神戶屋日韓放題

营业中

休息中

今晚約咗朋友去旺角食放題，依家旺角放題比較特別，係一行上去唔似D一般只係食日本放題，上到去唔似一般連鎖日式放題嘅裝修, 佢比較特別, 不單有日本料理餐廳嘅裝修風格，而且加入韓國特色，不斷播K-Pop歌同MV嘅韓國餐廳特色加埋入去，氣氛幾好。講到食物方面，食物種類更多，加入左平時較為少有嘅日式放題熟嘅悉，而刺身方面有海膽食，一般日式放題海膽都係只會係手卷度見到，有時更加冇海膽食物，佢就刺身上埋海膽比你，如加錢更有得食。喺熟食方面，會食到較為特別嘅例如帶子會用辣嘅整法，很惹味，仲有牛百葉整得又淋又爽好好食。嘢飲方面都比較有特色嘅係有好多韓國嘅飲品，其他日式放題係飲唔到嘅，雪糕方面亦都有好多元化，例如食咗個魚餅嘅雪糕，出面都係冇嘅，應該是比較貴的，整體來講值得推介大家去試吓！

今晚去左兆萬中心8樓食放題，呢間都係第1次去，但勁多野食，仲可以打邊爐雞煲等等，上到去，見地方吾算大，都要book住等一陣住，就覺得應該好得了！果然，服務都幾好，會介紹邊d野食是即叫即整嗌我地早少少嗌先，又會整靚靚嘅刺身拼盆比我地，因為係咁，整得好靚，個拼盆仲送左生蠔同海膽啊，質素都吾錯！加錢可以任食生蠔好正！生蠔都好新鮮，洗得好乾淨，欣賞。叫左刺身仲有手卷，有軟殼蟹手卷同三文魚腩手卷，壽司食左花之戀同樣好食，炸物叫左炸雞軟骨，炸牛奶同炸榴槤都吾錯，好食，因為佢上碟熱辣辣，好正！特別d嘅有炒通菜！同麻辣牛柏葉，好爽口辣得夠，好好食啊呢個有驚喜！回本有人參雞油都覺得吾錯！之後本想打邊爐，但太飽了，見其他枱揀湯底打邊爐，食返d暖粒粒又幾好！最後記得要去店問面出面嘅雪櫃拎雪糕，係靚韓國雪櫃嚟，每人只限取1件啊，我同朋友都食左魚餅雪糕，完美一餐！

諗起自己對上一次食放題應該係幾年前，放題梗係要搵間多款式啲嘅神戶屋日韓放題，就算星期六嘅夜晚九點，依然都係爆場呢度嘅飲品先係最驚喜，以往放題通常都係汽水同紙包飲品，呢度有支裝水提供，仲有特別嘅椰汁紅豆冰，咁我同平時茶餐廳嘅味道一樣！椰汁清甜，紅豆好綿密，飲到最後仲淨咗好多紅豆係低刺身盤一上就即刻哇一聲，完全冇諗過個擺盤會咁靚同咁大🥢刺身赤蝦- 好大隻! 咬開仲有蝦膏海膽- 唔腥，而且入口質地綿密，味道濃郁鮮美三文魚- 肉質豐富柔軟，有淡淡的甜味同鮮味，薄切都帶出到三文魚香🥢壽司火炙沙律燒三文魚腩- 沙律醬既酸甜味同三文魚腩有個好既平衡，令整道菜口感更加豐富海膽赤蝦壽司- 海膽既奶油質感同赤蝦既鮮味相得益彰，食落好鮮味🥢炸物韓國蜂蜜芥末炸雞- 蜜糖調味再加上芥末既微辣口感，炸雞外皮炸到酥脆，肉質鮮嫩，配上醬料後，味道更加鮮美韓國炸鮮奶-外層係酥脆的炸麵粉，入面係柔軟既牛奶凝固體，口感柔軟，味道酸酸甜甜，一咬開就係口中融化吉列廣島蠔-炸粉唔厚，肉質柔軟，咬開仲有少少汁流出黎，口感豐富🥢和牛壽喜燒大大塊牛肉覆蓋曬成個鍋，下面有滿滿既蔬菜，牛肉既油脂能夠充分釋放，同蔬菜、醬汁融合，配上蛋黃和日

