稻香 (蔚景園)

营业中

休息中

去左呢間稻香食係我呢一生人最後悔既事！一開始門口個女人叫我地等等無帶位員工！然後排我地後面個對父子直接走入去搵位！咁請問我地係門口等成十分鐘係等咩既呢？都算 睇都未睇餐牌，隔離個待應啊姐係咁吹叫我地快d落！大佬睇都未睇點快d落啊？然後野食叫左無5分鐘就拎碟鮑魚出黎！一食一睇就知係蒸左好多個世紀！又乾又縮！都算 個雜菜煲直情有頭髮！都算喇！叫個雙蚌黎魷魚？？大佬真係當消費者傻既咩！同番d員工講係咁答我唔知！下？唔知？咁唔通我會知？有圖有真相！我都廢事再講服務差！態度差！食物差！違反商品說明條例！

好耐無去沙田稻香飲早茶，等左6分鐘就有位👍🏻，但個位就好迫好迫（3人）😞，擺點心食嘢時較辛苦！講真，稻香早茶真係抵食（點心半價），所以對其服務態度都要話比自己聽：唔好要求咁高。但...今次真係貨不對板，餐牌寫明「香茜义燒腸」，但完全沒有香茜😣！！！原蝦燒賣概蝦同燒賣分開咗😔，加單叫的炸菜肉片飯，要50分鐘先到！叫姐姐幫手追單，佢只叫我等，仲話一定有，感覺到佢唔敢問還是懶得問？（只怪自己好加單😕）食左幾年，啲阿姐態度出晒名差，反而送點心姐姐好啲，間中都會講：多謝！

今日一早起身就同屋企人去飲早茶 早茶優惠全部點心都半價的確幾抵！ 每個茶位$10 入坐前就會有獨立包裝既茶葉 入到去自己再沖茶 每枱都有個智能沖水機 就幾方便 唔洗成日叫人加水落單就係用手機落單 都幾方便 有哂價錢 但所顯示既價錢係未加一同半價優惠既～首先叫左個鳳爪排骨飯$25都算幾大碗 2個人分都夠 排骨好淋好入味 而飯就粒粒分明 唔會好爛👍🏼櫻花蝦脆網腸粉$25 🦐櫻花蝦嘅分布唔係好平均 有啲好多 有啲又好少 個豉油偏咸左少少 中間幾脆 蘿蔔蓉又好淋 外脆內軟 個皮又唔會太淋太黏 整體都唔差 蝦餃$30 飲茶點少得蝦餃呢😆一上菜嘅時候個蝦餃就有3粒個皮係穿咗🥲 但係皮都煙煙韌韌 唔會太濕 又有荀粒係入面 有啲口感 內餡有肉汁唔乾👍🏼上菜速度都都唔慢 價錢真係好平 絕對抵食👍🏼

經過「稻香」我又八八卦卦喵喵枱面有甚麼外賣點心出售，看見有泰式班蘭糕$13 冬葉鹹肉粽$12 牛頭造型奶皇包$10，又幾吸引！煙靭口感的班蘭糕比較重奶味，味道不太甜，班蘭香味幾乎零，口感味道尚好的！鹹肉粽有豬肉與蛋黃，味道正常，但不知道是否冬葉烚得不夠，冬葉色澤把糯米也染綠了！表面的糯米也帶有冬葉的葉味道鹹肉粽，是美中不足的地方！應年的牛頭造型奶皇包很吸引，$10有三個平過麵包，奶皇不過甜，正正常的包。

路過「稻香」看見亞姐忙碌地整理工作，將年糕與蘿蔔糕放入保温禮袋，也不忘向經過的客人推銷，我被吸引停下腳步看看，$88一套，我決定幫趁一套。回家就急不及待煎年糕，年糕質地較軟滑，尚算容易煎，煎年糕時候，椰香飄揚，看看成份內容，原來是有加入椰子粉，煎年糕我喜歡加蛋漿煎，多一份蛋香，年糕軟綿，甜而不膩。煎年糕了！看看蘿蔔糕成份內容有臘腸、蝦米，但我買的蘿蔔糕却祇有蝦米，煎香的蘿蔔糕我喜歡添加胡椒粉來吃，蘿蔔糕成份內容有雞粉，但蘿蔔糕的雞粉味太重，料少味重，感覺太假了！

