石記餐廳 (已結業)

2009年01月27日，13:00初二到太座娘家開年，太座先來杯鴛鴦。太座不甘心用HK$15.-飲杯茶記熱飲，便來份常餐HK$38.-。我卻堅持來杯齋啡齋啡：不夠香濃。(太座我知錯了)蘑菇奄列配多士：奄列祇覺有火腿，蘑菇不突出；多士夠香脆。沙嗲通粉：湯底惹味，有點辣和椰香，對胃口；通粉稍腍魚肉春卷：有魚味、口感好(不會像麵粉一團)豬柳腸：鬆軟有點微辣整體食味不差，但有點偏貴。例如吉例豬扒飯索價HK$55.-，但賣相很好。題外話：當想寫食評時，才知這店劣評奇多好事的我逐一細看，發現名絕大部份劣評，是出自非會員或"一招了"會員老闆呀老闆！你開罪了誰

當日下午, 我跟我男友去呢間''石記''醫下肚, 估唔到有受到d好不公平待遇... 如果你有去過石記的話, 你都知道它們的中文menu 係向張枱既玻璃下. 由於我男友是法國人, 所以佢向店員拿了英文menu. 咁我就叫左杯凍奶茶, 同雪菜肉絲湯米, 而我男朋友叫左個豬排飽, 同埋2杯凍檸茶. 我發現張單d價錢同枱0個個中文menu 既價錢有好大出入... 我仲以為幫我地落單個女侍應寫錯, 咁我同番個女侍應講啦. 我地明明叫左5樣野, 張單有3個items 係$23. 向個menu 明明寫凍奶茶同凍檸茶都係$13 . 點知個女侍應話我地係根住個英文menu 落單, 所以價錢唔同. 果然中文同英文menu價錢品同. 佢仲話雪菜肉絲湯米同豬排飽只係英文menu 先有. 同埋英文menu既食物份量是大d. 我地d野飲和食物根本同其他人客無分別, 隻杯既size 根本全部都一樣. 咁我同佢講我係照中文個menu order，咁佢話佢計番我杯野飲正常價錢＄１３．　但係我男友杯野飲成$23杯．　佢仲覺得係我既問題，　態度極差．　我都唔想再爭論下去，　食到我一肚氣．　比完錢就即走．如果你有Ｄ外國朋

只係黎過石記食早餐, 好普通.佢既A餐有: 鮑魚火腿通粉+煎雙蛋+半份牛油麵包 - 通粉淋左DD, 其他都一般另外再叫左: 午香肉丁煎蛋米粉 - D米粉好碎, 唔得! 食完唔會特別想再黎食囉.唯一可取係杯奶茶都OK啦.

8點半係維園踢完波成班友搵野醫肚.原本想去華姐或大利食碗野,但冇位行下行下見到呢間野冇人,好啦就入去啦.(瀨野嘅開始,通常都係咁情節)入到去,坐低左,睇下餐牌...............43蚊晚餐?????搶錢咩???原本想食白汁雞皇飯,.....冇喎.....好啦,要黑椒牛仔骨飯啦,要西湯,冇喎.......乜鬼都冇嘅你地.........好難搞喎.友人要左菜膽雞飯.......菜心雞姐......點菜膽呀?我個中湯.....好多師傅呀....黑椒牛仔骨飯------飯就大碟,但係牛仔骨就有3-4舊......個汁一味得個辣字....再一次印證黃金時間都有位嘅食店唔慌好野.冇下次

不知所謂﹐ 野食差﹐環景差﹐服務員差 它的 MENU 最好笑﹐都晤知點解有又英又中﹐寫得晤清晤楚落ORDER 0個個好似老板0甘幾人﹐客人問咩晤知﹐落錯晒單﹐出錯又晤認﹐叫佢換過又晤換非常之無禮貌價錢仲好貴﹐還要比錢受人氣:huffy

I have no idea why the write-ups are so negative, cos after 1 year of constant 4 days/week visits to this little restaurant/diner, I have come to the conclusion that given the average price of $70-$100 /person for 3 meat / vegetable dishes, rice and soup, and possibly a drink to go with the meal, it's about the best place around Tin Hau, be the cost just slightly on the high side, except for lunches, which is a paltry $34 incl. of one main rice dish+soup+drink, tasty, ample and of excellent valu

我幫襯過呢間野兩次，但係難食到咁，點解會有第二次呢?因為當日八號風球冇野食，佢獨市咁滯，唯有入去填肚啦，我住樓上近近地，算，我忍你。打風加價都唔怪得佢，咁既天氣仲開舖，但係廿八蚊一碗餐腸麵得一條腸半塊餐肉，唔熱兼無味既湯底同埋兩注麵，無錯，真係兩注，係咪過分咗少少呢。你要收貴少少都無所謂，我都好感恩八號風球竟然仲有得食，但係都俾返少少良心呀，我極度後悔唔去七仔買杯麵加叮叮點心，一定好食過佢。我地全條電氣道既街坊都佢出名曳，非迫不得已都盡量唔會幫襯，在此敬各位來天后食飯既朋友，行多幾步，大把好野你食，你既腳骨力係值得付出，歡迎光臨天后。

上星期五去左天后, 最後行行下黎左呢家叫左三樣野:凍橙檸:見到個個都推介，所以都叫左杯，但係其實只係普通一杯鮮榨橙汁，冇驚喜豬扒湯米:豬扒硬而無味，個湯底亦都冇黎聞味，下品廈門炒米:一啖淡，一啖咸，未抄均就上檯，叉燒超咸，蝦又梅，有驚無喜

行過見到呢間餐廳,賣點係番茄湯底既特餐,好奇之下入去一試.弊!普遍到不得了.湯底稀到爆,只得丁點兒番茄味.朱古力奶好粉又唔夠奶,伙計懶散又無乜禮貌(睇緊既餐牌未問過就拎左去).希望呢間茶餐廳有所改善...

