睿私房菜

营业中

休息中

平時真係極少介紹中餐，其一我自己偏愛食西餐，日本料理，其二高質素既中餐比較少食到🧐 父親節同屋企人食左位於銅鑼灣既睿私房菜，就必須要推介俾大家😎 除左望到全個跑馬地景觀，另一邊仲望到維港海景，一邊望住夜景一邊享受高級私房菜，絕對係極致既享受😎鮑參翅肚套餐 約$500/位涼拌花膠前菜先食一個冷盤: 涼拌花膠! 炆花膠就食得多，凍食花膠原來咁爽口😋 涼拌既煮法大大減少左平時熱食花膠既飽滯油膩感，仲充滿香蒜芫荽味，十分惹味😍冰鎮咕嚕遼參看似係普通既冰鎮咕嚕肉？錯啦，咬開入面原來係遼參!! 遼參可謂海參之首，係刺參既一種，仲可以補氣養血，固本培元🤓 遼參表面炸到脆卜卜，淋上咕嚕汁好好食!! 乾冰噴煙既效果，配上七彩繽紛既水果，打卡一流👍碧綠羊肚耳炒鮑魚鮑參翅肚套餐又點少得鮑魚？原隻新鮮鮑魚好爽口，用上XO醬爆炒特別惹味😋 羊肚耳(又名珍珠菌)勁爽口，原來用黎炒豆莢係咁正，屋企人即刻話要去買黎炒餸🤣金絲蝦球係我最鍾意食既蝦🦐 蝦球被脆卜卜既脆漿包裹住，外脆內軟，即叫即炸💯 依道菜絕對好考廚師功架，油既溫度要控制得十分好，先可以炸成金黃色，一不留神就會過燶!!魚翅釀竹笙又一巧手菜!! 將魚翅釀喺竹

呢間位於銅鑼灣嘅私房菜主打傳統手工藝點心，如芹香金魚餃，刺蝟叉燒包等😜 賣相相當可愛迷人🥰 而夜晚就提供多款特色中式小菜🍲 連前菜甜品都有十幾款，應有盡有！除咗食物款式之外，餐廳環境同餐飲體驗更是另一大賣點🫣 落地大玻璃可以270度咁欣賞跑馬地馬場嘅景色，環境夠舒服同寧靜☺️ 邊睇景邊細微品嚐每一道菜式，加上好好嘅服務態度😎 彷彿去咗5星級酒店呀🌟 🫕 冰鎮咕嚕肉 $188 乾冰嘅煙霧超級震撼，仙氣十足💖 打卡一流😆 咕嚕肉外皮十分酥脆，酸甜酸甜好開胃🤩 咬落去熱辣辣，冷熱交集，口感豐富，係視覺同味蕾嘅雙重衝擊🥹 肉質非常嫩滑，就算放咗好耐都唔會變硬😱 配埋新鮮菠蘿🍍 蕃茄🍅 同提子🍇令到成個感覺更加清新😝 超級無敵推介！🍛 脆皮燒腩仔炒飯 $148 燒腩仔皮脆卜卜🥰 肉質肥瘦適中😍 炒飯炒至金黃色十分美麗，飯粒夠乾身，粒粒分明，帶點油香但係完全唔油膩，同時食落又有鑊氣😋 非常有驚喜😚 仲有菜同蔥粒加添顏色，好有特色，值得一試👍🏻🍲 黃花魚蓉羹 $78/位配料十足，口感豐富🤪 食落有淡淡嘅魚香鮮味，健康又暖胃，絕對係前菜之選🤤

唔明佢有咁多好評係邊度嚟，食完覺得唔值比呢價錢，好搵笨，馬場景？係要行到埋窗邊先睇到，佢個室內格局好奇怪，窗簾布又檔住，唔識點形容，可能我哋唔係係29樓包房掛，又無服務，真係可以用零服務嚟形容，啲點心又唔好食，做埋啲多餘嘢，根本唔值比呢個價錢，成日食嘢都好黑仔，唔係蟲蟲就係頭髮，今次又中，一上金魚餃，籠邊攝住條頭髮，食完晒所有嘢覺得可以用（奶嘢）嚟形容，埋單$469。仲比我大開眼界見到呢間嘢，隔離枱叫咗個冰鎮生炒骨，上枱嗰吓好靚，好大個玻璃盤裝住，啲乾冰製造好多煙霧，好有意境，點知佢哋食食吓，唔知係咪啲冰溶晒又溶得特別快定唔知點解，啲生炒骨跌晒落啲水到，個職員用大匙羹逐粒逐粒撈返上嚟放係個碟仔到，叫佢哋繼續食，睇到我眼都凸埋，咁仲點食，好似將啲生炒骨過冷河。😔芹香鮮蝦金魚餃（好硬）$88黑豚肉咸水角（塊皮好厚，餡料又少）$88虎皮尖椒（超級勁搵笨）$98XO醬蒸鳳爪（正常）$58、兩週年優惠價原價$68黑炭杏汁飽（杏汁好甜）$58 、兩週年優惠價原價$68

