稚

营业中

休息中

好溫馨嘅一間元朗和食小店🥰堂食座位唔多 設有低消 食物種類尚算豐富😆主食加$30 仲可以升級定食 好抵食😋我地叫左主食 吉列豬扒配和風紫菜 🐷同埋 招牌蒲汁鰻魚原條🐟兩份都升級左定食🫶🫶味噌湯同平時飲開既有少少不一樣 入面加左兩隻蜆 味道比較近似海鮮湯🎣前菜有福袋同粉絲 清淡得黎味道唔錯👍👍原條鰻魚真係好壯觀 食落甜甜嘅醬油味 魚肉非常軟滑 魚骨都可以好放心咁食晒🥰吉列豬扒炸得好爽脆 加上甜蛋 蕃茄 沙律菜等配料 食落特別滋味又減膩😆另外仲叫咗兩個小食流心芝士年糕 食落柔軟香滑 好香芝士味 值得推薦👍👍酥炸生蠔 🦪生蠔比想像中大隻 炸得酥脆 咬落仲食到滿滿大海既味道🌊

幾乎滿座嘅日式定食，距離朗屏站約幾分鐘路程，好好彩咁岩有吉位就即刻入座！叫咗兩個定食 #燒牛舌定食定食包珍珠米/貓飯/烏冬/茶漬飯、前菜、味噌湯、沙津，我另外加溏心蛋(超流心)八塊薄片牛舌鮮嫩、又有嚼勁，表面蔥花仲令牛味更加濃郁
味噌湯有新鮮花甲、漬物有日式年糕腐皮福袋，年糕好有咬口，蘿蔔無渣又清甜
#半條蒲燒鰻魚定食
鰻魚半條好厚又大條、無魚腥味
魚脂香味加鰻魚汁配埋飯一流！

#飛驒和牛可樂餅即叫即炸，香酥又夠熱
薯蓉mix和牛肉碎幾夾#酥炸生蠔 勁大隻生蠔、咬開仲有好多鮮甜蠔汁
而且炸物唔算厚，薄薄一層都唔錯上餐速度都幾快、而且店員態度好、有問必答。不過建議唔好一次過嗌定食同小食，因為出餐太快，會一次過上，係驚張枱唔夠大！


今日入到嚟元朗，朋友帶我嚟呢間日式小店食定食。店內充滿日式漫畫風，舖頭雖然細細間，但係所有嘢食都好好食。食物選擇有定食，燒物，一品料理和小食，種類多元化。豚肉生薑燒定食$78食完呢個升級咗嘅定食(+$30)，真係覺得好滿足。首先，呢份豚肉生薑燒分量十足，配搭嘅日本珍珠米飯，飯粒彈牙，豚肉則係煮到腍身，同生薑嘅香味完美融合，帶出肉嘅鮮味。生薑嘅辣味唔會太勁，但足夠提味，食落暖笠笠好舒服。升級的前菜、漬物、味噌湯和米飯各自也有獨特的風味。前菜是迷你關西煮，淡而有味，保留咗食材原本嘅鮮甜，完全唔會蓋過本身嘅味，簡簡單單但味道層次感好豐富。漬物則酸酸地，開胃提神；而溫暖的味噌湯，飲落相當暖胃，味噌湯味道濃郁，仲有蜆提升鮮味，相當有誠意，為整餐畫下完美的句點。這個豚肉生薑燒定食，真係物超所值，食得好滿足，價錢又合理，下次仲想再嚟！和牛漢堡扒配燒汁 $92這個漢堡扒真係無得輸！質地軟嫩得黎多汁，味道濃郁，咬落去肉味十足，幾乎係即刻溶喺口裏面。漢堡扒煎得金黃又唔過火，外皮微酥，內裏卻保持多汁。醬汁可以選燒汁或者咖喱汁，我哋今次揀咗燒汁，店主亦非常細心，醬汁是分開上的，可以因應個人嘅喜好蘸上醬汁。醬汁

