稻香.茶居 (南豐廣場)

营业中

休息中

同朋友諗住星期六夜晚過嚟宵夜，見到羊腩煲都幾抵食，$38有齊晒羊腩腐竹馬蹄竹筍，食完羊腩煲仲可以加水打邊爐，邊爐配料有六折，但係質素就麻麻哋。諗住羊肉片都幾抵食，但係上到嚟全部都係黑嘅，同staff反映咗一次，好唔情願幫我哋換咗，但係更加似只係反轉咗本身嗰份，個底都係好黑，再同我哋解釋啲羊肉本身血水凝結咗就會變黑色，但係其實之前食咗咁多次都冇呢個問題，最後都係同佢講退咗就算。明白做到咁平都冇特別要求啲咩好好嘅質素，但係唔係好明顯有問題都話冇問題，換完一次都係咁，叫做好少少，或者甚至乎只係反轉咗入面扮見唔到啲黑色就算。

服務態度超級差，離晒譜，食物錯枱就鬧客，自己入錯單就唔認，門口兩職員只傾計，不開卡不收錢，傾完計先做野。這家稻香酒樓，用餐體驗令人失望。首先，服務員對顧客的關注度極低，點菜等待時間長，甚至需要自己去尋找服務員。餐點終於上桌慢，食物的溫度不佳。此外，服務員的態度也讓人感到不悅，對我們的詢問不耐煩，缺乏基本的禮貌。最糟的是，結賬時出現錯誤，服務員毫無歉意，讓我們感到被忽視。整體而言，這家酒樓的服務質量讓人極度失望，不會再光顧。

我突然想食龍蝦伊麵, 隨意入左一間酒樓到睇結果要4xx先落到樓, 真心覺得一餐飯5洗咁豪氣既。。。朋友就幫我上網搵邊到有得食然後就發現稻香出左個龍蝦盛宴上湯波士頓龍蝦伊麵 $99/份打電話查詢後就衝過黎食個龍蝦伊麵味道可以接受當你睇住個價錢去食既話, 未去到要話難食真的還可以接受另外失望既係這個無芝士 無芝士 無芝士要芝士就要叫另一個貴貴的龍蝦就如圖所睇, 一隻開半處理伊麵其實偏少, 兩人食係5夠食兩人食, 每人一碗多點點既伊麵龍蝦既份量味道都正常茶芥加一之後, 總數$140只係應付心血來潮的話, 這個係平價之選

食物方面都係一如既往，都唔錯小籠包多汁唔錯！咁就係等咗耐少少，其他無特別，侍應們好Nice酒樓方面做緊好多唔同嘅優惠，有幾間裝修都幾靚，幾間獨立包廂適合家庭聚會

稻香8:30後打邊爐全單六折！非常抵食，我哋呢一晚就係8:30後入座，然後四個人食咗六百幾蚊，呢個係六折之後嘅價錢，其實我都覺得非常抵。👍🏻👍🏻👍🏻我哋叫咗椰子雞煲做湯底，好驚喜地佢地啲雞好滑，食落去好好食，跟住我哋又嗌咗好多唔同嘅火鍋配料，例如有牛肉、墨魚丸滑、滑豆腐、烏冬等等，幾乎每樣材料都好好食。咁我哋呢一餐就大概食咗兩個幾鐘，途中服務員都冇趕我哋走，非常好服務態度咁樣解答我哋嘅問題。呢一個係一次唔錯嘅大量運動後用餐體驗，建議喺西貢玩完水返出嚟市區嘅各位可以試吓嚟到呢度係8:30後食呢個有六折嘅火鍋。👍🏻👍🏻👍🏻

第一次黎呢個廣場，早上九點冇乜餐廳開眼見稻香门面甘靚，同以前好唔一樣而门口都有人等位，於是我都等埋一份十五分鐘左右有枱了，都算快，星期六食物質素進步了不少叫咗個腸粉勁好食，皮唔會話好郁啦，而入面咬落脆脆的，好食啊而燒賣大大味多肉，唔系只有石粉制造成👍🏽蝦餃的蝦都係又大又夾，有得自己煲茶暵茶，我搞得好正宗中式飲茶，同戶朋友慢慢吹水。環境又好大，不過就枱和枱间有點逼場內職員都叫幾多，基本上有求必應

