神虎麺商店

营业中

休息中

住係大角咀都幾開心，因為有幾間拉面店係附近，今次都第3次食嫁啦食lunch最好就係唔使點等位，入到去次次都係坐bar台，因為感覺好似日本feel d牙嗎之後就寫紙仔落單，如果叫埋小食就真係好飽，所以食個面都ok嫁啦例排我都係食神虎個拉面，同行既肥熊都係鐘情沾面。今次都係第3次食，水準一路都keep到！可能係日本人搞既關係，有個份堅持怪。個湯底我次次都飲哂，過左個幾鐘都唔口渴，所以我次次都飲哂佢如果食個面加埋個湯真係堅飽嫁！！！

今日難得可以2個人拍下拖 , 就揀左近近地屋企既呢一間拉麵店因為我地曾經講過 , 要試云曬香港既拉麵店其實呢間就係上次經過見到有間新開的 , 所以就今次過來試下~我就叫左個''黑虎'' (黑蒜拉麵) $93 , 男朋友就叫左''神虎拉麵'' (佢食完話係豬骨湯底) $98再加多客神虎餃子(5件) $42說真的 , 吃完真的非常飽....唔係話佢碗麵大份 , 算係正常拉麵份量男朋友仲話好細碗炸wo .... (可能係我細食啦~)黑虎既湯底係比神虎既重味 味道較咸 , 但我就覺得黑虎比較岩我口味但2碗湯底來講都好正 , 由於男朋友對於味精係較敏感~佢食完都唔覺得口乾 , 所以就算係無乜味精啦~而我最欣賞既係佢塊叉燒 真係好正 , 又好嫰又好咬口 真係好yummy如果可以 , 下次可以試下佢個''海老虎'' (即係櫻花蝦湯底) , 聽講係香港限定的

這次介紹的是來自大阪的過江龍神虎麺商店🍜 聽聞主要原材料均由日本本店提供，而本店製作的叉燒原料則選用西班牙空運到港的豚肉，並堅持每日新鮮製作😉.神虎精選神虎精選配料有木耳、洋蔥、味付溏心蛋，湯底是用上白白的豚骨湯，入口唔咸，反而很有豚骨味，一點都不油膩👍🏻當然還不少得他們的西班牙豚肉，入口嫩滑，肉味香濃😋而他們的手打肉丸，師傅用新鮮豬肉製成，入口彈牙😋最後他們的拉麵硬度適中，掛湯力高，整體不錯😋.辛辣大豆芽菜口感爽脆，麻油味濃，還帶點辛辣感🌶

本身諗住食餃子，點知冇開，就是佢對面嗰間神虎拉麵店舖空間好大，唔會人貼人，拉麵店來講算坐得還可以本身諗住食神虎（$98）加荀（$10），見神虎精選（$128）多$20有荀有多塊叉燒，感覺抵食啲就揀呢個個湯好濃豬骨味，唔錯厚叉燒整得好淋又入味，荀就正正常常不過份都幾多如果要彈就彈佢個面底，好普通嘅拉麵面底，食唔到麥香味淨係得浸鹼水味，日本過江龍來講應該算唔合格可能香港搵好食嘅拉麵貨唔容易啦，如果面底改善到就大大加分

本身唔食蛋，好開心有拉麵店唔係所有拉麵都要跟蛋，因為好多時會就咁浪費咗。冇蛋又加上香港限定，就叫咗碗海虎老。湯沒有好濃厚，沒有好張口，但就好濃味，應該講係好咸，我本身都食得味濃。餸係肉丸，叫做特別啲囉，唔洗次次都係叉燒，味道都可以。木耳係原片，呢樣就唔鍾意，都係切條好食，攪到好似屋企自己煮，唔好食得嚟，冇哂feel。另外加咗筍，平時淨係食日本筍，汗淨得嚟唔會有陣臭味，佢就未至於臭，但就好多渣。作為拉麵店真係唔應該，第一次食唔哂。味道呢家嘢見仁見智，又或者係當日失準。最令我受唔到係抽風，我直頭油焗到醃眼，要不停飲冰水先抖到氣。呢碗麵有啲捱食。

