祥景茶餐廳 (已結業)

細細個已經同媽咪嚟呢到食嘢，到中學放lunch有時都會嚟食😛同男朋友都超愛食沙牛麵，我就覺得屯門嚟講祥景係最好食😎佢地仲有自家出爐嘅新鮮麵包同蛋撻😚聽到啲姐姐嗌👩🏻:叉燒包出爐 真係好熱鬧🤣Btw屯門友有冇其他地方推介🤤?常餐#沙嗲牛肉麵 ($38)😋好味指數：(7.5/10)配牛油方包 火腿奄列我就中意加一蚊烘底🤣沙嗲夠濃，牛肉幾淋份量又ok😍加埋杯凍奶茶真係好滿足😙.⭐溫馨小提示📌供應時間11:00-17:30

今日去左屯門揾幾個朋友，傾下2019有咩大計咁，其實就大家都冇乜人生目標，只係一齊打下機，玩下board game咁，玩到7,8點，班人就話肚餓，話想食野，又唔想叫外賣，仲話帶我食一間出哂名既茶餐廳，黎屯門一定要食咁喎。我地行左黎良景商場，附近有良景輕鐵站，巴士站咁，交通方便。茶餐廳就係商場既4樓，姐係惠康果層，黎到門口，都要等下位喎，不過唔係等得好耐，大約15分鐘。我叫左個焗粟米石斑意，多汁，嫩滑，正！

由細食到大，中學時期每星期總有一餐食佢，每次坐低都唔洗諗食咩，「沙嗲牛麵，熱檸茶！」呢間開左起碼十幾廿年，自我有記憶開始，就一直存在，一班uncle侍應都一直keep住爽手，好少會見到咁積極既員工，平時出去食野，d啊姐做又36唔做又36，但呢度就冇呢d事發生過。曾經有一排商場裝修，迫使祥景要停業搬舖裝修，重光果日，我既fb ig滿滿都係沙嗲牛麵既相沙嗲味濃，牛肉肉質鮮美好吃，炒蛋又夠滑，建議沾d沙嗲汁，一齊放入口，不得了！杯檸茶，係我媽媽最愛，呢度係用左幾隻唔同既茶沖出黎，有獨特既配方，會令人上癮既配方。講起又想食了，，不過訓多陣先。。

回到兒時住過的良景，好多野已經變哂。唯有不變就係祥景茶餐廳。星期日既下午全場爆滿，甚至開始要等位，好在黎得早，有個卡位坐下。友人推薦必試沙嗲牛肉公仔麵既午餐。而亦有d茶餐廳午餐之選。牛肉腍、醬入味、麵剛好。沙嗲汁撈埋d公仔麵湯真係一流，不禁都飲多幾啖！跟餐仲要面包同炒蛋。面包係提子包有d特別。杯鴛鴦夠濃，奶茶咖啡配得剛剛好。特別要求要茄子排骨飯，餐牌無既，但待應哥哥都特別寫比我地，茄子同排骨都超多，夠味又唔太咸，好正！特別一提，祥景有自己既飽點部，好多特別/懷舊包點。岩岩好食完有新鮮出爐蛋撻，就算好飽都要整返件啊！曲奇餅底，蛋又夠香，$5@1！

香港地依家真係好難搵到一間有新鮮麵包出爐既茶餐廳～猶幸祥景係領滙化（or領展）之後仍然堅持下去✊🏻。個人最愛佢既茶餐，傳統既沙嗲牛肉麵配埋個新鮮出爐既餐包仔。另外，下午茶餐入面既菠蘿油同豬扒包都好鬼正👍🏻～一定要試😋

以前差不多一放假就會去食！而家己經不是以前的味道！人流都是以前一樣咁多人！見咁耐無黎，突然好想食常餐，餐包如果熱返DD,會好味D！火腿奄列，剛剛好，唔會太熟熱咖啡，無乜特別，都ok 既沙嗲牛肉麵，牛肉唔會煮得太老，肉質嫩滑！

住在屯門這個純住宅區附近的人都知道，這間餐廳開了很長的日子了，陪伴大家成長，很有人情味。現在裝修後重開，環境的確比以前好，食物質素差不多，但小時候喜歡的沙嗲牛肉公仔麵的味道卻有點不同了，個人比較懷念從前的口感，大家不妨比較下！

昨晚同家人去祥景食晚飯, 一見到佢 d  晚市套餐直係貴到嘔, 盛惠 71 元, 早兩星期去過 68 元已經吾抵, 仲加到 71 元,  魚香茄子煲......蝦仁炒蛋, 好多呢d晚市套餐既餸都煮定一大盤，　有客叫就裝一碟裝一煲，　吾係即叫即整（我指開始執食材去煮），　煮定晒收 71 元，　即叫即煮收都勉強 ok，　食物味道比之前差左, 冇下次

卒之找到了，原來搬了附近鋪位，今早，再試我慣常的早餐，餐蛋治，熱啡，熱啡先來到，好香，口感好。跟著，三文治到，整份三文治是凍的，我估計，餐肉及炒蛋都是整定，最犀利是片麵包，是正常厚度的一半，可能，他自己有出麵包，所以，將方包特別切薄些。以這附近的茶記計，他的三文治是貴及失色，這份早餐$30，其他的茶記都不用這價錢。新裝修完，羊毛出自羊身上...

