私房菜

营业中

休息中

先開枝朱古力酒，係出面飲唔到既朱古力味紅酒，好香又易入口，個朱古力味後勁好出，我少飲紅酒都覺得好正！十道菜Omakase晚餐先來個蘑菇花膠湯，味道香濃，但好似食唔到花膠。蟹肉青瓜卷配芒果醬，一啖放入口，感覺好清新，青瓜同芒果味道又幾夾！蝦多士 個多士好香脆，面層蝦膠好結實，好足料。雞蛋闊條麵，配皮蛋碎同泰國香料，好特別，我好鍾意皮蛋，加埋泰式香味，應該係九層塔，好開胃。雞翼加薑 看似無特別，味道亦唔重薑味，但係好食既，而且雞翼好厚肉！蟹籽雲呑 超大隻雲呑，咬落食到一粒粒蟹籽，口感幾豐富慢煮西班牙黑毛豬配蘋果芥末 肉質有少少韌，不過個醬蘋果味幾濃，豬肉有點嚼勁可以嗒真啲個醬汁味。冬蔭功芝士扇貝 面層係焗焦的芝士，蓋住扇貝之外仲有冬蔭功湯汁，有驚喜，味道好出！咸蛋炸魚皮意粉 真係OMG，聽落簡單配搭，做落唔知係咪咁易，但超好食！意粉彈牙，魚皮香脆，加埋粒粒咸蛋黃，口感同味道都好豐富！甜品係香橙意大利沙巴翁，第一次食沙巴翁，杰杰地既口感，香濃橙味，呢個幾清新但我就麻麻地拉。臨走前老細兼主廚兼侍應捧個蛋糕出黎唱埋生日歌，堅Surprise！以為係心太軟，原來係個冰凍Brownie，下面有朱古力

【黃店推介 - 熱烈慶祝🐷🐷爸爸媽媽周年快樂 - Secretland@銅鑼灣】🐷🐷💭上次試完呢間抵食私房菜之後一直念念不忘, 今次再試就已經有唔少新款式, 仍然係$350 十道菜, 而且老豆提前講左慶祝紀念日, 老闆花心思準備甜品好有驚喜, 哄到媽媽好開心呢!! 🐷🐷💬1️⃣ 原隻南瓜湯豬仔咁高嘅迷你南瓜仔, 岩晒打卡, 湯好濃郁, 唔似街邊南瓜湯淡貿貿, 而且有陣陣海鮮鮮甜味, 問番先知原來老闆加左蜆汁, 果然..出色嘅菜式往往就係贏係細節度呢~🐷🐷💬2️⃣ 芒果青瓜卷 + 3️⃣梅汁西瓜 + 4️⃣黑松露花雕酒鮑魚前菜3款都轉左新口味, 首先有新鮮芒果打汁配肉鬆青瓜卷, 再試埋酸酸甜甜嘅梅汁西瓜, 好fresh好開胃, 而上次最好食嘅魔鬼蛋就轉左鮑魚, 一樣用花雕酒浸過夜, 換上爽滑一口鮑魚, 感覺high class 左呢🤣🐷🐷💬5️⃣ 三重芝士蟹籽卷呢款上次都食過, 一樣超多芝士, 而且咬極都仲有蟹籽卜卜聲唔願吞😂🐷🐷💬6️⃣ 慢煮鴨胸配自家制BBQ醬同出面食有層肥膏嘅鴨胸唔同, 呢款鴨胸偏瘦健康得多, 但又唔好以為會唔好食, 由於慢煮鎖住肉汁, 食落仲好滑唔鞋口, 肉味

：【黃店推介 -隱世抵食十道私房菜@銅鑼灣🍽】🐷🐷💭雙十黃店感謝週點少得豬仔周圍搵食呢！呢個假期餐餐都揀有特色嘅黃店試下!! 呢間就最令人印象深刻, 一間好難搵嘅樓上店, 冇menu類似廚師發辦嘅西餐廳, 十道菜只係每位$350 (冇加一！), 節日紀念日嚟輕鬆食好嘢可以考慮下, 野食好講究, 又睇得又好味！老闆本身係調酒師, 喜歡摸杯底嘅就更加岩啦!!🐷🐷💬1️⃣ 花膠蘑菇湯蘑菇湯出面都飲得多, 但加花膠就即刻令成件事高級咗！加咗花膠之後令個湯更加杰身同鮮味提升！老闆亦落唔少黑椒所以唔會有腥味🐷🐷💬前菜: 2️⃣凍番茄🍅3️⃣青瓜汁雜菜沙律🥗蕃茄擺碟好靚, 佢面頭落左啲香葉令佢多咗少少咸香味, 好特別!!配埋酸酸地嘅雜菜沙律幾開胃🐷🐷💬4️⃣ 松露魔鬼蛋配番薯蓉🥚全晚最想介紹嘅係呢粒魔鬼蛋!! 蛋用花鵰酒浸過夜令到佢好入味, 蛋黃用冬陰公湯淆到辣辣地, 上面加埋黑松露,咁多種味道加埋一齊食超級豐富！底下仲配有甜番薯中和咸味🐷🐷💬5️⃣ 三重芝士蟹籽卷 另一推介!! 外型似中式春卷, 入面係勁多食到卜卜聲嘅蟹籽同埋拉絲芝士!! 呢個組合好夾, 絕對值得一試!❤️🐷🐷💬6️⃣ 辣

