知魚知樂

营业中

休息中

在這個快節奏的生活中，能夠找到一個讓人放鬆的地方，品嚐美味的食物，實在是種享受。最近我來到了「知魚知樂」，這裡的用餐體驗讓我印象深刻，特別是他們的招牌菜品與飲品。芝滋香芒首先，我點了一杯「芝滋香芒」，可以選擇甜度和冰：半甜、少冰飲品的茶底散發著濃郁的香氣，與新鮮的芒果香氣結合，口感清新，讓人一試成主顧。即使在炎熱的日子裡，這杯飲品也能帶來一絲涼意，十分適合搭配餐點。蒜香酸菜味烤魚接下來，我品嚐了他們的招牌「蒜香酸菜味烤魚」。江團魚，肉質厚實，少骨，口感滑嫩。烤魚的外皮微微焦脆，內裡卻保持著鮮嫩的質感，與蒜香和酸菜的味道相得益彰，讓人一口接一口。小麻小辣的調味恰到好處，不會過於刺激，卻能帶出魚的鮮美。配菜的完美搭配在主菜中，我還特別添加了幾樣配菜：千絲柏葉、鴨血片、萵筍片、蓮藕片和金針菇。這些配菜在口感上形成了絕妙的對比，千絲柏葉的清香與其他配菜的獨特風味交織在一起，讓整道菜更加豐富。鴨血片的滑嫩、萵筍片的爽脆，以及金針菇的鮮香，完美地提升了整體的味覺體驗。「知魚知樂」無疑是一個值得一試的餐廳。這裡的每一道菜品都用心製作，無論是飲品還是主菜，都讓人感受到食材的新鮮與純粹。尤其是那道烤魚，

天氣凍凍哋就想食d 暖粒粒食物就諗起想食烤魚但又唔想返大陸食呢間餐廳就在港鐵大圍站的A出口一直行大約三個短街口就到門口招牌好明顯好易搵的表面睇店舖好細原來有樓上位置算大有5-6 張大枱取咗烤魚，仲有串燒，小食，粉麵都有烤魚口味仲有好多選擇竟然有新鮮蕃茄口味😱蕃茄控嘅我真係走唔甩仲可以選擇麻辣味又有不同辣度魚類有三款選擇(江團魚,黑魚花,清江魚)烤魚✳️鮮茄味烤魚(江團魚)有新鮮蕃茄擺喺面濃底更濃味鍋內有薯仔片，娃娃菜，蓮藕片燒到外脆內嫩魚尾有燒烤過正明✳️宜家叫魚鍋👉🏻送半打烤蠔🎉好正，好新鮮，烤得剛剛好配菜✳️竹笙，萵筍，墨魚丸烤物✳️蒜蓉烤茄子原條茄子上面鋪滿大量既蒜蓉孜然粉香料調味恰到好處串燒✳️ 黑椒鰻魚串外皮酥脆肉質嫩滑飲品✳️檸爆渣男好多不同類飲品選擇D 名又攪笑餐前小食

今日喺大圍食飯想食烤魚，入到舖頭叫咗一個烤魚🐟一啲配料，同埋食烤魚必食嘅甜品紅糖糍粑💕💕🌟椒麻烤魚 👍🏻👍🏻👍🏻👍🏻佢好多款烤魚嘅味道可以選擇，最後我哋揀咗鎮店之寶😆烤魚嚟講我都係鍾意食椒椒麻麻酸酸辣辣，我哋揀咗小辣，所以上到嚟唔算太辣，配料有娃娃菜、金菇、蓮藕、芽菜，我哋自己就加咗萵筍同埋芋絲，由於個湯底都幾惹味👍🏻媽咪就揀咗碗白飯嚟送魚😆我就叫咗個花生醬撈麵😆條魚都幾大條，都幾多肉兩個人食再加埋啲配菜同埋一個飯一個面都好夠飽，不過因為始終係啲嘢味嘅食物，所以都要叫兩杯嘢飲嚟送一送飯。🌟蒜蓉生蠔👍🏻👍🏻👍🏻👍🏻👍🏻👍🏻叫烤魚會送生蠔喺呢排嘅推廣，都有成六隻咁多，都幾抵食，仲要好香嘅蒜蓉味，生蠔味道都幾鮮甜👍🏻呢個好食🤤🌟紅糖糍粑 👍🏻👍🏻👍🏻👍🏻👍🏻唔知點解每次食烤魚，都會叫紅糖糍粑呢個甜品作結😆解一解啱啱嘅辣味，紅糖糍粑炸得啱啱好，外脆內軟，又唔會太甜好有紅糖味💕💕💕嘢飲我哋叫咗一個楊枝甘露，同一個山楂士多啤梨嘅飲品，由於佢個杯係透明嘅，所以影唔到入邊嘅飲品我哋就冇影到啦，但係份量都幾大杯可以掃晒成餐飯，味道都OK 👍🏻