之前新工人姐姐未到，又要等佢上手先放心外出晚飯～終於等到呢一日啦🥶所以近近地去旺角食放題，放題選擇多可以一次過滿足我多個願望～而家兆萬似乎已經打做成放題中心🤣四層都係日本放題🩷而我哋左揀右揀最終揀去神戶放題🤭有三種不同形式的放題：A:日式放題$269起B: 生蠔海膽放題 $399起C: 是令生猛海鮮任食 $529A餐包括火鍋，揀左壽喜燒，味道不錯比較濃味偏甜👍岩哂我口味前菜刺身拼盤，應有盡有，包括生蠔，海膽，希靈魚，三文魚，牡丹蝦，泰國刺身蝦，甜蝦，帶子，象拔蚌，赤貝，選擇非常多選擇～手卷方面： 三文魚腩手卷亦非常肥美雪糕方面，好多日本，韓國雪糕，而我揀左草苺雪糕糯米糍起身比較好比較煙靭有咬口之後原來仲有Haagen daz 雪糕，呢餐方面滿足～

今日去食中午$339 仲要加1呢個價錢可以食到好多高質既放題比我既體驗係伏中之王普通刺身野，連帶子都冇最高級只係三文魚，連油甘魚都冇收呢個價錢點對得客人去拿野飲，連解茶都冇凍刺身少，熟食款式少你比人食12個鐘都冇用食左個半鐘連諗到有咩可以再食都諗唔到叫個牛肉粒，個味就係豉椒牛肉飯個味其實你地有冇用心去研究下菜式雪糕仲要每人拿一樣仲要唔係名牌清酒都未啖飲其實賺錢要賺得有良心劏左一次客，邊有客再返轉頭第一次打咁多字去評價

兆萬食放題，就間間環境格局差不多…都係咁迫，都預咗嘅，我哋呢啲唔係食環境，所以比較期待食物質素多。長文慎入要開始講喇：無論係3小時$179，定係6小時$269，你都唔會食到呢個價錢。今日雖然母親節假日，話假日+$20，但我入座佢就話係要收$339…任何一個價格上+$20點都唔會係$339掛？擺明劏客咁…fine，因為真係好大雨，唔想再搵就照食，因為都仲期待佢食物同價錢會成正比。咁問佢我經Openrice訂話中午時段就算公眾假期都有95折？又話冇！即係所講嘅優惠乜都冇～到落單，第一round用紙落，因為有啲之後手機落係冇嘅…結果！好基本嘅帶子刺身都話冇！（2點都未夠喎老細？咁仲洗做晚市？）然後另外有一張又係只可點一次嘅，我哋揀左海膽（或生蠔二選一）、同埋雞泡魚乾（或雪糕、清酒三選一）海膽係黎咗但細過我隻手指公，雞泡魚乾呢？雞泡魚乾呢？原來要三催四請先會有嘅？！仲要以為自己食緊豬肉乾添…頂！真心嬲！即係你唔問咪又詐詐諦唔俾你囉～呢啲如果之後仲要食係要收費嘅，咁如果你咁唔想蝕，你就唔好懶大方咁俾人免費揀第一round有得點！把幾火！食放題喎？要乜冇乜呀，一樣半樣都算，但宜家唔係囉！日本芝士年

本身想去大x屋／大x喜，但兩間都勁爆，見附近呢間神戶屋可以訂到8點半，所以試試事隔好多年冇黎兆萬食嘢，以前食過都覺得好伏，但見openrice啲評語都偏正面，加上周圍都好爆，所以決定試試佢訂左8點半，最後話執檯搞到8點9先可以坐底坐底左職員比左幾張紙我地，話會優先處理，其中一張係刺身，我地好肚餓，所以樣樣寫10幾件，結果黎嗰時都係得4至5件左右，玉子寫2就黎4，成件事好似random咁佢鍾意點就點，赤貝馬刀貝又唔見人後期叫嘢要掃qr code，想再加點刺身時，發現係冇帶子刺身，問完職員，夠膽死係得第1rd張紙有帶子，然後qr落單就冇得落，好震驚竟然仲有放題係冇帶子刺身其餘大致點評清酒煮蜆 - 完全冇清酒味，啲蜆又細又奀完全唔新鮮麻辣帆立貝 - 唔夠味粉絲扇貝 - 超級多粉絲，粒扇貝勁細，比例係9 1，整體都係唔夠味牛柏葉 - 完全冇味芝士焗開邊蝦 - 我完全冇諗過黎到竟然係一粒蝦仁埋藏喺芝士堆入面，仲要連𠝹一𠝹開邊嘅誠意都冇，係原隻蝦仁上火鍋料肥牛 - 呢個真係超級恐怖，啲牛一睇就知係啲勁cheap嘅肉，一啲血色都冇，仲要比超大疊，好似想用啲劣肉質飽你咁蜆 - 以為係新鮮沙白，點知係啲