冇諗過會有一間咁高質嘅私房菜，完全係極度underrated。老闆實在太好人俾我喺度搞生日party，15個人佢已經比我包左成場，玩成晚都冇趕我哋走！仲抵過啲party room，最重要係有餐好好食嘅dinner。可能因為我哋人數眾多，所以食物都等得有少少耐。但係好值得，因為每一道菜都係老闆親自整！值得一提嘅係佢個朱古力紅酒真係好好飲，平時唔係好鍾意飲酒嘅我完全唔覺得難入口！老闆話有好多客返嚟特登買枝紅酒！好彩疫情有呢一個地方慶祝，咁啱嗰段時間又唔未有限人數！如果想有一個私人嘅地方食一餐好嘅私房菜，一定要嚟呢度食！(雖然枱面見到嘅所有佈置都係我自己預備🤣)

📍私房菜#Secretland 🇭🇰香港銅鑼灣謝斐道526號3樓🇭🇰3/F, 526 Jaffe Road, Causeway Bay,HK🌐銅鑼灣人均消費: HKD600 味道: 👅👅👅賣相: 👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️回頭率: 🔆🔆上樓私房菜，地方算舒適餐廳係Fusion Omakase ，一共10道菜，上枱先知係食咩㗎老闆好熱情好健談，加埋個環境好有在家嘅感覺！⭐️花膠野菌湯先黎個湯花膠野菌湯，望落去好似普通菌湯，但可能因為花膠，口感黏黏的厚厚的幾正味道好香，菌味好濃厚，好開始！⭐️梅子蕃茄用個樽放幾靚幾突別！份量都幾多架，一人都有五卜位舊梅子汁浸住蕃茄，蕃茄好新鮮好甜，梅子醬微微帶酸，食落十分開胃⭐️青瓜沙律 其實裡面冇青瓜，反而係用青瓜，日本醋，味林，日本麻油等做左個沙律汁再配沙律菜除咗有少少青瓜青香，仲有陣陣嘅麻油香，特別清新⭐️蝦多士唔係細細件嘅蝦多士，係蒜蓉多士咁大件嘅多士😂上面舖滿蝦膠再焗，蝦膠好香口感爽，配上泰式辣醬，一咬咬落去上面爽口下面香脆，好味！⭐️三重芝士蟹籽卷感覺好似脆皮春卷，外皮好脆口，咬落芝士味超濃，蟹籽好大粒，

朋友生日想食西餐，禁我就係openrice 搵左幾間比佢簡，最黎簡左呢個隱世私房菜。訂位時，老闆會問你有咩唔食，因為當中晚餐會有十道菜，全部會由佢發板。人頭只係HKD350👏🏻抵到呢...當日去琴餐d搵唔到😂朋友仲行多左轉，以為去錯地方。因為真心隱世，門口仲要無招牌🙊餐廳有隻迷你牧羊犬，勁乖！！17歲要跑跑跳跳。我同朋友都係狗奴，未開飯緊係要同狗狗玩一陣啦！等左10分鐘左右開始上菜！第一道菜係蘑菇湯，用鮮蘑菇絞碎，再用蜆湯底等等熬製而成。不同出面西餐蘑菇湯，無禁creamy 不過多左份鮮味。第二道係酸味味既番茄做頭盤，個底甜甜酸酸，有d似梅汁，上面加左d香草，幾開胃。第三道-蝦多士，上面加左泰式辣醬。我嫌個包唔夠爽🙊不過味道ok。第四道-蒜蓉蒸茄子，用左蒜蓉同蔥清蒸，中式口味，夠味等黎唔油膩！第五道- 香煎鯖魚！勁鍾意呢個菜，老闆話鍾意鯖魚既口感同味，但因為勁多骨。為左令客人食得開心，佢用夾一條一條骨禁夾出黎！勁細心！本身我就好鍾意食鯖魚，而家仲要食得安心又唔麻煩，加埋配上番薯蓉底，甜甜地都幾襯！第六道- 芝士鵝肝焗法包，呢道就ok la~因為芝士加鵝肝仲要加埋法包😂有d濟。第七道-