最近品嘗了呢間日式料理。店舖不大，約有10張2人方枱。另一邊是廚房出品，空間分明，小店經營模式。晚餐我們點的是和風牛肉和吉列豬扒。這兩道菜可以升級為定食，只需加付$30。定食包括：前菜、漬物、煎茶、味增湯、和米飯。再加$10，可以轉貓飯/茶漬飯或湯烏冬。即係$100/set。價格在一些日式餐廳來說是相對合理的。和風牛肉份量十足，經過煮熟處理，有牛肉風味。而吉列豬扒則帶有嚼勁，外脆內軟，搭配咖喱汁，味道更加豐富。七味唐揚炸雞。經過炸製後，表皮酥脆仍然保持雞肉內部的肉汁。七味調味使得這道菜更加香辣，價錢合理，是一個不錯的小食選擇。厚燒玉子是一道簡單而美味的燒蛋料理。厚燒玉子的外觀金黃，口感軟滑，味道帶少少甜味，作為一道小吃或者甜品都是一個不錯的選擇

放假一早已經起身煮好早餐讓女兒食早餐再上學。當她上學後，我的自由時間又到了，哈哈，洗好所有床單被鋪，就出去跟細妹食個中午飯。今次近近地去了朗屏的稚食下午餐，一出朗屏西鐵，行條樓梯再轉彎就到。平均消費$120左右。豚肉生薑燒定食 $68加$10有自家製糖心蛋一送到枱前，第一個感覺是份量好多，不論飯，還是豚肉，都份量澎湃。豚肉似豬頸肉部位，所以咬口爽彈可口，不會韌不會硬。旁邊的沙律配菜，切到幼絲狀，加上有少許胡麻醬，開胃健康。麵豉湯裏面有少許大京蔥，增添清新風味。附有一杯日本茶，解膩消滯。整個份量食完超級飽。招牌蒲燒鰻魚定食 $78一樣加$10有自家製糖心蛋鰻魚又大條，又肥厚，醬汁調配風格惹味。不太感腥味，幼骨極小，餸白飯一流。同樣有麵豉湯沙律菜和日本茶，細妹食完都讚蒲燒鰻魚好味。蜂蜜芥末雞翼$42 (4隻)有家的味道，雞翼會開邊，我猜想可能是防止雞翼不熟透。4隻雞翼都幾大隻，啖啖肉。

我呢晚去咗朗屏西鐵站附近嘅稚食晚餐。雖然餐廳唔大，但係坐得好舒服。而且佢嘅食物整得好好食！我叫咗兩個主食，其中一個係西京燒比目魚定食，價錢係$92。每份主食都可以升級成定食，加$30就會有前菜、漬物、煎茶、味噌湯同珍珠米。比目魚燒得好香好滑，肉質鮮嫩，加埋定食嘅配料，真係飽足又滿足。湯、飯同茶都好出色😋我仲叫咗蟹膏蜆肉炒飯$108。呢個炒飯真係一級棒！飯炒得夠乾身，每粒飯粒都分明，加埋大量嘅蟹膏同蜆肉，一啲都唔吝嗇。每一口都有蜆嘅鮮甜味道，真係令人回味無窮，啖啖飯都食到有蜆，真係好正呀！我仲叫咗兩款小食，包括雞軟骨（2串）$28同酥炸生蠔（2件）$48。雞軟骨炸得香脆，肉質嫩滑，加埋啲檸檬汁真係好好味。酥炸生蠔都幾大隻！外脆內嫩，蠔肉鮮美，一咬就爆出濃郁嘅鮮味。再點埋沙律醬，一個字，正呀！總括而言，稚係一間值得推薦嘅高質日本餐廳。食物好好食，環境舒適，價錢亦都合理。下次再去朗屏嘅時候，一定會再幫襯😋

🐻行過發現呢間門面細細既小店，本著一試既心態，食完發現佢地食物既質素同份量都係超越普通小店，感受到佢地既用心制作，絕不欺場，值得支持👍🏽🐻今次叫左兩份主食同兩份小食，加左$30轉定食😆 一份定食有主食，麵豉湯，關東煮，唔加錢既話有有一碗白飯，但我地就加各左$10轉茶漬飯同湯烏冬🐻佢地既份量好足，主食叫左西京燒比目魚有兩塊厚厚的，醃得好入味，煎得香口又滑，和牛漢堡扒大件又厚，牛味濃絕對唔係普通漢堡扒咁簡單😝，個餐仲有關東煮同麵豉湯，睇見咁多野食都好開心😁🐻小食叫左厚燒玉子同炸生蠔，燒玉子絕對比美高級日本餐廳，咬落去一層層唔會實，生蠔炸得好Juicy同香脆