好恐怖！上左個豆腐⋯竟然包左隻小強！😰😰😰⋯⋯我要一段時間先可以忘記！其實酒樓有冇人會check過啲食物先上菜？我哋如果食左⋯我真係唔敢想像🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️！

近期多次見社交媒體講此食店既“亞拉斯加帝皇蟹”，昨日（15/11/2020）在沙田，知附近有這食店，便一早訂定枱，六點就去食。可能近期無超抵食既推廣，居然去到無人等位，即時可入座。由侍應帶領下點了隻五斤十両既亞拉斯加帝皇蟹，選了原隻清蒸，很鮮味，很易拆開取肉嚟食，無咩膏，四個人食，份量都足夠。另點了兩個餸蒜蓉炒芥蘭，都幾好食及份量足脆皮咕嚕肉，略嫌份量少，菠蘿好酸，麻麻地侍應好少及態度麻麻，落單時都要等上幾分鐘。

👨‍👩‍👦難得過海同屋企人食飯，行下新城市廣場，沙田真係特別多野食，屋企人最後都係揀左酒樓「稻香（蔚景園）」😋平時自己食稻香都係同朋友打邊爐，晚飯真係第一次食！感覺還好😊❤️依家稻簡已經可以掃二維馬自行落單，非常方便👍🏻1️⃣麻辣雞煲$78⭐️ 雞煲選擇辣度有微辣、中、大選擇，味道不會太咸太濃，送白飯一流👍🏻 推薦！2️⃣花膠海味雜菜煲$98⭐️一上枱 嘩一聲，比平時食開的雜菜煲份量較大，菜湯清甜，雜菜煲可以直接在枱上的電陶爐加熱，感覺像食火鍋🍲一樣😋3️⃣上湯波士頓龍蝦🦞伊麵$168，龍蝦🦞同伊面份量足夠3人食，性價比高👍🏻

又要寫寫沙田稻香啦！因為屋企人比較鍾意食中式，所以見到啱食又抵食嘅中餐就會叫埋我一齊去試。天氣開始涼，又係時候食吓羊腩煲。啲老人家成日都話食羊係保暖嘅，尤其是係食啲皮。今次屋企人見到稻香宵夜時段有特價，係半價，夾啱時間特意叫我去食。**********去到嘅時候侍應介紹我哋食羊腩煲，如果再加多一個湯底，飲品同指定啤酒都係任飲。我見其他枱都係咁樣嗌，一開始先食羊腩煲，然後侍應再上湯底打邊爐，火鍋料全部都係半價，好抵食。 因為我哋兩個都食咗下午茶，所以唔係太肚餓，只係叫咗個羊腩煲同菜籃，加多個飯share羊腩煲（$44）份量幾多，唔會話將貨就價。食第一舊羊腩就有小小韌，屋企人話加水落去煲一煲。.咁食住配料先...馬蹄😍好甜好爽口冬菇🍄、枝竹好入味仲有一條條蒟蒻 ，幾彈牙煲咗一陣，食舊羊腩，真係淋咗小小，之後我地都係加水煲吓...可能佢本身好夠味，即使我地加水煲都冇乜溝淡咗啲味，唔錯👍🏻菜籃（$16）三款菜🥬加2粒車厘茄🍅🍅叫埋碗飯撈汁食，兩個人就啱啱好😜.下次如果多啲人，可以叫埋邊爐試試😆

上次去沙田稻香已經好不滿，但係始終去開稻香飲茶，都想比多次機會，今次接待、環境等等都好好多，唯一不滿係出餐員工冼蓮居第一係完全冇冚好食物，出餐員工有三個，就得佢冇係食物上面加蓋；第二係佢經手嘅山竹牛肉我同朋友都食到有魚味，而我對魚有輕微敏感，我地同返佢講，佢態度好差咁話「點會食到魚味？依個係山竹牛肉，係你地搞錯」，咁我講我敏感但係食到魚味，佢就話「我唔知喎，又唔係我整嘅」如果山竹牛肉一直係咁嘅味道，我點會依連續五年一直同屋企人幫襯稻香，仲要每次都要山竹牛肉？

