稻香超級漁港 (南豐廣場) (已結業)

有次到這區附近打了輕鬆羽毛球🏸️，基本上坑口體育館都沒有去過，這個商場好像亦都是第一次踏足。想不到，商場暗黑👀，好像沒有人一般，然而，我們找稻香，卻發現暗角的稻香，內裏燈火鼎盛，有不少人在火鍋，而我們有五六人，竟然在九時許還需要等位。幸好，剛好有人離開，有兩張桌子，我們坐得擠迫一點，還是可以坐得落。有點喉嚨痛，但還是點了麻辣火鍋，它的麻辣，非常之不辣，沒有什麼辣味，即使湯底煲久了，也不覺得特別香辣。在門口已經聽到有個阿姐說，「如果百幾蚊沒有蝦那就非常之糟糕了」，好像百多元打火鍋是非常嚴重的事，但不用理，因為我們離開的時候，還是可以見到有海蝦供應，質素還算不錯，夠鮮夠甜。這一頓可算是吃肉大比拼，不知道為什麼，我們一直都有叫菜叫肉，但是蔬菜好像一直都沒有拿給來給我們；取而代之，一直拿來的都是各式牛肉、鮮牛肉、豚肉、午餐肉。肥牛質素普通，薄薄的，也不算太過肥膩，當然，這種說肥牛，你也不會期望太大；反而最出色的，就是厚切午餐肉，一部iPhone還要厚的午餐肉，在肚子餓的時候吃片厚切午餐肉，感覺非常之滿足。這間稻香也不會很早收起調味料或是芝麻糊或是汽水等等東西，都會讓食客先吃飽，先埋單，亦都沒有太

提早食中秋節飯，附近酒樓都無位，最後黎左稻香，呢度都好多人，但好彩仲有位😂爸爸話想食魚，所以叫左【必食三寶】😊清蒸龍躉仔:魚肉幾滑但無乜魚味，爸爸話魚鱗打得唔乾淨😅上湯蝦球伊麵:賣相好差，味道都好差👎🏻蝦肉淋唔爽口，上湯好似糊咁🤦🏻‍沙薑雞(半隻):呢碟叫做好啲，雞肉都幾滑有沙薑味👌🏻3個人食都夠飽！

父親節要去搵嘢食但係新都城實在太多人呀所以求其入咗去稻香，叫咗個砂礓雞，不過呢真係太鹹太鹹啦就算配飯都幾合價錢都幾貴可能因為父親節嘅關係。稻香近年嘅質素好似慢慢左不過呢我見到好多人都排隊去食佢哋嘅打邊爐放題 。兩個人埋單都要差唔多$450可能下次會選擇食其他嘢例如西餐。加上酒樓嘅環境比較嘈好多人喺度講嘢排隊都要排左差唔多半個鐘下次建議都係用Gulu 呢個Apps拎飛明明我記得以前細個落嚟飲茶係唔錯㗎。

繼上次飲茶見到晚上8點半後有特價火鍋放題，所以今晚一試啦！成人148，小童98有幾款湯底選擇，因為有小童，所以選擇左清湯底!雖然係特價，但選擇尚算多，海鮮，肥牛都有供應，所以都叫作扺食，但質素當然不可以與其他貴格比較啦！總括來講就係百零蚊抵食到爆！咁有甜品雪糕🍦！

大家好，如果有睇到呢間嘢3月份嘅劣評，我之前已經試過呢間嘢伏到喊嘅西檸雞，原來沒有最伏，只有更伏。一開始有個知客同我哋推介menu無嘅粟米雞球（$78)，仲同我哋講話呢個菜好受歡迎，琴日一出就賣晒喎，我哋已經3個月冇去過呢間稻香，今次過咗咁耐，諗住重新俾一個機會佢，而且我諗，話明「雞球」，應該會同上次相比會多返啲肉掛？叫咗啲嘢成半粒鐘之後先嚟，先上個雞球。我以為佢會有改善，點知係無呀！！！呢碟嘢嘅所謂雞球，同上次嘅伏西檸雞嘅「粒粒碎雞」係同一款嚟嘢！啲雞嘅脆漿好厚，但雞切到好薄，炸完之後，啲雞變咗柴乾咁，完全食唔到正常雞嘅texture。呢碟嘢簡直係垃圾，免費俾我食我都唔會食。其實煮得咁冇誠意，點解仲可以咁樣呃啲客賺錢？之後叫咗碧綠炒老虎班球同枝竹炆斑腩煲孖寶（$238)。我屋企人好鍾意食魚，所以同上次一樣有叫魚孖寶。驟眼一睇，以為佢今次個碧綠炒老虎班球都算有好多舊魚，還可以接受。但竟然俾我母親食到一舊生魚，垃圾稻香其實唔爭在俾埋個火鍋爐我淥返熟舊魚啦！至於枝竹炆斑腩煲，裡面啲班腩少得可憐，最多係啲魚尾魚骨等等嘅嘢嚟減料。完全唔值呢個價錢。總結，呢間嘢就係伏食，食物品質差，埋單三個人$

