祥景茶餐廳 (已結業)

區內街坊一定對於呢間老牌茶餐廳唔陌生，所以每到食飯時間都迫到水洩不通。午餐菜單只得兩款選擇，另外再加個中式午餐，見好耐無食星洲炒米，所以毫不猶豫就點咗。話說我同待應講炒辣d，個待應話幫我寫低，唔確定師傅會唔會幫手，睇黎師傅先係話事人，當然待應事先有同顧客溝通，而唔係打死狗講價，值得一讚的！呢度既星洲炒米都相當多火腿絲，亦是我鍾意食既其中一個因素。感覺鑊氣唔太夠，但今時今日無咩邊間店係炒得好夠鑊氣米粉夠乾身，已經止住難食既關口，加上無太多奇怪配料，所以都過得去了。我試過其他店既星米竟然有青豆，唔知係咩玩法！！

好耐無番泥屯門啦，泥到良景當然要去祥景茶餐廳啦！雖然良景商場變左好多，餐廳都變大左，位置唔同左，但食物質素依舊！侍應哥哥姐姐都無乜轉！一入門口有把厚實又熟悉嘅聲音問幾多位呀？打左個突，但隨即暖入心頭。來一份午餐沙嗲牛肉麵 火腿奄列 熱奶茶 ☕️ 是常識吧！上菜速度快 食品熱辣辣 味道一流 侍應態度好。 再來一份焗芝士火腿雜菌意粉。味道唔太咸芝士味濃 現在既茶餐廳好少做到呢種味道啦！仲有新鮮出爐蛋撻麵包，真係好懷舊！希望呢間餐廳一直好生意 再存活多個年頭啦

久違的祥景午餐！這間茶餐廳在良景商場，差不多20多年先搬舖超過兩次，到今時今日位置。唯一不變的，是這裏的沙嗲牛肉及奶茶。平日午市有兩大選擇，第一中式午餐，第二是日快餐，中式午餐大概有四款選擇，以快餐每日則是不同的。今天叫了快餐，熟客教路，快餐可以轉咖喱汁的，祥景的咖喱汁非常好吃😋。平日的粟米餐湯非常水旺旺，但今天出奇地好喝，咖喱汁配牛扒飯，薄薄的牛扒襯上咖喱牛腩用的咖喱汁，絕配，$44食到這個價錢非常開心🥳最後一定要配凍奶茶多奶，這裏的奶茶茶底很豐富，配上多奶口感想到另一個層次，非常推薦大家。

是日晚餐叫咗咕嚕肉，好多係肥肉，完全不能入口，仲有魚香茄子魚柳，好咸食完飲咗好多水，最後叫杯凍檸茶，叫咗小冰，但係嚟到半杯冰，同佢講想換過一杯，佢話半柸冰就係已經少冰，即係唔叫少冰就會係一柸冰，已冇下次

聽聞祥景係商場裝修前已經屹立係呢條邨，午飯時間去到都要等幾個位先入得。門外有大大個Mon展示是日午餐可惜我都唔太啱食，唯有叫常餐！沙嗲牛肉意粉配火腿奄列沙嗲牛肉意粉都幾濃味，正常肉量，唔錯！火腿奄列其實愈來愈少餐廳有供應，可能工序繁多吧？呢度的火腿奄列炒得幾好，隻蛋唔會過濃，夠嫩口。

好少黎屯門依個地方，得1個鐘食飯時間，求其揀間茶餐廳，環境都乾淨，都唔算好迫。一除口罩就聞到焗蛋撻果陣香味，我地忍唔住即刻黎左件蛋撻，個蛋撻係曲奇皮，正😋蛋撻都係曲奇皮正，個蛋好飽滿，唔錯。黎既時候配左隻匙羹仔，可以慢慢畢黎食😋嗌左XO醬海鮮炒飯同乾炒肥牛炒烏冬，好夠鑊氣同夠味。不過呢，果個乾炒肥牛炒烏冬搭左個芥末醬，有d奇怪，攞左個肥牛黎點，我地都覺得好似唔係好夾咁，都係平時食開豆瓣醬或者辣醬好味好多。

"祥景喎, 唔使寫食評呀嘛!"係, 呢間1989年開既老字號茶記, 良景邊有人唔識呀！轉左個位置之後第一次黎, 餐廳大左又闊落左。不過唔知係咪真係大左, 伙記講野叫餐都大大聲, 叫到我都有D震左。 冇事既習慣左就得。門口依然有麵飽櫃。午市時間長期有人等位入座, 絕對係附近街坊既食堂。常餐, 餐包就係提子甜餐飽。銀芽三絲炒麵, 火腿絲同叉燒絲其實真係唔夾...唔係星洲炒米呀, 唔好咁樣啦😢 唔好夾硬加多野做大雜燴...不過諗諗肉絲貴...明既明既...咁大碟先50蚊!其實真係唔使寫, 將呢度做開飯堂既食客一定會繼續食, 其他人又唔會特登上黎openrice下先食一間茶餐廳。不過見到有兩三個便服既後生員工, 唔知係咪太子仔。希望太子仔見到, 做好D. 清潔服務都有改善空間, 價錢份量都好好架啦, 街坊係需要呢種市井又貼地既茶餐廳做長期飯堂💪 加油

