祥興記上海生煎包 (譚臣道)

营业中

休息中

我喜歡吃上海菜，小籠包、生煎包、上海麵等。有天路過灣仔祥興記，覺得很特別，一間鋪頭一招走天涯，並且拿下米芝蓮，之前食過一次，沒有寫食評，今次再食，好食值得出來跟大家分享。買了招牌菜，四隻生煎包，外賣帶回金鐘辦事處當下午茶。半小時後回到辦事處，生煎包仍是暖的，咬第一口，裡面的湯汁濺到桌上的文件，勁。

祥興記呢個名成日聽，但真係一路都無機會試，一係收工已經太晏，一係就無經開呢頭。今日難得早收工就去左試下佢既生煎包。🥳🥳🥳🥳一個人唔食得太多，叫左6隻頂下肚就算。上菜速度好快，應該係keep住整keep住出。唔洗驚望到流哂口水但都無得食。🤤🤤🤤🤤一上黎係噴哂煙熱辣辣，香噴噴，如果唔係太熱真係想一次過食哂六隻落口。一咬落去勁多汁，真係超級滿足。入面既涵都好足料，唔會偷工減料得空氣😍😍😍

每次經過祥興記都忍唔住好想食！鋪頭入面都係無坐位，採用「立吞」💂🏻‍♀️門口已經見到有人包緊生煎包，皮薄多餡！俾完錢搵個靚位，好快就有得食喇🥢🥟 我點左【原味+黑松露】！咬落脆卜卜，皮厚度適中，一咬開就飲到好鮮甜嘅湯汁😋 加丁丁醋，味道層次多左，鮮味更加出。特別喜歡黑松露：咬開好驚喜見到好大pat重手足料嘅黑松露醬，食落亦好香🥰 推！除左招牌生煎包，亦點左【咖哩牛腩湯粉絲】。正常。生煎包 encore

經過這家好店好多次，終於入來一試。人生吃過最好味的生煎包是在上海的小揚生煎（講緊十幾年前未搬在黃河路附近街邊的） ，這家祥興記令我想起當年的小揚生煎 。 很多人排隊打包回家吃，價錢一點都不平易，單是4隻普通生煎包就成為$32，但是新鮮的 ，等了5分鐘剛做好的，咬一口，就燙傷了咀吧，全部湯汁也留在紙盒，好浪費呀！ 抬頭一看才見到店内有教人食生煎包的方法和次序 ，但那種食法就湯、肉、皮分開來品嚐，很不爽！ 下次會再來試試其他味道的 eg 黑松露味

前公司勁近祥興記.. 所以無飯帶就會落去買生煎包做午餐去到新公司之後真係好耐冇行到咁遠今日心血來潮一於搵埋同事一齊行去買生煎包😍由於12點幾就到左所以未有好多人點完餐好快就有得拎野食喇要左鮮蝦+黑松露生煎包仲有雙擋米粉一打開個蓋....嗯......好似細粒過以前但味道最緊要..一咬.. 入面好多湯啊此時此刻收到同事skype話爆哂湯XDDDDDD鮮蝦好鮮, 隻蝦夠彈牙黑松露都好香雙擋米粉.. 一條百頁豆腐包豬肉加多粒油豆腐釀豬肉夠哂熱..食埋碗米粉就滿足喇

So i’ve had these delicious pan-fried dumplings a couple of times. And i really do rate them.ButThis company needs to have published opening hours that aren’t a work of fiction. If you say you close at 8pm, then close at 8pm - not at 7:30pm. Quite why a restaurant that is in a F&B location closes so early is bizarre, but at least remain open until you say you will.In summary: excellent dumplings, terrible management.

食左份招牌生煎包，皮薄、多湯又夠熱，之前去上海公幹食過所謂馳名既生煎包都冇呢間咁好食，又食過其他上海店既生煎包，一係皮厚，一係就入面冇湯......所以呢間的確係係讚既價錢仲要比一啲大型連鎖集團唔算貴高CP值服務方面呢間分店入面的員工相對比較年青，實在少見咁多年青人會做呢類型既工種，感覺很有heart支持店舖環境我見都乾淨企理，係不設座位不過都係即食即走算係咁啦，上菜快，我又可以快快手食完整體黎講都係值得再去既

見到咁多人幫襯，而其實間野睇落衛生情況好差，買左hkd78，都唔算好平，食完滯住滯住，搞到想嘔都算，點知返到黎肚痛肚痾，好明顯啲野唔乾淨！實在覺得香港人唔應該縱容依啲餐廳！

呢排好積極咁樣搵公司附近有乜嘢好嘢食，之後就見到呢間生煎包係米之蓮推介嘅，而且價錢仲好便宜，一於去試吓。•招牌生煎包（$48/6個）今次試咗六件都係原味，一咬開細細個窿首先要飲左入面嘅湯汁先，記得要小心熱，佢嘅灌湯勁多，都幾好飲，不過啲肉好大嚿，可能有肥豬肉，食咗大約三舊就好飽好膩，本來仲擔心四件會唔夠飽所以叫咗六件。試咗點埋佢嘅豆瓣醬同埋醋，覺得豆瓣醬幾香幾好食但係醋就太過酸。下次可以試埋佢嘅鮮蝦味同埋黑松露味。

