秘 (偉晴街)

营业中

休息中

之前同朋友黎食叫吉列牛同吉列豬扒吉列牛雖然係好味但係份量其實好少！！飯都好細碗即使叫左多飯都係少！！正常食量既女仔都未必食得飽！朋友叫既吉列豬扒大塊dd但發現有起碼1/3塊都是肥膏好老實講比呢個價錢食肥膏唔會再幫襯囉！！！仲差過茶記而且去到9點得番幾木台客d員工已經拎埋d消毒水拖地 好大陣味大家仲食緊野 好影響食慾又掃地又拖地 起到撞d 木台凳 好大聲感覺想趕人走但其實呢間野唔係收10點咩？9點已經起到做清潔客人仲食緊野 食哂塵落肚囉！！唔會再幫襯！亦唔明點解會有咁多人幫襯成日排隊既人企起店門口好阻街 條街已經好窄！！

之前喺銅鑼灣試過呢一間餐廳，今日嚟到觀塘，朋友話未試過想試吓，所以決定又去食我地l晚飯時間去食，等候時間大約15分鐘，都唔係太多人我哋亦都好快入到去我今日叫咗板燒吉列牛套餐，份量同上次一樣都係非常多，配埋沙律同糖心蛋店員都好小心提醒我哋小心個爐，相當之貼心 牛肉保持到一貫嘅水準，份量多之餘，咬落去充滿濃厚牛肉嘅味道，亦都有肉汁個吉列牛食落外脆內軟，食完一件又一件，簡直停唔到口牛肉嘅脂肪比例都幾好，所以食落去唔會好油膩 值得推介俾大家

板燒吉列牛由荃灣去到佐敦已經食過好多次.由於每一次都係同啲好朋友去食.唔方便記錄做功課今次由囡囡提出去食.所以今次有做功課！我哋又係食頭輪.我哋係第一枱客.啲坐位由我哋自己揀位.一行四人揀咗個單邊四人枱座位。今晚點餐如下：1. 板燒吉列牛 $118元 X3 $354元2. 板燒安格斯牛 X3 $118元3. 秘燒牛肉煱 X1 $98元4. 清酒煮廣島蠔 X1 $98元註：呢度服務態度都非常唔錯.當我哋啲爐心.啲火熄滅.佢哋會主動更換爐心.把火繼續燃燒下去.直到所有食物完結.窩心服務.值得一讃！👍👍👍🚶🏻‍♂️👉📌秘 (偉晴街) (佐敦)佐敦偉晴街11號地下

吉列牛早係幾年前已經熱潮興起，不過當時餐廳選擇並唔多，印象中都無話特別好食。今次朋友話要帶我地食好西，上網望到都覺得十分吸引 ¯֊¯ 呢間佐敦分店當日夜晚唔使排隊都可以直入店內，不過其實都幾乎滿座！環境昏暗，有股居酒屋格調，舉手落單好快就有嘢食送到黎啦 ( ˃ ᵕ ˂ )➤ 板燒吉列牛 ($118)第一次食所以叫啲original款試下，意外地提升咗我對吉列牛嘅觀感！薄薄一層吉列唔會搶走牛肉風頭，炸得鬆脆唔會太乾硬，但仍難免有少許油膩感。牛排片雖然切得薄咗少少，不過油花分布平均，燒後口感軟嫩、入口即化，攤凍咗都唔會變韌。可惜牛味不算濃郁，但碟旁醬汁可以提升層次，而且減輕油膩感，相當不錯。店舖用珍珠米，飯香不重，軟硬度適中。 不過比起吉列牛，個人認為友人食嘅板燒安格斯牛小排更加出色。雖然望落無咁多脂肪，但同樣入口即溶、肉質嫩滑。牛味較濃，黑胡椒味令牛肉更能帶出香氣。 一直覺得石板燒都係注重儀式感多於實際，不過都係一個開心體驗。店員見到燃料差唔多用晒都會主動換，值得加分。擺盤都非常靚，見到忍唔住讚嘆⋯ 加埋燈光絕對一流，真係睇得又食得 ( •̤ᴗ•̤ ) 美中不足係通風較差，油煙味好犀

今次係第二次食《秘》，係咪好好味又未至於，只係覺得佐敦好似無乜平靚正又快嘅嘢食，同埋要响附近買嘢所以先食，呢度有限時，不過食完會想即刻走，因為通風問題，食完會成頭成身油煙味，而且又坐得迫夾，唔會有下次lu。🥢板燒吉列牛 $118 (+$38變定食- 秘之飯素、流心蛋、日式大根湯)⭐️⭐️基本上每個人都會叫呢個定食，流心蛋好creamy好醬油，大根湯就淡如水，吉列牛質素好一般，無論燒5成或7成，入口都係韌，我試過燒到全熟，其間用筷子篤下塊牛(即豬扒用刀背揼鬆原理)，反而覺得肉質軟熟咗，之後每塊都咁做，先可以令牙骹脫險。二人共消費：$312

