碼頭故事 (已搬遷) 新店位置

值得推介之處就係夠新鮮1個月內已經第2次幫襯，平時唔會打得咁密真心好食，佢地d肉類都唔會雪到一舊舊硬哂，唔會夾到燥底先個人介紹滑牛肉必點，肥牛都唔錯仲有其他菜式想食，下次再食再寫食評2個人同3個人去，2次分別都食左$800+，記得有次去，係因為有分時段做折價錢方面，一分錢一分貨啦，偶然一次半次就ok，個人負擔能力有限

突然好想食麻辣火鍋，約阻35知己一齊去食係openrice優惠券到睇下有咩正野，見到呢間可以無限任用$135買到$200既現金券，就決定食呢間啦！！記得留意返條款岩唔岩你用呀！由於有現金券既關係，我都冇理到個價錢去嗌，總之想食就點，我地嗌阻個鴛鴦鍋，淆底驚辣得濟都仲有個唔辣既湯底食下😂😂埋單果陣先知原來一早已經計埋茶+香油碟錢每位$20,因為我見到menu都有個香油碟錢，以為唔用就唔計，原來一早已經計埋，早知用鬼阻佢啦😭😭間野幾好食既，d 材料都好新鮮，2個湯底都好夠味，好惹味，辣得好過隱☺我地4個人食阻差唔多$2000,好彩有現金券，唔係都幾貴下😯😯ps: 呢間既紅糖糍粑係我食過咁多間最好食既

香港越來越多唔同嘅四川麻辣火鍋尖沙咀有新開左一間四川火鍋😍😍🥰叫碼頭故事 主打麻辣火鍋 湯底係牛油為基底 我哋叫咗鴛鴦鍋 拼豬骨湯🤪滑嫩牛肉牛肉片好嫩😇 一碗冰上面鋪滿一片片薄切牛肉 煮1分鐘就食得啦黑毛肚唔拖仲係黑色但係冇染過只需要幾秒就可以食得位次爽脆嘅口感😍黃喉肉質厚身 口感爽口紅糖冰粉有酒糟提子乾山楂等😋 冰冰涼涼 下火同減輕辣度就剛剛好紅糖糍粑超級推介呀 🤩🤩🤩🤩糍粑你外脆內軟入邊你食到一粒粒嘅糯米有黃豆粉同紅糖自己點嚟食

今日係假期嘅前夕，終於可以同啲同事放工之後去食餐好嘅輕鬆下，想試一啲川味嘅火鍋好耐，有冇同事介紹呢間嘅火鍋好地道，所以今日我哋一行四個人就黎到呢度試吓。呢度嘅環境設計得好古色古香，而且座位非常闊落，好適合一班人嚟度傾計，完全唔會好似平時酒樓打邊爐咁聽到隔離枱好嘈嘅對話。由於有個同事唔食得辣，我哋就叫咗個鴛鴦鍋，仲可以根據自己喜好一罐辣油又可以到去自己個碗度調味。由於大家都非常肚餓，所以叫咗好多嘢食，每一樣野都好新鮮，食完好有滿足感！絕對推薦大家嚟衣度食飯！😛😛😛

終於約齊我班豬朋狗友出來聚一聚，咁啱經過尖沙咀碼頭故事餐廳既附近， 即刻傳左好大陣勁香嘅麻辣味，我地見好耐無食辣火鍋啦，就決定入去試下入到去餐廳佈置古色古香，有傳統既木椅同木台，坐底格外有去左四川既味道，碼頭故事既火鍋主打係四川麻辣既味道，食落口既麻香辣味過一陣會有種回甘既味道，點菜時聞到d 味道已經流哂口水。我地最後點左牛油鴛鴦鍋,係麻辣併豬骨湯底。店員推薦必食一米肥牛，一上菜d 牛真係擺設到有一米長咁，好威風哈哈。小食就點左現炸酥肉同炸魚皮，好香口，帶起食慾。火鍋配料有養生黑豆花，出前一丁，羊肉卷，水晶土豆片，午餐肉同油麥茶。最出色既當然係店員介紹既一米肥牛，肉味濃郁有口感。另外佢個土豆片都切到好薄，令麻辣特別入味，本人十分喜歡。總括佢既火鍋配料大大份又有質素，岩哂一班男女老幼一齊去食。最後仲點埋四川火鍋必食甜品紅糖糍粑，入口非常煙煙韌韌，甜甜的為我地今晚既晚餐劃上完美句號。

