碳魚 (已結業)

喺柴灣返工食來食去都係嗰啲嘢，同事就帶我去咗呢一間隱形食堂，佢話以前係夜晚放工嚟食嘅，今日就帶我嚟食午餐餐牌日日都唔同今日叫咗白胡椒雞湯肥牛米線一上菜同事話好似食緊味x拉面咁😂 味道唔錯美中不足嘅地方係米線比較腍身難夾

平安夜訂了乳豬、蕃茄湯江豚魚窩和胡椒雞窩。份量很足，十人吃大家都滿足又滿意。乳豬皮脆炒飯底出乎意料好吃，蕃茄湯略甜但魚很滑配料又多，胡椒雞不辣但香老少咸宜，吃完雞用湯來煮蜆和菜超正。仲要讚包裝，個盆超實淨好用，包裝又骨子！

見到Openrice烤魚有75折優惠券，又係中秋節，就同屋企人黎嘆下。呢次試咗香麻辣，中辣，辣味十足，仲加咗黃金組合（蓮藕、黃豆芽、金針菇）鋪底。條魚幾入味，無細骨。兩個人食一條，啱啱好。服務員態度好好，冇加一服務費，仲可以自帶啤酒。但係，地方較難搵，係警察宿舍入面。見到呢間仲有雞煲，下次都可以試下。

天氣凍凍地個人好懶唔願喐😅，咁啱又有家庭聚會，家中有老人行動不願外出，又多小朋友，唉～好頭痛一大班人都唔知整咩好之時～咁啱收到張外賣傳單，可以有烤鱼外送到家🤩🤩可以煩小D😅🤭抵讚的係包埋餐具，檯布，垃圾袋，湯底亦分開包好，安全到家，我揀左番茄味同麻辣味，從未聽過江豚魚試下喇～估唔到有驚喜😋滑而無碎骨，相比鯇魚更好吃，屋企人亦大讚，好開心～好似有幾個套餐揀～下次屋企人話再聚試埋雞鍋🤭🤭

天氣開始轉冷，最好就是吃一些熱辣辣的食物，經常吃火鍋又單調，這次經過烤鍋店，遠遠已經傳來令人食指大動的香味，吸引我們試試。首先第一步要點鍋底，其實這裏的碳魚是招牌菜，口味非常多，包括有香辣味、香麻辣味、鮮蕃茄味、豆豉味和酸菜味等等，任君選擇。可是，不太吃辣而又想吃雞的二人點了胡椒雞鍋：內阻一隻全雞，size十分大隻，胡椒雞味道非常特別，既然吃到雞的鮮味再加以香濃胡椒點綴，令雞味更出色，配搭一流！鍋底附有豬肚同埋鹹菜，好足料。讚！另外，還點了一些特別的火鍋配料，要介紹的是：炸魚皮：好大碟、好香脆，好好味！👍🏻牛筋丸：有點煙韌、有咬口，牛味濃！建議4人去食最好，可點多款不同種類的食物！下次一定會約朋友們再去！支持！支持！

前排屋企附近有人派宣傳單張單張上面有好吸引嘅火鍋我一望地址原來係屋企附近樓下於是搵日去試吓當日冇特別訂位好彩早左落去walk-in 成功由於當日有小朋友在場於是就點左個蕃茄魚鍋蕃茄味非常濃郁魚肉鮮味幼滑環境平民化有人情味職員亦很有耐性

一家7口book黎呢間食生日飯，因為貪近，而且柴灣真係冇幾間好食，呢間之前試過都唔錯，book左8點，個場都幾full。叫左大邊鯇魚，超大條，好似230左右，我覺得呢個價都抵食既，因為屋企有人唔食得辣，所以叫左番茄味，呢個湯底唔係難食既，我啲小朋友超中意，但我就麻麻，覺得佢既麻辣湯底好味好多，叫左配菜10幾碟，埋單都只係600幾，真心抵，不過記得之前既薯粉好好味，但今次黎食質素差左P.s.叫左佢比啲辣醬我地另點，鼓油加辣椒粒，但完全冇辣味😭😭

