石庫門 (已結業)

點解可以咁難食 回鍋肉咸到嘔 小籠包皮厚又無肉汁豆腐湯係滾水加硬豆腐一d味都無 口水雞係咁易加辣油係面,d雞完全無味擔擔麵一入口得啖酸‘叔’味 成餐飯食左幾啖頂唔順仲要價錢唔平!! 未試過食過咁難食咁唔愉快既一餐

外賣一件韮菜煎肉飽，皮厚，肉爛，少餡無肉汁，真係覺得好難食，唯一好處就係價錢平，$7一件，其他食物味道不知如何，但各位慎入...................

在店外看到粢飯配鍋貼和豆漿，覺得挺適合自己的口味，進去試試。二十多元有兩款小食和飲品，個人感到配搭不錯。粢飯的飯黏軟，配菜鹹度適中，份量恰當。鍋貼吃下不乾，皮滑肉味足，豆漿微甜，是好味之作。

我地叫左4樣嘢食：醉雞、上海炒年糕、南翔小籠包同生煎包。醉雞尐肉'鞋圾圾'，就連雞肶肉都一樣'鞋圾圾'，很多血水流出，味道一般。上海炒年糕還可以，味道一般。(嚴)重點在包點：小籠包內沒有湯汁，肉質有點'梅'及散，味道😰，比酒樓的更一般。生煎包內沒有汁，肉質與小籠包一樣，味道😰特別一提，筷子黐納納，仲好似有D紙巾黐係上面⋯😰感覺中伏，結論如題，僅此一次。😞

是咁的！土瓜灣是小妹其中的一個工作地點，最近多了在土瓜灣揾食才發現，原來這小區也有很多食物質素不差的小店，就算隨便入一兩間，我也找到意外的驚喜！今天，讓我碰上了它「石庫門」，人生中一個小悲劇。 其實...我很少寫食評來評論一間食店的食物質素，碰上好吃的我會感恩，並且會從心一口一口咁品嚐美食以示尊重，但...為何要讓我碰上了這間不尊重食物的食店，竟然可以把一碗普通到不可再普通的水餃麵弄得這麼難吃！唉！眼望湯底色水淡如清水，怎料可以這麼鹹！麵身淋其實我接受到的，但請不要漿.....! 還要有濃濃的鹼水味！重點來了，我最珍貴的3粒"雲吞"..., 其實我是叫了一碗水餃麵....."，伙記上麵時叫了一聲"雲吞麵",我望了望向伙記大叔澄清我是要水餃麵的，伙記大叔叫我巢下碗麵，講左聲"喇，咪係水餃麵囉"，我不禁嘩左聲~你變魔術呀？這刻的我感到好無奈，趕住返工的我只有短短45分鐘lunch time,,,真的沒時間再和他理論，唯有一路唱住為何翩翩選中我，一路吃讓這碗難吃的"水吞麵"，一口一粒，鹹到媽媽都唔記得！算吧⋯⋯我不再抱怨了，只怪自己沒上openrice做功課，原來早就有那麼多劣評，我會緊記教

路經土瓜灣諗住同個女食小小嘢，入了這間白眼舖，叫小籠包，蒸餃，牛肉餅，個不知是太子定伙記，聽後企係度問我係咁多嗱，跟住一路行去櫃位一路用佢隻白眼啤住我，再將手上張單掉到櫃位枱面，同櫃位那女人講了句，跟住個櫃位女人就話下午冇呢D嘢食喎，你覺得呢？那對狛眼真係勁。有時D舖頭摺埋唔好淨係怪人加租啦！

年近歲晚，送舊迎新換傢俬，平食女皇的筆者在土瓜灣區搜羅心水傢具多個小時，的確感到勞累，午飯時間當然雀躍，不諳地埗，我們身處北帝街遇到吃上海菜的店子石庫門，實在太合心水，一行4人入內找個好位置吧! 小店格局，一般裝潢但保持一份整潔，店員們全就全程目無表情。小店內有多款菜式，麵食、包餃、經濟客飯以至手功菜蝦子海參、砂鍋大元蹄也有供應款式包羅萬有的餐牌教人心花怒放餐牌共兩頁，麵食、包餃、年糕、砂鍋或鍋巴等，款式琳瑯滿目，小店藏珍令人驚喜，當中印象較深的有想吃需預訂的松子桂花魚、南瓜粒雪和特式小蹄膀，製作倒很認真。邊好奇邊選菜，還是要著較傳統的蔥油餅、小籠包、菜肉鍋貼、糖醋排骨菜飯與上海炒年糕。即叫即煎的蔥油餅新鮮燙口先提提，由於即點叫製關係，食物需等大約10分鐘方上桌，先來的(1) 蔥油餅，厚身非薄脆口味，教母親失望，哈哈，新鮮煎好香噴噴，外層焦黃微脆，麥粉混和蔥粒香氣十分誘人，中心質地濕潤鬆軟，咸味亦適中，有越吃越想多吃的衝動。大大隻小籠包，賣相讓人口水直流，外皮水準平平，其中兩隻夾起已穿一客5隻(2) 南翔小籠包HK$25端來時還冒著煙，熱騰騰的蒸籠內盛著挺身大隻的小籠包，皮厚薄算均稱，

