秋香 (康景花園)

营业中

休息中

之前一直都想嚟試，但每次WALK IN條人龍都唔係人咁品。今晚終於有機會帶埋唔係住本區嘅朋友一齊試食。因為室內滿坐，被安排喺外面坐; 無緣感受室內嘅裝修同氣氛。下次吧…呢度好多人推介居酒屋必點嘅串燒之外，另一推介竟然係煲仔飯。所以我都點咗2款嚟試試秘製牛肋條煲仔飯: 燒過嘅牛肋條面有DD韌，好香口而且肉味濃。豬腩肉煲仔飯: 個樣好似好肥，但食落完全唔覺肥膩，入口好甘香。+撈埋生雞蛋、櫻花蝦同蔥花，口感好豐富。煲仔飯係用銅煲一齊上檯，個煲底仲有我最愛嘅飯焦呀。串燒不能不點啦，點咗不同種類嘅肉類同大啡菇。燒得好好唔會乾柴，而且搽上嘅醬汁唔會清一色一樣，好夾。魷魚一夜干: 肉質好嫩，一D都唔韌。我都係第一次食用魷魚做嘅一夜干!餐牌上面甜品有一款，叫做’今日的甜品(想知係咩?問我地啦!)’ 。店員話今日係芝士年糕，點咗一客。唔知下次嚟會唔會試到另一款甜品呢…呢度好適合朋友傾計聚聚，因為好嘅食物需要耐心等待...

如果唔係有朋友係屯門地頭蟲 我都無機會食到呢間屯門隱世居酒屋💛 一入到去就俾佢嘅裝修吸引住 特別佢個banner「別人笑我太瘋癲 我笑他人看不穿」講番正題 必試呢個白鱔煲仔飯 有四大舊好肥美嘅鱔 加埋隻蛋同啲葱 遠處已經聞到好香 加上個飯焦唔痴底 夠哂脆 唔小心成個飯食哂😌✌🏻

今日同朋友揀咗呢度食飯，因為朋友住附近，大家想食啲特別嘅嘢，就揀咗呢一間外表同埋裏便都幾有特色嘅餐廳。餐廳係類似日式居酒屋但有夾雜啲香港嘢食，選擇其實都幾少，想食嘅螺同蜆都冇晒😭所以就叫咗鮑魚。估唔到係咁好食！個賣相都唔錯！嘢食係逐碟逐碟咁上嘅，上得好慢😐不過聽聞係得一個人煮嘢食..仲叫咗燒黃花魚豬腩肉煲仔飯同埋白鱔煲仔飯個魚燒得非常好食！推介！豬腩肉煲仔飯就唔推介啦，因為個肉好硬咬唔開咁濟，白鱔煲仔飯都OK嘅。讚嘅係內部裝修擺設好有心思，都可以一試嘅🙂

依度餐廳似啲日式居酒屋，比啲人放左工或者放假可以同班朋友黎吹水chill下🥳但係佢mix左啲港式風味，大玩fusion菜式👀但係餐廳位置真係比較穩世，本身係屯門區已經係大西北嘅角落，仲要唔係市區位置，如果係搭西鐵係屯市站落嘅話要步行廿五分鐘左右嫁，想食都要比啲誠意😂**********<粟米沙律> $68依個粟米沙律係成條連芯切到一舊舊咁舖係底，上面就放左大量嘅芝士，仲有美乃滋同沙律醬，第一次食咁樣嘅粟米沙律，出奇地有驚喜，好好食！🤤**********<免治雞肉棒> $42<牛舌> $34串燒黎講就唔算特別出色，個牛舌就中等水平啦，而個免治雞肉棒似係自家製嘅，配左個月見醬油汁，食落都ok嫁！**********<白鱔煲仔飯> $178白鱔煲仔飯係重點啊，個味道唔似傳統港式煲仔飯咁樣，帶啲日式風味，個煲仔飯有四大舊白鱔，係厚切嫁，大舊過平時啲串燒好多，不過都有少少骨要小心啲😍同埋依個煲仔飯個底係有飯焦嫁，正！

雖然位置有少少僻，不過去到覺得環境好好，而且服務態度超級好。食物質素都好好，值得推介呀！同朋友2個人食，叫左幾款食物，泡菜豬肉煲仔飯，墨魚咀同炸雞，同一杯飲品。墨魚咀真係好好食，又大粒。第一次食煲仔飯係泡菜豬肉，好似食韓國菜甘，而且佢份量都好足，加埋只蛋，變得好滑，好香。炸雞方面，入面好多汁，好滑，不過我嫌佢嘅調味料重左少少，但整體都唔錯。飲品方面，係蝶豆花梳打，唔算太甜，比起其他款，呢款都值得推介。