好耐無去稻香飲茶啦！對於飲茶其實我都幾仲意，最緊要款式多得來又要好味兼抵食！今日約左朋友過來早茶，個場都算大，早茶時間吾使等位，去到已經有位，坐廳房位置，但係就比較無服務!點心款式雖然多，但係飲茶來來去去都係D傳統野，鳳爪排骨係飲茶必須的牛肚未算淋，大細都ok ，吾會太大舊以致于很難咬！蝦腸一定要趁熱食，因為凍左就會變得超難食，蝦尚算大只又爽口彈牙!抄手都好味，睇落會覺得好辣咁，但其實吾會辣，都可以啦！鯪魚球炸得好香，青紅椒釀魚肉，呢個好惹味，少少辣，鯪魚肉配合青紅椒!蘿蔔糕麻麻哋，無咩特別，粉太多，蘿蔔太少，吾覺有蘿蔔味。

同親戚們一齊食飯 識揀一定係揀套餐食🤣 方便乜都唔洗諗🤪.金豬．龍躉全包宴 - 半席 HKD2288；不專業評級：6/10行運金豬全體🐷上湯波士頓龍蝦🦞伊麵醬皇碧綠炒雙蚌米綱海皇卷蟹肉花膠雞絲🐣翅私房欖豉蒸龍躉斑🐟蝦乾雙耳浸菜苗🥬脆皮吊燒雞🐥臘味糯米飯🍚稻香壽桃包.蒜茸蒸元貝 - 4隻 HKD88；不專業評級：6.5/10.自助吧 HKD14；不專業評級：6/10.套餐入面我最鍾意係脆卜卜既米綱海皇卷 排第二係壽包 🙈 但其實稻香牌壽包味道麻麻地 鍾意食純粹因爲我本身鍾意食壽包🤣 今次既蒸扇貝都幾高質 無沙唔腥仲幾厚肉添👍🏻 另外仲加左每位1️⃣4️⃣蚊既自助吧 加自助吧的原因純粹係因為我太愛 稻香出品既芝麻糊 雖然係粉沖形 但味道唔太甜而且非常香滑💗

今日難得可以早收工，使唔使同男朋友一齊去下午茶👍🏼❤️因為可能平日嘅關係，所以都唔算太爆，都可以安排到一張卡位俾我哋兩個一齊坐！不過一嚟到，發現啲碗碟都較污糟，有啲食物殘渣係個碗入邊！不過自己洗一洗就算啦😪😪😪稻香下午茶都幾多嘢可以揀，食物種類多，價錢亦都好相宜！個人來講可以相拼點心嗰個孖寶最抵食，$22.8可以有兩款點心！出邊買都買唔到啦！另一方面，個叉燒個叉燒米線都好抵食，$18就有一大碗！正！

每年稻香有一蚊雞供應的時候, 家人總會約埋一齊去食的。自從去年改為脆皮炸子雞之後, 廚房不用斬雞的工序, 上菜也比以往快手很多。記憶中往年每枱都叫兩三隻, 廚房忙到斬唔切, 等成個鐘都未有得食。舊年的炸子雞原隻上, 手撕就可以食了, 超方便。 今年仍然是一樣的手撕炸子雞, 跟新鮮印尼即炸蝦片。蝦片脆卜卜的, 好香又好味。炸子雞外形不算大, 只比乳鴿大少少, 不過皮脆肉嫩滑又厚身, 每人食半隻甚滿足。另外 order 左孖寶, 炒龍躉球 + 蒸龍躉頭腩。蒸龍躉頭腩十分香滑, 有豐富骨膠原, 份量也不少。碧綠炒龍躉球, 用了很多甜豆去炒, 爽脆好味, 魚肉也有不少。四個人食完好飽了。再叫左任食甜品飲品 bar, 每位$14, 我飲左兩支豆漿, 食左兩碗芝麻糊 ~ 非常滿足了。埋單每人唔使 $90, ok 呀!

今日去稻香食晚餐！首先講吓正常嘅食物，食咗個龍躉兩味（148元），分別係紫茄蒜蓉蒸班頭腩，同埋翠帶濃湯龍躉球。個紫茄蒜蓉蒸班頭腩味道正正常常，不過啲茄子索晒啲蒸魚油，感覺都幾肥膩。至於翠帶濃湯龍躉球，睇相嘅樣都幾吸引，嚟到之後發覺啲湯嘅色同幅圖唔同，食落都還可以，不過啲配菜唔算新鮮，色水暗淡，啲翠帶都唔知係乜，唔敢食。然後經典菜式嚟啦，我哋叫咗個西檸雞（78元），最後嚟，一睇，啲雞碎到好似台式粒粒炸雞咁，搇滿晒脆漿，一啲都唔似平時食嘅西檸雞。食落去發覺，中伏了！所有雞都唔係雞嚟㗎，我好似食緊成舊粉咁，咬開一半，舊舊雞90%係脆漿， 10%係肉，仲要舊舊都係咁！無嘢呀嘛？雪雞柳都唔係好貴啫，使唔使俾成碟粉我食呀！酒樓嘅廚師究竟有無培訓過？點解咁難食嘅嘢都可以擺上台？所以我哋食剩咗，因為真係難食到食唔落呀！