父親節帶爸爸去威威❣️專登搵左間有期待值既中餐同佢慶祝🕺🏻·位於銅鑼灣Zing!28樓既睿私房菜餐廳分兩層 · 裝修雅緻明亮✨不過最吸眼球都係全玻璃外牆可以高眺維港同銅鑼灣一帶景色🌇♡ 大紅袍茶香清雅 · 連品開茶既爸爸都讚👍🏻♡ 酒香鴨舌第一次食個皮係脆身既鴨舌鴨舌脆嫩而酒香味濃郁🍶♡ 芹香金魚餃造型好趣緻 · 真係一條金魚🐟而蝦肉大大粒·紮實爽彈超高質既蝦餃?!定金魚餃🙈♡ 刺蝟叉燒包刺蝟造型既叉燒包 · 夠哂可愛😳叉燒內餡有特別調配過同平時食既偏甜少少 · 夠哂惹味✨♡ 大良炸鮮奶超愛大愛既炸鮮奶🥛外層酥脆到不行 · 而裡面超級嫩滑💦♡ 脆皮燒腩仔炒飯粒粒分明既炒飯 · 鑊氣十足👍🏻最有驚喜係燒腩仔個皮真係脆身爸爸食既時候仲以為有油炸鬼🤪♡ 糖心安納芋蕃薯酥外層脆身 · 而裡面係實實在在既紫蕃薯🍠紫蕃薯綿密香甜 · 絕對足料💕༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：餐廳除左環境同食物質素有保證之外店員服務亦係一大加分位✨除主動加茶外 仲會留意茶會唔會凍左真係超！級！好！😎

銅鑼灣美景茶樓私房菜 — 睿私房菜 ▫️今次lunch就去咗呢間位於銅鑼灣Zing! 的睿私房菜，佢係正宗廣東菜餐廳，坐落於銅鑼灣中心地段，今次坐喺窗邊位可以飽覽跑馬地馬場全景🌆😆▫️🫔大良炸鮮奶($78)係我至愛！🤩好少餐廳有得食🥹同埋之前食過有啲係炸皮多過奶🫠唔係間間都整到好味，但呢度嘅炸鮮奶炸得好鬆脆，而且好香奶味😍好想再食多幾嚿🤣🤣▫️魚湯雲吞米線($68)因為冇米線，所以轉咗幼麵～魚湯湯底呈奶白色，好好飲😍係完全冇鹼水味，仲有微微的黑椒香味，完全唔似平時出邊食雲吞麵嗰啲湯，搞到湯怪嘅我係咁飲😍

28 樓地方不太大，當日坐了七、八枱客，大約九成滿。四人點了午市套餐加三個點心。茶葉選擇不多，只有三、四款，普洱、壽眉、菊花。套餐不包甜點，但餸菜份量十分足夠，可能太多肉關係，食唔晒，要打包炒飯和生炒肉排，沒有加單吃糖水。燒肉炒飯夠乾身，欖菜生炒肉排味道不錯，蓮藕餅好味不油膩，金魚餃皮夠薄，其餘的餸菜如燉湯、叉燒包、鳳爪、豬手、豬耳、生菜包、炒山藥一般，不過不失。可能坐下層關係，常要等水滾才可給茶壺加水。至於服務，人手不太多，只見一位侍應不停忙着，另一位較多時間在櫃檯接電話和處理下單。

呢間中餐館位於銅鑼灣同跑馬地交界，飽覽跑馬地馬場景色，景色優美宜人！餐廳裝修雅緻，環境寬敞舒適☺️- 酒香鴨舌 💰$98酒味香濃，口感Q彈 幾有咬口😋作為開胃菜一流！👍🏻- 懷舊傳統鳳尾蝦多士🍤 💰$68/pc 👍🏻蝦多士炸得酥脆，香口！蝦肉新鮮，口感彈牙☺️配埋面頭既芝士，非常惹味😋- 冰鎮咕嚕肉🧊 💰$188 😍💯絕對係必食嘅招牌菜之一！👍🏻一上枱就煙霧離漫，第一件事攞部相機出嚟打個卡先📸🤣冰鎮除咗供打卡之外，仲有鎖住肉汁既作用！唔怪得知咬落去外皮硬脆，內裏豬肉嫩滑 多汁☺️同普通嘅咕嚕肉比係更高層次嘅享受💯連男朋友呢個咕嚕肉控都讚不絕口！- 生炒安格斯牛崧飯🍚 💰$168😋炒飯粒粒分明，而且濕潤唔會好乾 👍🏻安格斯牛肉質軟嫩，非常足料！- 招牌滴漏白芝麻布甸 💰$68 ☺️💯其實食完啲主菜都已經好飽，不過又為食好想試吓白芝麻布甸😆佢其貌不揚，但食落有驚喜！白芝麻味非常香濃，而且充滿奶香，布甸口感細軟棉滑☺️💯茶價☕️ 💰$38/位服務員非常細心，會經常幫我哋換碟同埋斟茶，服務一流！👍🏻欣賞住跑馬地嘅夜景，品嚐高品質嘅中菜，與友人暢快地談心，極致嘅享受！

