祥興記上海生煎包 (樂道)

营业中

休息中

我最中意就係祥興記既生煎包！早4年前佢得一間店係荃灣我個時已經好欣賞佢既生煎包佢出面個皮無好厚 而且好脆入面有湯汁 個肉味道香口加埋就係勁好味既生煎包！而家佢開左好幾間分店有灣仔 深水埗 尖沙咀！我得閒都會翻屋企食不得不提既係就算佢過左一段時間 佢凍左佢個皮依然係脆口架！所以 一定要試下 唔會令你失望！

其實我女伴都好鍾意食生煎包， 剛巧路經尖沙咀， 女伴話嗰度有一間好出名嘅小籠包過江龍， 咁當然一定要去試下啦。 是日落著毛毛雨但係都有幾個人喺度排隊等嘢食， 落完柯打之後等咗冇五分鐘就有熱辣辣嘅 生煎包 送上。 又有得睇住佢做又有得食， 生煎包 皮薄餡靚， 湯汁充足， 但係有啲熱， 所以一定要咬開少少個皮吹凍咗個湯汁先至食， 如果唔係就一定會辣親個嘴。 呢個生煎包我令我諗起台灣嘅湯包， 佢哋有同一共通點就係入面湯水勁多， 生煎包 濕潤好味道

呢一間小籠包店一直都好想試，見佢開咗好多間分店，今日經過尖沙咀樂道，終於見到無人排隊又好想食個消夜，就試吓。店舖標榜香港首家正宗上海生煎包專賣店，皮薄，汁多，餡鮮，底脆。記得電視上面都有已經介紹過老闆，提及前歌手嘅老闆真係去到上海跟師傅學整，真係誠意可嘉。店方好細心，喺牆上已經貼左溫馨提示：生煎包來的熱湯很容易濺出，建議先咬開一口，然後小心啜湯汁。九點幾嘅時候，真係好可惜，只剩返黑松露小籠包尚未售罄， ＄15/個(最少兩個起)，唔係呀蚊想去其實你都唔算好濃厚，當我跟從指示把小籠包打開一小口，一吸啜下去大量嘅肉汁擁進口中，好濃郁嘅黑松露味，非常滿足，另外個屁真係剪得好香脆，果肉都算新鮮，整體感覺唔錯。

之從去完上海後,對生煎包就念念不忘,總是很掛住咬下去多汁肉甜的口感。今次去到尖沙咀,想起報紙上的生煎包報道,就四處係附近搵下那間小店。幸而在九龍公園附近,地點也是很方便易搵。而櫥窗看到師父忙著包生煎包,就知生煎包真係熱辣辣,即叫即整。因為真係即叫即整,所以都要等半個鐘先有,雖然要等半個鐘,但為左食熱乎乎的生煎包,都唔怕啦。半個鐘左右,真的看到一盒四件,仲冒住煙的生煎包,看到它略帶金黃的香脆外皮。食下去不但有溫熱的口感,也有爽脆的外皮。更有爆汁的滋味,真的皮薄餡多的山煎包。鮮嫩肉汁,就令我想起上海的山煎包,一樣的美味。雖然要等半個鐘,但也是值得一嚐的山煎包。

尖沙咀《祥興記》位於大廈入口的轉角位，不太顯眼，但店鋪前也經常出現一條小人龍。這裡不設堂食，但店鋪旁邊設有一個小吧枱，客人可以站在一旁吃。同時間，吧枱前有塊大玻璃窗，客人可以從外面觀看生煎包的製作過程。明明看著店員把一整碗的油倒在生煎包上，已知它是絲毫不健康的食品，但始終抵受不住邪惡生煎包的誘惑～原味生煎包 $30/4 個，新鮮滾熱辣，咬一口已流出不少湯汁～外皮不厚，底下煎得挺脆也不過太硬，肉餡和湯汁加上蔥粒芝麻粒，味道平衡得不錯～

食過無數生煎包 呢個都係我最愛😍入面勁多汁 啜極都仲有 勁鮮味肉亦醃得好好食 皮脆到餅乾一樣不過今次食個皮薄左 易穿左 冇咁脆但味道冇變 一樣咁好食😘如果可以多啲分店就好啦😋

🏅這店是外賣店，名氣源於之前拿到了米芝蓮推介，人氣爆升，這夜路過見無人排隊，把握機會買一份即場品嚐。🏅店外有一張長枱，方便顧客站立品嚐食物。🎈招牌生煎飽 $30 四隻🎈🏅果然是招牌力作，皮薄底脆鬆化。🏅咬穿生煎飽的頂部，可窺視了內裡的肉汁澎湃，香氣飄逸，肉在湯中晶瑩潤澤，口感一流，大家要小心肉汁好燙，慢慢品嚐不用心急!🏅總體來說，正如門面的廣告所說: 汁多、餡鮮、底脆、皮薄，完全符合廣告商標說明條例，好吃!

