究極堂 (蜆殼街)

营业中

休息中

呢日放工係砲台山站同事升職請食飯但唔想再搭車見到公司附近有間日本野以小店經營 走日式居酒屋路線餐牌除左刺身/卷物外仲有小食 炸串和pizza類 我地叫左丼飯和幾個小食share店員介紹有得book VIP房原來佢仲有銅鑼灣分店下次決定成班同事再食過//明太子芝士玉子燒 $78//最吸引既爆餡玉子燒明太子醬和芝士醬很滿蛋身半熟效果 食落流心口感果然係無令人失望 //究極丼 $218//重點來了!比想像中更豐富的刺身丼刺身新鮮厚切 飯量睇落唔多一食就知道用高質赤醋飯但刺身種類好齊 1個人食唔晒 除左三文魚 油甘魚 海膽 牡丹蝦仲食到鮮帶子 吞拿魚蓉 三文魚籽 口感最正係落埋日本醬油蛋汁 好juicy! //海膽右口魚邊蝦卷 $78//個人幾喜歡食右口魚難得卷物有齊海膽和炙燒過的右口魚原來好夾 魚油香又夠鮮味 唔會腥炸蝦和飯令到味道中和 必食! //海苔墨魚他他 $28/串x2//以前我唔食炸串 升職同事想食口感豐富 食到爽口既墨魚滑加入紫菜去炸 唔會厚炸粉個皮夠香脆 一改我對炸串既觀感 //明太子什菌地雞薄餅 $118//Pizza係即叫即焗 所以後來才上菜雞粒有唔少 連同芝士野菌和明太子

新一年新開始，今日就同老公去食我哋最鐘意嘅日本菜。呢間餐廳之前在銅鑼灣店食過，環境同質素都幾好，今次就去左北角店。餐廳空間幾大，日式居酒屋裝修，木系傢私。客人除左堂食之外，呢度同銅鑼灣店一樣，可以預訂party room同家人或朋友自成一角去聚舊，去熱鬧一下。餐廳餐牌好多嘢食，種類多。職員先介紹餐牌，餐牌上亦有推介菜式。最後我哋揀左三款推介，沙律、小食同鐵板料理各一。海葡萄海藻青瓜沙律：海葡萄有淡淡鹹味，口感爽脆，配埋海藻同青瓜等食材就更加爽口，加埋旁邊柚子醋食，味道清新。海葡萄係沖繩特產，在香港日式餐廳好少見，呢度竟然有，有D驚喜。甜蝦唐揚：炸甜蝦脆口，一口一啖連頭食，好香口，鹹鹹地，幾好食。薯蓉廣島蠔：廣島蠔夠大隻，焗得非常香，有醬油味道，好夠味。底層薯蓉加左層芝士一齊焗，有拉絲感。而薯蓉就切成一粒粒，好似食薯餅咁，有口感同薯仔味十足，好好食。海膽右口魚邊蝦卷：面層右口魚邊帶輕輕燒過，暖暖地，有魚油香味，配埋海膽食味道好夾，加埋蝦卷同食口感豐富，有層次感，幾好味。芝士什菌地雞薄餅：即叫即焗，需時約30分鐘。賣相幾好，唔會焗到燶晒。薄餅皮焗得好脆，雞味濃，配埋芝士同菇食，食得好滋味。

《究極堂》環境舒適，和風設計，木枱椅，以2-4人為主，另設有VIP房，適合多人聚會。🥢海葡萄海藻青瓜沙律像極一串串葡萄的海葡萄，味道清淡，咬落有爆珠感覺，海藻爽脆、青瓜爽口，以柚子醋調味，味道清爽。🥢究極炎之丼蝦、帶子、魚片，魚蓉等材料，以炙燒烹煮，入口帶有炙燒焦香，配上軟糯醋飯，好惹味。🥢明太子芝士焗炸豆腐鹹香的明太子，加上芝士香濃，豆腐滑溜，整體配搭創新，入口鹹香軟滑，值得一試。🥢明太子芝士玉子燒金黃色的玉子，配上明太子、芝士的鹹香，入口嫩滑味美🥢海膽右口魚邊蝦卷蝦卷香脆，加上軟糯米飯，配海膽右口魚邊，味帶鮮甜。🥢4重芝士炸蝦卷配4重芝士，入口帶有濃郁芝士香，加上香脆炸蝦，口感豐富。🍰日式焦糖芝士蛋糕焦糖香脆，芝士味香濃，口感細膩軟滑，美味飯後甜品青檸蘇打

