神燈海鮮酒家 (V Point)

营业中

休息中

之前喺佐敦分店食過，最近開到去銅鑼灣登龍街，呢間餐廳主打懷舊粵菜‼️行古典風格裝潢，鍾意食中菜嘅朋友可以留意吓🦀糯米炒膏蟹 💰$588用上原隻膏蟹，連埋膏炒埋落糯米度，所以舀起每一啖都有蟹膏，糯米飯食落就會多咗蟹膏嘅味🤩上枱嘅時候夠晒熱，職員會再幫你撈勻啲蟹同糯米飯，建議即刻食，因為糯米飯凍咗就會冇咁好食✨滷水豬生腸 💰$158鍾意食滷水嘅人可以揀呢一款豬生腸，煮得都夠腍，但係又帶爽口，亦都好入味，有甜醬同芥末醬俾你點嚟食❄️涼拌豬腳筋💰$98Q彈Q彈嘅豬腳筋，咬落去係爽口，而且感覺骨膠原滿滿嗰種，夏天食啲涼浸浸嘅前菜，係好唔錯🔥黑松露玻璃燒鵝 💰$238少有見到會用黑松露嚟整燒鵝，唔點醬之前食落都已經食到黑松露嘅味，燒鵝帶脆，肉質都好嫩滑多汁，想試吓就叫個例牌都要試🤩🔥蜜汁燒脆鱔 💰$278鱔係用上蜜汁去燒，面頭會帶點甜，但係燒得啱啱好唔會太乾身，份量適中，大概有8件，一啖食晒好過癮🍀荷香宣威麒麟雞 💰$188出邊少有嘅粵式菜式，荷葉喺底，上面有雞肉火腿冬菇，材料有淡淡嘅荷香味，而且朔晒雞嘅味，連帶火腿同冬菇都好入味，三種配料一次過食晒好滿足

聽朋友說8月內午市點心一律8折，梗係要同同事一齊去食啦！裝修風格古典雅致，入到去好似進入咗古代一樣！🌟櫻花蝦叉燒粒炒飯炒得好香口，啖啖櫻花味道👅真係好好吃！分量又十足大碟！🌟富貴瀨尿蝦餃皮薄多汁，入面真係有瀨尿蝦💗出面真係好少有🌟市橋白賣少見懷舊點心♥️因為係用鯪魚肉包食燒賣嘅形狀！上面仲加上臘腸。味道獨特有風格。🌟魚翅蟹肉灌湯餃真係有大大塊嘅魚翅，湯底好濃厚雞湯味道。性價比高，必叫之選！🌟蛋黃千層糕層次分明嘅鹹蛋黃加上黃豆！味道唔係太甜啱啱好～

❤️‍🔥 = 極度推介的單品✌🏻黑松露玻璃燒鵝1/4隻 ❤️‍🔥濃雞湯脆米海皇粒粒泡飯糯米炒膏蟹蜜汁脆燒鱔 ❤️‍🔥滷水豬生腸 ❤️‍🔥涼拌豬腳筋🔸神燈海鮮酒家算係本人中菜go-to-place之一，之前係得佐敦店，但啱啱喺銅鑼灣開咗間新店，裝修再靚咗，環境好靚，服務又好貼心，食飯都特別開心😍🔸首先黑松露玻璃燒鵝真係正到瘋！鵝皮係全黑，因為同黑松露完美結合咗，脆卜卜，肉質嫩滑，加埋黑松露嘅香味，真係一試就愛上🥳🔸濃雞湯脆米海皇粒粒泡飯係用咗濃郁嘅雞湯做底，配埋海鮮飯，然後自己加脆米入去，口感層次一流！另一道主食糯米炒膏蟹都好有驚喜，糯米吸哂蟹膏嘅鮮味，但唔會油膩，配上全隻蟹咁食係好正斗😎🔸皇牌推介仲有蜜汁脆燒鱔，外皮酥脆，入面肉質鮮美，蜜汁甜度啱啱好，真心食到停唔到❤️‍🔥🔸另外好想推介滷水豬生腸，本身唔係特別鍾意食豬生腸，但呢度嘅滷水入味，生腸又彈牙，完全無異味😃真係要讚師傅嘅功力；涼拌豬腳筋就係清新嘅前菜，豬腳筋爽口，又有啲清新嘅麻香調味，好醒胃🤙🏻