今日響呢頭買完野就響呢頭搵野食燒肉我又啱wo 💛💛💛就你喇睇menu 最貴果款都唔係太貴 $158 加$22 有流心蛋同飯 (雖然以lunch 黎睇唔平）蛋合格-有流心，少少淡蛋味 飯亦無乜特別但係個牛就真心唔錯睇外表個黑松露外露應該好重味怕佢冚左d 肉味事實上個松露味係有少少入左肉入面反而在外既味唔勁舊牛脂肪經熱石燒完d 油將松露味走勻塊肉唔落醬，細味 先會試到要彈既係 佢個醬我一落左就食唔到肉味同松露味要送飯就落吧整體滿意但少貴

吉列牛(冇飯)要$118，要飯就要加多$38。最好有人齋食吉列牛啦，$156就$156啦，扮晒野。加多廿蚊有金魚湯，寫到咁特別，我緊係要試吓啦，一飲一食......係蝦餃呀!!!!!!係D皮好鬼難食嘅蝦餃呀!!!!!! 叫乜金魚湯，叫水魚湯好過啦。D湯居然係胡椒湯味......放多D胡椒粉去掩飾你D淡而無味嘅湯？？？最後飲唔落，湯係蛋睇上去半熟，其實起碼7成熟，係不能送飯嘅熟度，建議廚師再調節吓個時間。沙津菜冇麻醬，失敗。(又或者我冇睇倒枱面有？)不過細心嘅大家都睇倒我冇批評D肉同埋飯，除左D肉部分有D筋，飯量有D細之外，其實真係算唔錯。D肉都叫有D肉味，飯素都幾有味。PS 雖則餐牌建議吉列牛各邊煎十幾秒就ok，本人親測，熟D係會好味D，有多D肉味，建議起碼每邊20秒起跳。

事隔兩年，再黎到“秘”呢到食吉列牛。雖然係柯士甸比較靜的比較隱蔽的街道，幾個食客排住隊光顧呢間人氣餐廳。店內比較細，但有柔和溫暖的感覺，坐住張四人枱都算有我地自己的小天地。--食物質素依然keep得好好，熱愛吉列的我要大推！ 🎐薄薄一層吉列，又唔會搶左牛肉呢個主角。薄切牛肉脂肪比例唔錯，煎得耐唔驚韌，少少焦食落去仲香口。牛肉份量比較多，店員時不時幫我地加燃料維持住爐的溫度。湯，飯，溫泉蛋份量都配合得好好。--價錢合理，始終地方冇咁闊落，外面食客一路排隊等候，同朋友傾偈時間就短少少啦。--

見過芝士炸豬扒幾特別，專登黎食lunch試試，賣相靚仔，一夾塊豬扒就知係剛炸起，中間冒煙的，都幾厚切，個汁好match而且唔會太濃太膩，個飯都好好食，約$100既價錢性價比非常高，會Encore

頭一次食呢間餐廳係五六年前喺荃灣西度食，過咗咁多年再幫襯呢間餐廳覺得佢食物質素係有keep到👍🏻單佐敦分店就比較細，而且因為出名多人食，所以唔推薦想同朋友休閒地食飯嘅人嚟食。價錢上一個set到150到$160左右，其實係正常價錢。鐵板上係一個油脂，所以當燒肉的時候，就會有非常濃郁的牛滋味，真係好味道到食過返尋味。本身牛嘅脂肪同肉嘅比例非常平均，而且自己燒可以控制自己想要幾成熟，非常推薦另外個飯嘅飯素都非常出色，同肉一齊食又得，但就咁單獨食都好好食，所以好推薦😋

📍地址: 佐敦偉晴街11號地下✿😋味道😋：4/5✿👀賣相👀：4/5✿🏙️環境🏙️：3/5✿🤵🏻服務🤵🏻‍♂️：3/5✿💰價位💰：3/5↠⏰時段：18:00 ↞ ❀❀❁又係排隊餐廳，建議早啲去，不接受booking，營業時間12:00-15:15 & 17:30-22:00🔥🥩❝板燒吉列牛❞ $118☞ 個人認為份量都幾多，石上面有一細粒油脂比你for你燒嘅時候唔會痴底，吉列牛口感相對有層次，因為做到外脆內軟，而且自己燒好處係每一塊都可以根據自己想要嘅生熟程度去控制，不過我覺得呢個牛就普通，但係呢個價錢嚟講cp值幾高；另外佢個飯素幾好食，不過鍾意食濃味嘅人飯素加落飯食，一定好食；另外我覺得擺盤都幾有心思。🙂☞午市加配定食 $20秘之飯素、楓糖流心蛋☞晚市加配定食 $38秘之飯素、楓糖流心蛋、日式大根湯☞晚市加配定食 $58秘之飯素、楓糖流心蛋、櫻花大金魚湯