行行下回家，途經發現了一間裝飾特別的餐廳，次次晚上經過都會話搵晚去試下，終於今日都試到喇，店內裝修也十分特別，有著故事的裝修店面寫上了 出名是 煲仔飯，當然要試試啦，他們煲仔飯有別於其他，沒有傳統的飯蕉效果的🤨不過味道好野味，我們揀了..「牛聊條煲仔飯」「薯條」🍟 正呀 粗薯條「雞翼 」麻麻地，仍有雪味「黑糖枝豆」第一次食這款味道枝豆，出奇地 仲食唔停口，相信襯埋啤酒 一流呀備註：有本地出品啤酒，相當吸引，不過今次無試原來有生蠔，下次要試試先得

突登搵間店同朋友gathering 一下見到呢間環境唔錯就book 左枱試下啲野食黎到好有驚喜 個賣相好有誠意 味道都十分唔錯飲品方面 好多酒類選擇 本地製作啤酒 whisky 都有甜品都好好食下次會再試

約了好耐冇見嘅朋友食飯，大家都鐘意飲酒，係和你eat見到呢間好吸引咁就book左。去到俾左吧枱位，好靚好有feel，老闆娘好nice咁同我哋介紹邊款嘢食一定要試，嘢食質素好高，叫左枝豆、薯條、燒日本小番薯、燒雞腎、芝士年糕，坐部都係即叫即整熱辣辣，最鐘意係芝士年糕，外脆內煙韌加埋煉奶好食到暈我同朋友重叫左兩支手工啤，一支熱情果一支茉莉花，熱情果好開胃配埋薯條勁正👍🏼👍🏼已經同朋友約定下次去試埋其他味嘅

呢間玩味十足嘅Fusion居酒屋店名取材自電影《唐伯虎點秋香》牆上又掛住「別人笑我太瘋癲 我笑他人看不穿」淨係呢啲gimmick 一早已經令我想去試下啦佢5款特色煲仔飯今次試左以下3款秘製牛肋條煲仔飯豬腩肉煲仔飯佢用珍珠米 啲飯好彈牙之餘仲吸哂啲醬汁牛肋條同豬腩肉好香仲有韓式辣豬煲仔飯不過呢個只係得泡菜味有啲蓋過食材嘅香味居酒屋當然唔可以錯過串燒同小食啦枝豆相信好多人都鍾意肉串燒有免治雞肉棒 牛舌芯 一口和牛粒野菜燒就叫左大啡茹 美國蘆筍 日本小甜薯酒精飲品選擇豐富就一定啦有成個酒吧喺度可惜我唔飲酒同行朋友就叫左梅酒 我就叫左冇酒精嘅野莓碟豆花總括黎講 成個環境好chill好啱同朋友吹水仲要附近都靜 不過點解咁靜 因為佢嘅位置其實幾唔就腳揸車嘅話就ok嘅 不過冇得飲酒喎 哈哈但如果搭車黎 都要行幾遠下同都幾難搵架

好似好耐無約朋友出街食飯... 今晚兩條友搵左間小店食餐飯飲返杯傾下計秋香店內店外佈置都算有特色, 食物選擇唔算多不過賣相唔錯, 「唔打得都睇得」!點左人氣大鱔煲仔飯(可以期望高,唔覺得有驚喜), 辣酒煮大蜆(唔係大排檔果隻辣酒煮, 似清酒煮多啲), 燒牛舌芯(外脆內軟, 唔錯), 香辣炸雞(似無骨既脆香雞翼), 同埋一人一杯水果酒整體泥講, 食物味道不過不失, 兩個人埋單$600價錢唔算親民, 如果想試下新野都可以一試既~

秋香～秋香～相信好多人都看過《唐伯虎點秋香》一開始被這個名吸引住～有二道小吃，之前看了其他openrice 的食評，令到我好想試，黑糖枝豆和粟米沙律！日本居酒屋通常都會有枝豆，這道小吃，有時會停不到口！傳統烚的枝豆Vs創意的黑糖1，枝豆，你們會揀哪一款？這道黑糖枝豆幾創新，開頭吃幾條都ok,但之後會越吃越甜甜，下次我都是吃番普通枝豆😍2，粟米沙律幾特別，賣相已經加分了，超甜粟米配上芝士，再加沙律醬，芝士入口即溶，假如芝士面上輕輕燒一燒，不知會不會是另一種感覺？😍3，免治雞肉捧配上生蛋加醬油😍👍🏻，吃落去似肉餅😂😂唸起配白飯一流4，串燒分別叫了雞皮，一口和牛，羊架和大啡菇，雞皮燒到好脆，和牛和羊架一般，大啡菇吃落好多汁，不會乾👍🏻5，澳洲茄子，夠大件，有七味粉，薑粉和岩鹽可以點，口感不同平時茄子的軟熟6，牛肋條煲仔飯，生雞蛋配上勁多蔥，令到飯保持濕潤，牛肋條一般，建議可以試其他🤣整體來說：環境優美，有音樂播放👍🏻，食物質素不錯，店員服務良好，有禮貌，值得欣賞👍🏻👍🏻