第一次試，中伏！點心唔熱，腸粉皮厚，咸水角又油又林。服務態度仲恐怖，搵侍應教用水機，個女侍應好不耐煩地按兩下掣就想走，我哋再問點先至加到水，佢竟然好炆憎咁鬧我哋然後倒晒啲水出嚟話呢啲咪水囉，你哋見唔見！我哋再解釋話煲𥚃已無乜水，要加水啊，佢唔理會我哋解釋，繼續狂躁症咁喺度鬧直至部長拖佢走，真係食到一肚氣。以後都唔會幫襯！今時今日咁嘅服務態度，真係唔怪得個個北上消費！

今日入去將軍澳的海濱散步，欣賞將軍澳跨灣大橋，正午時份正好去稻香茶居食午餐。我點左點心：櫻花蝦脆網腸粉$25、鴛鴦雙潮$25、酥炸鯪魚球$25、香麻脆竽餅$19及櫻花蝦煎薄撐$25；所有點心都熱辣辣，材料豐富又新鮮，非常好味道，好食👍👍另外，我又點左鍋燒寶貝鮑魚飯$68（平日）、乾燒伊麵$68（平日）及豉椒安格斯炒河$68（平日）。鮑魚飯真係有6隻鮑魚在飯面，賣相了得，米飯燒得香口，有少少飯焦😋😋，十分好味！河粉炒得好美味👍👍，伊麵又燒得乾爽，配菜豐富，值得推介！

環境：地理位置優越，坑口站B出口一上就係，酒樓都算大，有幾個包廳，如果夠消費額可以自己包一個廳，侍應人手都算足夠，出菜都算快食物黃金炸蝦：新鮮滾熱辣非常香口，外脆內軟，份量都好足夠，呢味餸真心唔錯咕嚕肉：都係新鮮滾熱辣脆口，好食，酸甜到適中，不過份量就比較少魚香茄子斑塊：份量足夠，都算好入味，略嫌就油咗少少，如果可以整乾身少少就完美牛柳菜心：份量都好多，伴碟嘅仲有臘味，開胃好食，啲菜唔會好老半隻燒鵝：皮好脆，心感都算適中，唔似其他舖頭嘅燒鵝咁鹹白飯有心機，砵仔飯加粟米粒總結：質素中規中矩，坑口區冇咩酒樓，近近地一家食飯都算幾方便

今天天氣凍到稻香買羊腩返屋企，一煲收$188,份量少不但(得六至七件)，其他便是魚片，更離譜用燒鴨代羊腩，違反商品條例。大過份香港食肆假期不旺場，最主要不但收得貴，而且當顧客是羊固

上湯澳洲龍蝦伊麵🦞澳洲龍蝦肉質鮮嫩，口感豐富。它具有一種柔軟且有彈性的質地，入口後會散發出濃郁的海鮮風味。伊麵是一種細長的麵條，通常煮熟後具有柔軟的口感，但仍然保持一定的咬勁。它能夠完美吸附上湯的風味，讓整道菜的口感更加豐富。上湯是用龍蝦殼和其他材料熬煮出來的高湯，具有濃郁的海鮮味道和香氣。上湯的口感滑順，入口後會讓人感受到龍蝦的鮮甜味道，為整道菜增添層次感。龍躉斑🐟肉質鮮嫩細膩。它的肉質豐潤，口感鮮美，肉質緊實而有彈性，入口後散發出濃郁的海鮮風味。清蒸是一種烹調方式，通常將食材蒸至剛熟，保持了其原汁原味。清蒸金花龍躉斑讓魚肉保持了鮮嫩的口感，不會過於油膩或油膩。斑魚魚鰭部位肉質更加嫩滑，口感更為細膩。魚鰭的質地柔軟，入口即化，增加了整道菜的口感層次。凱撒胡麻百花球🌸百花球的外皮通常是由麵粉和油炸而成，因此外皮脆嫩，有一定的酥脆感。它的外層炸至金黃色，讓人一口咬下時能感受到輕脆的口感。稻香燒鵝皇🦢鵝皮經過特殊處理，烤制得到脆薄的質地。它的鵝皮烤至金黃色，外脆內嫩，吃起來脆爽可口。燒鵝皇的鵝肉通常使用優質的鵝肉，肉質鮮嫩多汁。它的肉質細嫩，口感豐富，入口後能感受到鵝肉的鮮美和滋味。

