石燒日本料理 (已結業)

在荃灣雖然看似很多食肆,但要找好吃的「日本野」,也沒哪一家。時常行過石燒,也未吃過,便和好朋友來聚一聚。因為book了枱,才可二人能坐卡位。因此我們慢慢的吃了不少東西。胡麻冷豆腐$32,很多胡麻汁,酸酸地,很開胃。焗芝士餃子$38,芝士之外,也不少茄醬。不過不失。辣味煮花螺$48,雖然頗辣,但味濃,幾好吃。芝士咖哩焗三文魚$70,咖哩汁太多,有飯伴吃會更好。三文魚多是骨多肉少部份,無乜肉食。蒲燒鰻魚飯,飯不是珍珠米,鰻魚汁也少,略dry。黃金蟹籽沙律,是信用咭優惠,免費送的。蛋柳&蟹籽極少!若要付錢吃,真蝕了!其實很想試埋壽司,但全程由朋友拍板,無得吃。食物上,只屬平平。

弟二次來石燒開飯，今次就揀左不在Set Lunch 入面的"什錦刺身飯"。可能是需要師父把刺身切片及把熟飯放涼，大概等了15分鐘才上檯一看到個賣相，嘩!!!!!!主要材料包括吞拿魚, 蟹籽, 八爪魚, 鯖魚, 蛋絲, 青瓜及紫菜非常之繽紛，一見已經覺得非常開胃而食材也甚新鮮, 魚沒有根, 其他海鮮也有相當的光澤，相信師父待收到Order後才在雪櫃內把材料取出但需要留意刺身飯不在Set Lunch Menu內，所以飲品要另外計算

門面招牌相比起之前sharp很多呢!! 之前記得招牌個background係灰色,「石燒」2個字係黑色的... 真係好似石頭的顏色..實在唔夠出眾!我點左1客牛肉山賊石燒飯定食 (配前菜,湯)個飯有好多蔥,好大碗!食到最尾有油..正常的~飯的份量的確幾多呢!!牛肉很juisy,半肥半瘦~麵豉湯味道一般,唔會好咸~有4-5粒豆腐,香滑!好熱!又唔會多味精~家姐的麵豉湯仲要開唔到個蓋,可能湯興湯蓋之間的蒸氣太強的關係吧... 真係實到開唔到...唯有叫職員幫手開左佢....前菜 - 很開胃,醃紅蘿蔔,泡菜呢個定食附上一碗 酸味重,辣味輕的醬料~凍檸水凍飲唔駛加錢~冰粒真係幾多.,.下次都係叫少冰為妙....service態度不錯,上菜速度又幾快幾滿意

經過荃灣廣場，見到這間石燒日本料理，不用排隊等位，於是就進去吃晚飯了。石燒飯就在味千拉麵的旁邊，門口很小且不起眼，跟味千是同一個集團。我們坐在近門口的卡位，一坐下就馬上看餐牌點菜，卻發現3款二人套餐都不是太合口味，於是我們叫了一個一人套餐，另外散叫其他食物。套餐B：前菜、麵豉湯、春卷、泡菜豚肉石燒飯春卷春卷皮薄香脆，不油膩，裡面是豬肉菜絲，OK。泡菜豚肉石燒飯泡菜豚肉的份量夠多，石頭鍋熱騰騰，有脆脆的飯焦，好吃。乳酸草莓沙冰韓風辣蝦沙律沙律菜全是紅生菜，醬汁夠，少少辣很開胃，味道OK。蒜片牛肉石燒炒飯炒飯夠香，味道亦夠，蒜片牛肉惹味。整體來說食物是可以的。

睇完戲，就在商場裡頭找食。本想去牛涮鍋打一個消夜邊爐，不過看見門口那埋等吃的人，立即打消了這個念頭，求其搵個地方填飽肚子好了。走進了石燒日本料理，讓朋友選好幾款食物。先來的是辣味煮花螺，螺肉質感總算爽脆，卻並不算很刺激，反而蘿蔔吸收了辣汁，更辣。如果蘿蔔可以稔身一點，就更對辦。野菜牛肉卷是薄薄的牛肉包著大堆的韭菜，韭菜還要凸晒出來，感覺是不修邊幅，加之韭菜是有渣的，這味不合格；牛肉石燒飯熱呼呼的上桌，味道都可以，只好米飯太過的濕。芝士軟殼蟹卷，飯糰握得鬆散，軟殼蟹只脆而缺乏蟹羔，吃起來並不香口，即使外層捲著芝士，亦幫助不大。夜了，星期六仲要返工，早點回家休息，真羨慕上五天班的朋友。