今日去咗大圍嘅知魚知樂食午餐叫咗一碗水煮肥牛米線另外仲叫咗一碗秘製豬軟骨肉醬飯兩個餐都會跟嘢飲，大大杯水果茶，份量十足，但係味道偏淡。水煮肥牛米線張相都見到，超勁麻辣😂有啲配菜唔太食得辣嘅人，應該會食唔到秘製豬軟骨肉醬飯味道唔錯，多肉多汁，飯嘅份量亦都好夠，有生菜作為配菜，成個飯都好健康👍🏼個秘製肉醬少少辣，但係好惹味😛值得推介落單用電話scan QR code，埋單$136服務員都幾好服務！ 下次再嚟！

如果去大圍食厭咗啲文青Cafe可以試吓呢間酸菜魚我見佢門口出面有得就咁買珍珠奶茶，芝芝芒芒，手打檸茶⋯⋯😍距離港鐵站大約5分鐘路程舖面好光猛，一望就望到😁我地兩個人唔敢叫太多嘢所以叫咗兩個串燒（豆皮/雞軟骨）調味適中，唔會太鹹，熱辣辣上碟有大陸風味😍一個皮蛋卷，好似幾特別咁樣，唔係度度都食到😋佢會配一個甜酸汁俾你點嚟食非常之開胃👍🏽之後主菜我地揀咗酸菜魚🐟啲魚片片唒花，爽口彈牙，湯底都好正麻度辣度拿捏得恰到好處食到㷫㷫地叫兩杯手調飲品真係好疏爽我叫左芝芝烏龍😍我覺得驚喜因為喺香港飲嘅芝士奶蓋通常都會係好淡好似忌廉咁但係佢呢間真係又濃又杰仲有芝士嘅鹹香好出色🥳

喺大圍投注站附近有一間外型非常之醒神嘅餐廳，餐廳主打風味，酸菜魚及烤魚等等美食。入到去餐廳，原來餐廳有兩層，而且內部嘅裝修同店外一樣醒神，裝修新淨，非常適合一大班朋友一齊過嚟食。今次係午市過嚟，價錢非常合理，唔使上深圳已經食到地道風味嘅小菜。今日去咗唔同嘅食物同朋友一齊share。酸菜魚米線份量適中，酸菜魚非常之脆身，而且湯底嘅酸菜味十分濃郁。除咗酸菜魚之外亦都有大量嘅配菜例如芽菜， 雲耳等等。另外一到主菜就點咗毛血旺烤盤，大中小辣可以自由選擇，點咗小辣非常，適合唔食得太辣嘅朋友。呢度主食係跟飯嘅，辣汁同埋飯簡直係絕配。小食方面，就點咗串燒鰻魚串同埋轟炸田雞。串燒鰻魚串非常脆身，而且灑上滿滿嘅調味粉同埋孜然粉， 十分有風味。轟炸田雞就令人十分驚喜，喺其他餐廳比較少見嘅菜式，味道其實同小酥肉非常相似，但係就係換上田雞，大家可以過嚟試一試。而呢間餐廳，最驚喜同埋最推介嘅可以話係呢一碟胖胖糍粑。糍粑嘅軟硬非常適中，而且紅糖做到流心嘅效果，當日已經係放咗一陣間先至食呢道菜。原本以為糍粑會凍咗，影響口感同埋流心嘅程度，點知食落去之後糍粑嘅質素仍然保持到，紅糖流心嘅程度依然非常誇張。午市套餐仲要跟