**碼頭故事**呢度既店鋪裝飾得古色古香,用左傳統既木枱木櫈.而枱既側邊有個架,有熱茶,紙巾同埋調味我同老公點完湯底就諗無豉油既?再問一問店員 佢地好快就拎左 蔥,蒜,莞茜比我地我見枱上面有枝好"杰"既野,就問店員係咩黎佢地話係用黎當豉油嫁, 佢地建議將 蔥+蒜+莞茜+醋+蠔油+油 我地就照足店員咁講黎做 . 都幾特嫁湯底我地要左駌鴦(大骨百味湯鍋+蕃茄鍋)我地唔太肚餓 所以點左好少食物安格斯肥牛 HKD138 - 唔錯,都頗有牛味鮮鴨血 HKD32 - 唔似豬紅咁淥幾淥就散肥鵝腸 HKD98 - 唔會碎濕濕 , 帶有少少肥膏脆肉魚片HKD68 - 無咩骨 . 切得好薄 ,淥幾下就食得西洋菜餃 HKD68 - 有8隻 , 幾好食. 出面少有既款仲見到唔同時段有唔同折扣

初次到來已覺環境不錯。食物質素乜不錯但略覺份量較小。如牛肉，羊肉，脆肉鯇和蔬菜豬肉丸。只可惜餃子類較小。 當晚七時半入席，本應九時半交枱，但說友人前來可否多坐一會，鬍鬚哥哥好有禮貌地解釋同安排多座半小時，事後詢問平時安排也十分友善解釋，已很久無感受到高服務質素。 唯有瑕疵係同被騙是叫第一支藍妹啤酒時， 樽蓋後崩咗都提供給客人，我地當然有要求更換，但也再三催促才有，但找數時忘記查單，結果他們多計一枝，同時，友人坐下並沒有提供茶位也計在單上，感到十分氣憤。也只怪自己沒有查賬單

一直都好想試下呢間「碼頭故事」四川朋友食過都話佢好正宗，所以今日專登拉埋班同事收工出黎尖沙咀品嘗一下。一黎緊係點個最就得人既鴛鴦鍋啦~可一邊辣一邊唔辣，今日就叫左個【大骨百味湯鍋】&【牛油紅鍋】整個紅湯都以牛油調配出黎，所以超香超麻，食落唔係麻到痺又流哂口水個隻服務生仲介紹如果食到一半覺得辣可以加點醋入調味盤中中和返個辣，的確試左真係無咁辣仲好香!!呢個就係調味盤中的秘密【芝麻香油碟】一人一個人人有份，加埋莞西落去仲香仲惹味~【嫩滑牛肉】牛肉厚切大片又鮮嫩一點肥都無，超好食!!份量剛剛好，而且只係$98一碟，平靚正~【獅頭肥鵝腸】$98呢碟係一位同事叫，其實我自己唔太想食，但見到同事食得津津有味，對呢碟野讚不絕口所以我都忍不住試一試，發現原來真係好幾好食，清得乾淨無異味唔肥又超級爽口，口感一點都唔肉酸，未食過既可以一試!!【鮮魷魚片$58】大片又厚片既鮮魷爽口彈牙，加入牛油鍋中真係超惹味!