事隔一年半，我哋再嚟到朗屏食日式便當❤️今次我哋嚟到超多人，外面都有人等位🤣🤣🤣今次我哋叫咗兩個餐，都覺得非常唔錯👍🏻蔥燒牛舌套餐 呢個餐抵食呀！都有八片牛舌，配上香蔥再加醬汁，好惹味！而且套餐仲配有關東煮！關東煮入邊嘅福袋，真係超正！軟糯既年糕吸晒啲湯汁！蘿蔔亦都非常甜😍套餐配上嘅米飯，分量十足！如果大家喜歡，可以轉做貓飯或者茶漬飯！上次我哋有食過都非常唔錯👍🏻另外，我哋仲叫咗原條鰻魚飯套餐😋😋😋😋呢個真係食過返尋味😍😍鰻魚非常油香！配上濃濃嘅鰻魚汁，配一啖白飯，真係快活過神仙😍 再者每一個套餐都配上沙律，可以為肥美嘅鰻魚解膩👍🏻麵豉湯中亦有蜆肉👍🏻非常鮮甜😋另外，我哋仲有叫咗唐揚炸雞，一樣份量十足！炸雞，配上沙律醬，呢一種肥肥嘅滋味，真係超好食🤣🤣🤣🤣

日式小店位於元朗朗屏站步行約數分鐘。店舖門面已經很有日本風的感覺。店舖裏的圖畫有不同類型的日本漫畫 有onepiece & 及搶眼的男兒當入樽。很有品味！店子座位不多，環境像置身於日本的食店內。主食：招牌蒲燒鰻魚定食 （半條）$88+30每份主食可升級$30配定食定食包括前菜，漬物，煎茶，味噌湯，日本珍珠米。蒲燒鰻魚肉質軟綿綿，不用太多咀嚼，入口很香濃。麵豉湯香濃，用心製作，材料豐富，裏面有菇類及蜆肉，非常特別！推介定食主食：香煎和牛漢堡扒（照燒汁）$92+定食$30和牛漢堡，廚師即叫即蒸煎，新鮮熱辣辣香噴噴。 和牛味道濃郁，啖啖肉，愛肉之人不要錯過🤩採用日本珍珠米及鋪上了日本的飯素，好香口，鹹鹹的 送飯 令人一口接一口。關東煮裏面有蘿蔔、芋絲、福袋等 裏面是年糕，好好吃！厚燒玉子（四件）$36即叫即燒。好濃烈的蛋味👍🏻推介黃金醬燒蠔（兩隻） $38即叫即燒的黃金蠔 上面是芝士和醬汁，好香好Juicy! 推介指數: ⭐️⭐️⭐️⭐️⭐️性價比超高，適合三五知己，朋友聚會。

餐廳名：稚地址：元朗俊賢坊18號權益大樓3號舖同屋企人行開元朗，行到肚仔餓見到依間叫 稚既日本餐廳，覺得幾有意思，而且價錢一啲都唔貴，於是入去填飽個肚仔😋😋餐廳雖然唔算大，但座無虛席，而且睇得出係有心設計過，尤其是兩幅1000既拼圖畫，分別係數碼暴龍同海賊王，相信一定勾起唔少人既回憶！叫咗兩個定食，分別係吉列豬扒同埋比目魚。定食黎講，份量絕對足夠，有齊味增湯，前菜，漬物同埋煎茶，主食亦十分足料！！真係食到好飽！西京燒比目魚 $92比目魚有兩塊大大舊！魚肉鮮嫩多汁，配合脆口嘅外皮同香氣四溢嘅醬汁，一口咬落去，味覺立即爆炸！真係食得嘅唔只係魚，仲係一份日本既風味😋😋！滑蛋吉列豬扒定食 $70滑蛋吉列豬扒，相信大部分人都一定有食過！豬扒外面炸得恰宜，好脆口，配上濃郁滑蛋，口感絕配！而且啲飯面頭係有埋紫菜，容易入口，可以話淨食飯都唔會覺得dry👍

日本嘢大家都食得多，但係呢間真係抵食又大份，而且味道好好，絕對唔會再返嚟食。而且由朗屏站行過嚟，只係大約5分鐘時間，非常方便。西京燒比目魚定食（ $82 ）我本人真係超鍾意食西京燒，因為個味道好好，最緊要係比目魚超級滑，配埋嗰醬真係一流，係可以送到成個飯。個飯我轉咗做貓飯，入面有木魚碎、紫菜，仲有醬油，一粒飯都冇食淨。香煎和牛漢堡扒定食（ $82 ）和牛漢堡扒都好好味，佢打得好鬆軟，而且超級有牛味。仲配左右細薯餅同埋玉子燒，成個配搭咁食好吸引。值得一提係兩個定食都有中華沙律做前菜，仲有麵豉湯，仲有生菜沙律同埋一啲醃蘿蔔，好有口感，而且成個定食好完整，由頭到尾食晒覺得好滿足。酥炸生蠔兩件（ $48 ）酥炸生蠔係超級大件，唔係嗰啲日式放題細細粒嘅炸蠔，如果大家去嘅話真係好值得一試。下次去元朗或者朗屏玩，一定會返去再試！