我有留意過以下的食評先係度回覆。我不得不認同平日去食的話, 其實由待應到企係度做魚生個兩位師父, 都會滿帶笑容好輕鬆去服務客人，亦會懂得同客人打交道。不過去到旺的時間，人手的確會有不足的情況。被佢吸引我第一次試石燒料理，主要是我留意到佢有清酒放題，每一個客人只需額外付 $70, 幾乎係任飲... (個 manager 見我飲得少.. 仲話 : 咁慢呀.. 蝕底喎, 可惜我一個人.. 酒量有限.. 淺酌即可)一入去, 我除了即時點清酒，而且叫了一客三文魚拼盤 (特價平廿蚊左右)，鰻魚壽司及牛肉卷九菜首先，三文魚拼盤確實帶出不同的風味出來。先享受四片新鮮的三文魚刺身，新鮮肥美。再慢慢品清酒，感覺真係好銷遙。接著再去食三文魚壽司，飯的醋份量不多，同埋飯比較實。唔似得集團式店舖，一夾即散 (飯)... 輕輕點醬油，一啖又一啖咁放係口度細嚼。好滋味。最後輪到火炙三文魚，他們燒的效果，外面唔會有燒焦或有脆脆地的效果，不過仍做到入口即溶，保持住三文魚鮮味的效果，其實值得一讚。同樣，我叫了的鰻魚壽司，比較厚身，有嚼口，燒汁適中，不會覺得甜或膩。當大家見我讚到天上有.. 地下無的時候，牛肉卷九菜就出事

星期日的晚上, 老婆提議去荃灣廣場的可燒食飯, 因為之前食過一次, 覺得都算滿意. 去到時不單只唔駛等位, 入面仲有大把空枱, 真奇怪, 唔知是不是因為當晚是某劇集大結局的原因, 所以大家都回家去了.由於很肚餓的關係, 所以大家都點了石鍋飯, 分別是上次食過的泡菜豚肉石鍋飯和未試過的蒜片牛肉石鍋飯, 另要了一碟串燒帆立貝. 石鍋飯的飯真的幾好, 啲飯好香, 而且因為個鍋夠熱, 所以有飯焦, 但啲飯焦又唔會太硬, 脆脆哋好好味. 但啲餸就差些少, 豚肉飯同上次一樣, 都是份量極少, 唔多見有. 而牛肉的份量就比較多, 不過老婆說唔夠香味. 而個帆立貝就唔多得, 話係串燒, 但食落唔多太有串燒的味道, 而且唔夠鮮味, 一般啦!食了120多元, 唔可以說太貴, 味道上就可以用過得去形容, 都會再來, 不過唔會經常囉!

上星期六, 因為老婆的同事曾經推介過荃灣廣場的石燒日本料理, 所以去了一試. 雖然是晚餐的時間, 但幸好等位的人並不是太多, 等了5分鐘左右就有位了. 第一次食, 當然是要試試它們的招牌菜式, 我點了泡菜豚肉石燒飯, 而老婆則點了野菜牛肉涮鍋, 因為沒有粉麵跟, 所以另外加了一個淨烏冬. 除主食外, 再要了一碟炸雞軟骨.石燒飯最先來, 放上來時沙沙聲, 証明那個石鍋非常之熱. 泡菜有辣味之餘又不會太過, 非常適合我. 飯夠熱亦夠香, 再加上表面那隻我最愛的太陽蛋, 好味極了! 唯一缺點是豚肉的份量不太多, 似剩泡菜石燒飯多些. 老婆的野菜牛肉涮鍋好抵食, 非常大鍋之餘又多料, 牛肉雖然不是甚麼頂級的貨式, 但肥瘦尚算適中, 不會肥肉多過瘦肉, 除了牛肉之外, 鍋內還有很多其他的日式配料, 非常豐富, 不俗! 即使是加錢的烏冬都幾彈牙, 比起有些所謂的烏冬專門店更出色.炸雞軟骨就比較一般些, 香脆有餘但炸得太久, 而且油份偏多, 雖不致很差, 但唔夠好味.這間店子整體的食物都算唔錯, 但服務就唔多得, 最主要的原因, 是因為人手很明顯嚴重不足, 整間餐廳高級主管連待應都只有幾個人, 之前