-{大角咀魚介沾麵🍜}又黎大角咀食拉麵😚今次依間係分店黎 總店係灣仔 嗌左沾麵食🤓🤤神虎沾麵🤤 ($116)要左300g同熱嘅魚介湯湯嘅鹹香味較重 適合重口味人士 麵好夠彈 會掛湯~湯入面有2粒叉燒加筍 仲有2片叉燒就乾柴啲 沾啲湯汁食會好d☺️最後隻蛋 係神級好味😍😆蛋味勁香濃完全冇腥味 個蛋好滑又流心好正😝👖褲評: 8.8/10成個麵都好正 尤其隻蛋🥰😍但定價有啲貴😭同埋等野食嘅時間耐啲👀性價比: 8/10服務: 8.3/10環境: 8.2/10🚩神虎麺商店🚩地址: 大角咀埃華街74號大同新邨大成樓地舖灣仔大王東街6-16號安東大廈地舖

之前有晚嚟大角咀已經想試，但無位唯有放棄呢日lunch終於食到喇~#海老虎 +辣醬 🦐(其實有好幾款都想試，但今次試咗呢個先)個湯底真係食得到蝦味，而且都幾濃麵上面仲堆滿櫻花蝦麵質無得揀軟硬，但食落我覺得恰到好處，適中至於其他配料都表現正常，無咩特別，可惜佢原配無溏心蛋(嗰個加錢要嘅"辣醬"真係好愚蠢😂)#炸三文魚塊 🐟嚿三文魚本身係幾好食，不過個炸粉太厚雖然表面炸得好脆，但中間仲有層好厚嘅粉，搞到嚿嘢食落個口感都唔似三文魚肉😂總括而言，拉麵係唔錯，會再嚟試吓其他款式🤤

🍽 神虎麺商店 (大角咀)大角咀埃華街74號大同新邨大成樓地舖神虎麺商店 (灣仔)灣仔大王東街6-16號安東大廈地舖🐽今次黎到大角咀呢間拉麵店！主要就係想試下傳說香港拉麵界最好食嘅日式炸雞！大家有睇開我嘅拉麵食評都知🐽好鍾意食日式炸雞，而呢度嘅炸雞果然有返兩道板斧，炸得香脆多汁！可惜嘅係拉麵嘅水準真是一般般！黑虎 $98（🧡🧡🧡）最基本的拉麵只有肉丸、木耳、薄叉燒及蔥等配菜，這次另加了$10的味付荀。這個價錢來說配菜略少，唔太抵食。配菜表現正常，手打肉丸帶有薑味，但口感不夠彈牙。叉燒肥瘦均勻，肉質還算鮮嫩可口。湯底黑蒜味不濃，但黑蒜油令豬骨湯的醇厚香濃帶上一些苦澀味，而且略咸🥲麵條粗度適中、微曲，不算太掛湯。神虎精選 $124 (🧡🧡🧡🤍)​ 精選拉麵係代表全部拉麵配料都會包含哂係呢碗拉麵入面，而當中比較突出嘅就係果舊肥肥嘅豚腩肉！經過炙燒後嘅肥豬肉，每口都充滿油脂香氣！而其餘嘅配料則表現平平，而神虎湯底則為最基本的豬骨湯，飲落是濃厚嘅豬骨味，但味道層次不足，亦冇加入魚介以提高鮮味，水準比較普通。炸雞 $48（🧡🧡🧡🧡）一路聽講係拉麵界最好食的炸雞，果然名不虛傳！首先係4件都大大舊！外

放工黎到神虎，諗住快快手食個好味嘅拉麵就返屋企。我地Order了兩個拉麵，可能人客太多嘅關係，都等咗大概15分鐘先有得食。兩款拉麵湯底還可以，但只有一塊叉燒同兩粒肉丸，拉麵既份量都好少，唔係好夠飽。🌟神虎拉麵 $98🌟黑虎拉麵 $93

大角咀其實都幾多嘢食，今次搵咗間食沾麵嘅舖頭，入面仲有日本師傅坐鎮😍😍佢係水準出式既魚介湯沾麵.味道,價錢都好好..湯底夠濃夠香，係好重嘅魚介湯味，但又唔會好鹹。神虎沾麵有配瘦叉燒,但瘦叉燒驚喜唔大.反而加配既肥叉燒卻係超級好味!!燒過既肥肉好香,而肉質超腍超嫩.加配價係$48，超級建議加配！！.以佢嘅麵質就係粗身曲麵，好掛到汁，有得揀200g同300g.正常份量200g已經夠晒.神虎沾麵 $116

