福龍門海鮮火鍋酒家

营业中

休息中

好耐無嚟深水埗區食嘢喇，朋友推薦一間不限時任食雞煲火鍋嘅酒家，啱晒我哋聚餐。雖然叫酒家，但舖面唔算大，廳面應該唔多十枱，有卡座及圓枱，裏面有房供應，最少要有八人。食店樓底高，老闆話開業已有四年，冷氣機清潔得唔錯，環境乾淨企理。食物方面選擇唔算好多，都有唔少係回本嘅選擇，由其白鱔片，龍躉肉，牛小排，豚肉，響鈴質素幾好。以二百幾不限時嚟講性格比唔錯，我哋一行四人除咗食嘢當然唔少得飲返兩杯，都飲咗二十支左右藍妹。藍妹大支裝$33，另外有一款係雪花牌$12，仲有款已經唔記得咗。其實雞煲要辣先好食，感謝各位朋友嘅遷就，點咗bb辣嘅雞煲，雞煲味道可以，不過雞肉真係幾鞋。另外火鍋揀嘅2號嘅花膠濃雞鍋，湯底幾香，有一隻雞肶，但就見唔到花膠。花膠環球海鮮盤人頭每位一份，每款一隻，鮑魚，蝦，蟶子唔係活鮮，但肉質可以。白鱔片，龍躉肉係任點嘅回本位，大大片都幾厚身。安格斯牛小排，第一次上嘅牛小排比較鮮紅，之後顏色暗少少，口感唔差得遠，都唔錯，幾嫩，牛味唔算重。朋友話西斑牙白豚肉好味，唔肥又唔會鞋係唔錯嘅。即炸脆響鈴，圖中係第一碟，之後嘅更脆更好味。丸類餃類都大大粒。除咗蔬菜類，仲有點水魷魚，雞子，不過掛住飲酒

一個字 掂會再去一行十多人 一次群聚 順便賭馬 開開心心一個晚上食物冇得彈雞煲夠入味 新鮮海鮮 不是cheap 牛 有VIP房 汽水任飲 係可口可樂 道地 要加分無限時 老闆健談228 再加一 員工服務態度良好 周時入來換骨碟

“係深水埗食雞煲，緊係去褔龍門啦。”其實呢句說話我係某次同朋友傾計時，朋友咁對住我說，初初我係深水埗來來去去都淨係知一間任食雞煲好食，不過果間就結左業，而褔龍門真係就無乜點過。不過都默默咁記住左呢個名。一個月後朋友就話想食雞煲，於是我就話去褔龍門啦，就係甘就同四個朋友一齊黎到褔龍門食野喇，果陣時六點半到，其實都full左大半，剛剛好，職員講，你地真好彩最後一張枱，如果唔係就唔知等幾耐先有。比張餐牌內容大家睇睇先：咁大家會見到1（雞煲），2（湯底），3-10（火鍋食材）。因為我地都無黎過，於是就揀左個雞煲先，然後職員就問我地想要咩湯底，呢個真係好喜出望外，因為以為佢係直接加湯底落雞煲到，但原佢係另外比個煲你打邊爐。（勁開心，因為我地個張係大枱，有兩個爐一個爐雞煲，一個爐湯底）同一時間滿足兩個願望，哈哈。雞煲同湯底好快就送上喇，於是我地就拎起張紙，開始係到揀火鍋材料，然後職員就走黎同我地講“你地可以唔洗揀住，因為你見到餐牌上寫既3-10都會因人頭手比你享用，唔夠食先再點，仲有仲有雞煲食完，想再加就即管開聲” <----職員好貼心亦都好有耐性講介比我地聽，令到我覺得受尊重。時次惠顧過

放工和朋友吃飯，今天他們揀了深水埗任食火鍋，重點：冇限時間任食，由於火鍋店座位不多，一定要預早訂位。店舖裝修雖然，但勝在火鍋食物配料新鮮。我們除了花膠火鍋湯底，還點了雞煲，首先送上海鮮拼盤（只有一碟，海鮮數量以人頭計算，包括有鮑魚、刀背硯、大蝦、大硯等），新鮮，有超過30款火鍋配料任點任食，還有汽水飲料任飲，超抵食，其他推介火鍋配料包括牛小排、手切肥牛、黑豚肉、鱔片、龍躉片、手打蝦丸⋯⋯。價錢非常抵食，每位$250連加一。

每次想同朋友無限時傾計食飯, 總會諗起嚟呢度食雞煲及海鮮火鍋 ,因為個辣雞煲 真係會一食再食。 今晚就連續嗌咗兩round雞煲 先開始食海鮮火鍋 。海鮮材料夠新鮮, 個個朋友見到 隻鮑魚仲識喐 大家都好詫異, 證明海鮮一定係冇得輸,其次大家都搶食嘅 就係龍躉片及肥牛!仲有可以介紹大家食即炸響鈴 新鮮熱辣出爐 可以點雞煲啲汁 食或者就咁食都非常之正, 仲有 依家食一個雞煲店員就會奉送一碟炸魚皮 ,配埋啤酒 一絕👍