萬華丼刺身飯 108元呢碗真係名副其實「色彩萬華丼」🌈～滿滿厚切三文魚、吞拿魚、蟹柳絲、玉子、青瓜、牛油果、仲有滿瀉三文魚籽＋櫻花蝦🧡👉 每啖都有唔同口感，魚生夠晒新鮮，肥美無筋，一啖入口已經幸福感爆燈✨📸 賣相好靚，一開餐就忍唔住影兩張～🍜 豬軟骨咖哩蕃茄湯烏冬73元好少見嘅combo但出奇咁夾！咖哩湯底加埋番茄煮得好出味，酸甜中帶香辣💥豬軟骨炆到入口即溶，完全無骨咬感！烏冬煙韌有咬口，湯汁掛麵一流～✅ 成set包沙律＋小食＋味噌湯，份量剛剛好💰價錢合理，味道有誠意！

約咗朋友喺維多利亞公園游水⋯⋯游完水超肚餓⋯⋯我嘅best friend帶咗我去一間日本餐廳！佢話上次因為一大班喺呢間日本餐廳gathering！因為呢間餐廳可以book VIP room！所以夠晒private😬⋯⋯原來呢間餐廳仲有分店喺銅鑼灣咁樣都幾方便喎⋯⋯餐廳食物質素好高，價錢仲超值添⋯⋯甜蝦唐揚甜蝦經炸過特別鮮甜！能夠帶出蝦嘅甜味！又酥脆又香口！唔需要要多餘嘅調味！就能帶出蝦嘅鮮甜味⋯⋯清酒煮蜆湯頭甜到一個點⋯⋯蜆肉超乾淨冇沙⋯⋯用清酒煮能夠帶出蜆肉嘅鮮味⋯⋯我哋連啲湯都飲晒⋯⋯究極炎之丼究極炎之丼必食⋯⋯價錢又平，份量又大⋯⋯帶子和大蝦，非常鮮甜⋯⋯左口魚經灼燒後香氣十足⋯⋯芝士豆腐，又香又滑⋯⋯加上芝麻和香蒜非常惹味⋯⋯雜錦天婦羅三隻大蝦🍤外酥脆內軟⋯⋯炸漿非常酥脆⋯⋯大蝦僅僅熟，非常美味！鮮冬菇，好好味⋯⋯花魚一夜干呢個菜式超水準！花魚肉質清香！肉質相當鮮嫩又帶鹹香！魚味相當濃郁！海鮮炒烏冬這款炒烏冬係用日式嘅沙律醬來調味非常特別！有別於我哋平時食嘅烏冬！又有蝦又有帶子🙆‍♀️⋯⋯

⭐️花魚一夜干：炭香十足，魚肉鮮嫩首先登場嘅係花魚一夜干，一上枱已經聞到陣陣炭燒香氣，魚皮烤得金黃微脆，魚肉依然保持嫩滑多汁。師傅火候控制得恰到好處，魚肉唔會過乾，入口帶住淡淡嘅鹹香同魚油甘香，蘸少少檸檬汁或者蘿蔔蓉，更加提鮮！最正係魚骨都烤到脆脆哋，可以連骨食埋，送酒一流！ ⭐️銀魚仔凍豆腐：清爽開胃，層次豐富跟住試咗銀魚仔凍豆腐，呢道前菜真係好適合夏天食！凍豆腐口感滑溜，豆香濃郁，面頭鋪滿咗銀魚仔同蔥花，再淋上少少醬油同wasabi。銀魚仔嘅鹹香同豆腐嘅清新形成強烈對比，wasabi嘅微辣更加刺激味蕾，一啖接一啖，完全停唔到口！ ⭐️究極金龍卷：奢華口感，爆炸鮮味然後係重頭戲之一——究極金龍卷！呢款卷物真係名不虛傳，內餡有炸天婦羅大蝦、新鮮吞拿魚蓉、薄片脆脆，面頭再鋪滿三文魚子。一啖咬落去，首先感受到天婦羅蝦嘅酥脆，跟住係吞拿魚蓉嘅綿滑，再加埋薄片脆脆嘅口感，層次豐富到爆！三文魚子喺口腔爆開，鮮味瞬間爆發，真係令人回味無窮！ ⭐️究極丼：海鮮盛宴，鮮甜爆燈另一個必試嘅係究極丼，呢碗飯絕對係海鮮愛好者嘅夢想！材料包括海膽、吞拿魚蓉、魚子、三文魚腩、牡丹蝦、帶子、油甘魚、左口魚裙邊，每