睇左食評&同事推介, 大致不錯, 同事又俾左D 感謝祭價惠卷, 星期六就同屋企人揀左食荃灣廣場石燒....有卡位坐,頗為舒適~叫左三文魚刺身, 辣味花螺, 三文魚炒飯, 雜錦魚生飯, 海老冬蔭冷麵(GOOD), 明太子燒雞翼, 鯖魚(GOOD), 豚肉烏冬(COUPON),

由於有時間既關係，所以就同個同學落左荃灣食飯。咁又唔知食咩好，佢就指左黎呢間食。話說都好耐之前黎過呢度試食，唔知今次lunch好唔好食呢？炸雞定食佢地出餐係有個大盆將所有食物裝度，咁樣會有條理。講講個麵豉湯，個味道好濃，好重麵豉味。都算唔錯，而且材料都算幾多，都算幾用心既。之後，就到個炸雞，係新鮮炸既。個雞肉好嫩滑，而且個皮好脆。仲有，個雞肉係有小小味。個味道又有特別，真係幾得意。個飯就無乜特別，但粒粒煙韌已經唔錯啦。整體上都幾好食，食完都好飽啦。凍咖啡咖啡味好濃，真係餐後飲品之選。實有下次既，不過建議佢地既lunch set應該定期更換。咁樣俾個客會有機會再黎食。

我們大概七時許入席,所以不用等=V=我們一行四人坐了一個卡位,那兒的環境很舒適優雅,正是和朋友聊天談精選.食物方面,對得起價錢,不過份量比少,大食的朋友要注意. 門前牌子說光顧滿HKD200 用HSBC card 可以有HKD50 折扣優惠,但你一定要在門口拿那張優惠卡,不然就會像我們那樣,後悔不己-___,-

見佢裝修左，食物好似都唔同晒。黎到石燒一定要試一試呢度O既石燒飯, 如果唔係點似黎過石燒…好! 我叫左我最愛O既三文魚石燒飯， 賣相精美， 超級香口，好好食! 另外三文魚已經切好左一粒粒放向石燒鍋裡面，每食一啖飯都有三文魚香，而且三文魚的份量都算多。 食到最後都唔會有好多油沉底，感覺比較健康! 值得一試！睇睇menu, 發現有唔少新品種壽司，於是點左吞拿魚壽司， 淨係睇賣相已經覺得唔差，壽司飯無咩特別，但夾起黎唔會散開, 食落又唔會太實。 另外, 吞拿魚幾鮮甜，吞拿魚好厚身架, 一啖咬落去啖啖都是肉，吞拿魚陣味幾long lasting, 手勢唔錯！

上網無意中發現滿HKD400 用HSBC card 可以有HKD20 折扣優惠LUNCH 前1小時打電話BOOK 位 不用等位 上菜速度比以前快左好多 抵讚! 食物水準不錯 而且份量十足

由於即日訂位..所以晚上去到唔洗等就可以入去啦....起初比個近門口位我地既..之後幫我地轉左SOFT 櫈過我地坐...舒服D...之後3個人去食..叫左7樣野..味道都唔錯..唯獨個吉列蠔就錯左D...好似唔多夠新鮮...而且咬落去仲有D油既感覺...唔夠乾身....之後仲叫左五色盛合刺身, 芝士年糕, 豚肉泡菜鍋...(不過呢個鍋個味就差D, 比韓國個D鍋仲差DD, 唔多夠味), 之後仲叫左芝士餃子配上DD既蕃茄肉, 好味得黎唔會覺得好膩. 因為大家都知, 餃子煎起黎已經有D油既感覺, 如果再加上CHEESE, 應該會好膩, 不過佢咁既配合係非常之唔錯, 大家可以TRY下, 再叫左芝士軟殼蟹, 咖哩牛肉飯(非常之香, D咖哩合到好處), 炭燒凡立貝(感覺有D乾身, 唔算太好咁)總數: 430左右3個人, 都唔係貴...

大約3、4點時間去到, 唔駛等位...一埋位就叫左個芝士焗餃子、燒帶子, 兩樣都好好食, 特別係燒帶子, 雖然粒帶子燒到好細粒, 不過o的邊位好脆口, 好好食!跟住就叫埋個燒鯖魚、三文魚鍋飯、仲叫埋個辣味花螺....燒鯖魚好好食!!! 超脆, 唔係太腥, 無o羊骨, 就算有骨, o的骨都幾大條, 食起上黎唔會太煩~三文魚鍋飯就不過不失, 都幾好食!辣味花螺呢.....如果你鍾意食廟街超有鍋氣ge花螺, o甘le個就唔係你杯茶.....le個配返清酒黎食, 其實都唔錯, 都有o的氣氛~價錢合理, 但都未算係抵食之選~