神虎我一直都想試好耐見到唔少網民都話好食 但其他分店有啲遠 就一直都未有幸試到知到佢係大角咀開左 梗係要去試下啦-門口好有日本feel 好日式 連內部裝潢都係好日式 好似真係黎左日本咁❤️我就試左 香港限定既口味—海老虎係蝦味噌呀❤️❤️❤️聽到個名都覺得正-⭐️海老虎 $92 +蛋$12哇 好多蝦仔 份量多到嚇親蝦味噌湯好香好濃 好正仲有塊好大片既叉燒 但叉燒就鞋左少少拉麵入面仲有2粒豬肉丸 有驚喜！又幾好食配料木耳有陣好香既芝麻油味 又爽口又好食我另外加左隻蛋 連隻蛋都好高質 係有味蛋黎❤️$12總對值呀 隻蛋黃又大又香 好正😋-整體黎講我比5⭐️真係好好食呀😋❤️❤️❤️❤️一定會再返轉頭食呀

想食拉麵，見網上推薦神虎麵商店。復活節期間去大角咀分店，7點左右到埗，不用等。海老虎🐯- 豚骨湯底加蝦味，加了很多櫻花蝦，味道很濃，湯底有似酒店龍蝦湯味道。雖然相片像是量不多，但其實麵量足夠，配料有肉丸和叉燒，糖心蛋是另外加的，整體來說好吃。黑虎精選 - 黑蒜油湯底，味濃但偏鹹，精選的配料亦較多，比普通多了筍、紫菜、味蛋和燒豬腩肉，燒豬腩肉很膩。很飽。炸雞 - $48份量很多，有五件，大大件！而且即叫即炸，夠熱，但不好的是很油膩，廚師沒有把多餘的油隔掉。整體來說不錯，湯底很夠濃，而且份量也多。我們兩人吃，每人一碗麵加炸雞，絕對是叫多了。吃完大概8時多，見要等位了。不知是否湯太濃，吃完後超口渴。

今日同吖女去吃拉麵，試下呢間“神虎”！但個人口味覺得唔係甘好吃，唔知。係咪我唔識點！湯底好濃，濃得來膩架，我order左餃子，炸雞，同辣豆芽，（都唔錯）我諗住唔夠吃加左面底，我話加上去碗麵到，佢提議不如分開上，咪上咯，但原先碗湯底好少，另上一碗齋麵都唔夠湯乾真真點吃，叫佢加多點湯竟然話無得加有無搞錯，我分左比吖女碗麵到都唔夠湯，（我還在我女碗麵加熱水諗住溝稀d唔使甘幹，）我叫我朋友倒d湯比我（如果唔加麵湯底係夠架）但吃唔曬，諗住比吖女打包回家夜點吃，佢竟然話唔可以打包！

神虎麵商店終於黎九龍區開分店，之前食過灣仔店，香港食到唔膩但濃味豚骨湯底好難得！我覺得係香港好食拉麵店之一！每個月都會有特別款式拉麵，得閒留意下社交平台的每月推介！今個月大角咀分店係秘製醬油拉麵！醬油湯底唔咸濃味！豚骨湯底超濃味但飲湯底唔會覺得肥膩同好油！海老虎湯底都係超濃味！識食一定揀咩料都有齊ge拉麵！厚叉燒薄叉燒都燒得剛剛好! 肉汁肉嫩配合得剛剛好！湯底同叉燒先係拉麵店靈魂！炸雞炸得香脆內裡又嫩又juicy！

聽朋友介紹，大角咀有間新開拉麵店試業中，一段時間無食拉麵嘅我就慕名而來（一段時間=1個月）😂店裡面好多博多字眼，其實係大阪過江龍，新店唔算好大，但光線充足，廚房由日本師傅坐鎮，除左門口花牌，陸陸續續都有客人送上賀禮。坐低點左個人氣之選，神虎之選，Kamitora Ramen Speical，一碗熱辣辣拉麵一陣間就送到我面前，豚腩肉好大塊，又厚切，啱曬食肉獸嘅人，另外仲配有豚肩肉，豚肉丸，講起肉丸算特別，因為我真係第一次食拉麵會有肉丸跟，但味道係好食的，感覺係手打，塊厚切豚腩肉都唔會好肥，亦都唔會好瘦。個湯底啱我飲，我係重口味之人，成碗湯都比我飲曬，掛湯夠濃，事後唔會特別口渴，如果個麵再幼啲就好啦，整體來講唔錯😋