埋燒到香脆嘅雞扒 整體配搭幾好馬拉盞通菜拼豬頸肉飯馬拉盞通菜惹味 豬頸肉幾爽口 超級下飯沙嗲串燒本身我哋叫咗雞肉豬肉牛肉各兩串 但當日豬肉串沽清 所以只試咗雞肉同牛肉 兩種嚟講我鍾意雞肉多啲 因為Juicy啲 而且佢配嘅嗰個沙嗲醬汁係我鍾意食嘅味道 夠甜夠結身 又有花生粒最後送上類似椰汁糕嘅是日甜品 但其實食落似有淡淡椰汁味嘅大菜糕 唔會太甜 幾清新另外今餐叫咗龍眼冰（+$10）同凍檸茶（+$2）味道就正正常常啦

炎炎夏日， 都係逛吓商場， 減少戶外活動。朋友話想食泰國菜， 諗起朗豪坊隔離嘅朗晴坊商厦有一間好地道嘅泰國餐廳 「 真心泰國菜館」， 襯住仲未晚飯時間高峰期， 立刻衝上去攞位先。餐牌好多選擇， 竟然也有實惠嘅一人晚餐～泰式冬陰功湯$89每次都必點嘅地道美食。 因為是半份關係，不用鍋爐， 也是熱辣辣上枱。 酸度，辣度，鲜味平衡， 各種泰式香料， 香茅味道突出， 材料豐富勁多雜菇 ，亦有大蝦， 青口。 非常惹味醒胃， 適合炎夏刺激胃口。海南雞飯$86比一般碟頭海南雞飯更大份。 油飯入口清香唔油膩。 去骨海南雞，肉唔算好厚不過幾有雞味， 雞皮夠爽又唔肥。 秘製海南雞醬汁也有驚喜， 味道酸酸辣辣仲有薑蓉味之餘， 也吃到有加入打碎嘅菠蘿肉香甜味！ 完全提升雞肉同個飯嘅味道！！泰式西施椰青$48食泰國菜都要飲番杯泰式特飲先過足癮。椰青好大個， 椰青水又甜又香又夠冰凍， 炎炎夏日特別消暑降溫！！食物出品美味， 地道又夠正宗， 價格實惠不花巧， 會和喜歡泰菜嘅朋友再來試其他食物。🤩😍👍

今日去咗旺角行街，仲意外地比我搵到一間性價比好高的泰國菜！它就位於朗豪坊的隔離，非常就腳。泰式菠蘿炒飯炒飯粒粒分明，鑊氣夠，只是利用簡單的配料就能炒到這出色的炒飯，抵讚！而甜甜酸酸的菠蘿令人份外開胃！蝦醬炒通菜通菜新鮮爽脆，味道很惹味，感覺像是很一碟地道的小菜。炸蝦餅蝦餅外皮香脆，內裏的蝦肉結實，加埋泰式醬汁，簡直是完美配搭！泰式椰汁、青檸水能夠以套餐價錢享用飲品，感覺好實惠！椰汁椰香味重，好甜😋！青檸水有助消滯，感覺餐飯冇咁溜。整體而言，這是一間平靚正的泰式餐廳，值得推薦！

旺角美食多的是,而且也是有特色和美味的,這次就試這間泰國餐廳,泰國菜。餐廳闊落,座位舒服,配上柔和燈光,環境舒適。烤肉串首先叫了烤肉串, 肉串大大件的,非常厚肉,而且烤得一點也不乾身。他的肉質非常鮮嫩, 外香內柔,完全把肉汁逼出來,配上特有醬汁,味道真是一流。明爐烏頭烏頭非常大條,配上滿滿的香料在面頭,賣相已是滿分。魚肉非常新鮮,濃濃的魚香味,充斥整個口腔,加上烏頭非常厚肉,吃落非常有口感。菠蘿炒飯菠蘿非常新鮮, 炒飯色澤也很夠,而且少得粒粒分明,吃落非常有泰國風味。