銅鑼灣隱世西式私房菜.呢日試左一間樓上私房菜今日餐廳人唔算多 夠舒服寧靜 可以2個人包左間房😂呢間仲有隻 好乖既狗狗陪住你 任摸唔嬲店主係一個熱愛煮嘢食嘅調酒師鐘意煮一d出面食唔到既野食同自製一d出面飲唔到既酒 十幾款例如：桃花酒 櫻花酒 voka類店主今日開心 免費試左小小私人珍藏櫻花酒唔太飲酒既我 都覺得勁清香 易入口鐘意飲酒既朋友 真係可以上搵傾吓計.講番主題啦 呢到大概$320一位 冇加一10款食物 全日由老板一個人服務所以是日老板忙緊煮野食果時可以搵狗狗陪你玩 佢勁活躍.⭐️花膠蘑菇湯用左蜆汁底 入面有小小花膠冇落味精都勁鮮甜 重香料味 偏咸⭐️凍梅子蕃茄沙律呢個幾開胃 甜甜地 表面有薄荷葉⭐️蒜蓉燒茄子呢個味道唔難想像 大量蒜蓉係表面 好食⭐️鹽燒鯖魚伴薯蓉表皮燒到勁脆 有鹽粒 香口👍🏻入面細心去左骨 唔乾 有汁 高質⭐️法式烤鴨胸伴香橙汁肉質幾軟 仲有唔小鴨油脂香加埋甜甜地嘅香橙汁 好夾但個汁可以睇個人喜號再落多小小⭐️辣椒膏炒大規香口野 好好食 蜆肉都夠大粒（可睇圖）👍🏻個汁唔多辣 如果有得送飯一流⭐️xxxx意粉個汁又係幾香口 意粉軟硬都唔錯👎🏻但個汁真係好油 女仔未必鐘意⭐️桃膠豆

生日飯喺呢度搞，同一班朋友、呢度嘅老闆非常好，會問清楚我哋有啲乜嘢唔食， 佢會主動發板，唔使我哋頭痕，整咗10道菜，每款都各具特色，而且都好新鮮！因為老闆親自下廚， 挑選当日最好嘅食材，當然， 性價比都非常高，10道菜都係三百幾蚊人頭，包括甜品🍮！非常非常抵食！嚟緊我都會推介俾朋友！因為呢度唔係地舖， 屬於樓上鋪，私房菜來講呢度真係幾好食㗎！值得推薦比大家！如果真係要講缺點，就係上菜慢咗，太多時間消化，變咗好似食得唔飽。

這間原本位於耀華街的私房菜搬左新地址，都係銅鑼灣銅鑼灣謝斐道526號3樓 這間私房菜一路在舊址都有去支持的！昨天有朋友生日book了七個人去慶生有蘑菇花膠湯、蜜瓜沙律、蝦多士、話梅凍番茄、鵝肝醬多士、煎鴨胸、煙肉包魚柳、意粉還有豆腐布甸 每一樣菜式都好好味同特式 而且價$絕對合理 老闆好好人要什麼要求都盡量配合到我們，新地方好舒適現在還有間vip房間可以訂，老闆還給我們免費試朱古力紅酒，味道一流！環境好舒適我們七位朋友都食得好滋味和開心 本人覺得值回票價👍🏽差點忘記還有個花甲也很出色！

第四次來了，每次都有驚喜的。今次專登記低食左咩對比上次，只有2道菜重覆（其實我都唔介意重覆，因為道道菜都幾好味）共10道：花膠蘑菇湯-中西合璧，好味招牌凍蕃茄- 食左N次都唔厭冬陰公沙津-很開胃黑芝麻多士三重芝士鵝肝醬卷-另一招牌菜慢煮60度香橙汁鴨胸乾逼大蜆-好好肉，也很惹味煙肉石班卷伴蕃薯蓉紅酒香草意粉豆腐布甸除了食物ok外，環境也很好。很private，可以同朋友傾計傾一晚，舒舒服服地享受食物，這次平日去剛剛沒有其他客，好似包場咁。在銅鑼灣鬧市有這地方，很值得推薦一下！

