碼頭故事 (已搬遷) 新店位置

朋友話想食辣,今次就揀咗尖沙咀呢間主打四川麻辣火鍋既碼頭故事。餐廳既裝潢走中國風，比一般既麻辣火鍋店更有格調。😍我哋叫咗個牛油鴛鴦鍋, 分別揀咗個辣嘅牛油紅鍋+唔辣既菌湯鍋。菌湯味道濃郁，牛油紅鍋既辣非常惹味。正！👍醬料有特製既香油, 再可以自由搭配蠔油丶醋丶莞茜丶蔥同埋蒜蓉。香油除左有麻油既香味之外,當你覺得太辣嘅時候仲可以用嚟中和返啲辣味😋餐廳非常貼心，仲有指引教你每樣食物要滾幾耐。主菜當然必食牛！我哋分別叫咗安格斯肥牛同埋嫩滑牛肉。牛肉肉質鮮嫩，肥瘦適中，份量都唔少。性價比超高！🤤🤤脆肉脘魚片新鮮，蝦滑爽滑彈牙，兩樣都係冰住上，唔錯。宜賓小香腸好特別，本來諗住係普通嘅香腸，點知原來係好似臘腸咁既。未試打邊爐食臘腸，食落又唔錯喎。脆炸魚皮係我打邊爐必叫嘅，呢度嘅魚皮脆卜卜又唔會過硬👍🏻另外我哋仲叫咗魚皮餃同三秒海帶芽，水準同份量都ok

一直都好想試吓食碼頭故事，今日終於有機會食到啦。呢度嘅裝修好特別，古色古香咁，好有氣氛。我地揀咗鴛鴦鍋，一邊係店員推介嘅招牌麻辣湯底，另一邊就係菌湯鍋。麻辣湯底真係好香，入面有好多辣椒仔同胡椒，嗰陣辣味好刺激，同普通得個辣字嘅火鍋湯底好唔同，而且越滾越辣，去到最後有一層好厚嘅鮮紅色辣油係面，個人認為呢個湯底真係岩哂中意食辣嘅人。菌湯底就清淡啲，有冬菇同金針菇，可以中和返味道比較濃嘅麻辣湯。嘢食方面我地嗌咗一米肥牛，上枱之後就發現佢真係有一米長，一共有10片肥美嘅牛肉，牛肉味好香，又夠肥，配埋麻辣湯底，好好食。羊肉卷嘅份量都好多，大概有十幾片，賣相好靚，食落好香羊肉味，因為好新鮮，所以就算擺落菌湯底到都唔會有好大陣羶味。獅頭肥鵝腸勁新鮮，每條都帶有少少肥膏，所以食落好有口感，點埋蔥花麻油，真係好正。三秒海帶芽有一大碟，跟指示滾三秒就食得，爽口得黎感覺好健康。值得一提嘅係佢嘅茶係玄米茶，米香好濃，同肥肉好夾，超級解膩。希望下次多啲人黎可以試到多啲菜式啦。

麻辣火鍋係我一年四季都必備~早2日又同朋友去尖沙咀dinner見到呢間碼頭故事決定一試。.佢係四川麻辣火鍋原來正宗既麻辣鍋係配醋食架加上芝麻香油 葱花等配料 好惹味湯底選了牛油紅鍋mix大骨百味湯鍋豬骨湯好香濃 有少少藥材味 好養身點左鵝腸 牛毛肚 牛黃喉 安格斯肥牛等安格斯肥牛超推薦！唔會話好肥 肉質平均下湯煮10多秒倒 呢個同紅鍋比較配！唔會話好辣.鵝腸鮮甜爽滑 帶點肥美毛肚同樣好爽脆 輕灼10秒即可享用.另外點的油麥菜同山藥都不錯山藥可以早少少下湯 淋左就食得👍🏻愛吃四川麻辣鍋的不妨一試。

Went to hotpot in this restaurant yesterday. Was an interesting experience as it was an authentic Sichuan styled hotpot. Very good soup base for the hotpot even though we didn’t choose the Sichuan spicy soup. We were also encouraged to not use soy sauce but rather an oil mixture which was an interesting experience. We order beef which was very tender and a type of noodle that worked very well with the soup. Overall it was a very pleasant dinner.Aside from the beef and noodles we also order a squ