打邊爐係聚餐既好主題，所以今日同幾個好姊妹一齊黎到尖沙咀呢個「碼頭故事」食正宗既四川火鍋今次幾個姊妹都分別食辣同唔辣，所以今次就點左呢個鴛鴦鍋左邊既係「大骨百味湯鍋」：骨湯奶白色清甜又鮮味右邊既係「牛油紅鍋」：又麻又香又過癮平時一般都會用醬油及辣油調味，但原來正宗既四川食法係調味方面都好講究佢地會先用「芝麻香油碟」再加入蔥花、莞西、蒜蓉再配搭蠔油及醋搭蠔代替醬油，令整個食物帶出更鮮的味道而醋係可以中和麻辣既辣道及無咁熱氣真係打個邊爐都長智識了，服務員好細心又詳細咁講解一次正宗既食法～「安格斯肥牛」＄１３８好有睇頭既肥牛，份量多又厚身，色澤紅潤好新鮮滾起後放入麻辣鍋到吸哂麻辣既精華，又麻又香超惹味口感嫩滑，即使滾耐左放入口都唔鞋口！「脆肉鯇魚片」＄６８一般市面上既脆肉鯇都唔平，呢到既脆肉鯇又多又新鮮，而且口感又脆又爽口～即使滾起後都唔會縮到搵唔到，厚身又大片，放入麻辣湯中超惹味～ 啖啖肉又爽脆既鯇魚片，呢個值得一食～「蝦滑」＄９８好有中國風格，一桶三碌窒得滿滿的，蝦滑彈牙好有口感！放入骨湯中更可帶出鮮蝦的原味道。

故色故香既正煮四川火鍋裝修好靚 好有中國風客棧風格入座後 可以用麻油、醋、香菜、蒜蓉做調料，呢個係四川人食火鍋嘅風格，唔會用豉油。我地揀左鴛鴦湯底 牛油紅鍋 同菌鍋 牛油紅鍋真係好香 但會越食越辣 下次想食蕃茄湯底😍所有嘅菜式擺盤都好靚安格斯肥牛 超好食 薄到岩岩好 所以好入味另外叫左豆皮 、山根、餃子、爽墨魚滑、鮮鴨血、萵筍、紅薯粉。所以配料都好好味。 因為湯底夠濃 所以全部食材都好入味第一次食萵筍切片 真係好好食 鍾意食萵筍嘅朋友必食 另外紅薯粉好煙韌超好味鮮鴨血超滑 厚度岩岩好 而且無鴨騷味最後一定要叫個紅糖糍粑 原本佢話冇 但最後都有整俾我哋 真係好開心 豆粉個紅糖醬真係一流 外脆內軟 仲之呢間野十分推薦 大家可以試試 而且價錢唔貴 而且九點後去食 仲可以7折

一向鐘情於火鍋既我成日都會番大陸打邊爐。但今日朋友話尖沙咀新開左一間正宗麻辣火鍋店，所以就去左試一試。場內環境好寛闊，裝修都好有中國特色。佢原來重有時段優惠。有三個唔同時段有唔同折扣。我同朋友叫左個鴛鴦火鍋-麻辣蕃茄。真係要盛讚一下佢既湯底，十分出色 ！夠味夠濃，平時打邊爐我地都需要醬汁，但食而加湯底完全唔洗！麻辣鍋果然正宗 ，有好重牛油香麻而不太辣，又唔會太油。有時出面食雞煲，麻辣鍋都會覺得好口渴同胃腸有好人負擔，佢完全唔會有！而蕃茄湯更令人有驚喜，我重以為主打麻辣火鍋其他湯底都唔會太好，但蕃茄湯底一啲都唔淡重好夠味！佢地除左湯底出色，打邊爐既食材都好新鮮！試左佢地店推薦既一米牛，好滑牛既油脂分佈得都好平均。而個爽肚出面真係好少食得到 ，夠薄夠脆。五花腩肉味好濃好好味！

開左咁耐先有機會試，不過太餓等唔到9點優惠時段，雖然冇7折但正價其實都唔算貴。店舖裝修都係中國風，員工服務態度唔錯，而且有圍裙提供，唔怕整污糟件衫。湯底揀左鴛鴦，牛油紅鍋+大骨，正方形鍋，每邊都有小筲箕，方便搵返d細件食物。我地2個人只係叫左6樣野都食淨少少，份量係正常架。毛肚必叫一上菜就出曬煙，當然因爲乾冰墊底啦。片片都好大，煮10秒好啦，太耐會韌到食唔到架。配麻辣湯一流！羊肉好大片，雖然唔算好薄但好淋。滑牛份量比預期多，食極都仲有。鴨血薯粉都係間間差唔多。韭菜餃唔錯。萵筍超薄，煮一煮就食得，值得叫！第二次去食用返佢上次埋單送的一張$200優惠卷。不過唔知點解今次牛油紅鍋冇上次咁辣，另一邊湯今次試蕃茄，好似冇豬骨咁重味精味。今次叫左一米肥牛，真係差不多成張檯咁長，影相打卡一流。今次叫少個薯粉就剛剛好所有野食得晒。最後減左錢都有優惠券送。

