禤師傅小廚 (已結業)

上網搵到呢間餐廳講真，門面就真係唔多吸引，係巷仔入面，不過d野食味道又真係ok 三日前pre order 左瀨尿蝦，蜆，蟹，蝦，講過budget同人數俾佢聽，佢地會識得點買先講椒鹽瀨尿蝦，好大隻，成枝筷子甘長，d姐姐侍應會問切唔切開兩段，方便食，好入味，好正個蜆就麻麻拉，太多沙，麻麻地，新鮮就真既個黃金蝦好味，好入味薑葱炒蟹無得輸，好正，好足秤，十個人食老食食唔哂廚房得師傅一個，所以d餸會一道道出黎仲有其他小菜，金銀蛋時菜好ok ，食完仲想叫多一碗5款海鮮，三個小菜，仲叫左野飲同啤酒，一個人都係270，我就覺得好ok la ，起碼新鮮過西貢先拉！

位於一個窄巷當中，禤師傅的鋪面並不顯眼，我也只是在附近找不到空的餐廳，之下才偶爾發現的，抱著姑且一試的心態。禤師傅的午市並不昂貴，我看了一下，星期一至五每天的午飯都不同，都是36元，包括一碗湯，一碟飯，同一杯熱飲，其實幾抵。我坐低，點左一客韮黃蝦仁炒蛋飯。飲熱咖啡。是日的湯是西洋菜湯。和暖可口，嘗不到味精，是飲得幾暖胃舒服的。隨後我就食蝦仁炒蛋飯。此飯是一大片比我的臉還要大的蛋餅覆蓋在飯上。整個炒蛋餅裡面含有蝦仁和韮黃，尤其是一絲絲的韮黃，爽脆而香，咬開蛋餅時拉一條出來，十分好吃.唯一的遺憾是蝦仁不多，總覺得有點兒不夠喉。相比飯，其熱飲就沒有甚麼特別，都是很普通的熱咖啡。

平時知我的comment都好mean,難得有一間唔貴又好食，梗係要讚啦。（平時好食的都二百至三百樓上）呢間真係大排檔價，超好食。唔夠一個月我已約人再去，上次另一隻腳就已經再去過。以數據來說，唔差啦？（不過希望呢個post之後唔好叫人突然變多🙈）

今晚食farewell dinner 以前喺「禤師傅小廚」食過午市快餐 今次專登帶同事嚟食大家留意 如果要食dinner必須預早訂檯 因為所有材料都係即日新鮮搜羅.... 晚上只有禤師傅一位大廚煮菜 聽老闆娘講 禤師傅以前係內地嘅五星級大廚 為保持出品 當然只由他一位掌廚啦 見佢成晚三四個鐘不斷煮 都幾辛苦... 雖然Facebook Page有餐牌 但基本上只要係中菜都可以點 聽聞好多客人特別喜歡禤師傅煮嘅海鮮.... 今晚 我哋食咗 黃金瀨尿蝦、白灼腰潤、粟米魚肚羹、椒鹽雞中翼拼豬扒、四季豆、金銀蛋莧菜、刀貝... 再追加一碗渣渣！黃金瀨尿蝦唔單只大隻 啲殼仲脆卜卜 隻碟有好大灘「尿」 鹹蛋黃融咗落去 變成撈飯嘅美味選擇白灼腰潤炒得好爽口 那股豬騷味好正 椒鹽雞中翼/豬扒係熱門菜式 不但惹味 食完仲竟然唔口乾！(話說小妹點菜時 猶豫咗好耐 食邊樣好呢... 於是老闆娘就話 係可以cross-over㗎～)呢份金銀蛋莧菜 係用湯碗裝 大碗到呢... 除了菜 湯都一定要飲埋！唔係得個鹹字 而是有濃濃的菜味～～呢盤刀貝 係呢晚煮剩咗嘅 老闆娘就問我哋要唔要試 咁梗係要啦！上檯時 離遠都聞

最近LUNCH都有幫襯, 呢間新餐廳, 星期一至五每日MENU 都唔同, 唔會食厭。同老闆娘傾開幾句, 原來佢地晚飯可以預先ORDER 食乜, 廚師會特別煮比你, 例如海鮮之類。佢仲話廚師之前係五星級酒店大廚, 拿手菜係海鮮同鮑蔘翅, 咁我就ORDER 定幾個菜試下先。椒鹽豬扒雞中翼：炒得好夠鑊氣，豬扒好嫩，雞中翼外脆內軟，鹽椒岩岩好，仲有少少麻。藥膳雞煲：我地飲左湯先食雞，個湯好甜，好香。雞肉好入味！腊味煲仔飯：油鴨脾同腊肉D汁滲入左D飯入面，令到D飯都腊味味，好正。個飯焦岩岩好，唔太濃，好脆。蒜香粉絲扇貝：呢個扇貝係我預先ORDER，禤師傅話係佢當日落場親自去街市買，好大粒，好新鮮，但美中不足係粉絲有少少咸。我地都有同師傅講，佢話下次會煮淡D。肯接受客人意見，抵讚！overall, 間餐廳個LOCATION 係難搵少少，我建議係青山道過去會方便D，見到兼善里一入去就搵到。可能係平時lunch 都黎開，同老板娘傾開計，覺得佢地都好有心機做好間餐廳，至少佢地肯聽意見，不斷改善。食物質素高，果然係酒店大師傅，鍋氣，味道都做得好好。係一間值得推薦的隱世餐廳。