叫左一碗蕃茄鯛魚米線…完全無蕃茄味、又無酸味….連辣味都無！仲有個鴨血有啲腥！！！！然後叫左一碟魚皮，就咁辣椒油撈出黎….食一啖已經成口油！最重要魚皮切到勁幼….幼唔緊要，香港地乜都係細碟上！但完全唔爽口，一放入口淋到爆…好難食大陸野都係留返去大陸食好啲！香港食大陸野得個「伏」字！我未曾試過食頭一兩啖就想去….最後都堅持唔到食唔完就走！

想食烤魚朋友同我講原來唔使去好遠大圍就有間烤魚做得好又正宗好唔錯所以就決定兩個一齊去好好慢慢食去到個環境唔錯，仲有好多唔同嘅醒目字嘅俾大家打卡而佢哋烤魚嘅味道非常之多，仲可以揀唔同嘅魚，但係朋友唔食辣，所以我哋就嗌咗個蕃茄味烤魚烤魚上到非常之大條，仲有新鮮蕃茄擺咗喺面魚炸到脆卜卜但係外脆內嫩收埋個蕃茄汁真係為之精神而且過蕃茄味真係特濃下面仲有呢個豆芽和蘿蔔蓮藕等等配菜因為個湯底太出色，所以我哋加咗生菜，加埋落去我哋叫咗一個凍盤秘製熏蹄燻蹄數量足，而且凍凍地加埋醋食佢哋呢度仲有唔同嘅燒串串烤台灣香腸加咗啲孜然粉上去味道更加香濃最後我仲食咗個涼拌牛肉麵酸酸辣辣嘅麵，再配上大大片嘅牛肉所以話搵香辣嘢食呢間一間店已經可以滿足到蕃茄味嘅烤魚唔錯，我決定下次再去試佢嗰青花椒烤魚

本身同朋友都係住沙田，約咗一齊試吓知魚知樂的烤魚同串燒，餐廳有兩層座位，今次安排坐上層卡位，坐的位置都好寬闊。 餐廳用手機落單，烤魚的湯底有多款，選左蒜香酸菜湯底的烤魚，魚就選咗清江魚。串燒就揀咗燒豆腐皮、台灣腸、牛肉。另外嗌咗黑糖糍粑，飲品就叫咗手打檸檬茶，烤魚份量十足，成條魚都好好肉，仲有大量的蔬菜。總括而言味道不俗，坐上層卡位，每一張枱都有一個呼叫鈴，服務有禮迅速。下次會試埋其他湯底嘅烤魚同埋雞煲，滿足嘅一餐。

今晚收夜同同事係公司附近食飯🤗呢間係大圍站行5分鐘就到既「知魚知樂」餐廳分左兩層🤗牆上好多特色平時晏畫都會嗌下米線食🤣今晚我地就黎食佢新推出既秘制藤椒雞煲🐥除左魚雞仲有重慶串燒☺️今晚我地點了秘制藤椒雞煲用左自家醃料醃到隻雞入哂味🤤肉質緊緻紮實😬鍋上面加入青椒🫑楊蔥🧅及大量藤椒🤤對於好鍾意麻香口感表示好正🤤配料方面點了魔芋絲、豆花、竹笙😊加湯再煲滾後配完全吸收哂湯汁味道😊豆花夠嫩滑☺️炸魚皮亦相當脆口👍小食皮蛋卷好特別🤗外皮用豆腐皮續層續層卷埋中間加左皮蛋😊附帶自家製蒜茸蔥粒醬汁☺️食落幾開胃🤤另外手搖飲品亦係特色之一🤗我地 分別點了西柚汽泡水及滿杯西柚🤩酸酸甜甜解渴又解膩👍依家只要上傳烤魚到社交平台就送手搖飲品一杯🙌另外夜晚9點半後堂食或外賣仲有85折優惠🤗真係好抵食😊