呢間人氣餐廳係好出名，次次來到都要排隊，不過黎到元朗真係必食😋入到去就可以見到個設計以卡通人物為主，例如海賊王，龍珠等🎎感覺好似去左日本，一邊望住自己中意既卡通人物，一邊食住美食真係好享受😌呢間我真係好推薦🌟招牌蒲燒鰻魚（半條）$88呢度d鰻魚係即叫即燒，上面會淋上鰻魚汁，成哥手板咁大，個鰻魚係勁肥美🐟又燒到好入味，一食落去d肉係勁嫩，啖啖肉真係好正，超juicy🌟西京燒比目魚 $92一送到黎就見到兩舊好肥美既比目魚🐠煎到呈現金黃色，個魚食落去係脆脆地，又甜甜地，d魚肉又好嫩，仲加左d檸檬汁去調味🍋另到個魚變得更鮮甜。🌟芝麻雞翼 $48呢度有三隻全翼，係即叫即炸，一送上黎已經熱辣辣，食落去d皮好脆🍖上面仲有d白芝麻去點綴，d肉又好嫩，越食越香，自己一下食曬三隻🌟定食 +$30前菜，漬物，煎茶🍵味增湯，珍珠米🍚個漬物入面仲有大大舊既白蘿蔔同福袋，個湯有三隻大大隻又肥美既蜆，依家轉季飲完個人真係暖笠笠

朗屏日式美食：稚餐廳座位比较少。客人比较多，在門口等十幾分鐘才有位。墙上掛着有很多漫画． 2個人吃2個餐。//蒲燒原條鰻魚$138嘩：好大條啊！望真：好厚身！金黃色魚身+焦糖色的醬汁好吸引。味道好啱我。吃一條夠曬數。很滿足。套餐配上：有米飯.又有麵鼓湯.又有關東煮。//吉列豬扒豬扒炸至金黄色，皮脆肉嫩。配上滑蛋洋葱丝。味道唔錯。跟餐有：沙律。麵豉湯。關東煮。米飯。价格大衆化。菜式有多款。份量足。下次再试一下其他菜.

呢兩個星期調左去元朗區返工，元朗出名多好野食，就算係lunch 都緊係要試下好野🤤香烤雞扒定食(蜜糖汁) $62雞扒皮炸得香脆，上碟後 入口依然薄脆，蜜糖汁唔算多 但同雞扒比例做得唔錯豚肉生薑燒定食 $68滿滿嘅薑味而冇乜辣度 甜甜的薑汁易入口，豚肉用上豬頸肉切條 入口爽脆而不肥膩定食有：前菜+煎茶+味噌湯+珍珠米轉 貓飯 / 茶漬飯 / 湯烏冬 +$10*椰菜絲沙律絲清甜 配上芝麻沙律醬，佢唔係一份伴碟 係真係椰菜沙律👍🏻*隨主食的漬物出色*唯一挑剔：略嫌珍珠米偏硬身，本人鍾意食軟飯*用好多日本動漫嘅畫作為佈置*座位唔算多 午膳時間爆滿*不用+1服務費

「你最近快樂嗎？」 稚，譯名為「Childhood」。希望用赤誠之心做出最純粹的東西，若你能夠從食物中尋找到當初的愉悅，更好。 (1) 香煎和牛漢堡扒（照燒／日式咖喱）肉質較鬆散。 (2) 西京燒比目魚 (3) 蔥燒牛舌 (4) 貓飯源於日本，在拌勻過後，口感跟餵飼小花貓的軟餐一樣。雖然製作過程簡單，但可以跟隨自己的喜好，在白飯拌入味噌湯，或加入柴魚花、紫菜、以及醬油，成為一道為自己所控的驚喜料理。 (5) 雞腎串燒和風定食是日式小餐館的招牌，每間都會有自家的風味，味道既淳樸，又純正。總是像微風輕輕吹拂你面龐，和暖的晨光映照出山巒綿延不休，這種感覺可以維持很久很久⋯⋯