這間在將軍澳坑口南豐的稻香超級漁港， 聽講有別於一般的稻香， 因為他們的食物 和定價 都與 稻香集團的不同， 這是我朋友告訴我的， 都比 稻香的 平和多選擇 ，味道也比較可口，環境也是超級大的， 十分多座位， 在過年前 早茶大中小點 都是半價的， 平均每人三十 多元 左右， 不過我多數同朋友在這裡 飲下午茶， 最喜歡吃是他的鬼馬牛肉腸， 就是油炸鬼加牛肉 ，腸粉很滑的， 油炸鬼也是脆的， 另外我喜歡吃 鯪魚球和牛肉 孖寶， 每樣有兩件， 食落口 都有一點 彈牙的感覺 ，我 很喜歡食， 生炒糯米飯也不錯， 不過鹹肉粽 就不推介了， 裏面很少材料， 有時又蒸得 太 爛， 很不穩定， 不過有一個迷你鮑魚燒賣，每件 燒賣 頂上都有一隻迷你鮑魚，很可愛的 也不妨一試, 整體價錢合理 ， 這都是我常去的一間茶樓 ，只是工作人員相對太少了。

今日諗住過西貢　所以黎到Ｅ個中轉站見時間仲早就諗住去下飲茶打發下時間佢既地方好大　我地１１：３０ＱＡＭ黎到　都唔洗等　我地兩個人就叫左好多野食：奶黃包：仲諗住佢係流心　點知都唔流既　但係就係傳統個隻做法　好香　奶黃味重！燒賣黎講　佢都好足料　原隻蝦粒放上面　大大粒　豬肉比例唔會太多　好夠蝦同豬肉味金錢肚好林　黑胡椒味好夠　唯用豆腐卜放低下　相比豆腐卜　我更愛白蘿蔔鳳腳黎講呢　都幾少下　得個４－５隻　唔係好夠喉～最後一牒炒飯　佢有櫻花蝦同雞粒～其實真係好香　又夠大牒！好味道！

早2天，我同d同事去左將軍澳南豐果間稻香慶祝生日，平時我地都有去開食晚飯同打邊爐，食物質素同價錢都ok。果睌我地訂左一圍$2500左右既套餐，當餸菜出黎既時候，有一種嘩嘩聲既感覺，因為有2，3道餸好特別，有擺設，賣相好靚，個個爭住影相，真係好耐無見過D廚師咁有心機，味道好，價錢又合理，仲記得細個果陣時去飲先會見到尼D有擺設既菜式。果晚個個都食得好開心，有一位朋友仲即時訂左下個月2圍幫媽媽慶祝生日。下次都會繼續幫襯。

一年一度重陽節， 一早起身 一家幾口嘆茶去， 將軍澳南豐廣場，稻香都係成日去，今日去到 ，唔見人山人海 ，點解今日咁靜嘅呢 ，原來優惠時段提早咗，假期九點前離台結賬，將有半價優惠，平時就係會十一點嘅，不過唔緊要啦!我哋都係嚟，飲個早茶，食個包，今日唔多啦，每位都七十幾落樓。义燒腸粉好多時叫皮內平均啖啖肉。雞肉春卷好多油，味道都唔錯， 薄薄脆。 叉燒包 剛剛好一人一個 ，皮肉均勻包鬆脆。芝麻芋頭餅好味，唔見油 ，有芝麻香亦有芋頭嘅芋頭蓉，正!鮑魚燒賣 鮑魚細細隻都算係有鮑魚嘅，燒賣都係如常嘅燒賣。鳳爪排骨飯 加埋餸得半盅，食落有啲唔夠喉！

年輕人難得想去茶樓飲茶，但經歷過今次真的會令我少左動力去試。我們來的時候是中午，叫了些點心和午市套餐。 結果見到午市套餐的銀芽肉絲脆麵有大大隻昆蟲🤦🏻‍♀️🤦🏻‍♀️🤦🏻‍♀️樓面忙，我們要行去搵經理說食物有問題，但經理A遠望一眼就射波給下屬A來我們枱了解詳細。我們都不敢再食啦，於是我們叫下屬A取消單。下屬A又入去搵下屬B出來。我們重覆告知下屬B，佢拿走了麵。然後下屬B又出返來問可不可以重煮或換菜。我們都講左取消，佢又要問多次。佢地真的非常不想取消吧？佢地離開，然後下屬C又來問換菜。都說要取消！！最後經理B來拿了張取消了的單我們。然後終於肯說一句道歉。 雖然最後如願取消，並得到一句道歉。但我想講誠意好重要。尤其是你們出錯，你們更加應該向客人表示會認真處理的誠意和歉意。結果反而是不斷迫我們換菜，還要溫吞地改單。☹️是餐廳制度令他們怕取消單？抑或是員工們本身都沒心對客人？ 兩者皆是？ 所以我都是不得不給予我人生第一次的負評。如非必要都不會再來。☹️簡單兩隻字：不了。