稻香.茶居 (南豐廣場)

营业中

休息中

同朋友谂住星期六夜晚过嚟宵夜，见到羊腩煲都几抵食，$38有齐晒羊腩腐竹马蹄竹笋，食完羊腩煲仲可以加水打边炉，边炉配料有六折，但系质素就麻麻哋。谂住羊肉片都几抵食，但系上到嚟全部都系黑嘅，同staff反映咗一次，好唔情愿帮我哋换咗，但系更加似只系反转咗本身𠮶份，个底都系好黑，再同我哋解释啲羊肉本身血水凝结咗就会变黑色，但系其实之前食咗咁多次都冇呢个问题，最后都系同佢讲退咗就算。明白做到咁平都冇特别要求啲咩好好嘅质素，但系唔系好明显有问题都话冇问题，换完一次都系咁，叫做好少少，或者甚至乎只系反转咗入面扮见唔到啲黑色就算。