福苑火鍋海鮮酒家 (已結業)

聽朋友仔講大閘蟹19.8一隻, 超抵於事2個人去試下, 等位就等左好耐差唔多等左半個鐘, 但好彩同一棟樓樓上都可以行下, 唔覺唔覺就過左一坐低就叫左五隻因為要9點前落單先可以19.8一隻,好正呀, 因為隻隻都好多羔, 又抵食!之後都叫左鹵水鴨下巴, 同雞軟骨都好好味, 最後叫左個流沙包, 一流~2個人買單都係200都唔洗~ 但係叫荼都有茶芥咩世界?

Lunch 同同事去飲茶, 近近地去對面間茶樓試下. 一行十人叫了廿碟點心. 樣樣都ok 啦, 不過不失. 我反而有點欣賞那兒的燒鵝炆米和紅米炒飯, 幾特別, 口感也不錯.

中秋夜同朋友二人係呢度打下邊爐過下節芫茜皮蛋湯底- 淡到好似滾水咁, 直到食完為止都係好淡, 勁唔掂魚頭- 好細個, 但算新鮮冬瓜片- 因個湯底本身好淡所以食呢個時要勁加豉油先至得牛肉- 有牛味, 滾多陣都唔會un鵝腸- 無肥膏, 算爽口墨魚片- 普通另叫了百威同可樂, 埋單$300環境好嘈, 又唔係平, 都應該無下次

我阿爸前排生日，諗住出去食餐飯同佢慶祝一下啦。點知，慶祝唔成反而一肚火。事緣，那日係星期六大約7點度，去得旺角食飯都預左要等位架啦。去到福苑的時候，已經見到6,7個人係度等緊細枱(2-4人的)，我地排第三個。係等位的期間，眼見5位以上的完全唔使等位就可以入去，那就問下負責招待那位小姐，幾時到我地啦，佢一時話已經有枱埋緊單，等多陣啦，之後又話仲未有枱埋單。但跟住我聽到佢同一班剛到的人說，我地有d由細枱改做中size的枱，你地可以即刻有位，我阿爸去廁所的時候睇過，佢裏面原來有好多枱係空無人坐架，d細枱全部放塊板落去做大枱。我都明人多會叫多d餸，可以賺多d，但唔係咁做生意係麻，寧願掉空d枱，都唔d細枱的客，咁你不如一開始就講我知唔會做我地生意，唔好等我係度傻下傻下咁等咁耐啦。之後我再問多次佢有無細枱，佢仲死話無枱要等喎。卒之我地就好忟咁走左去富臨食小菜，本來開開心心咁去，但就好忟咁走。呢世都唔會再幫襯呢間咁既酒樓。>_<...勁差差差差!!!!!!

3/9(六) 2:30pm與家父飲茶補祝我的牛一,一行7人到此飲下午茶.下午茶2點半開始,準時到達;不用等位便被安排座位,確實有點喜出望外!後來才知我們被安排坐的是非吸煙區.環境與一般中式酒樓大相逕庭,但未至於金碧輝煌那種.臺與臺之間距離較近,感覺擠迫;幸而靠窗的位置頗開揚.下午茶點心價錢如下:小點$8.8,中點$10.8,大點$12.8,特點$16.8,茶芥$5位.7人共點了煎魚餅$10.8,韭黃蝦腸16.8,牛肉腸$12.8,蟹子燒賣$12.8,蟠桃大包$10,鯪魚球粥$12.8,蘿蔔糕$8.8,錦鹵雲吞$18,灼莧菜$8.8,灼娃娃菜$8.8,鴛鴦炒飯$28.基本上每款點心食味及份量均對板,值得一試的是鴛鴦炒飯,蘿蔔糕,灼菜.不足之處是腸粉皮過厚兼嚡口!服務方面侍應沖茶收碟速度挺快,尚算有效率!這個下午茶盛惠$218,整體達標,可以一試!P.S.以點心來說,深水埗店較優勝,環境及服務方面則此店略勝一籌!

咁日睇蘋果日報時，發現入面有個廣告話只要剪低今日蘋果個報頭就可以去褔苑或者金都食晚飯就可以免費食條海斑喎！因為我好鍾意食魚所以就一支箭咁約埋老婆去試！有五間分店，我就揀旺角銀行中心對面bodyshop樓上間，上到去個靚女公關就問我有冇買蘋果日報，我梗係第一時間話有啦！咁帶我地埋位坐喇！2至4位係送清蒸游水老虎斑一條。咁我問駛唔駛話食滿幾錢又或者有其他額外收費先有得送咖？要你有兩位或以上於晚市8:30前入坐就可以咖喇，並冇其他特別限制，可以淨係食條魚，唔叫其他食，埋單兩個人都只係須要俾茶錢同加一服務費！嘩！有冇攪錯！咁大隻蛤蜊！真係要向老板致敬，咁樣刺激銷費，唔該呀"煲呔曾"學啦！.....對唔住，一時激動，話說回頭：我身為一個有公德心香港人，梗係唔會咁衰淨係食條魚就算啦！橫掂都係出食飯，又未試過呢間酒家，咪叫返兩個小炒囉，...當我睇緊食咩時間就有位阿姐走埋我老婆身邊介紹A話今日出個豆腐小菜系列喎，又話我老婆皮膚咁滑梗係食得豆腐多喇！不如就試呢個...唔記得咩名喇，不過我地最後都揀個葡國海鮮焗黑豆腐，再叫多個梅菜蒸一字骨，.....(唔講咁多廢話喇)條魚都有約一斤左右啦，都幾新鮮，肯定

尋晚睇頭塲，落黎食，$12一碟，5個人叫左15碟。$12呅喺(敢)上下，坐吓吹吓水。理單有多兩碟，次次都多！服務真喺一般得很。

湯底比銅鑼灣的分店差.....食物一般....