2019年8月28日。尖沙咀。雨。呢日同朋友食生日飯其中一個朋友提議食呢間打邊爐～提提大家：餐廳喺寶勒巷，入咗個商場之後左手邊有上去先會到大門直行去電梯大堂嘅話會由餐廳嘅後門入餐紙有介紹唔同嘅食材要淥幾耐先食～飲品選擇大路，都係罐裝同樽裝飲品～配料非常精彩，首先每人有一罐香油，本來以為辣嘅，但作用似麻油多啲用易拉罐裝住，幾得意然後店員再攞咗三寶（蒜蓉、蔥同芫茜）上枱畀我哋自由混合，自由配搭之後再有呢兩支，醋同蠔油開始見冇豉油覺得有啲奇怪，但係撈完個醬有喜出望外嘅感覺～大骨百味湯鍋，$118因為壽星唔食辣，所以我哋嗌咗豬骨湯底唔錯喎～但有機會會再嚟食辣湯底，因為店員大力推薦～信佢！嫩滑牛肉，$98牛肉味濃，份量以$98來講算多肉質真係幾嫩滑，名乎其實手工餃子，$68有三隻餡可以揀：白菜、韮菜同埋西洋菜～我哋揀咗白菜同西洋菜，兩款都幾好～但記住唔好淥太耐，如果唔係好難夾番佢哋上嚟，哈哈脆炸魚皮，$48魚皮唔算大塊，但勝在完全冇油膱味其他配料未到嘅時候就咁當小食都唔錯～三秒海帶芽，$58呢個睇個名就知唔可以淥太耐淥得耐會消失～～所以一擺落去就撈番上嚟就差唔多喇～非常鍾意海帶獨有嘅鹹味同清爽口

這間四川火鍋店, 正宗傳統的，給這個夏天增添一點滋味，增添一份火熱，四川火鍋湯底越滾味越重，此時這個芝麻油就起到了解辣的作用, 解一解我既SPICY午餐肉比港式午餐肉都爽口彈牙，加上辣味在口腔上來回打滾，那感覺一個字！爽！我喜歡吃有嚼勁點的菜, 就放下去燙幾燙熟了拿上來吃, 爽脆!每塊牛肉色澤都非常的鮮美，有種讓我立馬夾起哪去刷的衝動！, 牛再搭配火鍋專用的芝麻油，吃下去非常的美味，牛肉的鮮嫩再搭配清香的芝麻油，在口中來回翻滾, 心都軟了

好耐無同舊同學食飯，一班同學緊係去打邊爐，講下讀書時候既故事，所以就揀咗依間碼頭故事，餐廳係主打四川麻辣火鍋底，但係我地有D人唔想食辣，所以我地叫左鴛鴦鍋，豬骨湯底同麻辣湯底。湯底好有香好有味，加上自家製麻油，加落火鍋料到一齊食真係唔錯。 火鍋湯底出色，我地叫咗脆炸魚皮、小油條、豬大腸、䳘腸呢d火鍋必點材料都好新鮮，夠香口，夠脆，吸埋湯底簡直食唔停口！ 另外，我地都叫左烏冬、肥牛、餃子同新鮮蔬菜，水準都唔錯，夠份量。可以飲住啤酒同朋友傾計，個dinner好滿足👍🏼👍🏼

碼頭故事位於尖沙咀，幾個人放工約左係度dinner. 初初都係想試一試，食完之後一定再encore!餐廳係主打四川麻辣火鍋底，我地叫左鴛鴦鍋，豬骨湯底同麻辣湯底。湯底好有鮮味，應該唔係味精湯，加上自家製麻油，火鍋料食係上黎特別香。除左火鍋湯底出色，呢度既脆炸魚皮、小油條、豬大腸、䳘腸呢d麻辣火鍋必點材料都好新鮮，好有水準。吸埋湯底簡直一流！另外，我地都叫左烏冬、肥牛、餃子同新鮮蔬菜，水準都唔錯。成餐飯好滿足👍🏼👍🏼下次會再返黎

第3次食喇！🥰我覺得呢個價錢黎講，真係好好食！今次3個女仔去食，叫左豬牛羊3個肉加其他菜丸類，每一樣都好好食，又大份！個鴛鴦鍋我地要辣鍋同埋豬骨，都一樣好好味，不過我就唔食得太辣，我要撈起啲辣椒，之後就啱啱好嚕！😝我最鐘意嘅就係個羊，佢唔太騷又無雪味。仲有個牛都好ok，不過豬就一般了，有軟骨，我就麻麻地嘅。我會得閒就去食，因為佢9點後有全單7折，11點後6折，食左600幾蚊仲送張200蚊coupon，非常抵食啊！🥰🥰🥰