話說果日同男朋友淋食乜好，之後就上網睇下有乜好食。見到網上有人介紹話幾好食，又見個環境又唔錯所以就試試佢！去到都唔難搵，一搵就搵到。見到入面full左以為要等好耐點知一黎就有位，我地係坐吧台既，一望就係d酒都幾有情調。仲要俾我見到係黃色小店心情都靚哂我地叫左野食半個鐘都未有野食時，幫我地落單既小妹妹就同我地講佢地電腦岩岩壞左所以無落到單要我地重新落過。。個刻真係想講粗口，不過個老細知道左之後就免費請我地飲野同食佢地個甜品！真係好好人我地叫左小小串燒加煲仔飯都已經夠飽。煲仔飯味道十足，d肉好多汁，飯又夠香！十分滿意而個芝士年糕點品真係唔可以錯過，既叫既炸，加埋沙糖同煉奶原來可以咁夾！！呢到真係好適合同情侶或朋友黎，飲下酒吹下水咁都係一個不錯既選擇，最重要係黃色小店😍😍😍

今日慶祝媽咪既生日，特意搵間佢平時少食又有d特色既小店食飯！呢度既感覺好適合放左工黎happy hour,飲下啤酒食下小食咁今次我地有5個人，所以都叫左唔少野食，首先前菜叫左個明太子沙律，原本以為係普通平時有青瓜加沙律醬同明太子個隻，但都幾有驚喜，係整成一粒粒方糖咁既形狀，咬落去就有一粒粒既明太子，配合埋支有果味既手工啤酒，都真係幾夾。主菜：辣酒煮大蜆都值得推介，大蜆原肉味道鮮甜，加埋紅辣椒、紫蘇葉同蕃茄，配合少少酒味十分惹味，同埋大蜆份量合理都有十幾隻。另外豬腩肉煲仔飯同白膳煲仔飯都值得一試，豬腩肉調味夠而食落肥而不膩，油香配合蛋黃同蔥，味道十分好；而白膳亦都肥美厚肉，肉質彈牙，外皮香脆小食：粟米沙律味道有層次，有咸咸既芝士配合甜甜既粟米，難怪係熱門既no.1和風薯條炸到外皮脆脆配搭芥末沙律醬，係送酒既不二之選串燒:叫左雞皮、茄子、牛舌、雞翼、秋刀魚同牛柳粒，個人覺得牛舌可以一試，醃得入味而吾會韌。整體黎講呢間店都值得一試，更加適合朋友同情侶放假想黎chill一chill,環境同氣氛都可以令你地慢慢放鬆一下

話說呢日去搵黃店食野, 本身想去個間無開到 所以神推鬼壅咁搵到黎呢間鋪頭, 第一眼見到呢間鋪我已經愛上, 因為係我鐘意既style!!!!然後職員們成班應該都係老細自己友, 哈哈哈,仲要好型仔型女, 都係我鐘意既後生仔女style, 不過係超nice超細心。。。好開心, 果然係黃店。講返野食先, 呢日我點左好幾味串燒, 黃花魚, 炒雜菜, 明太子沙律,和風薯條等等, 我想講樣樣野都好到位, 唔會煮過火或太生, 同埋佢地好細心, 每樣野都好仔細幫你睇, 人多會睇夠唔夠餐具紙巾等等, 唔會要你出聲先俾你, 服務非常好!!!!我會不停介紹人去食!! 我都會再去食架!!!

突然收到一個朋友既whatsapp： 「不如去飲sake🍶，好不好？」簡單的一句說話就能觸發到我去居酒屋的念頭‼️，可以靜靜的girls talk👭，飲下sake叫一些伴酒小食🥘，非常治癒! 🥰二話不說的就OpenRice尋找到這間於屯門一間隱世的居酒屋🏮需要稱讚這間餐居酒屋的食物質素非常好👏🏻，每一道感覺廚師👨‍🍳好有心思準備最好的食物給客人👩🏻‍🦱，係論燒物或者是小食都好好吃。我特別喜歡他們的薯條🍟，炸的外脆內軟但不油膩😚，加上芥末沙律醬是絕配。另外蜆和芥末魷魚配Sake也是很好💮，很久未試過咁有滿足感！