已經幫襯過好多次，其實食物係有水準，可惜每次限時60分鐘，就算週末60分鐘後冇人等位都必須結帳離開 ，如果想同朋友坐下傾下計，就不太合適了，如果只係填飽肚子就當然冇問題！😊

落大雨黎同friend食生日飯，一早book咗檯，安排坐門口位置，但係明明入面有兩人吉位，都唔緊要。落雨一定比較狼狽，拎住啲嘢坐低，侍應冇拎個籃俾我裝嘢，我開聲先有。坐係度等friend差唔多四個字，連杯茶都冇俾我。去到呢個位，真係連食都唔想食，想即刻走。大家如果想體驗呢啲服務，都可以黎試下🫡

最近去咗位於北角嘅人氣日本料理店「究極堂」，真係大滿足呀！佢哋嘅日本料理菜式多樣化，無論係刺身、海鮮丼、壽司，仲有創意和洋料理，真係一應俱全！🍣🍱「明太子芝士玉子燒✨」呢個玉子燒真係好正！明太子同芝士嘅結合，口感滑溜，味道濃郁，食完仲想再來一份！😍「究極炎之丼🍱」招牌丼飯上面嘅刺身質素真係一流！不同種類款式嘅刺身，配上醬汁，新鮮又好味。🍣✨「蟹膏豆腐鱈魚乾」呢個小食真係有驚喜！蟹膏同豆腐嘅組合，加上鱈魚乾，味道層次分明，真係好特別！🦀️「滑蛋吉列黑豚蛋包飯🍛」鋪滿飯上面嘅滑蛋好好食，吉列黑豚肉質嫩滑，外脆內嫩，口感超級豐富！🍳🥢「四重芝士炸蝦卷」芝士控一定要試呢個！四種唔同嘅芝士，配合裏面炸到金黃香脆嘅炸蝦，蝦肉彈牙鮮美，非常好味。🧀🍤「黑蒜濃湯豬軟骨烏冬🍜」黑蒜濃湯好香，豬軟骨煮得非常入味，烏冬非常掛湯，整體濃郁又好味。🍜❤️「究極堂」唔單止食物質素高，環境都好舒服！下次一定要再嚟。👍✨

最近轉左黎炮台山做野，試過幾次都入左難食既餐廳，之後上網睇返係居民所公認既”炮台山劣食”！所以依家入餐廳前都會上網睇下先！😂😂見到究極堂都幾多好評，呢相又吸引，就試下啦！午餐多選擇，由七十幾到百幾都有，任君選擇！我叫左究極丼，名乎其實甘究極！亦好驚自己食唔晒😂魚生種類有好多，三文魚、帶子、油甘魚、左口魚、海膽、魚籽、牡丹蝦同吞拿魚蓉！樣樣都好肥美又新鮮，無腥味！尤其是油甘魚！厚切，咬落去好爽口既肉，食落好鮮甜，好好味！牡丹蝦好大只，已經清潔好，啖啖肉！好味！海膽好新鮮，味道濃郁！撈埋個蛋黃同紫菜落去食更好味！好豐富既一個定食，超滿足！同事叫左角切魚生丼份量都好多！望落去魚生都好新鮮，大大粒！正！眼闊肚窄，樣樣想食下，所以叫左個鰻魚玉子燒！熱辣辣，內裡嫩滑，好creamy ，又有蛋味！值得一試！紫蘇梅醬軟骨雞肉串剛剛整起，好香脆，雞肉點埋梅醬食好夾！好食！好滿足既一餐，午餐飯堂！聽職員同隔離枱，話多人gathering可book佢地間房，銅鑼灣間分店都有。等我又諗諗約friend sin!