燒汁芥末大尾魷$138涼拌豬腳筋$98黑松露玻璃燒鵝$238蜜椒金薯牛肝連$198好味指數：😋😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️💁🏼‍♀️神燈佐敦分店去過數次，食物水準高。有日經過銅鑼灣登龍街，發現新開了分店，就去試試。質素與佐敦分店同樣高。銅鑼灣分店比佐敦分店舒適，檯與檯之間距離較多，而且有卡位。今次就試了4款食物。首次嚐試豬腳筋，Q彈有嚼勁，有點麻香味，微凍，是一個非常好的夏天開胃菜。用甜甜鹹鹹的燒汁及刺激的芥末汁烹調的魷魚🦑鬚鮮嫩又彈牙，送啤酒🍻一流。黑松露玻璃燒鵝皮燒得酥脆。燒鵝不會太肥，肉嫩又沒有羶味。黑松露汁濃郁，和燒鵝出奇地夾！蜜椒金薯牛肝連量多，夠鑊氣。薯仔🥔每粒都沾滿蜜糖和黑椒粒，外面微脆，好香口。牛肝連即封門柳，比起一般的牛柳粒，牛肝連肉質更柔嫩，一點也不鞋口或韌。神燈海鮮酒家，不論那一間分店，食物質素也不會令我失望。

在佐敦的超人氣粵菜酒家「神燈海鮮酒家」已經幫襯過無數次，最近仲喺銅鑼灣登龍街開咗新分店，地方比佐敦店更大，港島之友以後就有口福，嚟到當然一定要食佢哋嘅店舖名物，糯米炒膏蟹、黑松露玻璃燒鵝、即燒乳豬、蜜汁脆燒鱔等等多款佳餚今日就相約到兩位朋友嚟一齊朝聖，我哋三個都係糯米蟹之友，三個人更加可以品嚐多啲美食😋▪️糯米炒膏蟹 $ 588水準依舊高質，一打開煲蓋熱辣辣咋咋聲，新鮮滾熱辣嘅糯米炒糕蟹出場，神燈堅持生米炒成熟飯，糯米炒得乾爽，粒粒分明且軟硬適中，配合超巨型嘅膏蟹，蟹鉗和蟹身勁厚肉和好多蟹膏，糯米飯更加粒粒沾上金黃色的蟹膏，味道甘香又惹味，食到最底仲有糯米飯焦，無敵美味▪️黑松露玻璃燒鵝 $ 238燒鵝皮黑蚊蚊，燒鵝以黑松露及秘製醬料把鵝醃好，經風乾後再即叫即燒，外皮超香脆，濃濃黑松露味道，肉質有鮮嫩又多汁，醬汁加入了黑松露煉製的酸梅醬汁，同時另有利用鵝肉的精華而調成的醬汁，兩種滋味▪️滷水豬生腸 $ 158懷舊經典菜式，要做得好味並唔簡單，而家唔係好多地方都有得食，這裏生腸非常入味，充滿滷水香，口感爽脆彈牙，沾上甜醬和芥辣，就是最傳統的美味▪️涼拌豬腳筋 $ 98第一次食呢一個涼拌小食，豬腳

神燈海鮮酒家屹立佐敦多年，主打懷舊粵菜，配合江南風味的裝修。有很多懷舊的菜式，例如焗魚腸、金錢雞等等備受港人所愛，如果離開香港多年一定好掛住這些手工菜式，適逢分店於八月頭在銅鑼灣新開業，點都要捧場一下。先來幾款懷舊前菜涼拌豬腳筋 ($98) 和滷水豬生腸 ($158)涼拌豬腳筋清爽可口，絕對唔難咬開，配以萵筍夏天食非常合時! 滷水生腸食落清爽無味!黑松露玻璃燒鵝 ($238) 玻璃燒鵝的皮呈黑色，幾特別！燒鵝燒得晶瑩剔透。不過肉質偏肥，但油香十足。蜜汁脆燒鱔($278)鱔片厚切後，用蜜糖烤完之後啖啖肉!主菜糯米炒膏蟹($588)炒膏蟹肉質鮮甜，勁大隻！將蟹膏拆出後，配以糯米飯炒得粒粒分明，非常乾身。上枱嘅時候簡直令人食指大動！蜜椒金薯牛肝連 ($198)這一道幾乎大排檔必有的小菜，用上的牛肉叫「牛肝連」。原來是腹部邊的肋脊附近肉，只有5%，相當矜貴。肉質食落肉味香濃！薯仔經過炸香之後，甜甜地，充分吸收了黑椒的香味。蟹肉菠菜豆腐盒($128)另外一款手工小菜，男朋友好鍾意！秘訣把菠菜混入豆腐後炸香，面頭再有一個用蟹肉造成的芡汁。食返個清淡又不失邪惡嘅菜式！總括而言，呢一間新分店都冇令人失