🤤講起香港好食的生煎包 又點少得祥興記! 可能好多人都聽過, 但實在太好食, 忍唔住一定要同大家分享!😍可以話係暫時全港食過最好食又抵食的生煎包~ (如果大家有食過其他覺得好食的生煎包店, 可以同生煎包控既我地分享一下🤤🤤)係店內的玻璃窗可以見到係即包即煎, 保證新鮮製作!😎🔸招牌生煎包 ($32)有4件, 附送兩小盒醋同一盒豆瓣醬~份量適中, 已經好小口咬落去, 濃濃的湯汁就即刻爆岀黎😍 啜住個開口, 吸收曬D精華, 超鮮味~雖然係外賣返去食, 經過15分鐘路程, 但仲keep到溫度, 差d仲燙親😅 (大家食的時候都要小心點)豬肉陷好鮮嫩, 每個都皮薄底脆多汁, 真心無得輸!👍🏻👍🏻👍🏻🔹因為驚唔夠飽, 所以加左個 咖喱牛肉粉絲湯 ($29)牛肉都幾入味, 啖啖湯都充斥住濃濃的牛肉味, 咖喱都幾辣嫁, 食到要係甘狂飲水先得😂😂粉絲好彈牙, 份量原來一d都唔少, 變左食得太飽XD😂 如果自己1個食, 其實4-5個生煎包都夠飽的了👌🏻(❗️P.S: 呢到堂食係要企的, 無坐位提供, 幾時黎到都見到好多人排隊, 今次我地午市時來食, 已經要等十幾張飛, 等左20分鐘左右, 受歡迎程度可想而知

祥興記喺2016拎咗米芝連推介每次經過見到都已經好想食㗎喇..喺玻璃窗都可以見到啲師傅即即包即煎絕對係新鮮製作！原味嘅生煎包係$30四件 細細份過吓口癮超正一咬開小小 啲湯就爆岀嚟💦 (啲湯好熱要小心)豬肉口感鮮嫩 真係可以話肉鮮多汁皮薄底脆 🤩🤩原味嘅招牌生煎包我比💯分！！..另外仲有黑松露口味就$15一件個配搭係就係好fusion 不過始終中國嘢都係唔加黑松露好啲鍾意食濃味嘅我仲試咗個蔥油撈麵啲蔥炸到好油 成個麵都係又腍又油一啲都唔彈牙 超失望😞..

一直都想試下，咁啱返灣仔，lunch就去買個外賣試下先～一入門口已經有好多人企响度，排咗5至6個人左右買飛，都等咗8分鐘左右先有得攞。全店企位，雖然係立食店，但都唔少人堂食，可能係午飯時間。返到公司，打開外賣包，嘩～～～陣陣香味送內鼻子。我只點了一客6件招牌生煎包，附送兩小盒醋同一盒豆瓣醬。我已經好小口咬開生煎包，仍然爆汁，6隻如是雖然係外帶食用，但個皮依然香脆，肉同汁都非常配搭，而且經過5分鐘路程，仍然温暖。除咗好味，好好味，同勁好味，真係唔識形容。

鮮蝦生煎包🦐.專程去到祥興記想點一份原味生煎包輕食晚飯，點知6:50pm已經無晒貨🤪只淨下唯一一份鮮蝦生煎包🦐於是照殺❣️之後既食客就無咁幸福了～因為真係好～好～食～啊💙.個生煎包皮夠薄夠滑，而個包底係好厚身，同時又整得好脆！一咬開少少啲湯已經爆晒出黎🤣份量比平日小籠包更要多幾倍！！真係好清甜呀😍最驚喜係以為只有鮮蝦係入面，但原來豬肉同蝦兩樣都有齊☺️唔怪之得咁飽滿啦！所以咬落口感好豐富，推薦呀🤓.

一直都有聽同事推介祥興記嘅生煎包，今日終於有機會試一試啦。餐廳嘅廚房係半開放式，食客可以透過玻璃而望到入面嘅情況，而我嗰日喺等待生煎包外賣嘅時候，就見到職員喺度煎緊生煎包啦。佢哋係用一個好大嘅鑊佢煎超多嘅生煎包，見到一個一個生煎包整齊咁排列真係覺得好自癒阿，令人未食已經覺得好興奮喇一試就已經覺得生煎包好正，佢個底真係煎到脆卜卜，而且咬落去真係勁多湯汁泌出嚟，真係超級juicy而且每個生煎包份量亦都唔細，基本上食四五個已經覺得超飽啦

係灣仔當然要黎試吓呢個祥興記啦! 佢地嘅生煎飽真係出哂名 👏 攞埋米芝蓮架招牌生煎飽好多汁，咬一啖好飲噴哂出黎咁 🙈 真係要小心啲食。水餃就一般啦 生煎飽好食啲不過提一提大家，呢到堂食只係可以企係到，無位坐架。不過值得架