祥景再開返，唔係淨係得一個名借屍還魂， 佢真係請返曬以前嘅伙記， 著返以前嘅制服， 但無論佢裝修點變， 始終最印象深刻以前嘅門口嘅金魚。菜甫豬肉炒飯， 上枱嘅時候仲係熱辣辣， 每口炒飯都滿是蛋香， 本身已經好好食 ，菜甫又唔會太重口味， 加入吊味嘅香蔥再炒香，好味。西蘭花炒牛肉，西蘭花夠爽， 牛肉都住得淋， 是能夠咀嚼的那一種。 並且唔會因為雪藏冇曬啲肉味 ，而且食唔出雪藏味。本身叫咗 薑蔥霸王雞， 最後出現咗沙薑雞， 自身都冇為意， 直至侍應發現上錯咗， 先驚覺，係喎，錯咗。 但因為已經食咗幾嚿， 就同佢講冇所謂啦， 阿叔都同我哋講唔好意思。 但沙薑都唔錯呀， 隻雞都幾滑吖。最後用一杯熱飲作結， 佢就係唂咕喇。 香港行兩步就一間茶餐廳， 但已經唔係咁多餐廳有唂咕飲， 雖然有啲似熱朱古力， 但因為用水沖可可粉， 有一種苦苦哋嘅味道， 咁樣先係正宗。 有得再飲唂咕， 有種見番老朋友嘅感覺。 或者侍應叔叔都有呢種感覺， 用一種好有共鳴嘅態度， 再送上呢杯熱飲。 熱飲套餐小菜加九蚊， 但真係真心抵飲， 非常之大杯。最後當然唔能夠錯過門口嘅點心酥餅， 但叔叔話佢自己唔記得啲酥餅幾多錢個， 叫我

中午時份和老婆來到我們摰愛的飯堂 - 祥景茶餐廳，這天人頭湧湧，等候了10分鐘才可就座位，可見這餐廳之人氣。沙嗲牛肉麵賣相已很吸睛，牛肉嫩滑，有陣陣沙嗲香。公仔麵軟硬適中，是我最愛的味道。火腿奄列厚厚的蛋汁，包裏著一片片火腿，口感豐富，蛋味都散發出來。提子包很香軟，真材實料，有粒粒提子，味道香甜。雞翼檬粉雞翼新鮮即炸，外皮炸得香脆，肉質嫩滑。檬粉也很爽口，很有越式風味。吃飽後我們都很感足，下次必定再來光顧。

一朝早起身忙忙忙跑嚟跑去買貓貓用品, 去到4點先食第一餐聽人講祥景茶餐廳馳名沙嗲牛面, 就叫左佢個茶餐試下。沙嗲牛幾好味, 啲肉幾淋調味都做得幾好。公仔面軟硬度都岩岩好。至於個火腿奄列略蛋嘅部份嫌有點兒淡, 加埋火腿食就好味少少。唔算特別好食。雖然唔可以話食過翻尋味, 但總括而言作為一個茶餐都算咁上下啦~

/VS 超群椰撻💓新寵兒<祥景茶餐廳>💛椰撻($5)▪️☝️懷舊茶餐廳餅櫃🤤🤤祥景係良景係老店，商場翻新左，餐廳都跟住裝修，但我一直無試過佢d糕餅撻😍發展新大陸！-係隔離飲完茶，食完一籠麻蓉包都仲食得落，就知有幾好食🤤-就咁睇真係以為唔係曲奇皮，但原來係🤤開心死我，仲唔即買番個先😎新鮮出爐就唔算架la，所以都有晒心理準備🙂✔️曲奇皮係帶點懷舊餅舖，有點酥脆嘅口感，同琴日食過超群個種鬆化不同，但同樣係鬆脆🤤皮比超群薄一點-✔️椰蓉層就係平時講，偏鮮黃色個種🤔我懷疑依種有落椰漿先咁黃？富椰香好多🙊-✔️口感相比無超群咁濕潤，但都ok鬆軟，而且椰絲份量比超群多，食到勁多一絲絲嘅椰絲😋-✔️味道有少少甜，表面烘烤過嘅焦椰香好正😍仲有糖漬櫻桃🍒....#wwhkfood #uhkfood #hkfoodies #eater #hkig #hkeat #hkfood #hkfoodie #foodie #foodies #foodiehk #foodieshk #instafood #foodielife #food #foodstagram #foodlover #foodpics #hkf

今年超強颱風【天鴿】來襲！當大家聽到將會掛8 及10號風球，會有一日打風假，當然開心得不亦樂乎！前一晚，跟好幾位好姊妹一起食晚飯，當大家知道翌日會放打風假，也食得特別開懷又不用擔心明天返工要趕著回家！當我返到屋企，見到媽咪及細佬仍在看飲食節目！我發現飯枱上有個 <祥景茶餐廳> 的紅色餅盒！ 還以為細佬又是買了蛋撻！媽咪話我知，原來他買了忌廉筒！最近，看電視節目也介紹過灣仔 <快樂餅店> 的奶油筒！不過，我們尚未有機會買來試，難得他在屯門良景商場見到，就買下來！得知今日會打風，我無較鬧鐘，今朝睡到自然醒，就簡單食忌廉筒做早餐！忌廉筒簡單造型卻不失特色！看似一個螺，內裡滿載軟滑微甜的奶油，就算放了整晚無放雪櫃，千層酥的外層依然鬆脆略帶硬脆！卻是我們一家也覺得酥皮外層鹹咗些少！然而，爸爸覺得這類酥以豬油弄製而成，昨晚他食完一個整晚已咳過不停！幸好，體貼的媽咪就建議我沖杯柑桔蜜飲來舒喉！

成日見好多人排隊，但原來名過其實....之前見啲人話佢嘅牛肉麺好好食，見佢新開番，再比多次機會佢，點知都係咁。個牛肉麵係非常非常普通，不可以用好食來形容。麵很硬又無味。附近有幾間食快餐，牛肉麵比它還好吃。炒蛋也不是什麼滑蛋，淡而無味，多士也是薄薄的。反而杯茶走不錯，香滑，煉奶足夠。但是每天还這麼多人，大概是在這開業多年，是附近的街坊情意結吧！