接待：比熟客插隊、場面好混亂但係完全唔識控制樓面：坐低後二十分鐘先有人問我飲咩，仲要係我自己舉手叫人、丟咗包茶葉係枱叫我自己沖、野食到咗都未有印仔紙環境：枱布未整好、枱面有頭髮、碗爛咗、杯污糟、筷子未洗出餐：想要多一份醋，一句冇準備就算、想要煉奶，越叫越走、由得其他客人拎咗我叫咗嘅野食食物：薄餅得半邊有饀

呢間酒樓質素勁參差，極度唔推薦呢間酒樓，態度質素勁差，有侍應呼喝客人，粥水太稀，點心味精太多唔好食，上菜時間太慢，瘋狂嚟錯野食，例如本身叫香煎蝦米腸，佢就嚟咗牛肉腸，總之唔得唔得唔得！

$1雞屋企人知道稻香有$1雞之後，打算上星期五去食，可惜7點去到嘅時候太多人，要等過百張枱，最後冇食到。原來係5點鐘派飛，5點半入座。琴日星期三好早攞飛就食到啦！真係$1一隻雞$1一隻雞呀！隻雞係炸子雞，熱辣辣原隻上，皮脆肉嫩，上碟造型100分，成個雞籃haha，仲有蝦片伴碟，非常鬆化香脆，幾塊絕對唔夠XD。上菜嘅時候，侍應會俾較剪同一人一對手套，方便你剪開佢揸住嚟食，好貼心。同家人叫咗一人一盅汽鍋海中寶，內有鮑魚、螺、花膠同雞腳，$18/盅好抵食！食咗咁多肉，要叫番碟菜平衡吓嘅....叫咗椒絲腐乳通菜炒牛肉，份量都幾多，不錯，但係佢上菜嘅時候，我食緊隻雞髀，冇手再影相。另外要講嘅係...我太耐冇去呢間稻香飲茶，原來佢改哂自動加水，煲水嘅設備，非常先進，唔使不停叫侍應加茶（有時真係舉極手都冇人應你），啱哂同行嘅媽咪，唔會再話人地加d水唔夠熱最後埋單$166，$13/位茶錢，加一，好抵食！可以再試👍🏻

稻香一蚊雞終於回來了！這個消息我也是從火車上的廣告得知, 只限周一至周五, 便決定周五去湊一下熱鬧. 馬鞍山的分店沒有了, 最近的要去到沙田. 如果不想等位, 六點前便要到達拿位了. 幸好我的家人早點到達, 不然我們便是在外面等的那一批人了！今次的一蚊雞不只木桶豉油雞, 是原隻燒春雞, 正常雞的大小. 上菜時, 雞還是熱乎乎, 漲卜卜的, 是剛燒好出來的樣子. 他們給了兩對膠手套及較剪, 方便自己分配. 如要廚房切好端上, 要另加$30呢！ 我們覺得也沒這必要, 自己來吧！我才拿起雞脾, 不怎用力, 都分離了, 雞油香氣撲鼻而來. 雞皮燒得甚脆, 皮下的脂肪溶掉很多, 真的皮脆肉滑！ 這燒春雞比木桶雞來得特別, 甚有驚喜！回頭率甚高！提要：2人可叫一隻$1雞, 4人可叫兩隻, 如此類推！另外茶錢是$13/ 位.

落雨涼涼地就想食邊爐🥘知道稻香裝修完就諗住去食 20:30任食火鍋，但原來以家轉咗無任食！變咗火鍋料半價汔水任飲，我地叫咗個胡椒豬肚大蜆鍋，味道 ok，叫咗碟美國牛小排( 300g)就麻麻地了，唔值2佰9哩個價囉~好彩有半價，鵝腸無乜肥膏唔香囗~其他火鍋料不過不失，有半價都會考慮再去飲任汔水都算吸引，員工都很有禮貌埋單$ 541兩個人傾下飲下😊又一個愉快晚上