福元湯圓

营业中

休息中

同朋友係附近食完嘢佢介紹呢間係炮台山好出名既糖水舖🍬平時堂食要等好耐🫣因為舖頭空間唔大 裏面得三枱😆今次好好運早左去食唔洗等🧡但食緊既時候一直見到有人買外賣返去😛同朋友一人叫左一樣 兩樣都好好食🥰.芝麻湯丸糖水 $26一共有五粒湯丸 每粒size都好大粒咬落去真係好煙銀 皮既口度剛好芝麻好香甜 用料十足😆再配埋甜甜既糖水 滿足🥰糖不甩 $26本人超鐘意食糖不甩☺️呢間係我暫時食過最好食糖不甩！糖粉係自己動手加 原本覺得好大包點知最尾落完覺得唔夠tim🤣之前係其他店食過好甜好假糖呢間完全唔會好甜🥰糯米味好香～好煙銀😚

今次黎到福元湯圓堂食，就一定要食大家網友們都Like 爆，勁好味勁好食勁流沙黑芝麻湯圓。點解咁中意？第一: 價錢方面好平好抵食，只需要$28蚊有交易😍😍第二: 勁好食，福元自家制湯圓勁大粒勁多餡料勁流沙，糖薑水好濃味，好掂😄湯圓皮比較薄，好少見🥰🥰好吸引賣相好靚🥰🥰流沙係其實流得幾快，好快流到糖薑水(湯底)都係黑芝麻餡了😁😁所以大家食果時要好快咁啜哂又香又甜又滑的黑芝麻，不過小心熱就OK.桂花酒釀丸子$28 好濃酒味，小丸子正

因為咁啱出開嚟港島區，就趁四點福元湯圓開門特登去朝聖。當日四點到達，舖頭開始運作，但係啲摺檯都仲未開，要客人自己開枱開凳堂食。舖頭細細，裝修亦都十分之老舊，但係四點開始已經有好多人客外賣或者堂食。點左芝麻同花生湯圓雙拼，黑芝麻湯圓皮薄，皮好軟糯，一咬入口芝麻餡就溶喺口裏面，非常好食😋！花生湯圓則一般，正常發揮。下次嚟我會叫返芝麻湯圓！

睇到YouTube有唔少人介紹呢間話好食，又話皮薄餡靚，又話芝麻糊好香滑…滿懷期待喺大西北專登坐車過嚟食，叫咗碗綠豆沙，綠豆裏面完全食唔到有綠豆粒，亦都冇綠豆沙嘅「沙」.. 係一碗好似甜甜哋既芡水質感。花生湯圓裏面嘅花生餡，亦都冇乜特別，又缺乏花生香，皮都無特別覺得好薄；芝麻糊就好稀。另外，服務態度都有好大進步空間😃總括而言，唔理解點解咁多人話好食，覺得超市買既同佢食落差唔多😂😂 附近相信有更多更好既選擇🥸

因為住喺新界區，好少過砲台山，先前睇過食評都好推介呢間糖水舖嘅湯圓， 由於佢開 4 pm , 之前等唔到佢開門，對上一次 4 pm 後去到門口又冇開铺。今次終於 4 pm 開咗舖試到啦。 間舖頭好細，同埋轉咗入横街，天橋脚旁，唔係太起眼。入面都有張枱仔，我哋一行三人坐低， 人多就坐唔到啦。 通常都係外賣居多，不過男老細就黑口黑面，態度同語氣都好差，唔憂做咁，廚房仲有個女士主理。 牆上貼咗D獎項，介紹咁。 湯圓 28蚊一碗可以叫鴛鴦，即係有二粒花生同三粒黑芝麻餡。 咁佢嘅湯圓真係皮薄餡靚，個薑湯好夠薑味，食物係好嘅。

◽️鴛鴦湯圓（熱）🌗一碗有5粒，基本上係3粒芝麻2粒花生，落單既時候要求分配數量都可以。
湯圓皮軟糯得嚟仲有少少煙靭🤏🏻。芝麻滑香濃，仲有少少芝麻顆粒口感。花生勁香，細粒有咬口。係一咬，入面嘅餡就流曬出嚟，配埋薑汁湯水真係無得輸！芝麻同花生餡料各有擁躉， 睇你中意邊個味啦！◾️芝麻糊＋芝麻湯圓（熱）
糊底濃稠，芝麻味算香，仲食到好少嘅芝麻碎，加埋芝麻湯圓係double芝麻😂，但整體比較甜，我哋唔中意食咁甜就一般般...加上湯圓實在太出色，芝麻糊反而變咗配角🤣
✨鋪頭有賣雪藏湯圓，可以買返屋企煮又得！✨✨依家出咗急凍包，購買詳情可以留意返福元的ig～✨堂食空間比較少，所以會坐得幾迫。👩🏻‍🌾👨🏻‍🎨提議可以外賣拎去東岸食，吹住海風，睇埋燈飾嘆湯圓！