第一次黎食，有唔少吉位。整體感覺 --- D野黎得唔快，上菜時夠哂熱，似即叫即做，味道亦不錯。但是，裝修舊，樓面招呼亦一般，整體而言比不上附近另一間上海菜「外灘」。不過，這裡的優點是，菜色種類似乎較多。點了以下食物:上海粗炒 - 味道好，夠熱，麵味濃 (但同台說是鹼水味...)小籠包 - 味道不錯，也很熱，但出奇的是湯份不多。皮方面明顯較厚，難與外灘,鼎泰豐,利小館,和東海比。咸肉湯 - 砂鍋上，熱度一流，色香味全! 份量大，價錢低!其實，整體而言，真係可以再黎，當家常菜咁食。

一日後，公司啲餸又係咁難食！唉，講多無謂，叫外賣啦：在抽屜發現這張舊外賣紙，打電話去叫盒排骨粗炒，已由$38加到$48，百物騰貴！麵條口感嚥靭，很入味，雲耳及白菜等配料亦不錯；最出色仍是排骨，肉多，骨少，很嫰口的感覺，肉質鮮美！有辣醬附送，但原裝已很夠味，不用加了！鮮豆漿一杯，自家製，豆味香濃！

3個人, 叫了5種食品: 小籠包 ~ 皮又厚又硬, 內饀冇湯汁不提也罷生煎包 ~ 吾熱又吾脆排骨擔擔麵 ~ 排骨=豬扒? 湯底得個咸字上海炒年糕 ~ 無味年糕豆漿 ~ 沒有豆味的糖水無樣好食, 服務態度差, 可以的話會比十個喊!

食時菜炒牛肉飯,時菜當日是通菜,白飯是分開上,但通菜和牛肉超級咸,我一年來唯一一次食倒咁咸的餸.簡直漠視食客的健康,實在太冇良心了,一定不會再次光顧'石庫門',

牛肉餅, 沒有味道, 感覺是在食肉類口感的物體. 小籠包, 皮厚肉沒有味道. 擔擔面, 面太軟湯底難喝.鍋貼, 一般. 雲吞麵, 面糊口, 雲吞求其賣相很差. 水餃麵, 皮很厚而且包不好, 穿了很多個, 味道一般.糖醋魚, 很淡沒有甜與酸. 回鍋肉, 香而且味道不錯. 皮蛋豆腐, 一般. 整體味道不值票價.

因為好想食餡餅, 所以入左去.....錯在無OPRNRICE下先....可能我地係食D 無錢賺既點心....煎餃-心凍, 皮無味返煎唔乾唔脆餡餅-外皮勁厚, 無味,返煎左唔知幾多次...內皮濕腍腍....豬肉完全無味牛肉餅-同上小籠包-一上檯, 即刻唸我係咪哎左雞包仔, 個皮咁厚....咬落去都好, 有2滴汁, D肉又無味銀C卷-最正常....不過唔跟練奶既???唔緊要, 我問你攞...但係你都唔使慳到得2滴啊...追加多少少, 塊面黑到呢我地勉強食晒, 唔想晒野....全部肉都係同一隻, 都係無調味....我寧願食素...如果唔想賣呢D平價點心, 可以唔做架...整到咁鬼難食...真心唔好咁晒左D食材......同行者與我覺得不可一不可再....連相都無影, 好想快D走....

下午茶餐都賴嘢！昨天與同事食飯，因為無乜胃口，所以決定食碗麵。於是決定來這家餐廳。叫咗兩個下午茶餐，一個酸辣麵，另一個擔擔面。雖然價錢唔貴，但係質素比較差。個擔擔面還可以，但是酸辣麵真係酸到爆，好似用滾加醋，我都食咗半碗，但我同事食咗兩啖真係成唔落。好彩有兩杯豆漿餸，飲完豆漿我哋埋單走。以前食過都唔係唔㗎！

係土瓜灣住左兩年呢度已經成為我同屋企人既飯堂仲帶過好多親朋好友來個個都讚不絕口有朋友仲話同上海既味道好似而且款式都好齊全今次食$138二人套餐椒鹽排骨 外脆內軟唔油唔會過咸 最重要係肉多過骨醉雞 酒味濃又入味又有脾又有翼又嫩滑火腿津白 菜甜 火腿既咸香剛剛好酸辣湯 我最愛偏辣 但又唔會無左酸味足料而且大碗 兩個人分 每人有三四碗成個套餐 份量夠兩人食有突其他食過既野有:炒鱔糊 推介!!粗炒 係我食過最好 以前係其他地方食 我都覺得好難食小龍包就一般 皮厚少湯汁平時見佢晚市只係做到一輪生意希望小店能堅持到經營落去