褔龍門位置喺深水埗，好方便旺中帶靜。十個人去食火煱，又想坐耐少少，都會揀呢度食。十個人已經可以訂到房，仲要無限時。300蚊又雞煲又火煱，無限食無限時，仲想點個雞煲可選辣唔辣，仲可以潻食，成班大胃王食到好滿足。重頭戲再嚟一大盆海鮮，係跟人頭數目上的，之後再嚟一輪牛肉，餃子，一堆火煱食物，真係飽到上喉嚨。我最鍾意佢唔限時，有時成班人唔係成日出嚟都想吹下水，慢慢食慢慢傾，非常好。我諗褔龍門都可以做我地既聯誼會喇

黎呢度打邊爐都有兩年，食物水準都仲keep到，真心要推薦比大家星期一至四$228 加一星期五至日$238 加一雞煲任食，可選不同辣度，最少都要BB辣食完唔夠可以再加多半隻雞 or 一隻雞都得。是日精選海鮮 - 二人份量每一次都有少少唔同，聖子唔一定有，但鮑魚就會次必定有，仲要好新鮮，篤落去隻鮑魚嘅時候仲郁㗎👍🏻安格斯牛小排比起出面任食火鍋的肥牛，呢度的牛簡直超班，仲要後加的牛都係一樣咁靚。之前去過d有分級數有唔同收費的火箭店，第一轉一定靚，之後開始就勁硬勁梅。呢度真係良心食店👍🏻西班牙白豚肉正正常常囉⋯⋯因爲我主要係食牛😆手打蝦丸 - 又大粒又彈牙雲吞 + 韭菜餃 - 皮薄餡靚即炸響鈴唔打邊爐就咁食都脆卜卜、放入鍋底索一索d湯汁亦都好味😋提提大家：只收現手

今年度同事聚會由我負責，講真好少攪咁多人嘅飯局，經同事介紹呢度（呢度已成為同事飯堂）早一個月訂位，口頭承諾比到房我（不設最低消費額，不過），又不設時限，啱晒食完仲想傾下偈，當天下午6點去到，大堂無乜客，店員帶我去三間房其中有廁所嘅一間，入面有兩張拼枱可以坐16人，後來有同事因工作OT缺席，改為13人，店員好好的主動提出改為一張大圓枱，同事陸續出現，先叫一個雞煲（大辣）店員上咗雞煲，定時出現撈勻！飲品醬料可以任斟！每個人$228（要再加一）雞煲：叫了一個大辣，一個小辣，醬汁好香，食落唔會太辣，好惹味，雞肉幾滑！湯底：花膠濃雞鍋：香濃滑溜芫茜皮蛋鍋：清爽牛肉、豚肉、海鮮、牛柏葉，肉類水準不錯魚皮、韮菜餃、芋絲、蜂巢豆腐響鈴、龍躉肉、蔬菜🥬、菇🍄雪榚：雪榚係獨立包裝雪榚球，有幾款味道，食咗芒果🥭、綠茶🍵、士多啤梨🍓火鍋🍲配料多，除第一次按人頭上晒肉類海鮮，之後加單都好快手！出入收碟勤快！ 環境雖然唔係光鮮，都算乾淨企理（廁所ok)店員有禮有笑容！我哋食得好盡興！一班人飯聚好地方！

朋友介紹之下到呢間任食火鍋及任食雞煲。 通常一般鋪頭都會食完雞煲就用返原煲做湯底,但係呢度雞煲同火鍋湯底分開上 ,可以一邊食住雞煲又可以食海鮮火鍋 , 而雞煲仲可以無限添食。海鮮火鍋材料新鮮及多元化,有鮑魚、海蝦 、蕃薯蜆等等 ,食完火鍋仲有飯後甜品,有不同口味雪糕球任君選擇!

本人已經食過好幾次，比我既印象都幾好，所以我一直都有幫襯，今次原本訂左14位要間房，book房既時候無講過話要低消，最後我地得12人去，有大有细，好啦服務員問我地幾多位上火煱，好趕咩食住雞煲先？我地未齊人咼，咁開始食啦，已經有過好高大既廚師成日走入泥，我地問佢做咩成日走入泥，佢話無野睇下有無野收，我地話無，但我地見佢個樣已經好吾高興，系咪我地吾夠14位既關係?之後真係好好笑，因為我地間房有張枱仔，問我地介吾介意坐三個入泥，我地幾個人0晒，咁緊系吾可以啦，跟住開始對我的地黑面，仲同我地講要低消，但book位既時候無講要低消，定系我地吾比你入三位我地間房所以要低消? 仲有位女服務員好吾高興同我地講今次算，吓，我需吾需要多謝你地