「我細細個就聽過呢個名喇」🐒早前先真係第一次黎食店舖內雖然只有三四張枱但為左要食到又點會介意企一企呢🤓粒粒爆漿湯圓 試過就會寫個服字🤤┈┈┈┈┈┈┈┈┈┈┈┈┈┈┈┈黑芝麻湯圓(5 粒) 配糖薑水 $28 首先要講呢個價錢已經無得彈！一食落去皮既厚薄適中仲要又滑又煙韌點鬼知一咬落去餡多到湧出黎 粒粒爆餡😱薑湯個人覺得略甜但薑味都好夠比出面食到既糖水鋪都要濃！而當日所見 就算落住大雨依然有唔少人過黎買外賣返去食見到d 相又想食了🤤🫣

整體性價比👍🏼👍🏼👍🏼👍🏼我覺得唔係差，甚至可以係話中上，不過無d人講到咁誇張lol 但價錢合理，所以都值得一試，但唔需要抱有極高期望食物質素👍🏼👍🏼👍🏼湯圓嘅皮的確比大部分嘅店鋪，薄dd，但又有口感芝麻餡料：有芝麻香味，但唔算非常香濃，有其他牌子更加香濃花生餡料：有d似糖不甩，反而花生嘅香味唔夠突出薑湯：有時會見到小小薑絲，姜味濃，如果飲得多，可能會覺得辣環境👍🏼👍🏼由於始終係小店，所以位置有限檯與檯之間只有小小空間，但走廊位置係足夠大家走動嘅凳係小圓凳，所以唔會坐得特別舒服，正正常常啦服務👍🏼👍🏼👍🏼由於係一早打定電話，所以唔算等好耐職員態度ok，友善外賣嘅餐具都充足，無漏單

喜歡幫襯小店。店舖好細。薑汁芝麻湯圓好好味。係香港暫時食過最好食既。真皮薄餡靚。但好可惜佢生湯圓咁貴。雖然認真真材實料。但堂食真係無得輸。一定會再去好多次。特別係冬天。

中秋節一定要食個湯圓象徵團團圓圓喺呢個大環境之下希望屋企人同自己都可以健健康康咁生存落去啦中秋首選一定係食米芝蓮既福元湯圓配芝麻糊簡直係絕配（≧∇≦）因為佢哋嘅即磨芝麻糊係勁香同超濃稠而且係大碗到一放低就流咗少少出嚟湯圓可以選擇芝麻味或者花生味皮薄餡靚 勁足料一咬落去啲餡爆曬出嚟呀不愧米芝蓮級嘅湯圓呀除咗可以去北角總店嗰度買生湯圓仲可以去到堂食而且佢哋最近仲有出零售裝嘅湯圓好多小店都有得賣架人生點都要起碼食一次佢哋嘅糖水

呢間湯圓店既流心黑芝麻湯圓係我食過最好食既，啲湯圓每粒大細都一樣，皮薄咸靚，一咬開啲熱滾滾既黑芝麻流心流哂出嚟，唔啜快啲就會流到成碗糖水都係🤣。啲黑芝麻餡係好香的，而且唔甜，真係可以話係呢間店既鎮店之寶。咁呢間店除咗湯圓都有好多款唔同既糖水既，貪心嘅我想試唔同既糖水又想食湯圓，就會叫其他糖水加湯圓。如果想食既糖水唔加得湯圓，就會同朋友一齊夾，最少有一人要叫湯圓食，咁就每次幫襯都食到湯圓。♨️杏仁茶加湯圓杏仁茶本身白色好香既，亦都好幼滑，加埋啲湯圓，咬開時軟糯得嚟又有熱滾滾既流心黑芝麻餡流出，風味唔錯。🥭芒果西米露湯圓味道很香甜清新，加埋黑芝麻流心湯圓也十分之夾。🥭芒果涼粉芒果很香，涼粉十分爽口彈牙，美味非常，加湯圓算係新鮮既配搭。♨️熱豆腐花加湯圓熱豆花加湯圓本身都有諗過會唔會好怪，雖然佢賣相有點奇特，但食落都好香豆味，配合埋湯圓真係別有一番風味。♨️黑芝麻湯圓（糖薑水）呢個薑水好好飲，唔會太甜，有淡淡既薑味，啲湯圓咁好味加埋啲同樣好味既薑水，實在唔錯。♨️鴛鴦湯圓呢個係兩粒花生加三粒黑芝麻湯圓，花生湯圓都係流心但係就無黑芝麻湯圓咁香咁好食，食過後會永遠都揀黑芝麻湯圓。♨️熱棗香合桃露加湯圓啲棗