心痕痕想食泰國野 喺旺角你會諗起去邊度呢😌真心泰國菜館係我喜愛之一 泰國人主理 好記得第一次嚟嗰時 除咗覺得野食好好味 仲覺得店舖裝修好有特色 好有泰國地道風味🇹🇭◾泰式生菜肉碎包🥬應該係我喺香港食過最好味嘅生菜肉碎包 肉碎唔會太油亦唔乾 調味做得超好 嗰種辣味慢慢湧出嚟🌶️好惹味◽秘制鴨絲撈米🦆除咗鴨絲之外 仲有炸蒜/香蔥/芽菜等等嘅配料 聞落有種鴨肉嘅香味 米粉比較幼身 另外有碗清湯比你 如果食得慢乾咗少少 就可以加少少落去 份量都幾大碗🍜但係我哋極速就清晒◾泰式咖哩雞扒飯🐔泰式咖哩有分好多種 呢隻黃咖哩加咗椰奶 望落好靚 聞落好香 食落都好好味🤤而雞扒肉都好嫩 層皮煎到脆脆地 有驚喜◽泰式奶茶◾象啤飲品勁多選擇 都係泰式特飲為主🍹例如三色冰/珍多冰…而且叫set嘅話 飲品都有優惠價架

果日我地三個人食 所以叫左個二人餐之餘仲叫左其他野食😚二人餐真係好抵食 基本上兩個人食都夠飽😜-🍴晚市二人套餐 (B set)(包兩杯飲品)HKD425🥘泰式咖哩炒蝦一碟都有4 5隻蝦 蝦肉肉質爽口🦐咖哩汁帶有蛋絲 聞落去都香咖哩味 不過味道就稍為偏淡同偏甜左啲 椰香同辣度都唔係好夠🙈🥘泰式炒通菜本身menu係椰菜 不過咁岩果日無 所以就轉左通菜👅味道係馬拉盞 帶有微微辣感 唔錯😚🥘泰式燒豬頸肉豬頸肉有幾片 肉質唔韌 點埋辣汁食真係唔係好夠🤩🥘泰式芒果蟹肉炒飯蟹肉都算幾多 入口酸酸甜甜咁 唔算好濃味 個人覺得撈咖哩汁食更好味🤪🍴真心招牌生蝦刺身 (8隻) HKD166呢個係🧜🏻‍♀️覺得唔係幾抵食嘅 價錢比其他泰國餐廳貴🤭蝦肉偏細隻 就咁食係完全無味唔會好似平時咁帶有少少鮮 要點大量酸辣汁先好食🤣🍴泰式鹽燒魚 HKD158鹽燒魚大大條熱辣辣上枱 面層佈滿左鹽粒😍打開魚皮 魚肉燒得岩岩好 好嫩滑而且唔腥 點少少鹽食已經好惹味 另外配埋酸辣汁 食食下好快就食曬😋🍴椰青 HKD48次次食泰國菜都必叫 好清甜解渴🥥✾味道覺醒指數: 3.7/5抵食指數:3.7/5服務指數:3.3/5

旺角實在太多美食，今日就黎到呢間係朗晴坊，由泰國人開既泰國餐廳試下。🥢泰式冬陰功湯河呢到既冬陰功唔係好辣，岩晒一啲唔食得辣既朋友仔。湯底飲落酸酸甜甜又帶點辣，仲有蝦既鮮味，食到好開胃，令人好想一直飲晒啲湯。而河粉食落都ok正常口感。🥢泰式炒貴刁炒得濕度剛剛好，唔會太濕，金邊粉食落都彈牙，口感唔錯。而味道方面，可能我落咗好多青檸汁，就偏酸咗小小，但都好食唔錯。🥢泰式炸蝦餅蝦餅炸得夠脆，而入面唔會好鬆散，配埋甜酸醬食，不錯。

疫情還未完，很難去外地旅行……想食其他國家風味 ？相信不少人都會去不同的餐廳，一解相思苦。有日本菜•有越南菜•有泰國菜•有墨西哥菜•有西班牙菜•有意大利菜等等……今次去了真心泰國菜館，環境風格特色•夠地道•有泰國感覺feel~泰式芒果蟹肉炒飯$56芒果和蟹肉份量都不小芒果不酸，偏甜蟹肉食入口啖啖肉炒飯有用雞蛋炒底，有鑊氣蔥花，蛋花，洋蔥粒，蕃茄粒等伴炒，賣相黃黃綠綠紅紅的食完整個泰式芒果蟹肉炒飯好飽，裏面的米飯應該保守估計有兩碗飲品: 椰青加$48指定飲品可以免費，例如青檸水，百事可樂，泰式椰汁冰等，但我突然想飲椰青，所以唯有加$48飲我最喜歡的椰青~ yeah ~冬陰海鮮泡飯$56賣相紅紅橙橙超級吸引，肉眼看好像好辣，事實上都是辣的，嘿，酸中帶辣~香茅味濃郁，各種配料味道交雜，連湯底都飲掉泡飯加冬陰功湯，醒神又開胃飲品: 椰汁紅豆冰加$10椰汁味好重，紅豆甜度適中春卷$55三條春卷一開為二，炸到乾身外脆，加上沾少許泰式酸辣醬，頗似泰國旅遊時食的小食裏面有粉絲等其他配菜，整件放入口食，都不會肥膩人均$113@