路經 祥興記師兄話必食推介 ， 相比起上海食過小楊生煎係另一層次 更更更好食的上海生煎包 ， 一試難忘 果然是米芝蓮推介， 祥興記位置 都算 就腳海防道轉入去行兩分鐘就到 長期都好多人排隊不過都唔會等好耐 只得門口企位 如果放工或者lunch hour下午茶時段 一般多數滿曬要就咁拎住 企響 路邊食不過呢個生煎包真係不得了 新鮮出爐 外脆內軟 肉嫩多汁 齒頰留香!原味 鮮蝦 松露 3款口味都咁好食!!完全冇抗體， 食過返尋味!!不過提提大家 主打食生煎包 豆漿同埋菜肉餛飩就非常普通!可免則免!坦白講個菜肉雲吞仲衰過自己包湯粉絲反而可以試下!

The Signature pan-fried buns is a party in your mouth! Soft on top, crispy at the bottom. When you take a bite, delicious pork juice explodes onto your taste buds before your teeth sink into the meat.This Michelin approved delicacy is well worth a try when you're craving for a quick bite. Unfortunately, they're usually sold out nearing closing time so it's safer to try them during daytime.

又是一個忙碌的午飯時段！趕忙在尖沙咀辦了些事情，已經差不多中午一時，一路走一路想著去那裡吃午飯的時候，便看到祥興記的店舖，還記得在朋友家中吃過祥興記的外賣，各款食物都很美味，立刻走到店前買外賣！這間尖沙咀店沒有堂食，只有外賣自取。有些客人索性買完食物，就在店前大快朵頣！我點了招牌生煎包、上海麻醬菜肉餛飩和酸梅汁。等侯時間約10分鐘，但在這段時間，不斷聞到黑松露的香味，全因附近有客人正吃著黑松露生煎包。生煎包的外賣盒有介紹祥興記曾獲米芝蓮推介生煎包做到皮薄、肉鮮、汁多，湯汁美味👍🏻麻醬香濃，菜肉餛飩好吃。酸梅汁色澤漂亮，酸甜度啱啱好😋

經過尖沙咀，特登去試下好唔好味。叫了一份招牌生煎包和一份菜肉雲吞水餃。要等10分鐘。等的過程是漫長的，因為好辛苦，係個舖頭門口好熱，又逼人（因為是條細細的出入通道），出晒汗。見到入面的員工包餃我買完發覺膠袋裡面冇餐具，舖面又冇，禮貌問句有冇餐具，等了許久，女員工只比一對筷子，自問未能用筷子夾起滑滑水餃，加上我想飲埋個湯，問她可否給匙羹，等了許久才給我。當時冇客人，好奇怪。舖面只有一處站立吃的地方，有點污穢，桌面佈滿上手客倒瀉湯水，地上有食物垃圾，是客人冇公德心，還是員工不關心或不夠細心？招牌生煎包（四小件）$30菜肉雲吞水餃（六大粒）$33個水餃雖皮厚但滑且足料有汁，夠大粒，好吃。個生煎包皮不是薄但是適中，有湯汁。價錢和質量比較下偏貴。在夏天係條人來人往的街道吃，出晒汗，令我覺得熱到自己都變成一件爆汁生煎包。但如果外賣回家吃，味道會否一樣呢？

行過好幾次, 今次終於試左, 36/4粒鮮蝦生煎包, 肉汁超多夠曬鮮甜, 口感彈牙, 加埋D醋, 依個價錢有依種質素, 仲想點啊 2016年米芝蓮推介係好食, 唯一唔好係依到得外賣, 地方細D, 羅野食同叫野食同一位置, 有D混亂啦

開放式廚房 十多雙手 大圓平鑊 蒸氣溢溢 從鍋裏到包裹牌掛著上海生煎包的名 實質皮為小籠包皮 內更有熱騰騰的肉湯 叫煎小籠湯包 更適合不過 一盒四件 更可雙併 除了普通的煎小籠湯包，還有配以鮮蝦的，更奢華的有松露餡。小編愛普通的煎小籠湯包，湯滿而不膩，皮薄而餡多，皮焦香而未曾䁸。

生煎包看似沒有特別，食落就知道，皮薄肉多汁多而且即叫即煎，保持騰騰的感覺，而且脆脆的不過味道較鹹減少會更好，最緊要加辣醬-自製豆瓣醬，不是太辣又不是太甜，咁就超正

行過樂道，就想吃一份生煎包，一個人吃不完四個，一定要跟朋友開心Share只會點原味招牌生煎包不要整古做怪的黑松露味道現在什麼也有黑松露的份，唉‼️不要自欺欺人吧‼️況且，黑松露有那麼好吃嗎⁉️真不覺得喔‼️發現香港人很喜歡在街上吃東西，沒有位坐，站著也願意，就是愛那新鮮熱騰騰的感覺，相信吃什麼也是一樣吧‼️不過今次，朋友說水準低了，味精重手了‼️我們才第二次光顧，真不明白，為什麼要保持質素是那麼困難⁉️其實香港很多店也是有此弊病‼️‼️