經朋友介紹之下來到了這間在成都十分有名的火鍋店試一試地道風味，食店在尖沙咀的寶勒巷十分方便離地鐵大約2分鐘適合朋友的聚會.大家都清楚香港是一個的不夜天，在九點後入座有全單七折，要在晏小小大約11點有全單的六折折扣十分之吸引.碼頭故事自家製的麻油十分香濃令各肉類的鮮味提升了不少.手工的西洋菜餃子每一粒也充滿了肉汁，令人再三回味，自己脆肉魚就十分之爽口並沒有半點泥味水準十分之高，提提大家在自家製醬料加上陳醋也是不錯的選擇，至於烏冬也十分之滑身加上美味的蕃茄湯底有少少酸但是十分之開胃.

Sichuan Style🌶🌶🌶 Spicy Hotpot🐽🥘🥢..百年碼頭 壹味相傳。。來自四川成都既正宗麻辣火鍋🥘🌶🌶🌶 裝修古色古香，很有風格。滿有中國風既餐館，感覺正宗傳統 一切都很美好。好吧 今次就讓碼頭哥，教我吃很好吃的火鍋吧❤️。就算唔辣都一樣好味道。ll✨大骨百味湯鍋🥘 Port Bone Soup Pot $118濃濃豬骨湯鍋🐽 豬味濃，加上菌類`配料`紅棗，感覺很滋補。湯鍋呈奶白色感覺很吸引。ll✨安格斯肥牛🐮Angus Beef Fat $138不能不點招牌款式吧，安格斯肥牛🐮 一上桌已經被他吸引。乾冰營造既視覺效果，吃著嘴裡`看在眼內 也是一種享受。ll✨鮮紅薯粉🍜 Sweet Potato Stripe $38四川粉條 紅薯粉 不能不點。粗粉條 加倍煙韌感 吃在口裡 口感加配滿足。很愛煙煙韌韌既口感。晶凝通透既熟粉條，最後也被我吃光光。ll✨竹筒墨魚滑🦑 Fresh Squid $98竹筒盛載既墨魚滑🍡，一羹一羹自己動手刮刮，倍添風味。彈牙既滑類，按自己喜歡既大小 吃在嘴裡特別滿足。ll✨手工青芛片🥗Slices of Green Bamboo $48✨水晶過豆

.無辣不歡的肥安🌶係香港真係好難食到正宗既四川麻辣火鍋😭今日就試下黎自成都既名牌碼頭故事麻辣火鍋🍲.環境同成都既火鍋店一樣裝潢十分中國風🇨🇳但最重要都係味道😋價錢當然唔可以同大陸比🤑人均都$400-$500.湯底點左牛油鍋+大骨百味湯 $138無得揀辣度🤭食落似小辣·唔夠麻唔夠辣但好香😍但重口味既我唔推介百味湯🤭因爲太清淡·可選擇蕃茄🍅或菌湯🍄.•)一米鴨腸 $88招牌的鴨腸長度就夠長啦😍但始終會縮水·味道還是最重要🤭比起鵝腸無咁肥·煮10秒十分爽脆👍🏻.•)一米肥牛 $138睇落夠哂震撼😱份量大約10件脂肪比例更重·但脂肪煮熟後入口唔油膩·好爽口牛味被湯底蓋過🐮鐘意啖啖肉可揀安格斯.•)金牌脆毛肚 $108火鍋必備毛肚🐮一碟份量在香港黎講都算多😏七上八下·大約8-10秒就食得😋口感十分爽口...而且內臟係打邊爐起源時的主要食材🥳.•)金牌牛黃喉 $88比起一般紙咁薄既牛黃喉·呢碟咁厚既黃喉真係第一次食🤩因爲本身無味·所以要煮到吸左啲辣味先好食..口感軟身但好有咬口🤤.•)茴香小油條 $38可愛的外型😍充實的口感·滿滿的澱粉質🤨混合茴香等香料…趁熱時就咁食真係超香😋食到辣既就要浸下麻辣