柴灣附近要搵一間好野食，困難到極點😂😂😂今天fd介紹，我便亂打亂撞走左去，可能星期日啦，超級勁多人，等左幾個字，點知突然服務員出嚟話所有烤魚沽清，所以我便死死地氣閃人。到第二日就立刻打電話訂枱，終於比我食到喇✌✌✌店舖環境不是很大，所以緊記星期六，日必須要訂位。這店有兩款魚，一是烤鯇魚，有分size。一是烤江團魚，這款魚只有一個size. 而且還有自助點餐，超方便😁而我就試左江團🐠，因為無咁多小刺，一條骨過，肉質又比較滑。不過如果兩個人食就不好叫太多配菜，因為會超飽🤣🤣🤣我們點了江團，一份黃金組合(蓮藕，金針菇，黃豆芽) ，鮮腐竹，🐷皮和薯粉，因為這些都是吸汁好幫手😉點了麻🌶，感覺都幾辣，所以唔食得辣，要諗諗喇。味道很好，配料又充足，啲魚質滾極都唔老，正爆接著隔了一星期又再食，跟住叫少了一款配料，因真是太飽😅不過今次試左一榨竹蔗茅根水，不太甜，又可解熱解暑👍👍👍，而且今次試了那個香辣，這個無麻辣咁辣，所以都ok ，魚還是一樣。所以下次試下鯇魚，可以點多點配料，唔洗次次飽到嘔超級值得食完再食👍👍👍

喺柴灣行行吓見到有個廣告，內𥚃介紹的食物非常吸引，結果忍不住叫了一班好朋友陪我一齊去試吓。地點搵咗好耐原來就係柴灣宿舍裏面，好在一早訂咗枱，結果唔使等就食到。叫咗個香辣味，極之足料，身邊朋友都話超正超辣，而且條魚唔算多骨，大條又多肉，仲可以自己加一啲喜歡食嘅餸菜一同烹煮。估唔到唔使北上都食到呢啲嘅烤魚，而且價錢非常實惠有貼地，相信我會再來光顧的。

呢間餐廳係屋企樓下，以前係一間普通既茶餐廳，大約半年前變身碳魚，多左烤魚食。一直想試，但老公唔食魚，今次女女生日，就約娘家過黎試試。點了番茄味，同胡椒味，剛剛開始食唔太好食，但滾耐d,開始入味，就好食好多。未食過大陸的探魚，無得比較，但妹妹話香港淡味d，大陸濃味d. 條魚幾滑，還可以加入配料，當打邊爐。除了魚外，還可以叫小菜一起食，女女就叫了咕嚕雞球同雞翼。環境就一般，無特別裝修，街坊餐廳，洗手間衛生有待改善，長期濕笠笠狀態，大家成餐飯都儘量忍住唔去廁所。服務方面，可能多客，可以話係無服務可言。最後人均100蚊埋單，唔算貴，星期一至五黎仲會有折，下次可以再黎。

朋友介紹，所以專登同老公過黎試食酸菜烤魚。今日星期日晚飯時間唔算好多人，不用等位，上菜都好快手。今日叫左酸菜烤魚+豬肚丶 萵筍丶薯粉食完魚可以打邊爐，滿心期待，老公最愛食酸菜烤魚。2個人叫左半條魚。唉，點知一試好失望，嘩，個魚湯底偏甜，酸菜無酸味只得甜味😩搞到成條魚都甜哂，明明酸菜烤魚係酸酸辣辣味道。甜到要問侍應攞生抽比我加落去😭勁失望，整體個味都好奇怪，唔會再試烤魚！反而見其他客人點小菜食，感覺好似幾好味。

見成日排隊，好受歡迎咁今日終於試左啦！真係有讚無彈今次試香辣味！好正，條魚又新鮮又滑，一食就知！服務員態度好好，好專業，仲叫我們先食魚皮，話個魚皮好脆好香。食完魚仲可以加配菜烚下烚下。同左幾個朋友過來試，個個都話好味！下次會再來試其他味道。帶埋小朋友過來，老細好好人，仲介紹小朋友食番茄味！價錢適中，無加一服務費，總算比外面便宜的。地鐵站過來要7分鐘，不過都值得一試嘅不過假期一定會排隊，下次一開就過來，唔洗排