稻庭養助

营业中

休息中

🚫讚歧烏冬粉絲轉會注意😂🤚🏻本來我係鍾意讚岐烏冬口感煙韌，但食完呢餐之後發現稻庭又滑又掛汁🤤🔸燒牛肉水菜冷烏冬 $188😋😋😋😋清澈的鰹魚湯底，淡雅中帶煙燻香氣，完美地襯托出滑溜如脂的主角💓稻庭烏冬牛肉好鞋，不值一提，要扣分😂🔸大蜆番茄湯烏冬 $138😋😋😋😋😋蕃茄牛肉湯底非常濃郁🤤 稻庭烏冬較幼身，條條都掛滿汁，食左一啖停唔到落黎😂大蜆既份量都好多，最少有10隻，而且好新鮮juicy👍🏻🔸牛扒拼牛舌網燒 $158😋😋牛扒同冷烏冬d牛肉同出一轍，鞋！牛舌一般，有2塊切得太厚，硬到咬唔開🔸甜蝦壽司 $28/件😋😋😋😋一舊壽司上有5隻BB甜蝦😍🔸三文魚子壽司 $35/件😋😋😋😋甜！值得再訪，試下沾烏冬☺️ 壽司都好新鮮！但價錢都幾進取，間中食下👌🏻

呢間烏冬有兩間分店，尖沙咀開揚d好坐d,不過我成日都去黃埔呢間，其實兩間都多人等，所以我早左少少入座唔想排隊，可能太耐無黎都轉晒menu,第一次坐bar台可以望住佢準備食物同墊都幾舒服，我叫左炸牛蒡蕃茄烏冬。我記得以前有炸牛蒡沙律好好食，但而家無左就叫炸牛蒡蕃茄烏冬補數，好鐘意佢個蕃茄湯，有少少牛肉粒蕃茄味又好濃，必食推介，老公叫左炸雞蕃茄烏冬，可惜佢唔記得走辣，不過都好好食，我地都叫左燒三文魚，好多油脂好肥美，下次都會再黎

呢間喺黃埔嘅餐廳開咗好耐，但係一直都冇黎試過，今日同朋友仔唔知食乜，就決定入去試吓！呢間餐廳裝修好靚，外面係木門，裏面嘅裝修都好有格調，有一張長吧枱，好有居酒屋嘅感覺。我哋叫咗一個三色飯，一個蕃茄牛肉稻庭烏冬，一個牛舌小食。番茄稻庭烏冬🍅呢間餐廳主打到庭烏冬，所以我就帶咗一份！先講個湯底，蕃茄湯好濃郁，裏面仲有一粒粒嘅蕃茄，到庭烏冬同我之前見到嘅烏冬有啲唔同，佢係比較幼身既，但係食落就好滑，好好味！三色飯🍚呢個三色飯食落都唔錯，除咗沙律同有個湯之外，三個飯都幾好味。第一個飯上面有吞拿魚，條魚都幾新鮮，油脂都幾多。第二個係牛扒，牛扒好多汁，有好嫩滑，第三個係吞拿魚蓉，呢個算係中規中矩啦～冇咩記憶點，唔算十分好味但係都唔難食。牛舌👅呢個好有驚喜，牛舌外表煎到有少少脆身，裏面就好彈牙，就算冇添加太多調味料都好好味！雖然價錢唔算十分平但係食物質素都不錯，可以再去食！

香港數一數二🇯🇵高質好味烏冬專門店之一 🍜烏冬麵質啱啱好🤤比較幼身好幼滑唔會煮得過軟或者過硬好彈牙又掛湯汁🦐海鮮蕃茄湯鳥冬🍲 $148: (4.5/5)🦑🦞海鮮好足料有好多唔同種類有大大粒嘅帶子, 青口, 大蝦…海鮮好新鮮有鮮味🍅蕃茄湯底好濃郁好鮮甜淡淡蕃茄仲有啲椰菜🥬幼身嘅鳥冬滑溜溜吸晒啲湯汁𝓁𝒾𝓀ℯ 𝒾𝓉! (๑• ڡ •๑)🍱 炸雞定食 $80: (3.8/5)日式炸雞 🍗炸得好酥脆又唔會太油膩鎖緊雞肉肉汁肉質鮮嫩𝒿𝓊𝒾𝒸𝓎 💗飯係用日本米🍚仲有麵豉湯唔會話太鹹唔錯💕📍 稻庭養助(紅磡)🐰: 4.3/5