銅鑼灣高質靚景私房菜🤍-👀沒有立場資訊-🦐上湯鍋巴蝦球 ($288)細細碗上湯，點嚟食好濃同好鮮，啲蝦食落好爽口，仲要好滑😚上湯微稠，同蝦好夾，完全帶到啲鮮味出嚟!!另外啲鍋巴好脆同好香米味，而且幾大塊，食落好滿足🤍🐽黑毛豬豚肉生菜包 ($168)豬肉肥瘦比例適中，肥肉爽口，食落帶豬肉香之餘口感豐富亦唔會油，調味都恰到好處，另外啲生菜夠爽夠新鮮，同埋好厚，味道同口感都幾豐富😙🐂豆瓣京蔥爆炒牛舌 ($198)牛舌好香牛味，第一次食到咁滑嘅牛舌🤣而且肉質軟嫩，口感好好，同好爽口嘅青椒夾埋一齊食真係幾正，而且好夠鑊氣，充滿京蔥嘅香氣🥰🍜錦繡蟹黃燴伊麵 ($238)面頭有好多蟹黃，撈匀嚟食啲伊麵食落好滑好鮮，就咁食會食到滿滿嘅蟹黃味，如果加埋醋就更加開胃，仲帶有鎮江醋嘅香味，同蟹黃超級夾🥰另外伊麵嘅口感都幾好，唔會太淋！呢間餐廳坐落喺28同埋29樓，環境雅緻，而且可以睇到馬場景😛29樓仲有私人包廂，感覺幾適合同屋企人一齊嚟食，而且服務周到，不過上菜速度會慢少少，但都幾值得等~味道 9.5/10服務 8.5/10環境 9.5/10回頭率 8.5/10總評 9/10人均消費 $533💰-📍睿私房菜

第一次食呢啲私房菜～推介佢地個冰鎮咕嚕肉💕上枱嘅時候出晒煙 啱晒打卡！咕嚕肉嘅外皮炸得好硬脆 入面包住軟腍嘅豬肉 口感非常之豐富！佢哋個炸鮮奶都好好食😋外脆內軟滑 食落唔會好甜好漏

早前睇網上blog 推介 睿私房菜的點心今日就特登約埋朋友一齊上去試吓菜首先一上到28樓，就覺得私房菜內部裝修開揚而且落地大玻璃可以見到馬場景 同 海景 真是賞心悅目我同朋友今日係去試下私房菜嘅點心芹香鮮蝦金魚餃 👍🏿 皮薄餡靚 造型精緻可愛香煎蓮藕餅 肉多👍🏿肉質厚實，煎得香口 推介👍🏿花膠瑤柱灌湯餃 濃淡得宜 餡多足料👍🏿煎釀三寶 煎得香口調味又得宜👍🏿 翡翠帶子燒賣 有黑松露嘅點綴 👍🏿神來之筆黑豚肉咸水角 造型有趣 炸得香口又煙韌👍🏿XO醬炒腸粉 私心推介👍🏿 有鑊氣又炒得夠火候 調味適中 令我忍唔住食完一舊又一舊最後食埋個 黑糖蜂蜜糕 好食👍🏿 推介 質地厚實 食落似食緊馬拉糕 唔太死甜 👍🏿

