福苑火鍋海鮮酒家 (已結業)

以下純粹是個人意見, 我今日去左le間野食火鍋, 係2樓 坐241號台,角落位尼ge 坐坐下都冇野ge,,點知冇啦啦聞到有陣煙味.. 我冇理到la,, 以為冇咩野,, 心諗,, 都禁左煙啦.點會仲有人係度食煙呀,,跟住. 愈來愈唔掂lo!! 我左望望, 右望望..周圍幾張台都有人食煙.. 一個係我媽媽身後食..另外有幾個係我嬸嬸後面食...仲有幾個係我妹妹後面斜對面果張台度食!!我望遠d,, 勁多人係度食煙!!極辛苦,, 本來一餐飯同家人食得開開心心..點知..會咁..跟住我嬸嬸問個經理: le度唔係唔比人食煙架咩.個經理望左一望:你等等呀.. 再幫另一張台開茶 跟住扮聽唔到,, 走左! 再係度坐多幾秒 我都想死. 我真係接受唔到囉!! 非吸煙人士最好都係唔好去le間野la..

午市套餐$98有一飯三點心,三個人吃都夠飽瑤柱蛋白飯ok，飯粒粒分明，很有嚼頭點心則麻麻地煙鴨胸很腍，腍得沒有肉的質地水晶包外皮厚厚的小籠包用了錫紙兜住，但點醋的時候還是會弄穿，用途不大午市人頭湧湧，服務生都能照顧到客人，要讚下

原本想去稻香飲茶，點知佢裝修實在嘈到爆，基本上想講句野傾句計都唔得，所以都係決定去第二度飲啦。諗住上新世紀，行行下見到福苑個招牌就提議不如上黎飲啦，唔駛咁悶嘛。上到去即刻有位，D服務生都好熱情招待，但唯一覺得唔好既係明明佢好多吉檯都要搭檯，好心咪咁懶啦。呢度食物選擇幾多，有好多唔同既野食，但係檯同檯既距離有D近，我成日聽到隔離檯個兩個女人講野 ==。這裡既點心都係普普通通，不過不失，無咩特別好食但亦唔算難食。先講去到邊都必叫既流沙包，開頭黎到見佢有好多餡好似幾好咁，不過食落去係一D都唔流沙既，只係個餡呈沙狀既奶皇包。餡料夠甜有蛋黃香，都OK既。另外就係叫左個藥膳鳳爪，個人幾鍾意食鳳爪所以見到有興趣試試，佢都算重藥材味，見到有黨參杞子等等，不過鳳爪無咩肉，食得幾辛苦下。叫左個燒骨米線，其實個燒骨有D似叉燒咁，同叉燒差唔多味不過佢係有骨既。燒骨偏瘦，有肉味亦有點點炭燒香，都算可以。見到佢小食有個秋刀魚又叫左黎食下，不過黎到一食就知唔係秋刀魚，D肉質同味道都唔同。但撇開佢唔係秋刀魚黎講，條魚佢都整得幾好食，食到魚既鮮味，而且亦算炸得香口。最後甜品叫左個甜不甩，個人覺得呢個係最好既食物，甜不甩

早幾日行開旺角...等埋男朋友收工一齊食飯~都已經半夜2點幾喇!咁夜又唔知食嘜好wo~咁岩經過福苑見到佢通宵營業..而且天氣咁凍真係岩晒打邊爐!上到去..先知原來半夜都仲幾多人..唔講咁多揀個鍋底先~咁夜打邊爐驚熱氣又上火..所以都係揀個清清地既皮蛋x茜鍋($38)跟住望下張點菜紙..哇! 已經有好多野都冇晒喇wo~最後我地要左蛙花蚌..帶子片同花膠~全部都係$28..食落仲要幾新鮮~抵!豬大腸...淨係我男朋友食..唔清楚生魚片...ok~都幾大片!蔬菜船...係個侍應介紹既..有好多款菜係入面~eg.西生菜..白菜仔..金菇冬菇..南瓜片等等另外叫左酸梅湯..麻麻地好飲~酸得滯..同埋呢度上菜好鬼慢...雖然唔係任飲任食但都有漏單既情況出現!我地第1round落左肥牛冇黎過~到第2round我地食晒台面d野..飽晒~佢都仲未黎! 所以叫人cut左..不過整體黎講都唔係話差..可以試下~