10/12下午來到趕時間的關係吃了個快餐，磨菇忌廉湯，洋蔥雞扒飯，上菜很快，落單後三分鐘有得吃，先說忌廉湯，全個餐最夠熱，磨菇片只有兩小塊，👎洋蔥雞扒飯，洋蔥汁㣲暖，雞扒只有常溫，飯也不熱，吃完這個飯，你不會覺得令身體有暖的感覺。順道一提，收集下欄餐具的車仔和給予客人的茶水放得很近，又沒有摭檔，只要樓面的沒為意，污糟的水就會彈落去客人飲用的水裡🤮🤮，呢間餐廳我由中學時代開始到現在也有30多年😕⋯⋯希望有心人見到吧

下午茶時間，嘆番個下午茶係週末嘅活動跟餐配嘢飲，當中紅豆冰偏甜。叫咗鹹牛肉焗厚多士，我以為會似三文治咁，其次望落有啲少，連埋紅豆冰要$37又好似有啲貴...多士係正嘅，夠熱，上面啲料夠重味所以幾夾，但上面多啲料會更滿足，依家係偏淡。福建炒飯連熱央先$43，絕對令食上面果個餐嘅人有少少心理唔平衡呢個飯正常發揮，都算足料。後黎見有新鮮出爐蛋撻，心動地試一個。五蚊新鮮出爐加堂食都幾可以接受。夠哂熱，略嫌皮厚，但係整體相當唔錯

有時好累也懶得煮飯，好多時會幫襯附出面餐廳，祥景D野出名大份抵食，特別係佢D黑白奶茶，超讚! 今晚叫了椒鹽骨飯，呢度出晒名好多捧場客食呢款招牌，原因係D椒鹽骨整得夠惹味又多汁，又有辣椒香和辣，又有D洋蔥炒過係上面，D椒鹽豉汁撈飯真係食上癮。另外叫了個金針雲耳雞煲，都好大煲，又好多金枝和雲耳，雞肉的醬汁好惹咪味，入晒味嗰隻，但煮得老咗D，D肉有D鞋咗，但D伴菜金針雲耳夠多，好好食，但美中不足，多咗D油，少油健康會更好，抵食有湯有飯，街坊野，都唔差。

住得喺良景村附近嘅人，都一定會知道呢一間餐廳——祥景茶餐廳。我由未搬鋪位嗰間開始已經食起，食到夥計都差唔多認到我禁制，但自從同搬咗舖位之後就少食咗好多，一黎比舊鋪貴咗少少，二黎良景都開始有其他餐廳選擇，但間唔中都會去懷緬一下。今日都係食早餐，叫咗早餐B-沙嗲牛肉麵，加雜菇牛肉通流心太陽蛋加上硬度適中的光身麵，真係勁好味雜菇牛肉通啲牛肉同埋菇都係煮得啱啱好。我個人就鍾意食方麵多啲，如果你地都鍾意，係可以換㗎，只係今次我唔記得餐飲係茶走，茶底本身好好，所以一定唔會難飲，大力推薦啊！👍🏻👍🏻住附近嘅朋友，可以一試！

熱奶茶+沙嗲牛肉麵=Good morning!🔆🔆🔆呢個早餐真係由91年食到而家，搬走左都會羅羅攣返黎食!食的未必係味道，而係人情味!一行入去，講聲照舊，就可以呯呯聲有野食😂😂😂😂

中午時分同小朋友到祥景食下午茶 叫左沙嗲牛肉麵 味道正常。 但最大問題係服務態度惡劣。入座時個個當你透明。唔想帶位 特別收銀個個女人。十問九唔應。 收錢時 問多句都唔得。黑口黑面不會再來。 很差的餐廳只會接受講國語的客人

祥景雖然搬遷左好耐，但係今次都係搬遷後第一次食，真係久違既味道！見到好多熟口熟面既待應，同埋賣個個麵包位都係好似，仲有新鮮出爐既蛋撻！一拎出黎勁香～裝修變得好開揚，成個場都好光，比人一種好精神既感覺！燈光比舊舖好好多！叫左個扎肉湯檬$40扎肉分量好多，湯檬剪碎左再上，係以前既味道！好好味，扎肉唔會有怪味！另一個叫左香茅雞中翼湯檬 $40雞中翼炸得香口，調味又夠！咬落去出曬煙，好味！個湯仲有的炸蔥蒜，令到個味好特別～係久違既味道！餐飲叫左凍檸茶同凍檸水，無乜特別，係檸檬夠香～雖搬左第二個位置，但味道依然無變～Keep到個水準！！不錯！

他们在屯門良景邨已开了很久，出品一向用心，而且出餐又夠快。他们的沙嗲牛肉公仔面十分好味，汁料调配得宜，牛肉嫩滑入味，公仔面又夠爽口，每次我都会吃。而且他们自家製的面包亦相当美味，出爐时熱辣辣，十分软熟。我特別喜欢雞批，外皮酥脆，馅料可口。那里的老闆又非常好人品，待人亲切有礼。