湯圓雖然可以一年365日都可以食，不過中秋節、做冬、過年食特別有意思☺️-16:00開門，不過未開門都已經排晒長龍，個個都帶定冰袋嚟買生湯圓。眼見過節期間應該係主力做糖水外賣同賣生湯圓，無堂食。不過油街附近都多公園，大家都可以開餐嘅。▪️凍黑芝麻糊鴛鴦湯圓$34🤤芝麻糊可以揀凍/熱，一碗有3大粒湯圓，我呢碗就有兩粒芝麻，一粒花生🥜。凍芝麻糊滑溜，唔太甜，飲落亦唔會覺得有異物卡住喺喉嚨。凍食都不失芝麻香。不過重點都係馳名湯圓🤩黑芝麻湯圓內餡係流沙嘅，一咬係香濃嘅芝麻味🤤加埋芝麻糊一齊食，芝麻fans實收貨。花生湯圓嘅內餡係花生碎再加白芝麻，好味🤩下次我都帶定個凍袋買生湯圓返去做節先🤤🤤

作為九龍人，特地過海黎食福圓湯丸😳 鋪頭細細，座位唔多，乾淨企理，糖水款式多🤩我哋一行三人，叫左5碗糖水黎試☺️黑芝麻味湯圓完勝花生🥜味😋😋😋一啖咬落去流心黑芝麻，黑芝麻香濃足料，唔會好甜😌 另外，意想不到楊枝甘露都好好味😋 足料芒果，西柚粒酸甜，無苦澀味，個芒果椰汁底好岩我口味，唔會太甜！😊 呢個可以encore!呢個唔岩吹水詳談，由於店鋪細，經常有人排隊，我哋幾次都快食快走。試過一次福圓湯圓就番唔到轉頭🤪 一口痕想食湯圓就淨係想黎呢度啦🙈 真係無誇張啊！我見過有團購同小店賣急凍福圓湯圓，唔係住港島既，大家都可以不妨一試啊🤗

真係好普通嘅一間糖水舖位置較細， 只有2 張枱鴛鴦湯圓$28花生🥜湯圓3粒+芝麻湯圓2 粒薑汁湯底有少少薑味， 唔係好辣，甜味為主但都解到膩花生🥜湯圓花生餡除左花生蓉之外， 仲有少少花生粒，有少少花香無芝麻湯圓咁流心，似係加熱左， 有少少溶嘅粗粒花生醬， 味道以甜為主， 花生味唔太出芝麻湯圓好流心， 但芝麻味同芝麻香都無嘜， 而且都係偏甜2 款湯圓嘅皮都好滑， 都唔會太厚不過味道其實好一般， 所以唔係好明點解會有人特登跨區買， 大時大節又要排晒隊？

我本身都好中意食煙韌既野，湯圓、芋圓、珍珠之類點可以錯過！一直都聽講呢間店既湯圓係好多人心目中既No.1, 終於有機會試到啦！去到既時候店剛剛開門，店空間唔大但環境整潔衛生。今次買左2個糖水試下1) 桂花酒釀丸子丸子甜甜地，口感好煙韌，而且份量超級多，真係食到最底都仲有！加上桂花酒釀既香氣，微甜微酸，同丸子既組合真係令人忍唔住一啖接一啖，醉啦！2）棗香合桃露加湯圓湯圓係芝麻湯圓，皮唔算薄，入口時好滑，但咬既時候口感又好煙韌！芝麻內餡好香好滑，得3粒太少啦！ 至於合桃露都好香，棗味突岀，整體口感滑但又充滿濃厚既堅果味！食完覺得好滋潤-下次再黎北角會再幫襯！而家傳統糖水店真係越來越少啦，值得支持。