上次試過呢到高質又得意嘅午市點心，今次就嚟品嘗順德晚市菜式🥢酒香鴨舌💰$98真係好香酒味，係食過最香嘅～鴨舌入味，啖啖清香，鴨舌算多肉🉐🥢涼拌辣味花膠桶💰$338食過呢到嘅樽裝花膠，感覺現場食好味好多，有芫荽蔥蒜油，味道濃啲香啲又唔會有腥味，膠質豐富🉐🧊冰鎮咕嚕肉💰$188一上枱就出晒煙，又係打卡菜～waiter好細心提我哋快啲影相又幫我哋影冰鎮咕嚕肉好特別，外層硬脆，入面係腍身豬肉，加埋幾件菠蘿幾清甜🥢魚子雞蛋焗魚腸💰$388第一次食，口感獨特，類似蒸蛋入面有魚腸，面有魚子，幾矜貴🥢脆皮腩仔炒飯💰$148上次都食過，一樣炒得夠鑊氣，燒腩仔皮真係脆卜卜，同飯一齊食幾好，仲有蔥粒增添顏色🥢大良炸鮮奶💰$76/2件炸粉同平時食嘅少少唔同，外皮特別脆，內裏軟滑，一件唔夠喉想再食😛💰$1443/2ppl🚩睿私房菜 (銅鑼灣) @chillprivatecuisine 📍銅鑼灣耀華街38號Zing!28及29樓

睇住跑馬地嘅馬場景，一邊食住好精美嘅點心真係一大享受啊～呢度嘅金魚餃（$30/pc）又靚又好食🥰可以逐粒逐粒叫，兩個人來都可以試幾款😋香辣爆炒雞球（$108）又香又惹味，辣度係小辣，送飯一流！.Check out the beautiful Happy Valley view at this Chinese private cuisine place! The Gold Fish dumpling ($30/pc) can’t be missed! Cute and tasty, and you could order Piece by piece to try more of the dim sum here.

🌃 餐廳主打私房菜，位於銅鑼灣核心地帶， 大廈較高樓層， 28至29樓全層， 而29樓享有私人包廂， 極高私密度， 由於餐廳全層嘅關係， 加上優質嘅地理位置， 同埋落地大玻璃， 可以飽覽由銅鑼灣至灣仔、甚至跑馬地的景色， 部分位置可以飽覽跑馬地馬場， 適逢跑夜馬日子， 格外熱鬧。.🌃 私房菜菜式豐富， 基本上想要什麼類型嘅菜式都有， 除此之外更可品嚐傳統手工藝菜式， 餐廳推介菜式有 中華國宴雞、 蟹肉石榴球、 仙鶴神針-.☕ 品茶方面，小編選了大紅袍烏龍茶，香氣濃郁，有紅茶味嘅醇厚🐽🍖 泡椒豬手💲 88👉 前菜嚟講，份量都算不少， 本身以為泡椒會好辣， 原來呢款菜式辣度只屬於小辣， 基本上咩人都會食得到， 豬手幾爽口， 感覺好開胃。. 🍲 冰鎮咕嚕肉💲 188👉 店員一上菜嘅時候， 乾冰不斷湧現嘅煙霧猶如人間仙境， 呢個視覺衝擊非常震撼， 小編當然會喺呢個時候影相拍片打卡。👉 呢個係餐廳必點既打卡菜式， 雖然份量係例牌， 但係小編覺得份量已經好多。👉 盤上嘅冰塊令到咕嚕肉嘅外皮更加酥脆， 感覺好似食緊冰糖葫蘆， 咕嚕肉嘅裏面仲係熱辣辣， 感覺像冰火交融， 加上菠蘿、車厘茄， 感覺酸酸甜

眼見好評不絕, 於是包場攪宴會, 去到景觀真的很開揚遠望馬場景,地點在方便的銅鑼灣中心, 食物質素是上佳的.然而令人卻步的是當晚負責的男部長: 由一開始走來介紹的說話態度頑劣, 至全晚全程黑面, 有酒不倒, 問取酒杯又話無及不願意俾, 不只本人自身感覺到, 全晚位位座上客都感受到, 不明白為何男部長全晚煞氣騰騰的: 我們欲叫啤酒,他又極之不情願說"不是您們的", 原因是要仔上來另一層取酒, 取酒杯? 哪有有生意不想做的道理?硬件再好,如軟件是超趕客的話,廚師的手藝再好, 景觀再壯麗也是徒勞, 不會有回頭客。

機緣巧合下嚟咗呢間係28樓嘅餐廳，冇諗過個景可以望到成個馬場🐎呢度夜晚食精緻手工菜，什麼國宴鷄🐔，什麼仙鶴神針🦩，都有得食，不過早兩日預訂黑炭杏汁流沙包奶黃、蛋黃都食過，杏汁流沙都係第一次食，杏汁流沙得嚟都係杰杰地，冇奶黃咁溜。雲吞魚湯米缐魚湯足魚味及胡椒味，雲吞有麵舖嘅質素。當然私房菜嘅價錢喇，服務態度一流，午市都有一大班公司客嚟食飯。座位並唔多，最好先訂位再嚟，再順手訂埋你喜歡嘅特色手工菜。