🚩秘 (佐敦偉晴街店)佐敦偉晴街11號地下今次係第二次食啦，放假想同男朋友食特別啲，但又唔想太貴，呢間係幾好既選擇👍人頭百幾蚊，又多肉，又有得慢慢燒傾下計 🌟板燒吉列牛 $118 轉定食+$20 我地兩個都叫左一樣既set轉定食要加$20，如果平日會送汽水，假日就無lu牛肉既份量都幾多，而且見到中間既肉油花分明，係幾靚既牛肉🤤吉列外皮炸得唔硬，點埋甜燒汁配飯素好開胃✨溏心蛋好好味，甜甜地，漿狀流心🤤🤤🤤🤤一上到枱，用牛油係燒石板上抹一抹，等多陣温度差唔多就可以放肉唔想啲肉痴底，記得每次放肉前都用牛脂抹一抹均勻石板😊😊牛排片略嫌切得薄左少少 我記得上一次食係厚啲架🥺🥺同埋因為吉列皮已經炸過吸收咗好多油份，而牛都係偏油多食完成個餐飽到夜晚😂見到隔離枱叫牛小排(無吉列皮嗰隻)好似厚肉好多啲油花勁靚份量又多啲…下次去食會叫，再share比大家🤣🤣(.$118黎講好抵！)

好耐冇食評了🥰積埋都有好幾間餐廳未同大家review～今次同大家去佐敦小巷一間幾隱蔽嘅吉列牛食店「秘」食板燒牛🐂歎返餐！門口位置有啲感覺似阿媽家姐格局，低調得嚟又會見到大大隻「秘」字🤣—————————————————————————👧🏻燒安格斯牛小排餐 $118價錢包白飯、蘿蔔湯、溏心蛋同安格斯牛🫶🏼上枱已經覺得牛嘅分量好充足！冇揸流攤🤓而且牛嘅油花分佈幾平均，燒完食入口即化🫶🏼配白飯食剛剛好～ 反而食過👦🏻嘅吉列牛就覺得依個相對出色。唔沾醬都夠做～👦🏻板燒吉列牛 $108價錢包白飯、蘿蔔湯、溏心蛋同吉列牛🫶🏼之前見過其他餐廳嘅吉列牛只係得六、七舊🙂呢一度嘅嘢係鋪滿晒成隻碟🤩佢嘅炸粉係癡實係牛嘅外圍唔甩，但係都唔好因為耐咗而淋哂😚基本上3秒就已經夠七成熟😏擺入口就感受到外脆內軟🥰牛味充足完全滿足想食炸嘢又想食牛嘅慾望🤤👧🏻雞泡魚乾 $38入嚟就咁食兩個餐好似唔太夠，叫多碟雞泡魚乾過口癮🫦魚乾味道夠，沾埋沙律醬好圓滿🫶🏼不過想健康啲冇咁高卡，就唔好點醬了！👦🏻炸牛蒡條 $48我哋揀咗比薯條低卡🤏🏻嘅牛蒡反而更有驚喜😚又係外脆內軟🤭調味唔會太鹹🫣食咁多肉叫個牛蒡條可以同平衡返！比食薯條冇

中秋節當日要番工，超級sad，所以同同事拉大隊去食好東西同事介紹左呢間餐廳「秘」，佢都真係好神秘，係偉晴街既行仔入面，一不留神都會錯過左講番環境同食物，餐廳細細，但都有好多枱，果日甘岩去到唔洗等，聽講平時要等位，同埋不接受預約不過因為空間唔大，好多客人食燒肉既話就會有好大陣油煙味，不過佢實在太好食啦，所以係可以接受既範圍內。職員都超級細心留意住每位客人既火，如果唔夠會幫你加火種食物方面，我今次選擇左九州豚肉燒加套餐，超級有驚喜🍴食得出佢既熱石板燒係可以均衡地燒到塊肉既唔同位置，我鍾意燒到塊肉個邊脆脆地，更有咬口雖然套餐要加錢，但佢既塘心蛋同埋飯素超爆好食，因為我weekend去，所以無汽水送Total食左$120，偶爾食下都開心最後大家留意番，星期六、日公眾假期套餐係唔包汽水既另外附上其他餐圖片，等大家望到流口水

芝士吉列豚肉 $88吉列豚肉合格既，外面既皮唔會太厚太硬，有脆口口感，裡面既豚肉亦唔會好乾。芝士醬係另上，芝士味道適中，唔會太鹹太濃味，配豚肉食一流。😋九州豚肉燒 $98 + $22 (轉定食)星期六日加$22午市定食，會有一隻溏心蛋，同係本身白飯面加飯素，但就無得送汽水。😅豚肉係半肥瘦，所以有少少油脂感，但你燒得焦少少，就岩岩好，夠晒香口。另外佢嘅柚子汁，亦都做得幾好，再可以減多少少油膩感。😙板燒吉列牛 $118 + $22 (轉定食)外邊做咗層吉列皮，裏面嘅牛肉仲係生嘅，你再喺石板上燒一燒塊牛肉，就有內軟外脆嘅感覺。係幾特別既！☺️板燒牛舌 $78 + $22 (轉定食)咁啱牛舌做緊優惠，牛舌大塊厚度適中，燒完出嚟焦焦地，意外地好好食！😋店舖嘅服務都好好，見你嘅石板開始細火，就會主動幫你加燃料，你可以慢慢燒，可以食一塊燒一塊。👍🏻👍🏻👍🏻不過始終係石板燒，食完成身都幾大油煙味，要帶支衣服清新劑，先搞得掂。😂😂