烏東幼滑好食，湯料多及新鮮。烏東係用比較幼身嘅鳥東，一食落去真係非常幼滑。另外叫咗個牛扒拼牛舌就味道正常，及牛扒比較靭，鰹魚刺身都係新鮮既，正正常常啦，價錢小貴。

紅磡本來就有好多嘢食，搵到一間有日本人主理，正宗日本餐廳。佢係一間日本嘅烏冬餐廳，開咗嚟香港。😃😃入邊除咗烏冬之外仲有好多魚生，同埋日本居酒屋嘅嘢食選擇！我哋叫咗個番茄湯大蜆烏冬，燒牛肉冷烏冬，同埋兩件中吞拿魚腩壽司。一冷一熱嘅烏冬可以試晒佢哋兩種質感。呢間舖頭用嘅烏冬係比較幼身😍但係都非常彈牙。蜆肉非常新鮮，冇沙。蕃茄湯亦都好足料，淡淡蕃茄肉。燒牛肉冷烏冬上面嘅牛肉都好香，好似西餐牛扒嘅質素😮吞拿魚壽司嘅魚質新鮮，中規中矩。晚飯時間需要等一陣位，但係都非常值得。

很耐無去日本旅行，要食吓日本嘢，一解相思之苦⋯⋯4年前去過秋田，食過秋田的稻庭烏冬「佐藤養助」，記起香港有分店，一於去尋找一下日本嘅味道🥳店舖不大，但可以訂檯，真係太好了。由於晚市繁忙，所以只可90分鐘用餐時間。我們叫了4款食物，迷你牛扒飯，什錦天婦羅烏冬，鰹魚沙律和燒牛舌。牛扒飯有驚喜，碗飯一放下未食巳經好香，牛扒好好味😋，好淋又有牛味，真係無得輸❗️至於烏冬，好Q彈，天婦羅好好食，一啲都唔油，食得出食材係靚嘅😋至於鰹魚沙律… 鰹魚雖然沒有在日本食時咁厚切，但係厚度適中，十分新鮮，係日本食過的味道❣️十分掛念燒牛舌，所以一定要叫，份量都幾多，燒得好香，雖然有幾片有根，不過大致上係👍🏼，係日本食過的味道❣️今晚食嘅嘢都好好味，店內好多日本人客人，店內電視播住日本秋田本店工場整烏冬的影片，真係會有係日本嘅感覺🇯🇵。一定要再來試吓其他菜式，再次感受日本的感覺🤗

生日時候我朋友特登book咗呢間餐廳，一入到去感覺已經不太好限時個半鐘，超級擠迫，本Menu幾本勁厚枱都唔夠放，都已經唔緊要，然後人手10分唔夠，恃應叫幾次先回應你，已經覺得好辛苦！到食物嗰個部份，價錢都算小貴，我哋叫咗個牛舌，凍嘅，然後勁腥，要佢幫我哋再整返熱，佢再拎返嚟個溫度都係一樣好似冇整過咁樣！然後朋友都忍唔住叫佢取消因為真係好腥。跟住叫咗一set壽司，賣相好唔錯，未試過食壽司食到吐出黎，佢啲刺身腥到一個點，我哋全部吐晒出嚟，點解會咁樣？個八爪魚勁韌，都吐哂出來。都叫咗佢哋招牌嘅烏冬，烏冬嘅質感係OK嘅但係湯唔夠熱，已經唔掂檔！入邊雞扒勁重雪藏味，真係好失望！由於食唔飽嘅關係，我哋叫咗個關東煮，心諗唔會死掛，點知個湯底勁難食，佢啲丸都唔知咩製造，個雞蛋都可以難食，然後我哋都係食唔到又吐哂出來，我同兩個friend一致都覺得非常難食，唔會有下次！仲要食咗六百幾蚊食唔飽，最後我哋搵咗一間糖水舖食下芋圓補返數