上個星期同一班朋友搞生日，今次個活動就係呢度搞啦 都係食下野 隊下白酒，弟一次黎 地點好易搵，地鐵一出黎 搵個Maps定位10分到行到，環境唔錯，岩哂一班人食飯 ，食果方面呢 其實我唔係好介意，但起碼都多，我主要都係飲下紅白酒 ，加上又有whisky ，主要都係覺得地方唔錯 岩哂一班人吹水同無咩其他人so擾，私房菜黎講我見佢公司都放左好多支酒，唔係例牌 之華士果咋，日本Whisky 梅酒 仲有其他 不過我唔熟啦果啲，有一樣想重點介紹既，就係個甜品 豆負黎既 好滑 老闆仲講呢黎襯白酒一流，下次大家再試下

嘗試到不錯既選擇，飲同食離不開，可以唔買衫，唔Shopping, 唔食煙 但點都要食飯，一班朋友食飯，神級既火腩飯都會食悶，今次都係無聊禁禁下電話，見價錢唔錯試下啦，私房菜黎，野食比想像中多類，差不多8-10類 當然收得唔貴 唔會預左又龍蝦香檳咁 ，但比起街鋪既好好多，環竟唔多，唔會太多人嘈住哂，安靜，就算係book場都唔會好貴 ，岩哂20個人左右 ，仲叫左支紅酒，唔錯 收得唔貴，老闆太度好友善，最緊要都係價錢品質合理，比個like先

同標題一樣，價錢，味道吸引，平時都少過海 ，咁岩有時間同屋企人食飯，見Openrice 啲留言唔錯就試下啦，價錢唔係貴，平時食開啲集團隱陣果啲都係差唔多 ，但估唔到有驚喜既，前菜主菜都吸引，差唔多8-10樣菜 首先個湯先，出面大多都係紅，白，中湯都預左係咩 因為始終係私房菜 去開都係開聲唔食咩 ，由公司發版 ，首先個磨菇花膠湯 好有層次 一飲就知足料，蝦多士同春卷都係睇得出係自家製，主菜慢煮豬柳，意粉，豬柳比想像中更入味，由其是係個豬柳個牆汁 ，甜品都吸引，唔會令到成餐飯太滿，最全要都係價錢合理比集團更有保漲 直得留言

我對食野一向都有少少要求，雖不至於揀飲擇食，分量方面就貴精不貴多，款式方面就最好多啲選擇，呢個問題喺人多食飯時都好解決，如果人少想叫多一兩款，又驚食唔曬，所以都幾中意放題。但最近經朋友介紹下，就試左呢間位於銅鑼灣耀華街既私房菜，D嘢幾有特色同埋好食，價錢亦合理，所以想同大家分享下。我哋book咗六點半鐘，上到去都好快就有野食啦！首先上黎既黑椒花膠湯，香味撲鼻，食落味道濃郁，有好多花膠，而且口感滑流，黑椒唔會太辣，味道啱啱好再黎凍蕃茄和冬陰功沙律，番茄清涼爽脆，蔬菜新鮮，配上冬陰功醬，酸酸地非常開胃蝦多士，蝦餅既香氣令人垂涎，賣相亦十分吸引，非常香脆可口，醮D酸甜醬仲好味煙肉石斑柳卷酸薯蓉，煙肉香甜，魚肉好新鮮，酸薯蓉味道幾特別。慢煮加拿大豬扒阿拉絲雞黯然銷魂意粉，意粉加左鵝油煮，入口香滑食落煙靭，份量十足豆腐布丁，香滑得黎不會太甜，食到停唔到口整體而言食物質素不俗，價錢相宜，值得推薦俾大家。

上星期有個Best Friend請我食飯，原本心腍可能係食韓國菜或者日本菜，點知原來係食私房菜（西餐），其實我之前從未食過私菜，所以我都無乜概念呢間私房菜叫Secretland係銅鑼灣耀華街,一條小小樓梯行上去，毫不顯眼，門口亦無任何招牌，但入到去又別有一番天地。裡面裝修到好似一間高级嘅西餐廳，好舒適典雅。花膠磨菇湯…………好濃郁，有少少胡椒粒，同埋D花膠份量好足，好爽滑，口感十足。凍蕃茄…………好新鮮清甜，不失為一道開胃嘅前菜。蝦多士………………煎得幾脆同香口，蝦味好濃。黯然消魂意粉…………個名幾特別，老闆自創意粉份量好足，鴨胸好腍，聽老闆介紹講佢地係用鵝油代替橄欖油撈意粉，唔怪得之比平時餐廳食嘅意粉香好多。甜酸三文魚…………酸酸甜甜好開胃，三文魚肉質鲜甜，份量亦好足。最後甜品…………豆腐布丁，D豆腐好滑，唔會太甜，唔錯。私房菜特點係可以给人一個私人空間作私人聚會，不過就需要提早預约，唔可以walk in㗎。