最近好鐘意食放題 今日經開旺角 係兆萬中心睇下有咩好選擇 見到呢間神戶屋除左放題 連韓國料理 涮涮鍋都有一於試下 一黎到先揀左限量既火鍋 揀左四川香辣雞煲 份量唔會話好多 可以淺嘗香香辣辣咁 d 雞仲幾滑 另外一入座就會安排好一份刺身 咩都有 勁豐富 連海膽 同生蠔都有 食左蛋白質都有三成飽 之後仲可以scan qr code 下單 有沙律/前菜 、炸物 、燒物、和食料理 、刺身、壽司、火鍋料、麵類都有 全部都即叫即整 熱辣辣 食到咁上下 呢到有飲品、甜品、雪糕 任拎而最後仲有每人一杯 h/ m 記雪糕杯 呢個價錢黎講都幾抵食

神戶屋日韓放題 旺角前排試咗兆萬嘅神戶屋日韓放題，平日夜晚去餐廳都好爆場😮食物選擇非常多，刺身我哋每樣嗌咗少少，個拼盤砌到好靚，刺身都切到好厚，幾新鮮😋😋另外呢度特別嘅地方係可以打埋邊爐。每台入座嘅時候揀個鍋物，之後可以追加配料。我哋揀咗壽喜燒牛肉鍋，味道都唔錯喎👍🏻牛肉質素唔差。其他食物嘅質素都唔錯，尤其是熟食🤭我哋最鍾意牛柳粒，牛舌同清酒煮蜆😍以呢個價錢嚟講非常抵食，好啱一大班人聚會，唔使煩食乜😜

前排食多左放題，好enjoy係個menu上任點任食，款多量少就可以食好多種菜式。朋友介紹兆萬既神户屋，話呢度啲刺身好新鮮，足以回本，特登lunch唔食飯留肚夜晚食呢餐～一尼就喪點刺身，真係好多選擇～淨係蝦都起碼4款！巨赤蝦刺身最正，大大隻啖啖肉，好鮮味三文魚，帶子呢基本上必叫，夠厚切又鮮甜希靈魚同赤貝都係我最愛之一，一啲腥味都唔會有最驚喜係仲有得叫生蠔同海膽，放題食海膽通常怕會中伏，但竟然好鮮甜，出乎意料好食生蠔雖然唔係話好大隻，但都好漲卜卜好肥美，抵食啊刺身我哋真係瘋狂咁叫，淨係刺身都佔左個胃七成🤭🤭佢仲有期間限定既鍋物三選一，朋友唔食辣就無揀韓式部隊鍋or雞煲，揀左日本壽喜燒，個煲既size都幾大，入面好多料，湯底個味都唔錯另外啲小菜同燒物水準都唔錯，鹹蛋黃金蝦，避風塘一口豆腐最岩我口味，芝麻雞翼外脆內juicy都好食！

今日內地五一長假期第一天，來香港的遊客鋪天蓋地，旺角人潮比肩擦臂，我們也預約了旺角兆萬中心8樓的神戶屋日韓放題，這種套路香港已經有不少，呢要闖出來唔係咁簡單，講真喺兆萬中心有好多選擇，要喺呢一度佔一席位，食物的質素和客人的口碑兩者不可或缺，他今天給我的感覺，質素方面無可挑剔，最先上枱的是牛舌，我的最愛，厚切夠林入味肉🥩汁濃、是我近來食🍽️過質素最高的了，再上來的焗蠔、焗蝦用的是小錫碟子每個獨立盛載，幾有心思，一口一個食起來也方便，而且調味出色.水煮花甲，清甜鮮味，食完兩個濃味換上它，更能突顯花甲的鮮，然後重頭戲來了，一大盤擺設得藝術品般的刺身，上枱的時候只能用震撼來形容了，生蠔、海膽尤其耀眼雖然話香港有好多這類的刺身料理，但其中有海膽有生蠔，實屬罕見，更加上兩者十分之新鮮，可想言之神戶放題係幾咁落本，對得住食客，其實整盤刺身都很高質，牡丹蝦、鮮帶子、三文魚….鮮甜爽脆.怪不得這裏人頭湧湧，相信不少都是回頭客，店員的服務亦都是值得一讚，細心主動親切！