在本地能吃到 日本烏冬麵 的食店不算多 吃壽喜燒較能吃到烏冬 我一直都在尋找 高質又好吃的 直到稻庭養助 🍜🍜香港棒球隊 日本人教練 介紹過 這間烏冬相當出色 這天我們 點了兩款 一款冷食 一款熱食 烏冬做得極致美味 麵質不軟也不韌 滑溜無比 屬於幼身麵 冷熱都好吃 可口 簡直無敵 🍜🍜大蝦天婦羅烏冬 🍤🍤大蝦天婦羅 好大隻 脆漿夠薄身 熱辣辣 好味道 烏冬是冷食的 凍湯清涼 放入冷烏冬 不用咬 真接滑入口中 鮮甜 口感超讚 在這個 火熱初秋季節吃著 爽快透心 🧊🧊雞白湯沾烏冬 🍜🍜濃濃的雞白湯 濃郁而香甜 湯內有幾件 嫩滑雞肉 湯面加了黑蒜油 把燙熟的幼滑烏冬 一啖一口放入湯中的吃 滋味讓人無法抗拒 🐥🐥生海草沙律 🥗🥗除了烏冬做得 相當出色外 店家所做的 新鮮沙律亦超好吃 這款生海草沙律 蔬菜 蕃茄極之新鮮 生海草口感獨特 爽脆之餘亦有嚼頭 與醬汁配合 亦是涼快美食 🍅🍅還點了份原味炸雞 却忘了拍照 同樣是高水準之作 外皮香脆 肉嫩多汁 好吃 😋😋廚師同員工 都有日本人 近廚房吧檯 座位都留給日本人熟客 除了烏冬麵 天婦羅 沙律 日本產地直送 甜品 水果梳打 也是相當高質 小店必須

地道居酒屋，主打稻庭冷烏冬，其他菜式也做得不錯。天婦羅、炸物、刺身，水準俱佳。黃埔本店，由日本老闆親自坐陣，坐吧枱的話，有時見他一邊切刺身，一邊和日裔熟客交談，有點《深夜食堂》的感覺。鹽燒牛舌 (8.75/10) 👍🏼肉質爽口，彈牙，嫩滑，火候剛好，是心目中全港top3，水準與日本利久牛舌相近。網燒牛排 (7.5/10)薄切，肉質嫩，水準OK但不突出，因為牛排始終要靠本身質素。日式炸雞 (8/10) 外脆內軟，炸粉薄，有肉汁，日本地道小店的感覺。🍜冷烏冬 (8.5/10) 秋田縣名物—佐藤家手打稻庭烏冬，已傳承百多年，歷代當家均襲名「佐藤養助」，因此店主來港也把店命名為「稻庭養助」。佐藤稻庭烏冬由秋田工場運送到港，冷烏冬特色是偏幼扁身，煙韌彈性，滑溜清新，相當出色。🍤天婦羅 (8.5/10)天ぷら，炸粉薄，爽脆，不油膩，保存裡面肉汁，在居酒屋來說質素不錯，遠勝什麼半之助之流，———————————————————————⭕️總評：常到的居酒屋。冷烏冬、天婦羅、刺身、燒魚、炸物水準俱佳。已多次翻食 ✅ 💵Budget: $200-$300 pp

今天在黃埔逛街時經過這間餐廳，由於接下來有一齣電影快要開畫，我和女伴希望尋找一間餐廳用膳。這間餐廳的外部裝潢不錯，簡潔大方，加上沒有其他客人排隊，想盡快完成午膳的我們沒有多想便走了進去。稻庭養助是一間主打烏冬的日本餐廳，據說是稻庭烏冬的祖先，三百多年前便開始製造烏冬。走進餐廳內部，開放式的廚房映入眼簾，餐廳侍應第一時間就詢問我們想坐吧台還是桌子，我們選擇了吧台。看完菜單後，餐廳侍應便協助我們點餐，奇怪的是，餐廳侍應似乎不是本地人，全程使用英文對答，令我有一點錯愕，但並不是大問題。我選擇了芝麻醬拌烏冬，而我的女伴選擇了番茄湯烏冬，閒聊一會兒後兩碗烏冬便被餐廳侍應呈上。烏冬的賣相不太吸引，令我們沒有一丁點拍照留念的意欲。那碗芝麻醬烏冬平平無奇，沒有特別，算是得過且過。最不能接受的是那碗番茄湯烏冬，它的色澤不漂亮，嘗了一口只感覺十分油膩，整碗烏冬都是冷冰冰的，令人沒有任何食慾。這是一間主打烏冬的日本餐廳，所以嘗過烏冬的我們感到大失所望，亦不會再光顧。Openrice上關於稻庭養助的食評大多是讚歎食物的味道和精緻度，這令我感到十分疑惑，腦海中浮現的唯一念頭便是我們去的究竟是同一間餐廳嗎？還是我

