石器時代

营业中

休息中

由第一次食到佢嘅豬扒飯，就已經回味無窮。20多年內食盡港九新界所有豬扒😂😂😂我每次都係山長水遠過嚟幫襯🥰 搜數手指已經幫襯咗24年有多🤭吸引我嚟幫襯絕對係因為食物質素🤩從冇一間店，讓你品嚐到鮮嫩多汁中，你會食到蜜糖嘅甜味，加上每片豬扒都係即時新鮮炸出來熱騰騰😍 配上調和的剛剛好嘅芝士白汁，食飯可以配搭菜飯，啲菜煮得剛剛好，唔會淋晒，感覺多一份健康😚正😉 份量非常之足夠，一般女仔真係食唔晒另外要推薦佢嘅紅湯，真係唔錯☺️不過老闆娘嘅真正住家湯，先至係我嘅最愛😻我必定會加錢轉大湯😁 完全冇味精落足料真係好難喺出邊飲到😋配埋凍飲 呢餐只係$62

差唔多兩年冇食過，今個星期六特登入火炭重溫，唔經唔覺已經食左有11年，由沙田商業中心開始光顧，到搬左去依家大排檔果到另外個舖位，再到依家呢個位，除左地點變，跟住時間一齊變仲有價錢，原來已經貴左咁多啦，唯一冇變係味道依然保持住。中午12點半到達好少人得三四枱客，坐低即刻落單，我必食係豬扒，可以配沙律，白飯，菜飯或者意粉，叫左一碟蒜蓉汁豬扒白飯，一碟黑椒汁豬扒菜飯，好快就上碟，是日例湯係粟米雪耳豬骨湯，出去其他茶記食野送嘅例湯我一概唔會飲，最多只會食哂啲湯渣，不過呢到我每次都會湯同渣都清哂嘅，有冇味精我唔識分，但唔似出面果啲得個咸味囉，真係似湯味，到主菜豬扒啦，豬扒唔怕un，而且切左做細細件，我唔鍾意一大塊過好難搞，蒜蓉汁好濃，我覺得食完會口臭好耐~黑椒汁辣辣地好好送飯，今日美中不足係杯凍奶茶，好啖口唔多濃，失手左，不過都唔大影響嘅，下次有機會會再黎食呀

有好多在火炭區工作的人，相信也聽過，甚至食過呢間馳名炸豬扒，在火炭工業區的大排檔中，經營左好多年。沒有裝修，環境不好，衛生亦唔見得乾淨，店員態度極度惡劣，唔休做你生意，會鬧人，與澳洲牛奶公司既店員不相伯仲。但佢既炸豬扒、炸墨魚丸及羅宋湯就非常出名，吸引到一班客繼續支持。豬扒外脆內軟，配菜飯加黑椒汁或蒜蓉汁都好味，轉沙律會另送上碎蛋沙律。大大碗羅宋湯材料好豐富，飲完個湯再食埋湯渣已飽到郁唔到。多人一齊去，佢會按人頭送上一人一粒炸花枝丸

環境不是最重要 辛苦搵來志在食 但店內員工全程黑口黑面 自己跌倒 把碗碟倒到一地都係 還賴到客人身上 說背着她坐的客人坐得太出 (枱位置是店內一早已放好 椅一早是這樣放 ) 自己跣倒 倒瀉一地都係 (店內員工見到此情況 沒有人理會這員工 可想而知這員工為人品格)還說客人用椅腳click 她 還鬧客人遇到這樣的情況 就算食物一流 都影響食欲 何況食物一般 還有人會幫襯這樣的店嗎？相信未食都一肚氣。

火炭站D出口比較方便。大排檔算是清潔因豬扒而來， 睇睇餐牌發現有愛嘅砵酒牛尾。 要一份證豬扒和一個牛尾菜。湯係送嘅。雖然例湯是送的，但味道很好材料充足。牛尾是一個意外驚喜。調味剛好又入味。 牛尾翼炆得很林。平時不愛撈汁也差不多把整碗吃掉！看這”掛柸”現象相信茄膏實力這份煎豬扒也入味。若果喜歡吃香茅豬扒的朋友應該會十分喜愛。豬扒煎得不油膩。看看這碟上的油也算少。

平時見同時叫開外賣, 見幾好味, 於是今次跟佢地去堂食, 原來咁細, 都係叫外賣好D~  豬扒沙律由於同事太快落單, 我都未諗掂食乜, 唯有叫佢最出名的豬扒沙律, 估唔到我係最尾一個先上, 我明白佢塊豬扒係即炸, 但個沙律唔會即整, 都係响雪櫃拎出嚟掛? 但真係等咗超過十分鐘~雖然等得耐, 但都係值得的, 因為塊豬扒熱辣辣, 個沙律有生菜、青瓜、粟米等, 再加埋個千島汁同碎蛋沙律撈埋一齊食, 咁就最正~  竹絲雞湯聽到是日例湯係竹絲雞湯, 即刻要, 仲諗住佢係要咗湯就冇嘢飲, 但原來唔係, 如果叫咗嘢飲, 個湯就係細碗(用飯碗), 否則淨要湯的話, 係用大湯碗, 勁呀~ 好彩佢個湯夠足料又夠味, 似屋企媽媽煲果D, 唔似一般街飲果D例湯咁~雖然個湯係好飲, 但實在太大碗, 好彩今次叫咗沙律食, 如果唔係真係飲唔哂, 嘥咗~

火炭的排檔之中，石器時代算是比較乾淨企理的一間。中午食晏時間，間間都鬼咁多人，行慢一步都沒有位，好彩有人先去霸位，才有餐安樂茶飯食吓。大家都吃沙律，而我就要吃飯，就粟米魚柳飯，應該穩陣吧！可是，我錯了。因為魚柳滑得太假，正確來說是有點鬆散，大概是化學成份太多。阿姐送了一碗炸墨丸給我們吃，試了一粒，又幾香脆彈牙，唔錯喎！凍咖啡較為淡口了一些。

初到貴境的我，很早前已享用過這裡的炸豬扒，皆因這是下午茶必選食物，吃著豬扒同事們就說離開這裡的舊同事都要回來買這個，真的咁厲害!？吃過好幾次都沒有到過食店，今天就和同事行孖必光顧，門口位置正好向後街，是失了先機，所以平時經過都無發覺到。餐廳 feel 的大排檔，環境裝飾有點像餐廳，地方算整潔、有冷氣、還有一級瓦仔砌成的台擺放枱椅，聽聞食店是從商場裡搬遷過來，經營都有一段時間，光顧的人都不少。豬扒沙律餐 $36炸豬扒跟沙律，炸豬扒香口鬆化，醃料應該有薑蓉，味道帶甜，邊吃邊問點樣醃得咁好味既呢？這個炸豬扒可叫火炭"名物"。沙律是生菜、粟米、青瓜、蕃茄，也算新鮮，正好清一清，另上的有沙律碎蛋及自製千島醬汁，看顏色似南乳汁多一點，千島汁無乜酸味，屬偏甜的醬汁。紅酒牛肋肉飯 $35紅酒牛肋肉飯跟了菜飯，菜飯樣子吾係咁吸引，只有數塊菜粒，比較乾身。紅酒牛肋肉燘得夠腍，配料有甘筍洋葱，汁的味道調較得岩岩好，撈汁餸飯，我們兩個把他掃光，哈哈。套餐同時跟例湯及餐飲：例湯薯仔、蕃茄、黃豆、肉片，比一般例水好，有味道不是水還水，渣還渣，但少不免師父。餐飲要檸茶檸水，好飲，靚檸檬！有誠意的大排檔，留意營業時間