放飯時間，炮台山附近雖然多人，不過餐廳都唔少。想食海鮮丼望望餐牌就揀呢度。小店居酒屋形式，午市套餐都幾多嘢揀。究極丼老實講，都係比呢個招牌丼吸引到入嚟。帶子、海膽、牡丹蝦、三文魚腩、油甘魚、火炙左口魚邊、吞拿魚蓉、三文魚籽同炸海苔，落足料，仲要係厚切刺身。另外，自己幾鐘意佢醋飯底，有少少味食落更開胃。最後，加埋隻蛋撈飯絕對會感覺良好。炙燒刺身丼以炙燒刺身做主打，鯛魚、三文魚、帶子同蝦，一樣係醋飯底。炙燒香加上醋飯香，雖然食材不及究極丼咁豐富，但就香味十足。明太子玉子燒香滑玉子，而且明太子味唔霸道，仲有大量蟹籽增強口感。日本雞柳配牛油果蓉雞柳外層香脆，雞肉口感結實，配牛油果蓉又香又冇咁熱氣。

如果你是日式料理的愛好者，北角究極堂絕對是你的不二之選！除了北角分店，究極堂在銅鑼灣也設有分店，更貼心提供VIP房，適合大班朋友聚餐，讓你在舒適的環境下品嚐日式佳餚。說到必點菜式，當然不能錯過店內的招牌~究極炎之丼；炙燒海鮮搭配秘製醬汁，每一口都是極致享受。另一款驚喜之選是明太子芝士玉子燒，柔滑蛋香融合濃郁的明太子與芝士，讓人欲罷不能。喜歡組合式餐點的話，迷你鰻魚飯拼牛肉烏冬是不錯的選擇，口感豐富，份量剛好。清爽的海葡萄海藻青瓜沙律則是完美的開胃前菜，爽脆的青瓜與獨特的海葡萄，讓味蕾瞬間清新。而紫蘇免治雞肉軟骨則是下酒良伴，紫蘇的清香與雞肉的嫩滑，交織出絕妙風味。總結，餐廳以細膩的料理技巧與優質食材帶來真正的日式享受，無論是獨自品味還是與三五知己歡聚，都是極佳選擇！

We go to Japanese for lunch. As the weather is too hot, we need some yummy food to cool down. We ordered Aburi Sashimi Donburi, Seared Cod Roe & Salmon with Cheese Donburi, Cheesy Fried Egg with Cod Roe and Mini Sweet Potato. The food is as good as usual. We went to the restaurant before. They can keep the quality. The sashimi is fresh. The cheese inside the egg melt and tasty. We have good dining experience.

早前朋友生日第一次試呢間餐廳，現場環境係有啲迫，不過勝在無時限，所有食物都好精緻，而且質素一啲都唔差，佢哋嘅壽司真係好好食好煙靭嘅飯，尤其是當中有一個梅子大葉卷真係做得好過好多日本餐廳，所以一個月內去咗兩次，好掛住佢哋嘅壽司，其實其他料理都唔錯，食物精緻份量唔大，所以可以試多幾樣嘢。另外佢哋嘅飲品賣相亦都相當精緻，酒類有全日八五折而啤酒買一送一都相當優惠。唯一美中不足就係10:00左右就已經清場，其實現今香港好多餐廳咁早閂門真係好掃興

呢間同家人朋友幫襯過幾次，之前去銅鑼灣店都好滿意，今日就帶未試過既朋友嚟炮台山店食飯～仲記得之前同大班朋友嚟食，仲有間房可以坐，好方便傾計！今次就坐吧枱，一樣係咁舒服好坐～［溫泉蛋蟹肉沙律］賣相好靚，我本身唔食蕃茄仔，但試咗一粒勁新鮮爽脆，撈埋個芝麻汁同埋溫泉蛋黃，味道好balance～［究極火龍卷］名符其實既一道菜，竟然真係識著火，賣相滿分！入面有6件手卷，6件個topping都唔同款，一碟就可以食勻晒，中間仲有個炸到好酥脆既蝦頭，好有趣！［鰻魚芝士玉子燒］玉子好嫩滑，加埋入面鰻魚肉，熱辣辣，居酒屋必食！［海膽右口魚邊蝦卷］賣相精緻，一啖就有齊豐富海產味道［究極炎之丼］熱辣辣既一碗丼飯，刺新好肥美，火炙過後好香口，正！飲品方面，我地點咗［巨峰提子蘇打］同埋［青檸蘇打］，真係有幾粒青檸可以篤，唔會好假好甜，解膩啱啱好～朋友都覺得我冇介紹錯，呢度可以食到有別於一般日本餐廳既創作料理，又靚又好食！佢地平日仲有豐儉由人既lunch menu，就算一個人嚟都可以盡興～！