紅磡黃埔，有一間隱蔽的日式餐廳😙係我朋友多次推介下，果然食咗一次就想再回頭～剛好是家人朋友認識之下，話呢度嘅日本料理好正宗！入到店舖充滿日本風～仲有日本師傅坐鎮～真係好似去咗日本～我鍾意佢哋嘅手寫餐牌～d字在太靚😍已經好加分！由於太多頁我冇影晒全部食譜😜梗係要叫杯啤酒🍻飲下～第一次去嘅時候係食迷你鰻魚飯～本身諗住應該食唔飽，但其實都夠飽！鰻魚好香～肉唔會太薄～個汁撈飯最正！第二次就梗係要試吓佢哋出名嘅稻庭烏冬～食冷烏冬～☺️佢哋嘅烏冬係屬於偏幼身～據說喺日本唔同地區嘅烏冬都唔一樣。烏冬好彈牙，我鍾意個口感，但個人喜愛粗啲嘅烏冬～我好鍾意加蔥同wasabi落烏冬😎天婦羅🍤都真係好好味😋炸皮唔厚，唔會過油，好脆，有日本嘅感覺😜另一個係鰻魚燴飯～鰻魚就唔使講啦，有水準！我個人其實唔鍾意食燴飯，湯飯呢一類型⋯⋯但係冇諗到都幾好食，好鮮甜呀～鰻魚的近鏡～除咗煮食之外當然唔少得小食啦！日式炸雞～我幾鍾意佢哋嘅炸物炸得好酥脆，唔會太油，要保持肉質鮮嫩多汁！雞軟骨我個人覺得鹹咗啲⋯⋯鍾意天婦羅同炸雞多啲😚如果想試吓正宗嘅日本料理，就要去呢度啊，因為好多日本人都嚟食㗎！🤪

對上一次嚟食烏冬已經係上年尾的事，今日要去紅磡做嘢，機會嚟啦⋯⋯午飯時間當然要等位，但好彩只等了十零分鐘就可以入坐。原本想吃佢哋嘅稻庭便當（上），點知已經轉咗餐牌，等我仔細睇吓新餐牌有啲乜嘢唔同先 👀👀炸雞定食配冷烏冬炸雞炸得鬆軟入味，肉汁鎖在雞肉裏面十分juice外皮亦脆卜卜，醃味又剛剛好不會太咸，配上冷烏冬，口感及味道一流 ，水準依然好，不失所望 😚仲有一件腐皮壽司 👍🏼👍🏼燒鯖魚蘿蔔蓉冷烏冬呢個冷烏冬嘅麵汁帶有柚子嘅味道，微酸，令人有開胃感覺 👍🏼，鯖魚皮燒得脆脆，魚肉仍保留到魚汁不會因係燒的關係而流失水份。新 menu 加入一些新款式，如⋯⋯咖喱湯烏冬，番薯辣湯烏冬及沾烏冬 ⋯⋯等等，但失望的是想吃嘅溫泉蛋沙律要晚市才有供應 🥺埋單後，在店外見到外賣餐牌，細看與堂食有點不相同，下次如果趕唔切嚟堂食可以考慮買外賣 ✌🏼✌🏼慢慢試勻佢哋嘅新嘢 ☺️

因為唔係好肚餓，諗住食小小野，所以就一人叫左一個迷你飯。迷你饅魚飯 $90迷你豚肉飯 $88店員一黎拎黎果陣，以為送錯左，因為個樣同想像中既唔同，望落一啲都唔吸引。兩個飯既饅魚/豚肉份量都好少。兩個飯都有啲沙律菜，但係豚肉飯就多左啲蘿蔔蓉。兩個飯既份量真係好迷你，完全唔值$90。兩個飯既味道正常，普普通通，唔算特別好味。性價比唔高。

係我食過最高質既日本烏冬店，麵條都經過精良既設計，幼身，湯底清甜，十足好似飛左去日本旅行咁，好懷念日本既清幽既感覺，同埋個種淡然又有一絲韻味既味道同口感，就好似食緊食物既本質。