經過深水埗想食雞煲同火鍋，喺openrice search有咩好火鍋好食，見到有間有雞煲 ，有火鍋，有海鮮拼盤，仲要冇限時先黎雞煲，雞煲都幾入味，雞肉唔韌再黎個海鮮拼盤，有鮑魚，蜆，蝦，象拔蚌等等……之後緊係點肥牛啦，d牛肉脂肪比例啱啱好，肥瘦適中，仲有其他丸類都唔差整體都唔錯，最緊要係冇限時，可以同朋友傾成晚

幾個老友最近約埋出來聚一聚，有朋友話屋企人介紹去依度幾好食，二百零蚊任飲任食另加一，首先雞煲，唔知點解啲雞肉好少，骨多過肉，之後花膠雞脾鍋都算唔錯，安格斯牛就食唔出係安格斯，服務就差啲，我地5個人去坐一張卡位側邊加張椅，本身啲卡位都唔係寬闊，仲要係死角位，仲要加多張椅，感覺好迫，員工服務好一般

一般任食火鍋既概念都係重量唔重質，但福龍門就約依個理念打破，絕對稱得上重質重量既雞煲火鍋一行六人去食，首先會有一鍋雞煲俾你先食。雞肉嫩滑，分量足夠六人食，配菜洋蔥，蔥頭都好入味。如果唔夠食，店鋪可以再添加雞件👍🏻食到雞煲咁上下，餐廳就問你揀另一個湯底（有7款選擇）用黎打邊爐，我地今次就揀左藥膳雞湯藥膳雞湯上場，湯底有濃濃的藥材味，再附上一碟雞件，真係食雞都飽飽喇。上完湯底，餐廳就會陸陸續續咁上一系列火鍋食材，包括隨機六款海鮮（鮑魚，刀貝，花甲，蝦，黃金貝，蜆.....）、花膠、白鱔片、龍躉魚，牛小排、羊肉片、蝦丸、韮菜餃、時蔬，仲有即炸響鈴，絕對熱辣辣，新鮮出爐。海鮮款款都新鮮，食落無腥味，響鈴係一定要番食又番食！其他食材可以隨意番添！除左火鍋材料，餐廳仲提供意大利雪糕，每晚提供4-5款口味，任均選擇講左咁多野食，每人都只係$228 加一食材新鮮，絕對超值

2個墟當然要搵抵食，時間無限時嘅飯館啦！朋友介紹，地點方便易搵，坐得都舒服，唔會太嘈，可能我地最嘈 ，今晚星期二都爆埸😅開始先嚟雞煲填肚，第一次煲要微辣，第二次要中辣都未算辣，醬汁好濃，雞都嫩滑點了花膠雞濃湯底，湯底都好好味，跟著跟人數海鮮盆(鮮蝦，蜆，花甲， 鱔片，大大隻鮑魚，樣樣都新鮮，但某幾款如加碼就要加錢)，牛肉，羊肉，鮮蝦丸， 墨魚丸， 響鈴勁正， 炸芋頭都唔錯， 仲有冰凍汽水，羅漢果水任飲，又有大大粒雪糕(今晚得3款芝麻，曲奇， 芒果，不過比較甜)，咁嘅價錢，真超值抵食

又到打邊爐季節la~~~~ hungry pig 又要出動!!!今次去友人推介嘅主打堅"無限時"任食雞煲火鍋!! 朋友仔話地方唔大，仲要無限時，叫hungry pig 一定要預早book定先！呢間係樓上鋪黎，唔係朋友介紹就咁係街經過都唔知有得打邊爐，應該係做開熟客仔生意🤔坐低第一時間梗係叫個雞煲先la，同行友人唔食得辣，唯有叫微辣。可能微辣關係，味道一般, 醬汁係靈魂所在, 但個醬汁唔夠濃郁，無得同某雞煲專門店比...... (可能hungry pig 重口味) 如果對雞煲無興趣嘅朋友，可以skip咗去直接打邊爐，因為店家都係唔會就咁加湯落個雞煲度!!食完雞煲，店家會收走換個新嘅煲，無得撈返d雞汁...... 至於湯底Hungry pig 就緊係要養顏花膠濃雞鍋la~ 花膠份量都算夠誠意, 煲耐少少夠晒淋身又有咬口!! 女士們識揀la??除左個鍋，第一輪仲會幫你上埋海鮮拼盤(只限一次)同埋某D食材 (見上圖3-10號)，唔夠就再加單la!!一分錢一分貨，海鮮非常新鮮，蝦丸  外號牛魔王嘅朋友仔話牛肉夠誠意，唔係用超肥嘅普通肥牛  可惜牛丸味道無咁好。響鈴標榜即炸 其他食材就略為普通。值