自從開關以來，好多香港人都選擇返內地食嘢，當然我都唔例外😂😂因為內地餐廳性價比實在太高！！但奈何最近我嘅回鄉證過咗期，唯有留港消費，振興經濟🤣🤣🤣今日就嚟到大圍呢間開咗冇耐嘅烤魚店，試一試究竟係香港食烤魚追唔追得上內地嘅水平🤔由於係中午嘅關係，餐廳推出咗一啲一人套餐，因為我諗好少人會喺晏晝選擇同朋友去食一大盤嘅烤魚🤣🤣我同女朋友兩個人去食，首先嗌咗青花椒烤魚套餐，配料加咗腐竹、萵筍同金菇。而餐廳除咗烤魚之外，仲有米線、串燒，同埋涼拌嘅小食，所以我地仲嗌咗一個胡椒豬肚雞湯米線同埋涼拌無骨鳳爪🤤🤤🤤首先個烤魚黎到個份量嚇親我🤯🤯一個人真係爭啲食唔晒，份量冇花冇假，呢個價錢性價比完全係超班，一食落去魚肉非常之鮮嫩，好香嘅青花椒味，而佢嘅汁唔會太鹹，辣度可以調節，非常之送飯😋😋😋隨餐仲附送咗一杯西柚味氣泡水，唔太甜非常解渴🥰🥰另外胡椒豬肚雞湯米線個湯非常之鮮甜，碗米線啲雞多到誇張🤣🤣豬肚都唔錯，唯一美中不足係胡椒味唔夠濃，而個無骨鳳爪配料非常多，鳳爪非常之爽彈，洋蔥有少少辣辣地但同時亦有鮮甜嘅味道，正🤤🤤涼拌麻辣汁食落十分過癮，值得一提我同女朋友坐嘅卡位旁邊有一幅玻璃牆攞嚟影食物相打卡，十分之

今次又再一次試新野，烤魚外賣！ 估吾到而家既外賣做咁好，仲送埋個火俾你😂蒜香酸菜烤魚搭配蒜香和酸菜的調味料。這道菜的特點是魚肉鮮嫩多汁，蒜香和酸菜的風味為整道菜帶來了濃郁的口感和層次。魚肉外皮酥脆，內部保持軟嫩。這道菜適合喜歡濃郁調味和魚肉的人品嚐。魚豆腐魚豆腐能夠充分吸收湯汁的滋味，呈現出柔軟嫩滑的口感。竹筍適合喜歡蔬菜和竹筍的人品嚐。羊肉串和烤雞軟骨串這兩道菜都是經過炭火燒烤，使肉質外酥內嫩，帶有炭烤的香氣。串燒菜品通常搭配特定的調味料或醬汁，使口味更加豐富和美味。這些菜品適合喜歡肉質鮮嫩和炭烤風味的人品嚐。

知魚知樂呢間餐廳嘅裝潢真係獨特，佢嘅牆壁搽咗橙色同綠色，再加埋霓虹燈，營造出一個非常活潑嘅氛圍。我今日試咗佢哋嘅午餐套餐，一人份烤魚。除咗烤魚之外，仲有好多配菜可以揀擇。我揀咗肥牛、牛柏葉、響鈴、竹笙同魔芋絲。烤魚鮮嫩多汁，配菜都好豐富，每樣都有各自嘅風味，令味蕾感到愉悅。除咗午餐套餐之外，我仲試咗佢哋嘅串燒。呢度嘅串燒真係多種多樣，有蜜汁雞中翼、烤鮮魷魚、蒜蓉烤生蠔、黑椒鰻魚串、蒜蓉烤茄子、烤韭菜同烤豆皮。每一款串燒都烤得恰到好處，肉質鮮嫩，魷魚彈牙，而且烤茄子同烤豆皮都有獨特嘅風味。真係一個串燒愛好者嘅天堂。飯後甜品係我食飯後嘅最愛，今日嘅甜品係胖胖糍粑。佢哋嘅糍粑外脆內軟，食落好滋味，令我回味無窮。最後，我嘗試咗佢哋嘅特色飲品，有鴨屎香檸檬茶同西柚汽泡水。鴨屎香檸檬茶帶有一抹特殊嘅香味，清新解渴。西柚汽泡水則帶有微微嘅酸甜味，非常開胃。總括而言，呢間餐廳唔單止有獨特嘅環境，仲有豐富多元嘅菜式。無論係套餐、串燒定甜品同飲品，都能夠滿足到不同口味嘅食客。下次如果你想試吓新鮮有趣嘅美食，記得嚟呢間餐廳一試！