😄是日星期六，求期搵左呢間，價錢相宜。知道呢間野好耐但一直未食過😅，今日2點半左右去食啦，入到去見到人都算多，餐廳都算大，都可以坐到好多人。分別叫左炒貴刁，泰式炒飯同一個泰式豬頸肉。食物來到時唔係話熱辣辣的。泰式炒飯一來見到啲飯好濕好似好林咁，食落已唔掂，真係衰過自己炒，味道咸咸甜甜咁，唔掂。炒貴刁都一樣係濕炒咁，味道得咸咸地同甜甜地咁😶。泰式豬頸肉有so味，肉質硬，今餐係個豬頸肉係個醬汁最好味🤣。

真的不敢相信原來多年前和老婆初初拍拖到過的樓上泰國菜館（ 正正在朗豪坊旁）, 至今仍然屹立不倒, 在追尋美味和私人感情的道理上， 都冇不試的理由吧？似曾相識的泰國感覺裝修， 親切的泰籍店員（應該是） 和一些泰式擺設依舊， 但估不到連價錢應該都跟十多年前沒有太大分別， 親民。 剛好來的時候未過下午茶時段， 就叫了抵食的兩個下午茶套餐 泰式雞扒咖哩炒河， 泰式黑椒牛柳飯， 再加個泰式燒豬頸肉及泰式炸蝦餅。泰式雞扒咖哩炒河非常夠鑊氣， 河粉揀選比較闊身的， 完全吸收了香辣的咖哩味，用料亦十足， 每啖河粉都不難看到蛋花， 青椒，紅椒，洋蔥及蔥等。 雞扒用咖哩粉或黃薑粉醃過， 之後再略略煎炸， 惹味非常。泰式黑椒牛柳飯泰式黑椒汁看似清淡， 但其實比起港式的黑椒汁多了一份甜度， 非常容易入口但同時不失微微香辣口感。 牛柳不算非常軟淋， 有咬口但好在不黐牙。 外表略略煎過增加了香口， 牛味亦都更香濃。泰式豬頸肉豬頸肉切得薄薄一片， 經煎過後更加香脆。畫龍點睛的絕對是自家製的泰式酸辣汁， 非常醒胃， 辣味不會過濃蓋過豬肉本身的鮮甜。泰式炸蝦餅蝦餅熱辣辣而且非常爽口彈牙， 肉質亦非常紮實， 蝦味亦鮮甜，

今天在油尖旺一帶上班，下起傾盆大雨，隨便就走了一個地方吃東西。這兒很近大型商場，鄰近地鐵站，收費平民。 我點了一個泰式豬頸肉湯河。 湯河份量很足，河粉彈牙，內裏夾雜了很多芽菜，很爽脆。豬頸肉彈牙，很有嚼勁。湯底有一種特別的香料，很有泰國的風味。普通茶餐廳很難會品嘗到雪梨茶，於是我便點了雪梨茶一試。這茶很清甜，有點似菊花茶。作為吃貨女孩，單單叫一個湯河不足以滿足我的需要，於是便點了一份泰式炸春捲。這是素菜炸春捲，裏面有很多彈牙的粉絲，口感十足，外皮炸得鬆脆。