舊同學大紅24號才生日,但佢得16號同19號先得閒同我地食飯,咁..我同MANDY 2個,約佢16號食飯啦,因為19號我要睇無線既台慶,我都唔得閒同佢食啦.問大紅想食乜,佢就話打邊爐,咁又岩既,呢幾日涷咗咁多,打下邊爐,可以暖胃,傾計又好.可以坐得耐D.佢就叫MANDY 放工過海,黎旺角就我地啦,而MANDY亦無所謂,但要去邊庶食呢,大紅給我們見議,一係是金雞廣場裡面既酒樓而另一間就係銀行中心出口,BODY SHOP樓上既福苑,我約了MANDY在銀行中心出口等,當然去福苑最好啦,仲行去金雞,唔識行啦.我同MANDY先攞位,坐定後,點完湯底和一些火鍋配料,主角大紅亦都黎到啦,湯底我地選咗一個38元既甘筍,馬蹄,皮蛋,芫茜,呢個窩清清地而且又算最平既一個.火鍋配料我地選了一艘海鮮船,108元裡頭有 帶子,珊瑚蚌,花膠,鱔片.海蝦,青口,D海鮮都幾新鮮,份量如果多番少少,當然更加好.另外叫了很多款既28元火鍋料,包括豆腐,豆卜,蘿蔔,魚皮餃,鮮竹卷,小籠包,金菇,等等....豆腐,豆卜,金菇,蘿蔔都係咁啦,28蚊食呢D,貴咗D,冇乜野好講,但魚皮餃,鮮竹卷,同小籠包都幾好食,28元覺得好抵囉

當晚我們一家十八人到此處吃飯, 點選了秋之盛宴這個套餐, 最初的主菜龍蝦、乳豬、蝦球都勉勉強強地接受啦, 但到後面個幾到菜真係令人嘔哂血呀!清蒸大海班....蒸到過哂火位, d肉老到咬不開生炒臘味糥米飯及瑤柱蛋白炒飯....無味道豉油皇龍鬚少麵及瑤柱金孤炆e麵...不過不失楊枝甘露....外表好似ok, 但當用個湯匙一撈就好像我們傷風時流出來的鼻涕, 味道就甜到不能入口, 此道菜真是令到我們很生氣, 我的家人決定向經理投訢, 但對方只話: 唔係呀幾好wor! 珍寶桃包...得個大, 並無特別(不好吃的)

本來唔想講...但係真係唔掂個晚同朋友食生日飯...最後佢地搵左福苑打邊爐...叫左個佢地介紹既雪花肥牛....邊位開始變色(勁唔新鮮)....最正係"新鮮"墨魚滑(丸!?)...食落有酸味...其他食物也好普通....服務態度差....無水叫人加無人理 ...落單無人理....出左無叫過既野...唔會再去....

四月份公司飯局 : 福苑有同事有相熟朋友係福苑做...知道他服務很好和食物質數唔差所以一早已訂左間大房...同事每次去訂房都是比間大房的 , 很闊落聽說仲有卡拉OK的...點知今次居然比左間超細房我地..只係啱啱好放左張17人的大枱..仲要坐得好迫下..都仲有電視睇下!我地17個人叫左1.5席的自選全包宴 , 每席$1688 ,半席$888 包6罐汽水 , 6罐啤酒同果盤! 乳豬件伴海蜇 : 海蜇好新鮮..乳豬夠脆口同肥....正! 翡翠珊瑚明蝦球 黃金芝心球 : 大大粒墨魚丸內裏包住熱騰騰的流心芝士... 瑤柱金茹扒雙蔬 紅燒竹笙雞絲翅 鮑汁花膠鵝掌 : 花膠好大塊 , 鵝掌新鮮大隻 蟲草花蒸大海班 : 三大條海班..上菜時服務員還把魚頭放回向上..美觀點!! 脆皮三喜鴨 / 全福貴妃雞 : 乳鴨皮怪怪地甜甜地的..似係豉油皇多點... 瑤柱蛋白炒飯 上湯菜肉較 甜品有楊枝金露 珍寶桃包 : 嘩...一打開個蒸籠...見到個壽包真係有點怕怕...勁大個..食完曬D餸仲要食埋個壽包真係有點難度呢!! 結賬時先知原來要房貴賓廳每席要加$300 ....只是我地無留意吧!!

母親節又好，我自己生日又好，總之就約左世伯同伯母黎食飯（即我阿爸阿媽）；三個人，訂左枱7:30，開動﹗我早到，一坐低，部長姐姐就極力推介我食母親節套餐，但我睇見就麻麻地，而且都應該食唔晒，所以我都睇返散叫，個menu都有好多款式選擇，特價著數嘢亦多，唔經唔覺，睇睇吓佢兩位都到了，我地叫左以下：1. 游水老虎班（$168一條） 條魚一上枱，阿媽就話「只有游水魚先唔使用薑一齊蒸」，我睇吓，又係wor，d肉真係好鮮味，阿媽鐘意食骨，阿爸對魚麻麻地，造就我可以啖啖肉。酒樓蒸魚d豉油自己較過，同屋企個d真係好唔同，鮮魚，蔥，豉油，成件事好完美﹗2. 豉汁蒸帶子（$48蚊4隻） 蒸帶子梗係有d粉絲墊底，但我反而覺得佢齋蒸帶子已經好ok，因為d粉絲好削好散，唔掂。4隻，就梗係我食多隻啦，無理由要兩位老人家食多隻嘛……帶子本身厚肉，有鮮味，加埋D豉汁反而濃味過頭，如果淡返D就好D﹗3. 濃湯怪味雞（$78半隻） 原先諗都諗唔到D濃湯怪味係乜黎？見到佢上枱，真係「估佢唔到」。油林林咁，浸住半隻雞，試一啖，其實有D似鹽焗雞，不過佢比鹽焗雞多左一D嘢，我唔知估得啱唔啱，我估係椰汁