因為之後一日放假，呢日一放工同屋企人出街食飯開心一下😊大圍呢一邊越來越多好野食，呢一間我哋見佢個名都好得意，又未食過，又好少食酸菜魚，所以今晚嚟試吓先我哋約五點幾就晚飯，幸好時間早不用等位我哋按照菜單， step by step 咁樣點我哋嘅晚餐我地選左-江團魚店主要有三款魚選擇，介紹上面寫呢種魚比較鮮味, 所以揀咗呢種另外我哋嗌咗唔辣嘅蒜蓉底（下次有機會再食佢哋真店之寶嘅椒麻😊見到人哋食呢個好似都好吸引） 魚一上枱好香！平時喺屋企驚食魚有骨，嚟到出邊食呢一啲又大又啖啖肉正與感覺勁幸福😊另外，魚嘅外皮烤得口，真係屋企煮唔到我哋額外加咗娃娃菜，菜比較挺身，所以用嚟去吸收魚嘅湯汁好好味之餘又不會淋再點左豆腐，呢啲係比較硬身少少嗰一種，加埋魚一齊食都好好味飲品嘅Menu勁吸引，好多好得意嘅名添佢哋嘅飲品都做得非常優秀！我哋兩個都好鍾意芝士奶蓋嘅鹹鹹香香，我哋叫咗一杯芝滋草莓，一杯芝滋葡萄，兩個都實在好好飲！而且好大杯！芝滋葡萄裏面有粒粒提子肉，係原粒！好驚喜士多啤梨都好好味，配合埋芝士奶蓋係非常之正嘅組合，茶味亦比較突出魚之外我地都叫左胖胖糍粑好香口甜甜地少少鹹熱辣辣好好味！裏面嘅黑糖流心真

餐廳主打四川烤魚、重慶手把串、特色手搖飲品，非常地道。餐廳空間好大，分咗上下兩層，成班friend嚟食烤魚絕對冇問題。適逢新春期間，餐廳每台都會送特色小龍蝦🦞，都有10幾隻，蝦肉實淨，辣辣地，醃得好入味😝仲有蝦條小食，雖然好多味精，但鹹鹹地越食越滋味。每張枱仲送咗一盒新春禮品，入邊係幾粒金莎朱古力，包裝幾特別，好有心思。烤魚有三款魚揀，清江魚、江團魚同海鱸魚，我哋揀咗江團魚，啖啖肉冇乜細骨就，魚肉好滑好嫩。湯底就揀咗剁椒味，聽個名覺得好特別，平時食烤魚都好少有呢款湯底，一於試試佢！湯底酸酸辣辣，好重椒味，酸辣味比例啱啱好，好惹味！我哋仲可以免費揀3種配菜，我哋揀咗娃娃菜、蓮藕、土豆片，份量都唔少，浸住個湯底食越食越滋味。另外叫咗其他火鍋配料，田雞份量好多，啖啖肉，一啲都唔韌。萵筍就好爽口。叫咗杯鴨喜香檸檬茶，同普通檸檬茶唔同，呢杯手搖飲品酸酸甜甜，用咗青檸去沖，好解渴。知魚知樂 📍大圍積信街1-15號瑞豐大樓地下B號舖