👧🏻 嘩! 好耐都無食過放題了🤣 旺角兆萬中心一向出名多放題食😏 今次同朋友去左食神戶屋日韓放題💁🏻‍♀️-食日式放題一定要食刺食先番本!🍽️刺身全部既刺身都幾新鮮 唔錯👍🏻三文魚呢d係基本野啦🤭 呢度仲有海膽同生蠔食🦪🤤🤤🤤 不過如果想食海膽同生蠔可以另外再加錢 海膽控仲可以加錢要一板 價錢都會比出面就咁叫一板抵好多😏 🍽️壽司/捲物有神戶和牛卷同藍鰭拖羅蓉軍艦🤤兩樣味道都唔錯 唔會太大舊 唔洗驚食完食唔落其他😏🤭🍽️ 炸物/日式料理韓國蜂蜜芥末炸雞🐥既味道都唔錯 蜂蜜芥末醬真係無得輸 另外韓國炸鮮奶都幾特別 同以往食開既一粒粒炸鮮奶唔同 佢係用麵包包住炸的 外脆內軟😆🍽️鍋物第一次見放題既鍋物係咁豐富🤣平時多數都係一細鍋 入面幫你安排曬唔同既配料 但呢度好特別既係 有少少似去左食邊爐放題咁😈 除左可以簡湯底之外 仲有唔同既肉類、丸、菜等唔同既配料比你簡 而選擇都算幾多同豐富👍🏻📍神戶屋日韓放題@旺角西洋菜街1號兆萬中心8樓

51勞動節假期連住3日，當然唔可以浪費時間食食食！今日約左個舊朋友去旺角食放題，又黎到成棟都係餐廳嘅兆萬搵食！我朋友不是特別愛好刺身，好彩依道熟食種類都幾多，照顧倒有唔同口味嘅人～炸物都好多款，最好嘅係全部都燙口，新鮮炸起，非常香脆。我個人推薦吉列廣島蠔、韓國蜂蜜芥末炸雞、避風塘一口豆腐、韓式雞軟骨。除此之外入坐按人數可以點D特別嘅鍋物，我地要左壽喜燒，湯底唔錯，入面有肥牛、金菇、娃娃菜等等。亦可以encore係apps點更多肥牛同其他打邊爐料，我地叫左魚皮、響鈴、生根、魚皮餃，都十分唔錯！一定要讚讚依道嘅生蠔！非常非常新鮮完全係酒店自助餐級數。

呢一日我突然想試吓旺角嘅神戶屋日式放題。我同女朋友約咗晚餐時間，衝到餐廳時已經人滿為患，我地趕緊揾咗一個位坐低。放題開始嘅時候，我哋點咗生刺身。神戶屋嘅刺身選擇好多，尤其係蝦嘅刺身有四種。今次我哋揀嘅拼盤包括海膽、珍寶帶子、蟹柳、鮑片、三文魚、甜蝦、螺肉、生蠔等等，味道同新鮮度都唔錯，令我好中意。尤其係三文魚嘅刺身，肉質細嫩鮮美，好滿意。同其他一般放題比，呢度嘅刺身蝦類都好驚喜，真係值得一試。食完生刺身之後，我哋揀咗熱熟食。呢度嘅壽喜燒鍋味道唔錯，但係食落去略過濃郁，好溫暖。之後再揀咗串燒牛舌同炸物，牛舌燒得香脆，好好味。燒菠蘿香甜焦香，加埋酸酸嘅菠蘿，真係開胃。最後再食咗兩個甜品，一餐食得好飽好滿足。呢度嘅食物量好豐富，價錢又高性價。

今日同朋友嚟呢度食兩小時任食放題，呢度有刺身、壽司、燒物、和食、炸物，真係好多種類❤️呢度嘅刺身好新鮮，三文魚、赤蝦、油甘魚、帶子咬落都好鮮甜，入口即溶。我哋好鍾意食軍艦，蟹籽軍艦、芥辣八爪魚軍艦呢兩款都唔錯。🐟我哋叫咗吉列廣島蠔、避風塘一口豆腐、日式他他醬炸雞件、照燒雞皮，全部咬落都好香脆，雞肉冇雪味，豆腐好滑嫩，蠔都好新鮮大隻。🐓另外，我哋叫咗啲和食，韓式雞軟骨、麻辣小龍蝦、韓式黑毛豬仔脾、海鮮茶碗蒸呢幾款都唔錯，雞軟骨咬落好脆，麻辣小龍蝦肉質好結實，豬仔髀好惹味，茶碗蒸好嫩滑。🤤除此之外，我哋仲叫咗啲燒物，好似蒜蓉粉絲元貝、鹽燒青魚、燒有機菠蘿、川辣三文魚骨腩、鐵板馬拉盞炒通菜，元貝幾新鮮，青魚唔多骨，燒菠蘿好甜，三文魚骨腩辣得來好過癮。😄