先前買了龍蝦伊麵外賣回家後,發覺龍蝦肉竟是梅的,回家太攰了所以沒有拿回去投訴,辛苦工作回家想食個龍蝦伊麵,酒樓竟然賣死龍蝦肉給顧客,又不是平。所以決定以後不再幫襯,也同親戚朋友分享了,叫大家以後不要幫襯,酒樓賣不新鮮食物畀顧客,就應想過會有這樣的後果,食客不會再幫襯。

第一次去呢間稻香飲茶，門口比較細，入到去原來都幾大，除大廳外還有宴會房，都擺到四五圍，今日大廳滿座，帶位安排我們坐房間，不用點等。要用電話掃碼落單，問樓面先知，有d煩，老人家應該要搞好耐，加水都係要自助，用茶包，我飲鐵觀音味道可以都幾清甜，要等水加熱需要一些時間，有好有唔好啦，唔洗搵樓面幫手加水。叫咗福建炒飯和豚肉干麵，味道比想像好，以前去稻香多數食點心印象味道一般。碟頭飯價錢不算貴，劃一＄68，阿姐服務算好，其實亦都唔需太多服務，因為基本上都係自助，整體算不錯。

非常失望嘅一餐 。。。燒味拼盤法式大🦐蝦球伊麵黃金白花🦀蟹鉗金腿燴燕窩招牌燒鵝皇✨️ 果然係皇成餐飯食曬，一直都未上菜， 等咗咁耐見到， 燒鵝下面係有蠟燭， 都冇諗過要我係凍嘅 ，點知蠟燭嘅作用衹係。。。。裝飾， 一啲都唔熱😑😑😑清蒸金花大龍躉🐟海味🍄鮮菌泡菜苗🥬風味糯米飯🍚喜慶玉兔🐇包除咗個包係熱其他都唔熱衹係暖， 燒鵝直情係凍嘅添，都唔知點解🤷🏻‍♀️要等咁耐🤦🏻‍♀️， 足足等咗40分鐘🤨， 好難得見到事應，每次請侍應睇睇佢哋只係叫等等。。。

既然稻香集團既客服覺得我公開出黎無所謂，咁不如大家聽下間野有幾垃圾，無服務，無質素，無衛生。我之前book枱既時候因為人數未定，所以無特別講明話要房，亦到諗住如果坐出面大枱都會有侍應照顧下，最後我地係9人叫左佢1席3688既套餐。問題1。d碗碗碟碟係勁污糟，問佢要幾隻杯飲自備既酒，d杯係起哂積，我屋企人係自己用滾水逐隻碗同杯洗乾淨。問題2。起菜速度勁快，成張圓枱都有3大盤餸，佢地都仲不停上菜，差不多上左一半，我叫侍應唔該出慢d, 佢地先識慢少少，搞到後面d餸都凍左。廚房係咪太得閒趕收工呢，上咁快，有無考慮個客人食唔食得切？問題3。睇圖，我屋企人夾到條爛菜，咁既菜心都可以擺上枱，廚房盲的嗎？最後係收走呢盤12人既菜，換碟例牌咕嚕肉。問題4。第一道餸食龍蝦伊麵，差不多食完，佢唔係搵人黎換碟囉，佢擺低2個紙兜，叫我d屋企人倒d蝦殼落去，仲要倒完等左好耐都無人收走，係個上菜女人見到無位上佢d出得咁急既餸，先識收走個兜殼。問題5。食到差不多完結，我媽唔係太舒服，我想快d打包最後個碟糯米飯，快d上蛋糕，我叫個侍應幫手包走，但佢地掉低幾個膠兜就走左去，我叫極都無人幫手做，個刻我媽已嘔緊了，我地大部份