呢日同朋友慶祝生日所以約左朋友響呢間位於尖沙咀嘅火鍋店食晚飯。呢間火鍋店嘅特別之處系可以根據個人口味，調配出充滿四川風味嘅沾醬。調配醬汁嘅材料包括蒜蓉、莞茜、蔥、醋、蠔油同麻油，醬汁酸酸地，好開胃，所以食多多都唔會有飽濟感。湯底方面有辣有唔辣，任君選擇。我地就揀左大骨百味湯鍋。湯底非常濃郁，而且加左蔬菜，感覺一d都唔肥膩。火鍋材料款式多元化，而且價錢相宜，分量都好足！我地order左以下配料：嫩滑牛肉：牛肉味都幾濃，肉質嫩滑。蝦滑同竹筒墨魚滑：爽口彈牙，鮮味！三秒海帶芽：食落滑溜溜，感覺都幾健康～安格斯肥牛：油花分布均勻，食落充滿牛油香。脆炸魚皮：夠脆夠薄身，吸收湯汁之後更加美味！手工青筍片：口感爽脆，味道清甜，但建議唔好煮得太耐，否則會糊掉。時蔬拼盤：種類都幾豐富，有粟米、雲耳、油麥菜、娃娃菜、冬菇、紅蘿蔔等，蔬菜新鮮清甜。西洋菜手工餃子：餡料以西洋菜為主，皮薄餡靚，味道清新！生根：雖然無咩特別，但吸左湯汁真係好好味！金牌脆毛肚：非常爽口，一d都唔硬，好味！不愧系招牌菜之一！除左上述火鍋配料外，我地仲order左小食現炸酥肉！外皮炸得甘香鬆脆，肉又唔會炸得太乾，因為肉上面有一粒粒花椒

今日同朋友黎試成都人氣火鍋「碼頭故事」，聽講係四川有好多分店！所以同一樣嗜辣嘅朋友專程黎一探究竟，餐廳充滿古色古香情懷，由桌椅到食物都充滿四川味道！🤩✨招牌牛油鴛鴦鍋 $138牛油紅鍋配蕃茄鍋。牛油紅鍋鹹辣味平均，不會太麻～蕃茄鍋嘅湯味道適中～✨油碟亦都幾特別，除左基本芝麻香油、莞茜、蔥同蒜外，還有有蠔油、醋！同湯底好夾✨一米鴨腸 $88鴨腸色澤非常新鮮，清洗得好乾淨～好爽好脆口✨安格斯肥牛 $138擺碟好靚，令人賞心悅目，牛肉味濃郁，油花肥美同好腍！✨金牌脆毛肚 $108同樣地都非常新鮮，每塊都好大塊好脆身！但記得唔好淥咁耐，要根據佢餐牌嘅時間、如果唔係就會好靭架啦🤣✨鮮鴨血 $32鴨血好滑冇腥味，同麻辣湯真係絕配！🤩

第一次寫評, 食品唔錯,服務良好友善,上菜速度快,整體印象佳,會再幫襯,唯獨臨到場才通知用餐時間只得二小時,有點趕, 希望店方留意,盡量用餐時間提升到150分鐘,望有待改善.

成都人氣火鍋「碼頭故事」有多達200間分店，半年前殺入尖沙咀。正所謂唔係猛龍唔過江，今晚終於有機會一探究竟。番茄鍋是晚友人喉嚨有一點唔舒服，不宜吃辣。番茄鍋用料十足酸酸甜甜很開胃。一米肥牛以肥牛舖滿一米長碟，最啱打卡用！牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。水滾淥十秒剛剛好食得，口感腍滑。油香、肉味，皆出色。茴香小油條佐酒一流。手工韮菜餃韭菜味香濃，鐘意食韭菜嘅人絕對唔可以錯過。特製魚皮餃唔會淥到甩皮甩骨，包得紮實。餃皮煙韌有彈性。菜心苗蔬菜種類多，而且非常新鮮。

晚上想與朋友吃火鍋，想吃配料比較好的火鍋，所以不去一般光顧的火鍋放放題，經朋友介紹來了這間火鍋店。店舖位置雖然在樓上，但尚算方便，環境也不錯。店舖提供的配料十分新鮮，而同一種肉類的不同選擇也很多，價錢也算合理，算是不錯。值得一提的是火鍋湯底十分出眾，配合著該店自制的麻油，味道上佳，並不像一般火鍋店一般，最終甚麼也只是豉油跟蔥蒜味。

去年跟朋友去咗成都旅行，他的親戚就帶我去食一餐正宗四川的麻辣火鍋，係尖沙咀寶勒巷有間（碼頭故事） 今晚就約埋幾個朋友專誠嚟試吓，飯店地方十分寬敞，裝修也帶著成都老飯店的設計，一邊食的時候，仿似好像身處於成都的感覺。芝麻油、香菜、蒜蓉、醋、的調味料，可混合埋一齊就可以將辣度降低。鴛鴦湯底，一邊是麻辣味道，如怕辣就試另一邊以蕃茄味道。宜賓小香腸，味道就好似我們香港的臘腸，涤左之後仲好有肉香味。鮮魷魚片鮮甜。手工韭菜餃子，韭菜好新鮮味道好香。蝦滑新鮮，爽口彈牙。時菜拼盤，種類十分多。依家仲有特價時段，用這個價錢食到正宗成都麻辣火鍋，真係非常抵。