年初五晚,約D Friend食宵夜,順便利是.諗住搵個地方可以坐耐D,又方便搭車,所以揀呢間.客人唔算太多,但D服務就真係麻麻地.首先叫個湯底先,隔一陣再叫火鍋配料.點知個湯都煲滾,但都仲未有野食.諗住搵個侍應幫我地跟進啦,點知搵唔到人.原來係個Casher度吹水~~有冇搞錯!等好耐,終於有人望到.手揤墨魚麵:份量就小D,不過都幾好味,但唔夠爽,唔夠滑.手切肥牛:都幾新鮮,唔見有瘀黑色,應該唔係放好耐. 份量都幾多,應該有二.三十片.珊瑚蚌:份量唔算好多,但合理,全部都大大件,抵食!滑雞片:貪佢冇骨,食落都幾爽,雖然知係做定,但都唔覺有雪味.再加D普通既火鍋配料,選擇都算多,唔似富x咁太少選擇.湯底方便:都有好多選擇,最少有十款.八款揀.我地揀個鴛鴦鍋:蘿蔔牛腩湯&清湯,PS:最終揀既野食都係冇到齊,原來係賣完,但...點知冇人同我地講既?

最吃打邊爐的我, 已暫時停左2個星期冇食...因為天氣熱...昨日突然凍番, 晚上即到openrice search下...見到福苑? um....幾年前試過, just ok....但因為老友記都想在旺角食, so go go go!今次再去, 訂左位都要等20mins...um....先扣分講番配料湯底叫左胡椒豬肚湯底, 算貴, 但好味...因為平時都鍾意飲豬肚湯雪花肥牛的雪花都ok...雖然唔係a級, 但本地牛黎講算唔錯~魚蝦蟹船 - 估唔到新鮮喎??? 即劏??? 冇理由架....唔理佢咁多, 加碼叫多2客 (成班都係海鮮愛好者)餃類應該係最好食, 白菜餃韮菜餃魚皮餃等, 都very good! 丸類都ok, 特別介紹蝦丸~哈...~帶子片一流, 叫完再叫再叫再叫, 招牌配料!服務可以更好...因為可能太旺場, 成日想叫野, 都等好耐...d配料亦上得唔快但整體幾滿意, 如果任食就更好~

飲荼 lunch~d 點心ok la~中規中矩~價錢ok la~acceptable~but 有個午時推介斑片湯米線really bad~吾好試~d 米線來到已經發曬~糊仔gum~d 斑片淋ge散ge~d 湯ok ga~但浪費左d 料~明顯ge over-cook......d service 就麻麻~吾夠人做野~d 傳菜ar 姐又係差差地gum lo~個個好似吾想做gum~

今晚約左朋友陪自己過生日，朋友買左蛋糕，預先放左係酒樓，點知個蛋糕比酒樓雪壞左，仲要推卸負責我地朋友無教佢要放係咩雪櫃。試問雪一個普通蛋糕係咪都要人教呢？宵夜時段食物，想叫乜食物無乜食物，但又唔會同你講返有咩食物無，叫客人無了期等。服務差，order左最簡單既飲品都可以miss左，要人等勁耐，環境差，應該投訴，餐廳酒樓應該全面禁煙，員工見到人食煙都扮見唔到！仲話呢間係一個集團酒樓，絕對唔會再有下次囉！勁失望！

尋晚同左傻佬去打邊爐...原本去話去大家樂但最後都係去左e間火鍋海鮮酒家...一上到去...好多人排隊啊..要等叫飛!!!不過我地都係等左5mins到就叫我地lo~~^^一坐低我地就睇下有咩野食..大致上打邊爐d料分為$12 or $18..我地2個人叫左勁多野食..鯇魚片雪花肥牛金菇雞子包心丸海蝦竹笙魚皮餃雜菜當我地問d阿姐有咩湯底個陣...阿姐就俾左張紙我地...佢話得咸豬骨湯底係最平$19.9其他就...$40up…睇到價錢都呆左..湯底都咁貴既!!咁多種野食...我覺得鯇魚片最好多..有d爽爽地既口感!!反而個肥牛麻麻...因為佢唔可以一片片咁夾起..一夾起....就分左幾細塊!!個樣梅梅地lo~~我地2個食叫左9樣野...+ $15啤酒total好似食左$25x…真係飽死..哈哈

噚日朝早因為要上堂關係,有時間可以係十一點幾出到旺角飲茶,老公仔揾定位,不過由於未夠十二點,所以有大把位.叫咗四個點心 :原隻蝦餃皇 -- 特點,蝦都算鮮.蟲草花蝦釀魚肚 -- 面頭有一條條橙色的,唔知是什麼?不過魚肚同蝦丸就幾好味.瑤柱金菇雞蛋腸 -- 這個腸粉很特別,似乎是用雞蛋做成的腸粉,金菇亦有很多,一咸一甜的配搭幾特別.酸甜汁高麗蝦 -- 其實係炸脆皮包住鮮蝦,無乜特別.