旺角很多小店的餐廳質素都不錯今次試了這間有泰國的餐廳~~餐廳的天花板放了很多特色的泰國紙傘令人有種置身小泰國的感覺餐廳地點超近朗豪坊，很方便離地點站出口才2-3分鐘食物質素不錯! 環境也坐得很舒服跟朋友邊吃邊聊天，2小時很快便過去啦! 最重要是tea set的價錢真的很優惠!每人一份tea set加飲品才$100所以我們再點了小食跟甜品很滿足呢~~🍽 泰式冬陰功湯河剛上碟時已聞到好香冬陰功湯的香味，令人胃口大開！湯底不算好辣，味道酸酸辣辣好開胃，湯底更帶點蝦的鮮味，味道唔錯。配菜可自由選擇，我們選了雞翼，雞翼有炸過很入味🍽 泰式炒貴刁泰式炒貴刁即是Pad Thai 炒金邊粉。金邊粉的份量也很多! 甜甜的有小小辣，加上青檸汁酸味令味道層次更豐富。金邊粉不會炒到過濕或太乾，金邊粉仍有彈牙的口感🍽 泰式炸蝦餅蝦餅很香脆！炸得夠脆口，但炸粉不會過厚！蝦肉也很大粒，加上甜酸醬好開胃。但略嫌蝦餅的份量較少🍽 泰式椒鹽軟殼蟹軟殼蟹很香脆，更帶有很濃的蛋香味！味道跟其他餐廳吃到的椒鹽軟殼蟹味道稍有分別，味道不會太咸🍽 泰式芒果糯米飯糯米飯鋪滿了滿滿的椰汁！椰汁很香濃，糯米飯軟硬適中，非常彈牙，芒果的香

今晚來到旺角，選擇了食泰菜，選擇了食朗晴坊的真心泰國菜館，餐廳裝修顯著濃濃的泰國風情……Menu選擇多樣化 ，一人套餐都有幾個款式，我今日揀了兩個一人餐及酸辣脫骨鳳爪。生菜肉碎包白飯套餐$69肉碎裏面有很多的紫色洋蔥、芫茜、蔥……等等，味道酸酸辣辣的，用生菜包白飯及肉碎食，別有一番泰式風味。泰式黑椒燒牛柳飯套餐$69牛柳汁面，胡椒粒及黑胡椒味非常重，牛柳雖然有少少鞋，但很有牛肉味，配上黑椒很惹味。酸辣脫骨鳳爪$85脫骨鳳爪配菜面有很多生菜 、青瓜芫茜、蔥、紅蘿蔔絲及洋蔥，還有香芹菜、蕃茄……，醃得特別入味， 酸酸辣辣中帶甜，非常清新嘢味的一道菜！套餐還配有飲品及甜品，感覺抵食惹味。

無意中發現呢間餐廳嘅下午茶餐好抵食 一個粉麵飯加埋嘢飲都係40蚊左右 所以喺朗豪坊行完街就過咗嚟呢邊食tea 乾炒河（雞肉） 炒得夠乾身惹味 裏面除咗有雞肉 炒蛋之外 亦有啲芥蘭馬拉盞豬頸肉炒通菜飯 馬拉盞通菜炒得好香 夾埋豬頸肉都有六七片 雖然價錢只係42蚊 但份量一啲都唔吝嗇 另外叫咗兩杯跟餐餐飲 青檸梳打 （+5） 青檸樂（+2）出面好少特飲都係呢個收費除咗叫咗兩個set之外 亦叫咗個咸魚炒芥蘭同炸蝦餅 又有蔬菜又有小食加埋兩個主食 埋單$217 晚市先收加一 好抵食

在旺角這麽旺的地方，揾食的地方多的是，各國美食數之不盡；這晚想食泰國餐，就試朋友介紹這間。。。一看門口的布置，便感到強烈的泰國味，一排畫得靚靚的椰殼水勺，令人感到有如置身泰北農村背景是實物原大的吊腳樓，真實感好強!天花掛滿泰式雨傘，加上輕柔的泰文歌曲襯托，使我有如置身泰國一般，忘卻身在繁忙的香港！食物的選擇雖不太多，但各適其式，梗有一款啱你食這碟泰式冬陰功炒公仔麵，麵質可口，蝦球爽口彈牙又鮮甜，醬汁夠辣夠地道，好抵食呀!泰式雞扒咖哩炒河，闊河粉夠滑、炒得夠香、鷄扒夠脆，大厨用上咖喱粉去炒，令成碟炒河夠哂乾身，不會水汪汪的；夠野味好正！特色乾咖哩炒雞球，用上炒蟹用咖喱汁，淋在切件的雞塊上，味道竟然出奇的夾，最突出是汁醬中加入了鷄蛋，有畫龍點睛的效果!另外套餐加兩元可以轉做凍泰式青檸茶，和加5元轉做凍泰式奶茶。 下次思鄉又有好去處了！