上星期5/2凌晨3點我和男友在銅鑼灣去旺角到,至6點走今星期四凌晨1點我和男友再在銅鑼灣去旺角到,至4點走沙嗲清湯鴛鴦鍋($40)-ok,但我唔喜歡豆芽,豆腐和冬瓜蔗竹水($18渣)-ok啤酒($15/3罐)-男友飲挪威三文魚$12-很正肥牛$28,全碟$12(9:30後)共合:$2xx下次我會去幫襯我唔會去幫襯銅鑼灣分店

上星期五食完，今星期二又食，佢地d 湯底好正，$68有好多選擇，有醉雞鍋，有燉海鮮等，正。可以飲完湯先至打邊爐。叫個象拔x刺身$110，幾新鮮，不過略少。四寶丸係鮮製，唔係雪櫃貨。可樂就$15三支，promotiom 啤酒都係$15三罐。美中不足就係當晚d 桶蚝一早已經無貨，無得食。如果九點後食仲低，$12一碟，所以要排隊等位。

星期6去飲茶叫左:奶皇飽-超正..鴛鴦水晶飽..馬拉糕..齊腸粉.. 排骨飯..蘿蔔絲餅..(all good ar........好正.)我會再去食的haha.........

因為想食灌湯餃於是又去飲茶點知再一次失望呢度又係無星期日都幾多人等位不過好在唔駛等好耐坐左吸煙區搭檯雖然係有人食煙但都唔係好多可以接受啦叫左奶皇飽,蟹籽燒賣皇,鮮蝦豆苗腸,鴛鴦水晶飽,魚湯菜肉餃同叉燒酥蟹籽燒賣皇～最先上檯,由落單到黎到都唔駛5分鐘,當然只係暖唔係新鮮蒸起,賣相靚又大大粒,可惜肥肉都幾多,味道算幾好啦鮮蝦豆苗腸～特價點心期望都唔可以太大,一條有兩粒中size既蝦,中間夾左d豆苗,味道清清地,好在粉皮都幾滑又新鮮,點少少豉油食又幾好喎叉燒酥～又唔係新鮮焗起,都唔明點解等左咁耐先上檯,由落單到黎到差唔多四個字,食完燒賣都飲左好多茶先有得食!講番味道,酥皮都幾鬆化,餡亦無乜肥肉,而且唔太甜都唔錯,可惜係餡料少左d鴛鴦水晶飽～有奶皇同豆沙,兩種味都唔太甜,味道幾好,奶皇仲幾滑添,唔錯既,可惜個皮太厚,賣相亦麻麻奶皇飽～以為係流沙o個種,點知唔係,好失望,而且個餡根本就係水晶飽o個個,早知叫馬拉糕好過魚湯菜肉餃～魚湯好似無味咁,加上個皮好厚,幸好個餡菜多過肉,不過呢個係最差既!服務有好有唔好侍應有禮貌同盡責可惜d單太亂點心上檯時唔會問清楚你有冇叫就已經放低同o係咭上面蓋印閒日朝早

大半月前已經想一試這間火鍋酒樓, 可惜當晚客人太多, 沒有耐性去等待. 今晚剛好約同太座和妹妹在旺角晚飯, 天氣雖回暖了亦不妨再嚐火鍋.侍應很有禮貌介紹了豬骨湯底, 湯料比想像中多, 但味道輕清; 再點了不少配菜, 其中美國肥牛, 手切肥牛和羊肉都表現不錯, 最欣賞的是美國肥牛, 而羊肉則偏韌了一點; 貢丸, 鱔片和帶子味道一般不過不失; 四寶丸和魚皮餃則比較失望, 前者細小沒有質感, 後者偏向多油, 不太討好; 最後栗米度則清甜可口, 喜出望外. 酒水比想像中經濟便宜, 有點大吃大喝的感覺.

今朝10點幾去左深水埗高登上面果間福苑飲茶,11點前入單仲有早茶價(小點$8.8,中$9.8,大$11.8),叫左個蒸齋腸(中)---估吾到酒樓可以蒸到咁滑,surprise!唯麻醬及甜醬不夠香;蘿蔔牛肚(中)---牛肚夠淋,蘿蔔亦冇根,唯味道淡了點;椒鹽三文魚腩$15,十分好,香脆而不油膩,值得一讚!蘿蔔餅(中)--有大酒棲水準,咬落香脆,蘿蔔絲汁多且甜!皮旦瘦肉粥$4.8---雖然細細碗,但超值!overall真係吾差,唯環境較嘈及地方淺窄.

2月16日食晚飯, 點3個,鑊氣唔夠, 當中兩碟上時只係暖, 另一碟連京都仲係生- 點食呀!. 第一次叫房翻炒,再上時居然變埋泠盤,第三次上才是熱的.另外, 連白飯上也只是微暖.可能此店只適宜做火, 不適宜做晚飯