星期六早上八點幾路過此餐廳, 無人喎! 即刻買外賣…有一個中年(五十多歲的阿姐), 不知是否老闆娘”招呼”我地…男友話:”唔該, 要一份腿蛋治, 一份蛋牛治! 佢好惡禁話“要咩話?”我男友已經有點不爽, 都repeat一次, 點知佢淨係比左份腿蛋治. 男友再話要一份蛋牛治, 個女人好大力禁入份蛋牛治, 又好大力禁比我男友…真是xxx !好…忍下…! 食完先算…點知食完先火起, 根本不是很好味, 根本同普通的店鋪質素差不多…為何要忍受她…絶對、一定、肯定、永遠無下次! 各位不值得受氣, 不值得等, 不值得試!

今朝早行開附近搵食, 見到門面ok 就入去一試, 早餐賣到11點半, 我要左個火箭餐(A餐):1) 鮑片火腿通粉: 普通材料,但係湯底應該係由忌廉雞湯開成的! 不過味道太淡，無乜味2) 煎雙蛋: 幾油下，但好在個蛋黃重係生，口感可以3) 牛油方包: 好難會唔好食! 極為普通4) 熱咖啡: 無別特其實只係一個好普通既早餐! 價錢嘗可以接受，但係見佢D出前一丁麵餅就咁放係架上...就算無小強都會有"陳" 啦! 另外見到佢地既火腿通粉，單價要成23蚊，火腿煎蛋要32蚊，真係好嚇人>.<

我叫了通粉早餐.餐包(好硬)通粉(湯太多, 賣相差, 通粉好少, 味道麻麻)蛋ok咖啡(勁難飲, 完全無咖啡味)老公點公仔麵餐.牛肉及公仔麵(味道完全唔掂)不會再幫襯!!!

今日係天后開完會未到12點諗住食埋晏先返工司，起初想去食粉，但去到門口先知開12點半。维 景酒樓又唔知點解好多差人圍住，所以就行左出來搵野食。見呢到好似唔錯，所以就坐低，不過全程都係無人理我。叫左個海南雞飯，包飲品，菜，飯可以要白飯或油飯，$58，好貴。雞係用雞脾，都幾"林"，我要左個油飯，唔香但有用香茅味，而且d飯幾爛下，見唔到完整既一粒粒飯。d醬油只有葱油同辣椒蒜，無黑醬油。葱油只有油味，辣椒蒜就偏酸。唯一覺得唔錯係個凍0茶，都幾有紅茶味。不過，以$58食一餐都唔貴，不過真係唔知點解"口甘"就叫海南雞飯，唔係有雞同加有d雞味既飯就叫海南雞飯，最多都係叫切雞飯。

有次食晚飯,叫左2個小菜+1碟油菜, 無留意張單, 點知食完, 見到碟菜成$38, 有無攪錯, 問佢係米寫錯, 個侍應仲大大聲話:"米同你講左個碟係有機菜,梗係貴d啦!" 喂!你几時有講過!? 我同個friend兩個人4隻耳都無聽到!之後, 我話咩菜咁貴吖, 成$38碟, 你都要特別講清楚, 個侍應重大大聲話講左, 成間餐廳都聽到, 好似揾群眾壓力咁, 等我地收聲, 我地米話算咯, 菜都食左, 你點講都得架啦. 之多以後唔會再黎.

又一個教訓0勒, 不過是給媽媽和細佬的.成日行過, 見佢招牌大大隻字寫住"馳名海南雞飯", 便對呢間餐廳有個印象, 想試下佢有幾咁馳名.入去坐低望MENU, 偏貴喎...0野食都偏大件頭...大約3個食量適中的女仔的份量...再望, 特飲加7蚊, 心諗:"哇!? 咩特飲咁巴閉先~?"原來係檸啡, 檸賓, 窩蛋奶等......當堂灰0左兼滴汗...採用OPEN KITCHEN形式, 但KITCHEN的內部情況有點令人不堪入目...=.=" 見佢一個個乾公仔麵餅在毫無安全措施下放0係架上...實在好擔心小強們會唔會比我們先試味...海南雞飯($58):香茅雞油飯我個人認為是不錯的, 因為不同所認識的雞油飯. 雞油適中, 食到碗底0既時候唔會見到"油塘"這恐怖情況.香茅與椰子芬香撲鼻, 與飯的配搭尚好~雞也不少, 亦唔係上幾篇COMMENT所說的只有雞胸同肥膏~不過, 零雞味是真的, 好彩未食到有雪味~! 雞肉未算十分的嫩滑但又唔會好"鞋", 是可以接受的.常餐($30):蕃茄湯底的米線, 配有2粒潮州魚蛋和炸龍蝦丸; 蘑菰OMELETTE配多士.湯底唔夠酸, 反覺偏甜...蘑菰少得可憐..